اختر حرف : ا - ب - ت - ث - ج - ح - خ - د - ذ - ر - ز - س - ش - ص - ض - ط - ظ - ع - غ - ف - ق - ك - ل - م - ن - ه - و - ي -

كلمات ترنيمة حقيقي تِعِبْت

ماحدش حس بظروفي في وقت الاحتياج لفيت ..

ادور ع اللي ممكن اكون ف احضانهم انا اتدفيت ..

قبلت العيشة ف اللذات لكن كان الدفا لحظات ،،

لقيتني بسرعة عيشت سكات ووهم الحب بيه اتغطيت ..

قرار 1

فضولي يارب خلاني اجرب عيشتي برة البيت ..

سمعت لقلبى وطاوعته ومن بعديها انا اتعريت ..

لبست لـ توب ماهوش توبى كشفنى وعرى فى ذنوبى ,,

حاولت اتدارى بعيوبى لقيت حبك سترنى بكيت ..

غرور واتملك إحساسي بسببه بعدت و اتغربت ..

قصادي اتحط نوع م الناس نسيت نفسي ليهم قربت ..

دخلت ف دايرة مقفولة وخليت روحي مكسورة ،،

شروخ موجودة ف الصورة ومن شكلي حقيقي تعبت..

قرار 2

فضولي يارب خلاني بأن اقسي عليك فـ عاندت ..

واستاهل اني تسيبني اتوه واعيش تعبان لاني غلطت ..

في لحظة قلت ارجعلك جريت وانا قلبي مشتاقلك ،،

ولسة يارب هاندهلك لقيتك انت جيت وسبقت ..

____________________

* كلمات: مادلين أنيس - ألحان وترنيم: بيمن بديع.