اختر حرف : ا - ب - ت - ث - ج - ح - خ - د - ذ - ر - ز - س - ش - ص - ض - ط - ظ - ع - غ - ف - ق - ك - ل - م - ن - ه - و - ي -

كلمات ترنيمة بتعدي الأيام

* بتعدي الأيام واحنا بننسى اوام كل اللي انت عملته معانا حب ورحمة وخير وأمانة وبنملى مكانك جوانا بحاجات اي كلام

* وبنرجع نحتاج لحماية ولسياج نرجع نفتكرك ونجيلك ونادي ونبكي ونشكيلك ونلح عليك ونصليلك لما يجيلنا مزاج

* والغريب ان انت لسة بتستحملنا وبترضى بينا لسة ماقفلتش بابك في وش اوحش حد فينا واللي اغرب ان احنا لسه مستسهلين صبرك ياربي مستسهلين حبك اوي مع انه كتير علينا

* مش ده اللي يليق بيك ولا ده اللي بيرضيك بنغيب وبنبعد ونعاني فابنضطّر نرجع تاني سطحيين تفكرنا اناني ومش بنفكر فيك

* وانت العكس صحيح مستحمل تجريح بس مكمل حبك لينا ولا بتسيبنا ولا بترمينا واحنا ماحدش حبك فينا حب حقيقي صريح

____________________

* من مرنمي الترتيلة: كورال فريق "المس إيدينا" -

كلمات: إميل يوسف - ألحان: فادي طلعت.