اختر حرف : ا - ب - ت - ث - ج - ح - خ - د - ذ - ر - ز - س - ش - ص - ض - ط - ظ - ع - غ - ف - ق - ك - ل - م - ن - ه - و - ي -

كلمات ترنيمة هَوِّنها وِعَدِّي الأزمات

1-

اسندنا يا ربنا يا معين رافعين لك أيادينا علشان

لمراحمك كلنا طالبين

نجي قلوبنا من الأحزان

( هونها وعدي الأزمات وابعت لنا فرحة وبركات

وهنستنى الاستجابات

واثقين فيك دايماً يا معين ) (2)

2-

اللي لوحده مالوش اصحاب كل الناس بعدوا ونسيه

بوجودك ينسى الأتعاب انت حبيبه وانت أبوه

( هونها وعدي الأزمات وابعت لنا فرحة وبركات

وهنستنى الاستجابات مالناش غير حضنك يا يسوع ) (2)

3-

اللي مريض وعلاجه محال متألم مش لاقي دواه

اول ما هتؤمر في الحال هيلاقي نجاته وشفاه

( هونها وعدي الأزمات وابعت لنا فرحة وبركات

وهنستنى الاستجابات انت الشفا وحدك يا يسوع ) (2)

4-

اللي في ضيقة وقلبه كئيب من كتر الأوجاع مكسور

جرحه بلمساتك هيطيب وهيرجع راضي ومجبور

( هونها وعدي الأزمات وابعت لنا فرحة وبركات

وهنستنى الاستجابات شدة وبيك هتزول يا يسوع ) (2)

5-

اللي عليه ديون والتزامات وما بينامش من التفكير

هتسدد له الاحتياجات

وتعوضه اكتر بكتير

( هونها وعدي الأزمات وابعت لنا فرحة وبركات

وهنستنى الاستجابات دا رجانا في غناك يا يسوع ) (2)

6-

اللي بيبكي على اللي سابوه مش عايز يتعزى في يوم

مين غيرك انت يقويه

ويفرح قلبه المهموم

( هونها وعدي الأزمات وابعت لنا فرحة وبركات

وهنستنى الاستجابات عزينا بوعدك يا يسوع ) (2)

____________________

* كلمات: مينا مجدي - ألحان ماهر فايز (من ترنيمة أخرى) -

ترنيم: نعمه اسحق - كورال: سامح عطا، مهاب جميل، سامح سعد، روبير سمير.