يوميات شاب انتهت بــ حـــاحـــا ! تم إضافة الحلقة الثامنة .

[besm alslib]

رد: يوميات شاب انتهت بــ حـــاحـــا ! تم إضافة الحلقة الرابعة .

ههههههههههههههههههه

يا لهووووووووي ده لازم يخبط الساعه بالموبايل بالفانوس بالارض ويريح نفسه هههههههههه

بانتظار الحلقه الجايه ونفسي بجد اعرف السر بكلمة حاحا دي



​

 

[MIKEL MIK]

رد: يوميات شاب انتهت بــ حـــاحـــا ! تم إضافة الحلقة الرابعة .

منتظرين الحلقه القادمه


اما نشوف اخره حاحا​

 

[الملكة العراقية]

رد: يوميات شاب انتهت بــ حـــاحـــا ! تم إضافة الحلقة الرابعة .

اسلوب راااائع جداااااااا
ربنا يباركك ويبارك موهبتك
واحلى تقييم
منتظرين الحلقة القادمة​

 

[zezza]

رد: يوميات شاب انتهت بــ حـــاحـــا ! تم إضافة الحلقة الرابعة .

قصة حلوة كتيييييييير و اسلوبك اكتر من رائع
منتظرة باقى الحلقات
ربنا يباركك و يعوضك

 

[Twin]

رد: يوميات شاب انتهت بــ حـــاحـــا ! تم إضافة الحلقة الرابعة .

​

 

[mero_engel]

رد: يوميات شاب انتهت بــ حـــاحـــا ! تم إضافة الحلقة الرابعة .

اسلوب رائع ومشوق
تسلم ايدك
منتظرين الحلقه الجايه عشان نعرف هيحصل ايه
​

 

[Kerlos-love-Jesus]

رد: يوميات شاب انتهت بــ حـــاحـــا ! تم إضافة الحلقة الرابعة .

بعد كل يوم يزداد شعور جميل بأن هذا الفانوس ليس إلا شيئ تافه لم يجني منه سوى " لدغته " وحرق دمه فقط .. ولكنه مازال متعلق بصدقه في كلمات أبية بأن هذا الفانوس كنزا , بل هذا الفانوس هو كل ماورثه عن أبيه .

عاش جميل فترة ليست بالكبيرة وهو يلازمه شعور متناقض تجاه هذا الفانوس بأنه شيئا ليس له معنى وشعور آخر يؤكد له ان هذا الفانوس كنزا مساندا لهذا الشعور كلمات أبيه التي ترن في أذنيه ليلا ونهارا .

وفي ليلة عاد جميل إلى منزله بعدما أحضر مستلزمات العشاء وإحتياجات المنزل .. دخل إلي غرفته ليفاجئ بملابس شخص ما !

​

شعر برعب شديد .. فهناك ملابس غريبة موجودة في غرفته
قطع هذا الصمت صوت شخص يغني !
إتجه جميل متتبعا هذا الصوت ...
" كوز المحبة اتخرم .. اديلة بنطة لحام ... بلاعة المحبة اتسدت ومغرقة الحماااام " ...

لم يعرف جميل هل يضحك لهذة الكلمات ام يستمر في صدمته بوجود شخص غريب في بيته !
​

وقف جميل عند باب الحمام أخيرا وطرق الباب
ليرد من بالداخل :
ايوة يا جميل استنى طالعلك

جميل : بسم الله اليحمن اليحيم .. طالعلي .. انت مين ياعم انت

الغريب : لما اطلع هقولك اهدى بأة عشان جسم امي بياكلني من الحر .

صٌدم جميل ولشدة خوفه لم يدخل ليعرف من بالداخل ولكنه انتظر لحين يخرج هذا الشخص .


خرج الشخص بعد حوالي عشرون دقيقة .. ليجد جميل جالسا بجوار الباب
​

ينتصب جميل فجأة يسأل : انت مين ياعم انت ؟ ودخلت البيت ازاي ؟

يرد الغريب : انا يا سيدي دخلت بيتك من اسبوعين تلاتة كدة .. وبعدين دة انت اللي دخلتني !

جميل : دخلت مين ياعم المجنون .. شكلك حيامي قول انت مين بدل ما ويبنا الم عليك الناس

الغريب : انا يا سيدي العفريت اللي جوا الفانوس .. جميل .. جميل .. قوم يا جميل !
ماقولتلك انت اللي جبتني !


ـــ

إنتظروا الحلقة السادسة

 

[MIKEL MIK]

رد: يوميات شاب انتهت بــ حـــاحـــا ! تم إضافة الحلقة الخامسة .

ههههههههههههههههههه
ايه العفريت النضيف ده
رايح ينضف عند جميل
متابع يا حبي​

 

[+إيرينى+]

رد: يوميات شاب انتهت بــ حـــاحـــا ! تم إضافة الحلقة الخامسة .

ها و بعدين
يا كيي لس
معلش لسانى إتعوج

 

[tamav maria]

رد: يوميات شاب انتهت بــ حـــاحـــا ! تم إضافة الحلقة الخامسة .

قصه روووووعه كيرلس
بس ما تسبناش كتير منتظرين
الحلقه الجايه
اسلوب رائع ومشوق

 

[الملكة العراقية]

رد: يوميات شاب انتهت بــ حـــاحـــا ! تم إضافة الحلقة الخامسة .

اسلوب جميل ومشوق
منتظرين الحلقة القادمة​

 

[+Roka_Jesus+]

رد: يوميات شاب انتهت بــ حـــاحـــا ! تم إضافة الحلقة الخامسة .

جميلة يا كيرو
منتظرييييييييين
​

 

[Alexander.t]

رد: يوميات شاب انتهت بــ حـــاحـــا ! تم إضافة الحلقة الخامسة .

اسلوب رائع يا مان
متابع باقى الحلقات

 

[besm alslib]

رد: يوميات شاب انتهت بــ حـــاحـــا ! تم إضافة الحلقة الخامسة .

يا خرااااشي عليك انت حلقاتك قصيره اوي ليه كده

لا بجد ابقى خليلنا الحلقه اطول شويه

مستنيين حلقتك الجديده بس بسررررررعه

​

 

[Coptic MarMar]

رد: يوميات شاب انتهت بــ حـــاحـــا ! تم إضافة الحلقة الخامسة .

جميل أسلوبك يا كيروووو
متابعة ​

 

[Kerlos-love-Jesus]

رد: يوميات شاب انتهت بــ حـــاحـــا ! تم إضافة الحلقة الخامسة .

سقط جميل أرضا من هول المفاجأة التي عرف فيها ان هذا الشخص هو العفريت الذي خرج من الفانوس .

حمل العفريت جميل لغرفته , ألقاه على سريره محاولا استيقاظه ..
أخيرا وبعد فترة قام جميل ليصرخ مرة أخرى : انت ميييين ياعم

العفريت : ياسيدي انا قولتلك انا العفريت اللي طلع من ام الفانوس .. متكفرنيش بأة معاك

جميل مرتجفا : طيب وو و انت عايز مني اية ؟

العفريت : انا اللي اعوز منك !؟ انت اية يابني متفرجتش على افلام ؟ ياحبيبي انت اللي تطلب اللي انت عايزه .

جميل : طيب بما انك جبت سيية الأفلام .. انا هطلب منك طلب مفيش حد طلبه من عفييت في فيلم .

العفريت : ها ؟

جميل : بصياحة انا خايف منك .. وعاوز اباة مش خايف ..

العفريت : مش بقولك انت مشوفتش افلام ! .. عايز تبأة مش خايف دي تطلبها من ربنا
شكلك هتشلني !

جميل : بصياحة انا ميعوب.

العفريت : ياسيدي مرعوب اية مانا قدامك عادي اهو .. طيب اقولك اسمي ؟

جميل : عفيكوش ؟
العفريت : لا اسمي...
جميل قاطعا كلامه : بيطكوش
العفريت : لا اسمي ..
جميل قاطعا كلامه : حبيتكوش ؟
العفريت : استنننننننننننننننننننى.. برطكوش اية وعفكوش اية .. انت رغاي اوي على فكرة

جميل : طيب اسمك اية ؟

العفريت : إسمي قبيح .

جميل : اة اية هو بأة

العفريت : اية هو اية !! ياحبيبي اسمي قبيح .

جميل : طيب قوله متتكسفش

العفريت : يابني اتكسف من اية !! دة اسممممممممي

جميل : اة دةة اسمك .. انا فكيتك بتقول نوعه يعني قبيح

العفريت : طيب من هنا ورايح تناديني بـ قبيح .. ماشي ؟

جميل : ماشي .. بس انا عايز اعيف انت جيتلي لية ؟ واشمعنى انا بالتحديد ؟

قبيح : بص ياعم الحج .. انا من عيلة من العفاريت بنتطلع لنوع من البني ادميين .. بشرط انه يكون اسمه عكس اسمنا . وبما اني قبيح وانت جميل واسمنا عكس بعض فانا اختارتك انت

جميل : اة طيب ما البلد فيها 500 جميل .. اشمعنا انا يعني ؟

قبيح : انت مخنوق من امي لية كدة ؟ عادي انا ممكن امشي يعني

جميل : لا ياعم انا بس بهزي .. طيب انت جيتلي لية ؟

قبيح : ماهو انت من نوع البني ادمين اللي احنا بنحب نطلعلهم . . انا جاي اعلمك درس صغير اوي في الحياة وهسيبك

جميل : ديس صغير في الحياة ! يعني انت عامل دة كله وطالع من فانوس وخلتني الدغيت وكيهت حياتي واغمى عليا . عشان في الاخي تعلمني ديس في الحياة .. دة انت اووووووفي .

قبيح : مش بقولك شكلي همشي ... شوف انا في خلال الفترة اللي هعيشها معاك هحققلك كل اللي تتمناه .. بشرط انك تبعد عن 3 حاجات

جميل : عايفهم عايفم .. الموت , الحب , السعاده

قبيح : لا حول الله يارب .. يخربيت المسلسلات اللي كلت دماغك .. ياحبيبي الكلام دة من التلاتينات .. دلوقتي حضرتك هتنسى 3 حاجات غير دول ؟

جميل : اية هما ؟

قبيح : اني اقف جنبك لو اتمسكت تحري , اني اشغلك النت لو قطع , اني اجيبلك السجق في طاسة سخنة .. ودة مفهوم خاطئ وشائع عن العفاريت .

جميل : طيب حلو اوي .. انا ليا كم امنية ؟

قبيح : بص يا سيدي .. انت اسمك اية ؟

جميل : مانت عايف

قبيح : ياسيدي قول اسمك متشلنيش بأأأأأة

جميل : طيب هدي نفسك .. اسمي جميل

قبيح : طيب واسمي انا ؟

جميل : اسمك قبيح

قبيح : حلو وانا طلعتلك منين ؟

جميل : من الفانوس

قبيح : طيب اجمع حروف التلات كلمات : جميل + قبيح + الفانوس

جميل : 4 +4 = 8 .. نجمع عليهم 7 يبأة كله 15

قبيح : حضرتك لك عندي 15 أمنية .

جميل : ماتقووووووووووووول كدة من بديي . طيب أطلب اول امنية ؟

قبيح : اتفضل .. بس خد بالك طالما قولت الامنية فكدة راحت

جميل :طيب . بص ياسيدي :
انا كنت بحمل فيلم من عالنت والكهيبا فصلت والتحميل ياح
وللأسف كنت بحمل من يابيد شيي فمينفعش التحميل يكمل
وانا مش عايز اعيده من الاول .. فكملهولي .

قبيح : هو انا مقولتلكش ؟

جميل : قولت اية ؟

قبيح : أصل انا نسيت باسورد اكونت الرابيد شير بتاعي

جميل : وكدة الامنية ياحت عشان قولتها ؟

قبيح : اة

جميل صارخا : حـــــــــــــــــــــــــــا حــــــــــــــــــــــا .
​

ــــ

إنتظروا الحلقة السابعة .

 

[روزي86]

رد: يوميات شاب انتهت بــ حـــاحـــا ! تم إضافة الحلقة السادسة .

ههههههههههههه

جميله جدا جدا

تسلم ايدك

وفي انتظار المزيد

 

[besm alslib]

رد: يوميات شاب انتهت بــ حـــاحـــا ! تم إضافة الحلقة السادسة .

هههههههههههههههههههههه
ههههههههههههههه

اموت واعرف بتجيب الكلام ده منين

على كده هيضيعلو امنياتو عالفاضي

بانتظار باقي الحلقات


وبجد تسلم ايديك اسلوبك رووووعه وافكارك خطيره

​

 

[mero_engel]

رد: يوميات شاب انتهت بــ حـــاحـــا ! تم إضافة الحلقة السادسة .

هههههههههههه
لذيذه بجد وطريقته سرد القصه رائع
بس متاخرش علينا عشان نفضل عايشين مع الاخ جميل والاخ قبيح

 

[Nemo]

رد: يوميات شاب انتهت بــ حـــاحـــا ! تم إضافة الحلقة السادسة .

هههههههههههههههههههههه
جميلة جدا يا كييو شوقتنى اتابعها
مييسى ليك وينا يبايكك

يوووووووووووووه دانا بقيت لدغه هههههههههههههههه
ميرسى يا كيرو