تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

كلمات ترنيمة زي شمعة في وسط ضلمة كنت نور

(قرار) زى شمعة ف.وسط ضلمة كنت نور زى زرعة وطارحة ثمرة فى أرض بور

كنت بسمة للحزين ..كنت راحة للتعبانين ،

وبجهاد طول السنين من غير فتور

1- ياللى من صغرك وعايش زى الملاك ،

الملايكة يشاركوا فى التسبيح معاك ليلك كله دا كان صلاة ، جهاد وتسبيح للإله ، قولى إنت من هنا ولا هناك .

2- ياللى عشت راهب وناسك للمسيح ،

ترفض الراحة وتهرب م المديح ، ويقولولك إنك عظيم ،

وتقول دا أنا من المساكين ، وإنت بين القديسين سابق الريح

3- عينك بسيطة قلبك منور بالإيمان ،

نور ينور حتى من إيديك كمان ،

كنت فى الجهاد أمين ، مع السواح القديسين ، ما إنت ما كنتش تدين أى إنسان .

4- نظرة واحدة كانت بترهب شياطين ،

حتى منديلك بيحرق ملايين ، كنت ثابت فى الجهاد ،

مهما زادوا فى العناد ، واخد نصرة على البعاد من المعين

5- عشت بالزهد فى حياتك ليل نهار ،

قمع جسدك هو سر الإنتصار وعشان شهوتك تموت ،

ولايوم فى قلبك تفوت ، كنت تخلط أى قوت مع السولار .

6- إشفعلنا عشان نكمل الطريق

، وعن ولادك ترفع صلاة فى كل ضيق ،عشت على أرضنا ومكنتش زينا إحنا شفيعنا فى السما راهب مضىء.

____________________

* كلمات وألحان: سلامه جرجس سلامه.

* الترنيمة عن الراهب فانوس الأنبا بولا.

* لاحظ أنه لم يتم الاعتراف رسميًا (من المجمع المقدس) بقداسة الأب بعد.