تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

كلمات ترنيمة كل ما أحس أن أنا وحداني

كل ما احس ان انا وحداني

والاقي همومي بعيد وخداني

كل اما ضعفي يقرب مني

والاقي ايدين الخوف شداني

بلجا اليك واتحامي فيك

وبحب اب تمد ايد وتاخدني ليك

الاقي الامان وانسي الي كان

وانهض واقوم ناسي الهموم

ايدي في اياديك

يا اوفي قلب يحبني ويخاف عليه

ايديك يا رب احن ايد تمسك ايديه

في وسط عتمه الحياه انت الي ليه

لو مره تهتت وسبت مكاني

وفشلت اني ارجعلك تاني

صوتك يردني ويفكرني

ان انت حضنك كان عنواني

انهض وافوق وارجع بشوق

وبعد خزي وعاري ترفع راسي فوق

افضل معاك ستري في حماك

وبعد ظلمه قلبي يدخلي الشروق

لما الانين يبتدي يملااني

وهموم وخوف مالي كياني

ايدك بتنزع كسرتي مني

وتداوي كل الجروح في ثواني

ما انت الطبيب وانت الحبيب

لو كله سابني وكله باع انت القريب

قلبك كبير خيرك كتير

واسرني فيك يا الهي بالحب العجيب

يا اوفي قلب يحبني ويخاف عليه

ايديك يا رب احن ايد تمسك ايديه

في وسط عتمه الحياه انت الي ليه