اختر حرف : ا - ب - ت - ث - ج - ح - خ - د - ذ - ر - ز - س - ش - ص - ض - ط - ظ - ع - غ - ف - ق - ك - ل - م - ن - ه - و - ي -

كلمات ترنيمة مش مهم إن طال ظلام الليل

(1) مِش مُهِمّ إن طال ظلام الِّليل وعتِّم حولِنَا وجِا يطفِّي ضيِّنا ما بقِينا نميِّز ملامِح نسَّانا قدّ ايه انت صالِح تُهنا بِين أفكار كتِيرَه تهِمِّنَا مهما طال الِّليل بيِمشي ويِيجي نُور ودمعِة الأحزان ها تِتلوِّن سُرور

(2) لو ها نِنكر فِيك صلاحَك يِبقى فاضِل إيه بَقَى دا صلاحَك فِيه الرَّجا هُوَّ بيجاوب السُّؤال هُوَّ بيهوِّن مُحال كلّ لُغز وحِيره بِيه يِصبَح رِضَا إنت صالح أيوه صالح للدُّهور وبكِدَا بنُشكُر على كلّ الأُمُور

(3) مِش مُهِمّ ان جات ظُرُوفنا عَكس ما كُنَّا نِرِيد وجات نُفُوسنا في الحديد والسُّؤال بَقَى 100 سُؤَال والصُّعوبه بَقِت مُحال وِمَلِتنَا الحِيره والغمّ الشِّديد إنتَ قادِر ع الأُمُور دي كلَّهاوِانتَ عارِف إمتَى تِيجي تحِلَّها

(4) أيّ حاجَه جنب حبَّك تِبقى مِش صحّ المُقَارنَه مهما يِتأخَّر نهارنا مِش ها نِتسائِل في حبَّك مِش هانِتساهِل في حبَّك مِش ظُرُوفنا إلِّلي ها تغَيَّر قرارنا حبَّك انت حاجه تانيَه لوَحدها مِش هايِنفَع جنبُه حاجه نحُطَّها