13 فرقا بين الناجح والفاشل

[بنت الفادى]

شكرا ليكى يا ديانا فعلا ال 3 موضيع مع بعض جمال جدا لانهم بيوصلو معنى واحد ميرسى ليكى يا قمر​

 

[بنت الفادى]

على قد ما الموضوع رائع على قد ما انا شعرت بالحزن على نفسى .. كل ما قيل عن الفشل فهو متوافر فى شخصى .. ودائما ابحث على سبب فشلى فى الحياة واجدة امامى ولا استطيع معالجتة لاننى قد انجذبت فى دائرة مغنطسية قوية جداا وهى دائرة اليأس والتقوقع داخل ذاتى .. ومن هذا المنطلق احب اضيف شىء هام جداا وهوالعدو اللدود للنجاح(اليأس) فهو داء ليس لة دواء وعندما يتملك على الانسان يكون كالسرطان يتفشى فى جميع جوانب الحياة ويصبها بالفشل فى كل شىء من الجانب الروحى والوظيفى والعلمى والنفسى .. الى اخرة .. لذلك فلابد لكى يكون الانسان ناجحا ان يتحلى بقوة الاحتمال والصبر .. وانا الان تحضرنى قصة قراتها لعالم كبير كان يقوم بتجربة علمية مع تلميذ من تلامذتة وقد اجرى التجربة اكثر من مائة مرة حتى تذمر التلميذ وقال لمعلمة نحن قمنا بالتجربة مائة مرة ولا توجد نتيجة ناجحة فلماذا اذا نستمر فى اعادة التجربة .. فقال لة معلمة .. نعم نحن قمنا باجراء التجربة اكثر من مائة مرة وفشلنا ولكن فى كل تجربة كانت فاشلة كانت معها نتيجة مختلفة عن قبلها فاذادتنا علما وخبرة فى اجراء التجربة التى تليها حتى نصل الى النجاح ... وشكراا جدااا على الموضوع .. وارجو ان تذكرونى فى صلاتكم ..​

​

الحقيقه يا يوساب كلامك دا قصر فيا كتير قوى مش عارفه ارد عليك اقول ايه لكن اساس الحياة هى الامل لازم يكون فى امل علشان نقدر نكمل من غيرة مش هنعرف حاول تحط اى امل قدامك علشان تقدر تكمل
ربنا معاك ويبارك حياتك​

 

[free_adam]

قادر وتعملها​

فاشل انت فاشل !! أكيد كلنا سمعنا الكلمة ديه كتير أوي من اهالينا من اصحابنا او حتى من نفسنا ، مش بس سمعناها في كلامهم لكن كمان شوفناها في عنيهم ... لدرجة انك ولو مره حسيت بالنجاح تحس اني فيه حاجه غلط حرام عليك نفسك يا أخي
مفيش حد فينا فاشل كل واحد فينا "قادر ويعملها "
بس المشكله اننا مش فاهمين و مش عارفين يعني إيه نجاح ؟؟!! ولا حتى امتى ابقى ناجح ؟؟؟ النجاح مش هو انك تجيب 99% في الثانوية العامة وتدخل كلية الطب ولا الهندسة ... ولا هو انك تبقى واد كسيب وتعرف تجيب القرش منين ؟؟ يمكن تكون دي صورة من صور النجاح الكتير اوي ... لكن من مش هو ده معنى النجاح ....
النجاح الحقيقي :
- هو اني اعرف نفسي ومواهبي وأقبلها واستثمرها .
- هو كمان مش خطوة والتانية ابقى وصلت لكنه مشوا والراجل ميقولش تعبت
- هو اني النهاردة احسن من امبارح وامشي لقدام حتى ولو خطوة واحده بس ...
مش اني افضل اهري وانكت في نفسي وهدفي إني ابقى احسن من كل الناس
وتبقى كل العيون علىّ بتبص .
- هو اني أكون نفسي مش اكون غيري عشان كل واحد فينا هو انسان مميز
ومختلف عن الباقيين ..
يقدر يعمل حاجات غيرة ميقدرش يعملها وما يعرفش يعمل حاجات غيره كتير يعرفوا يعملوها .
- هو اني اخزن حاجات حلوه واتعلم حاجات جديده لغاية لما يتفتحلي الباب وابقى مستعد وقتها اعمل حاجات ناجحه ومفيده
- واهم معنى للنجاح هو نجاحي في علاقتي مع ربنا ومع الناس ومع نفسي .
بس السؤال ازاي ابقى ناجح ؟؟؟
- اتعلم تاخد قرارك بنفسك بعد ما تدرسه كويس
- اتحكم في ردود أفعالك وطريقة استقبالك لأي حاجه تقابلك
- اتعلم من غلطك بدل ما تندم عليه ادخل التجربة مر واتنين ومليون لا تزهق ولا تمل .. خلي نَفَسك طويل
- خليك مقتنع بفكرتك وحلمك وفكر إزاي هتوصل ليه مهما كانت الظروف حتى لو كان فيه اسوار ... انت تقدر تعديها
- متبنيش نجاحك على حساب حد تاني و اوعى تنسى إنك مش بتتقاس بقد إيه انت ناجح ؟
خلى بالك أكيد هتلاقي حاجات تعطل نجاحك زي
1- التشاؤم بعد ما تفشل في أي حاجه 2- التهور والكسوف والخوف
3- الاستعجال في الوصول للهدف مهما كانت النتايج .
Take care على نفسك لما تفشل او لما تنجح
لما تفشل خلي بالك م الاحباط والاستسلام .... ولما تنجح خلى بالك الكبرياء والكسل
جمد قلبك ومتخفش م الفشل .... متبقاش طير جناحه مكسور حط عنيك على هدفك ومتفقدش الامل ...
ميهمكش الظروف خليك زي النسور والاهم خليك قريب من ربنا لانه هو سر النجاح وهو الى بيدى النجاح

بصراحة يا بنت الفادي مش عارف أرد أقولك أيه ...... كلامك أكتر من رائع ..... بجد أنتي عشرة علي عشرة

 

[بنت الفادى]

بصراحة يا بنت الفادي مش عارف أرد أقولك أيه ...... كلامك أكتر من رائع ..... بجد أنتي عشرة علي عشرة

ميرسى ليك وعلى كلامك الجميل قوى
ربنا معاك​

 

[ramyghobrial]

ياجماعه ارجوكم حرام
مش معقولة كدة
اي حد ياريت اتمنى انة يعمل سيرش في القسم عن اي حاجة من محتويات الموضوع
لان بعد الردود والاراء دي يبقى حرام يتحذف
انا مش هاشيل الموضوع ياقيصر
بس هاوريك اللينك
http://www.arabchurch.com/forums/showthread.php?t=9668&highlight=%C7%E1%E4%C7%CC%CD+%E6%C7%E1%DD%C7%D4%E1

ياريت بعد كدة ياجماعه
قبل مانزل اي موضوع نعمل سيرش بسرعه
واذا لاقيناه ممكن نحط ردنا ونشطة من جديد

 

[القيصر]

ياجماعه ارجوكم حرام
مش معقولة كدة
اي حد ياريت اتمنى انة يعمل سيرش في القسم عن اي حاجة من محتويات الموضوع
لان بعد الردود والاراء دي يبقى حرام يتحذف
انا مش هاشيل الموضوع ياقيصر
بس هاوريك اللينك
http://www.arabchurch.com/forums/showthread.php?t=9668&highlight=%C7%E1%E4%C7%CC%CD+%E6%C7%E1%DD%C7%D4%E1

ياريت بعد كدة ياجماعه
قبل مانزل اي موضوع نعمل سيرش بسرعه
واذا لاقيناه ممكن نحط ردنا ونشطة من جديد

اهلا بيك اولا
ثانيا انت ليه معصب تقدر تمسحه كله
انا ما ما اقدر على زعلك
اقدم اعتذاري الشديد لك يا اخي

 

[ramyghobrial]

اهلا بيك اولا
ثانيا انت ليه معصب تقدر تمسحه كله
انا ما ما اقدر على زعلك
اقدم اعتذاري الشديد لك يا اخي

انا اللي بتاسفلك بس كنت انا في حاله لا ترثى لها
وتعبان جدا وعندي ضغوط نفسية وعصبية عليا
بس الحمدلله بصلواتكم بقيت كويس
واسف لعصبيتي غير المبررة في كتابة الرد