☺(لقاء مع y_a_r_a )☺

[M a r i a m]

هههههههههههههههههههه
ماشي ياتوتى دى اخره المعروف اللى بينا؟30:
داخلة تشمتي فيا:t9:
وتقوليلي ارجعلك:smil8:
ماشي ياختى تنوريني:warning:​

 

[جيلان]

رد على: ☺(لقاء مع y_a_r_a )☺

يا لهوى يا مصيبة
خمس صفحات فى اول يوم
ولسة فى حبايب كتير فى السكة
يعنى نقول 5 × 7
انتظرى 35 صفحة ده انتى هتشوفى ايام سودة
انا فى اى كرسى اعتراف كبيرى مشاركة بس هنا هوريكى الويل
بس طبعا لسة عند وعدى
انا مش هسأل​

 

[M a r i a m]

هههههههههههههههه
اصيله يابت داخلة تنقي وتقري على حبايبي وتطلعى
المهم انك عند وعدك دى اهم حاجة
بعدها يبقي اتنططي وادخلى براحتك ياباشا تنورى​

 

[Coptic Man]

ايه ده مرمر هنااااااااااااا

طيب مفيش حد يقول كنت جيت من بدري عماتا ملحوقة

منورة يا مريوم :smil16:

ممكن اسائلك شوية يا .....

اكيد متقدريش تقوليلي لا :11azy:

استعنا علي الشقا بالله

1- من امتي وانتي بتشاركي علي الانترنت ؟

2- اول اصدقاء اتعرفتي عليهم ؟

3- ايه اكثر حاجة اللي بتجذبك للشخص سواء بنت او ولد ؟

4- بتحبي القراءة ؟ لو بتحبيها ايه اكثر كتاب عجبك وايه فكرته بعيد عن الكتاب المقدس طبعا

5- بتحبي تسمعي موسيقي لمين واجنبي ولا عربي ؟

6- ايه امنيتك اللي نفسك تحققيها لما تكبري ؟

7- انتي لسه صغيرة بس قوليلي فيه هدف حققتيه ؟

8- وجهي 5 رسائل ل 5 اعضاء تعرفيهم في المنتدي و 5 زيهم ل5 مشرفين ؟

9- مصر بالنسبة ليكي ايه ؟

10- اكتبلنا عن يومك وايه اللي بتعمليه ؟

11- احكي موقف مضحك حصل معاكي ؟ وموقف انكسفتي فيه ؟

12- تحبي تقولي حاجة لاونكل مينا هههههه

ولنا رجعة اخررررررررري ان شاء الله

 

[*malk]

على البركة يا مريم

كوبتك قااااااااااااام بالواجب

الة ينور يا اسطى

قصدى يا كويتك

 

[M a r i a m]

ايه ده مرمر هنااااااااااااا
لالا مشيت خلاص

طيب مفيش حد يقول كنت جيت من بدري عماتا ملحوقة


منورة يا مريوم :smil16:
نورك ياباشا

ممكن اسائلك شوية يا .....
يا ايه ؟ يومك مش فايت يامينا


اكيد متقدريش تقوليلي لا :11azy:

استعنا علي الشقا بالله


1- من امتي وانتي بتشاركي علي الانترنت ؟
من حوالى سنة ونص بس عامة كنت بقعد على النت من زمان بس علشان اطلع منه موضوعات ابحاث كدة يعنى لكن مكنتش بشارك


2- اول اصدقاء اتعرفتي عليهم ؟
ممممممم اول ناس عرفتها توتي وتويتي وايمي واستير وحضرتك طبعا


3- ايه اكثر حاجة اللي بتجذبك للشخص سواء بنت او ولد ؟
مممممممممم اكتر حاجة بتجذبني انى احس بالراحة والبساطة لما اشوفه يعنى مش تكون شخصية غامضة
يعنى أحس انها مباشرة وصريحة واللى فى قلبها على لسانها من الاخر كتاب مفتوح قدامك تقدر تقراه وتفهمه بسهولة

4- بتحبي القراءة ؟ لو بتحبيها ايه اكثر كتاب عجبك وايه فكرته بعيد عن الكتاب المقدس طبعا
اه بحب القراءة جدا وفى كتب كتير جدا عجبتني بس يمكن اخر كتاب كنت بقراه قريب وشدنى اوى اسمه حماري قال لى شدتنى اوى طريقة كتابة توفيق الحكيم جميلة جدا وبيستفز اللى بيقرا بأسلوبه رغم ان الكتاب فيه تريقة عن البنات بصفة عامة بس عجبني جدا اسلوبه وبحب اوى روايات هاري بوتر

5- بتحبي تسمعي موسيقي لمين واجنبي ولا عربي ؟
بحب الموسيقي الاجنبية الهادية جدا وخصوصا ل yiruma
وبحب مقاطع موسيقي لعمر خيرت فى العربي

6- ايه امنيتك اللي نفسك تحققيها لما تكبري ؟
ممممممم نفسي ادخل الكلية اللى بحبها واللى ربنا يختارهالى وأكون معيدة فى الجامعة واكمل ماجيسيتير ودكتوراه طبعا ونفسي اكتشف حاجة تفيد البلد وأكوّن أسرة ناجحة مع المسيح


7- انتي لسه صغيرة بس قوليلي فيه هدف حققتيه ؟
فى كتير بس لسه فى المشوار مش هدف كامل
يعنى حققت هدف نجاحى
قدرت أخد مركزاول على مدرستي من وانا فى ابتدائي جايز فى ابتدائي كان سهل اخد حقي علشان مدرستي كانت راهبات
لكن فى اعدادى كان صعب جدا وخصوصا فى بلدي اللى متعرفش التعصب ابدا ومع ذلك خدت مركز اول مدرسة ال3 سنين والسنة دى كنت مركز اول ادراة وقطاع
حققت هدفى فى انى انظم وقتى مابين الدراسة وهوياتى والكنيسة


8- وجهي 5 رسائل ل 5 اعضاء تعرفيهم في المنتدي و 5 زيهم ل5 مشرفين ؟
اوجه رسالة لنونو جيرل مجهودك جميل ياقمر فى المنتدى وعقبال مانباركلك على الاشراف
اوجه رسالة لمورا مارون موضوعاتك روعة بجد وبتعجبني جدا
رسالة لانجى لوف جيسس افتقدناكى كتيرررررررر وحشتينا خالص
رسالة لايمي وحشتيني خالص وعايزينك فى المنتدى تانى

بالنسبة للمشرفين ​

اوجه رسالة لتويتي وحشانى خالص والف مبرووووووك على الخطوبة ياقمر
رسالة لميرو انجيل وحشانى خالص واخيرا رجعتى تنورى منتداكى تانى
رسالة لمرمر مارو فينك يابنت اشتقت لشقاوتك وجنانك فى المنتدى تانى
رسالة لفادية وحشتيني موووووت والف مبرووووووك للاكليل وعقبال النونو
رسالة لارووجة ربنا يسامحك على الكرسي ده بس برضه عسل

9- مصر بالنسبة ليكي ايه ؟
مرات بابا:010105~332:

10- اكتبلنا عن يومك وايه اللي بتعمليه ؟
مممممممممم عادى بقوم الصبح افطر واخد خلوتى واتنطط شوية فى البيت او اعمل رياضة خفيفة اوضب سريري اصلي هادية جدا فى نومى
وطبعا كعادتى الزق فى النت اليوم كله ولو فى نشاط فى الكنيسة او المهرجان او افتقاد كدة يعنى
ممكن اطلع مع اصحابي او البيت ممكن امارس هواياتى شوية ارسم اقرا اشتغل بور بوينت كدة يعنى
طبعا اروح لتيته حبيبة قلبي ربنا يخليهالى بس مش يوميا يوميا اوى
وشوية قدام التليفزيون
ونص اليوم باكل وانام :8_5_19:
ومتنساش فى فاصل لبرنامجى اليومي هيا بنا نتخانق

11- احكي موقف مضحك حصل معاكي ؟ وموقف انكسفتي فيه ؟
هههههههههههه هاقول ايه ولا ايه؟
هاقولك اقرب موقف حصل مضحك ومكسف فى نفس الوقت
هو يوم من ايام المعسكر كنت مش طبيعية فيه مش عارفة مكنتش بقول جملة كاملة صح على بعضها
كنا فى الاوضة وبقول للبنت اللى جنبي اول ماقومنا الله الهوا مع الشباك بيعمل تيار جامد
ده بدل ماقول الباب مع الشباك
ولما نزلنا الكورنيش كان فى راجل بيصطاد على الشط وعاملين نتخانق هيصطاد ولا لا
اخر مااتغاظت قولتلها يابنتي افهمى اكيد هيصطاد علشان البحر فيه ميه
ده بدل ماقول سمك
طبعا الكل كان بيضحك عليا لانى تقريبا ماقولتش جملة مفيدة
المهم بقي واحنا راجعين المعسكر كان وقت الغدا نازلة السلم بضحك واتريق على البنات وبثقة بقي وبنفتكر اللى حصل من أول اليوم وفجأة لاقيت واحد من اللى بيعملوا الاكل فى المطعم بتاع المكان طالع بيجري على السلم وماسك عيش فى ايده وانا مش واخدة بالى
من الخضة طلعت اجري على السلم لفوق وزعقت جامد البنات اللى كانوا معايا اتفرشوا فى السلم والعيش وقع والحمد لله جوعنا اليوم كله وانا طبعا اللى اتضحك عليا مش البنات


12- تحبي تقولي حاجة لاونكل مينا هههههه
اشوف فيك يوم :01a0ff~139:


ولنا رجعة اخررررررررري ان شاء الله

عارف لو شوفتك هنا يامينا؟
مش هيحصل طيب :110105~127:​

 

[Coptic Man]

هههههههههه

شكلها كانت سفرية حلوووووة

ضحكني خالص موقف العيش ده يا تحفة هههههه

 

[M a r i a m]

ههههههههههههه
شكلك بتقر وهتحسدنى بقي
ربنا يستر
ياحول العالم
اومال لو طولت شوية؟
وكفاية ضحك ده المعسكر كله ضحك عليا​

 

[M a r i a m]

على البركة يا مريم

كوبتك قااااااااااااام بالواجب

الة ينور يا اسطى

قصدى يا كويتك

ههههههههههههههههه
شكلك داخلة تشمتي وتهدى النفوس
وتقولي على مينا باشا اسطى؟
لالا يونكن مش معقول لوكال مووووووت ياي
مش اقبلها ليك يامينا
لازم تتصرف​

 

[sony_33]

رد على: ☺(لقاء مع y_a_r_a )☺

هاى yara عاملة اية اخبارك
عندى كام سؤال غلس كدة لو سمحتى
1_اية احسن موضوع شاركتى فى فى المنتدى( غير مواضيعى طبعا):36_1_3:
2-هل انتى مشاركة فى اى منتدى تانى(غير الى انا مشترك فيهم):big62:
3_اية اطرف شئ حصلك فى حياتك:554cc:
4_ماذا تتمنى ان تكونى فى المستقبل:259pr:
5_اية رايك فى التعليم فى مصر:36_1_47:
6_اية رايك فى الكام سؤال الغلسين دول:t11::t11::11_12_13[1]::big64::12F616~137::12F616~137::12F616~137:​

 

[M a r i a m]

رد: رد على: ☺(لقاء مع y_a_r_a )☺

هاى yara عاملة اية اخبارك
كويسة خالص اوى جدا مش شايف اللى انا فيه؟

عندى كام سؤال غلس كدة لو سمحتى
اتفضل
1_اية احسن موضوع شاركتى فى فى المنتدى( غير مواضيعى طبعا):36_1_3:
مممممممم بصراحة فى مواضيع كتير بجد عجبتني جدا خصوصا لماما كاندى ودونا نبيل وقلم حر ونونوجيرل فى القسم العلمى وموضوعات المحاورين جميلة جدا وميرو انجيل والاخ استفانوس وكاتى فى الموضوعات الروحية
كل الموضوعات دى بتعجبني جدا ليهم
2-هل انتى مشاركة فى اى منتدى تانى(غير الى انا مشترك فيهم):big62:
اه مشاركة فى منتديات تانية كتيرة بس مش بنفس النسبة اللى بشارك بيها هنا
3_اية اطرف شئ حصلك فى حياتك:554cc:​

كرسي الكهربا اللى انا فيه ده :smil8:​

4_ماذا تتمنى ان تكونى فى المستقبل:259pr:
أتمنى أن أكون طبيبة أو مهندسة ناجحة و أكون معيدة فى الجامعة اللى هدخلها اصلي بصراحة بعشق الرياضة والعلوم معرفش اختار بينهم جايز احدد فى الثانوية بس هو اغلبية علمى علوم يعنى طب باذن يسوع
5_اية رايك فى التعليم فى مصر:36_1_47:
ههههههههههه
ليه الاحرج ده؟
انا هاقولك حاجة واحدة مش جديدة كلنا عارفينها
الاديب المصري الراحل طه حسين قال ان
التعليم كالماء والهواء
شوف دلوقتى الميه شكلها ولونها ايه؟
والهواء بيعمل امراض قد ايه؟
وانت تعرف ايه التعليم فى مصر
شوف البنت اللى من اسكندرية وطلعت اذكى بنت فى العالم
انا متأكدة انها بعد ماتتعلم فى مدراس مصر الحبيبة مش هتبقي بنفس مستوي الذكاء وادينا قاعدين


6_اية رايك فى الكام سؤال الغلسين دول:t11::t11::11_12_13[1]::big64::12f616~137::12f616~137::12f616~137:​

ههههههههههههههههههههه
مانت قولت خلاص
لا بجد كفاية نورت الكرسي والموضوع بحاله​

 

[جيلان]

رد على: ☺(لقاء مع y_a_r_a )☺

شوف البنت اللى من اسكندرية وطلعت اذكى بنت فى العالم
انا متأكدة انها بعد ماتتعلم فى مدراس مصر الحبيبة مش هتبقي بنفس مستوي الذكاء وادينا قاعدين

اكيد اكيد قصدك عليا طبعا:smil12:

 

[*malk]

شوف البنت اللى من اسكندرية وطلعت اذكى بنت فى العالم
انا متأكدة انها بعد ماتتعلم فى مدراس مصر الحبيبة مش هتبقي بنفس مستوي الذكاء وادينا قاعدين

اكيد اكيد قصدك عليا طبعا

ابقى وضحى كلامك يا مريم
يحسن فى ناس بتفهم غلط هناا
ههههههههههههههههههههه

 

[M a r i a m]

لالالالالالالالالالا
انتى يابنتي بالفطرة مش مدارس ولا حاجة
اى خدعة​

 

[M a r i a m]

ابقى وضحى كلامك يا مريم
يحسن فى ناس بتفهم غلط هناا
ههههههههههههههههههههه

ههههههههههههههههههههههههههههه
اه فى كتير
ماهو ذكاء برضه​

 

[احلى ديانة]

رد على: ☺(لقاء مع y_a_r_a )☺

اهلا وسهلا بيكى يا يارا على الكرسى

ياريت يكون الكرسى عاجبك


دا مس زى كرسى البيض الى جبتية دا كرسى متين

واكيد الناس متوصية بيكى هنا


بس عيب انا لازم اشارك برضوا

ولا هقف اتفرج كدة بس


بصى بقى يا يارا انتى قلتيلى انك مسافرة وانا قلت الحقك قبل ما تسافرى بدل ما تهربى


وانتى الى جبتية لنفسك بقى

-امتى قريتى حد غلط وكنتى مفكراه انسان وطلع الحيوان احسن منة ؟ (عسل السؤال ده عارفه وياريت بالاسم )
2-اكتر كلمة بتحبيها واكتر كلمة بتخنقك ؟

3- احلى موقف عدى عليكى ومش قادرة تنسية واوحش موقف بردو وياريت تحكية ؟

4 - لو قدامك بير مية وانتى فالصحرا
وهتموتى من العطش هتشربى ولا لا
بس المشكله انك لقيتى جمل بيشرب منه قبلك
ها هتشربى ؟ (بس احتمال متلاقيش بير تانى تشربى منة )

5- ايه اكتر حاجه مش بتحبيها فنفسك ؟


وفى اسئلة تانى بس جاوبى على دول الاول​

 

[M a r i a m]

رد: رد على: ☺(لقاء مع y_a_r_a )☺

اهلا وسهلا بيكى يا يارا على الكرسى
ياهلا فيك ​

ياريت يكون الكرسى عاجبك
جدا جدا مش متخيل عاجبني ازاى؟
ده حتى بيتهز وقربت اقع​

دا مس زى كرسى البيض الى جبتية دا كرسى متين
هههههههههه واضح​

واكيد الناس متوصية بيكى هنا
اه طلعوا بيحبونى بشكل​

بس عيب انا لازم اشارك برضوا
صحيح متبقاش فادى
لازم تثبت وجودك​

ولا هقف اتفرج كدة بس
مين قال ؟ دى الفرجة نص المجدعة​

بصى بقى يا يارا انتى قلتيلى انك مسافرة وانا قلت الحقك قبل ما تسافرى بدل ما تهربى
ده انا حتى مرضيتش اقول مسافرة امتى علشان متسألش
ماشي ماشي​

وانتى الى جبتية لنفسك بقى​

-امتى قريتى حد غلط وكنتى مفكراه انسان وطلع الحيوان احسن منة ؟ (عسل السؤال ده عارفه وياريت بالاسم )
ايه السؤال المحرج ده؟
حصلت كتير بس مش لدرجة الحيوان
بس فى انسان قريته غلط ميستاهلش اصلا انه يتشبه بالحيوان
ولا داعى لذكر أسماء:smi411:


2-اكتر كلمة بتحبيها واكتر كلمة بتخنقك ؟
بحب كلمة بحبك
وبتخنق من كلمة سلام لما تكون للوداع او لحد مش هشوفه تانى
​

3- احلى موقف عدى عليكى ومش قادرة تنسية واوحش موقف بردو وياريت تحكية ؟
أوحش موقف انى جرحت انسان مش هاممنى علشان ارضي ناس تانى ميستاهلوش اصلا او اوقفهم عند حدهم والحد ده مكنش ليه ذنب فى اللى اتفهم بسبب تصرفاته او معملش حاجة يستاهل عليها انى اتسبب فى عقابه او اهانته قدامهم وبابا خسر باباه فترة

واللى مش قادرة انساه
ان الانسان ده قابل اللى عملته ده الاول بطريقة مش كويسة بس بعدها قدر الموقف وفهم وعمل مواقف كتير كويسة هو واهله متتنسيش حسسونى انى مش بنى ادمه اصلا
بس الحمدلله يعنى الموقف اتصلح خالص وعدى من زمان

بس طبعا مقدرش انساه
​

4 - لو قدامك بير مية وانتى فالصحرا
وهتموتى من العطش هتشربى ولا لا
بس المشكله انك لقيتى جمل بيشرب منه قبلك
ها هتشربى ؟ (بس احتمال متلاقيش بير تانى تشربى منة )
يااااااااااااااااي حرام عليك يابني ايه ده
مش عارفة بس اانا لو هروح صحرا او رحلة خلوية وسفاري كدة أكيد هبقي مجهزة نفسي
بس لو على كلامك مش عارفة ممكن اشرب وممكن يغمى عليا اصلا من المنظر وهخاف
مش متخيلاه

5- ايه اكتر حاجه مش بتحبيها فنفسك ؟
عصبيتي والطيبة بغباء وبصدق اى حاجة ساذجة يعنى​

وفى اسئلة تانى بس جاوبى على دول الاول​

ههههههههههههههههه
ليك يوم :t9:​

 

[احلى ديانة]

رد على: ☺(لقاء مع y_a_r_a )☺

اولا شكرا لردك

ثانيا علشان قيل ما اجيب اسالة تانية

فين بقى الموقف الحلو

انتى قلتى الوحش بس​

 

[M a r i a m]

ههههههههههههههه
يافرحتى هو لسه فى تانى؟:hlp:
30:30:30:
وبعدين يافادى انت سألت على موقفين واحد وحش وواحد ميستنسيش وانا دمجتهملك فى موقف واحد
حرام عليك متزوغش فى الاسئلة
وهاجاوبك برضه علشان تعرف انى غلبانة
على العموم المواقف الحلوة كلها مش بتتنسي


بص الموقف اللى فرحنى بجد
كنا يوم عايزين نروح دير أبونا عبد المسيح
وجينا نركب العربية علشان نمشي مكانتش عايزة تدور بابا حاول فيها مفيش فايدة ومكنش هينفع بابا يوديها للميكانيكي يشوفها علشان كنا خلاص كلنا جاهزين وهنمشي
وقعدنا نستني شوية نحاول نعرف فيها ايه
المهم اتدايقنا و قولنا ياأبونا عبد المسيح اتصرف بقي انت عارف اننا كنا جايين لك
وساعتها بابا بيدور العربية راحت اشتغلت على طول ومعطلتش خالص طول السكة
كان اجمل موقف عدى ومش نسياه
​

 

[M a r i a m]

ههههههههههههههه
يافرحتى هو لسه فى تانى؟:hlp:
30:30:30:
وبعدين يافادى انت سألت على موقفين واحد وحش وواحد ميستنسيش وانا دمجتهملك فى موقف واحد
حرام عليك متزوغش فى الاسئلة
وهاجاوبك برضه علشان تعرف انى غلبانة
على العموم المواقف الحلوة كلها مش بتتنسي


بص الموقف اللى فرحنى بجد
كنا يوم عايزين نروح دير أبونا عبد المسيح
وجينا نركب العربية علشان نمشي مكانتش عايزة تدور بابا حاول فيها مفيش فايدة ومكنش هينفع بابا يوديها للميكانيكي يشوفها علشان كنا خلاص كلنا جاهزين وهنمشي
وقعدنا نستني شوية نحاول نعرف فيها ايه
المهم اتدايقنا و قولنا ياأبونا عبد المسيح اتصرف بقي انت عارف اننا كنا جايين لك
وساعتها بابا بيدور العربية راحت اشتغلت على طول ومعطلتش خالص طول السكة
كان اجمل موقف عدى ومش نسياه
​