اختر حرف : ا - ب - ت - ث - ج - ح - خ - د - ذ - ر - ز - س - ش - ص - ض - ط - ظ - ع - غ - ف - ق - ك - ل - م - ن - ه - و - ي -

كلمات ترنيمة رغم الألم | يا رب مين يقدر يداوي

(1) يا رب مين يقدر يداوي اللي انجرح

يشفي بكلمه مهما كان عمق الآلام

وقت الدموع فوق الخدود تدي فرح

تدي القلوب وقت الكروب راحه وسلام

(ق) إنت اللي قلبك كله جود من نحونا

كلك صلاح أبدا ما ترضى تضرنا

وقت الألم عندك بنيجي وننحني

فكرك أكيد أعلى بكتير من فكرنا

(2) رغم الظروف نشهد نقول إنت أمين

جودك عظيم وقت المحن بتأكده

كل الجراح تشفيها وان مرت سنين

واللي انكوى بنار الألم بتسنده

(3) كاهن عظيم قادر رحيم ربي يسوع

مهما نقابل من مشاكل من آلام

يقدر يعين متجربين يمسح دموع

يشفي أنين المكسورين يدي سلام

(4) دي حكمتك نخضع لأمرك يا حبيب

إنت الحكيم فوق العقول طرقك يا رب

بعد السفر لازم يروح بيته الغريب

وانت رفيق للي ف سفر وأحن أب