يبقى انت اكيد اكيد فى مصر .....

[Coptic Lady]

يبقى انت اكيد اكيد فى مصر .....

يبقى أنت أكيد...أكيد في مصر

لو لقيت من كل بيت خارج مدرس خصوصى ..
يبقى أنت أكيد...أكيد في مصر
لو لقيت فى بلد سنه سادسة ابتدائى و سنه خامسة ابتدائى!...
يبقى أنت أكيد...أكيد في مصر
لو لقيت فى كل بيت واحد أو أتنين ماتوا من السرطان ...
يبقى أنت أكيد...أكيد في مصر
لو رحت التأمين الصحى و إدوك حديد و زرنيخ ...
يبقى أنت أكيد...أكيد في مصر
لو لقيت فى بلد البحث العلمى فيها تايه و لسه بيحاول يجد العلاقة بينه وبين المجتمع ...
يبقى أنت أكيد...أكيد في مصر
لو لقيت فى بلد ربع سكانها ساكننين فى عاصمتها ..
يبقى أنت أكيد...أكيد في مصر
لو لقيت فى بلد تعبيرات مثل "السحابة السودة" و "الشفافية" ...
يبقى أنت أكيد...أكيد في مصر
لو سمعت جملة "اللى نعرفه أحسن من اللى منعرفوش" ..
يبقى أنت أكيد...أكيد في مصر
لو رحت "دار الفؤاد" و جاتلك الفاتورة و نعشك فى طريقه "لدار الخلد" ...
يبقى أنت أكيد...أكيد في مصر
لو رحت تطلع مخالفات عربيتك و لاقتها غير صحيحة لأن بالفعل معندكش عربية ...
يبقى أنت أكيد...أكيد في مصر
لو لقيت عجوز و عجوزة ماشيين و معاهم سلم خشب لزوم طلوع الرصيف ...
يبقى أنت أكيد...أكيد في مصر
لو ركبت مترو الأنفاق و ملقتشى هوا و لا تكييف ...
يبقى أنت أكيد...أكيد في مصر
لو مزنوق و ملقتشى مراحيض عامة ...
يبقى أنت أكيد...أكيد في مصر
لو مرة لقيت رسوم الزبالة على فاتورة الكهربا و مرة تانية على فاتورة الغاز ...
يبقى أنت أكيد...أكيد في مصر
لو سمعت بودانك و شفت بعنيك رئيس نادى محترم بيشتم الكل بدون عقاب أو جزاء ...
يبقى أنت أكيد...أكيد في مصر
لو فتحت التليفزيون و شفت ظرف "البيت بيتك"...
يبقى أنت أكيد...أكيد في مصر
لو سألت واحد أو واحدة مين الريس فى كل الألفية الثالثة؟! و رد و قال بدون تفكير "مبارك" ...
يبقى أنت أكيد...أكيد في مصر
لو قرأت الصحف فى 2005 و فى 2016 عن توصيل الكهرباء للعشوائيات و لقيت نفس الكلام "التوصيل عملية مستمرة" ...
يبقى أنت أكيد...أكيد في مصر
لو قرأت الصحف فى 2005 و فى 2050 و لقيت نفس الكلام "الأصلاح السياسى و الإجتماعى عملية مستمرة" ...
يبقى أنت أكيد...أكيد في مصر

لو عرفت أن فنانة سابقة و زوجة لوزير داخلية سابق عمرها فوق التسعين مرشحة نفسها لمجلس الشعب ...
يبقى أنت أكيد...أكيد في مصر
لو رحت الباجور منوفية و سألت مين رئيس الجمهورية و ردوا وقالوا كمال الشاذلى ...
يبقى أنت أكيد...أكيد في مصر
لو رحت تنتخب و معاك بطاقة إنتخابية و ردوا و قالوا إنك متوفى ...
يبقى أنت أكيد...أكيد في مصر
لو سألت واحد أو واحدة ليه بالعربى هيه إسمها "مصر" و بالخواجاتى هيه إسمها "إيجبت"؟! و رد و قال معرفش! ...
يبقى أنت أكيد...أكيد في مصر

منقول​

 

[My Rock]

هههه حلوة يا حور

 

[maarttina]

هههههههههههههههههههههههههههههههههههههههههههههه معاكي حق اخت حور محب
كنت موجوده في مصر من أيام وما اروعها بلد بصراحه لا وكل كوم والمرور كوم تاني علشان تروحي من مدينة نصر لمصر الجديدة الساعة 2 الظهر فلازم تنزلي قبلها بساعتان وممكن ماتوصليش في الميعاد كمان
لا وأيه عندهم اختراع اسمه اديني رنه علي الموبايل ههههههههههههههههههههههههههه
ولا كارت السنيد ابو 10 جنيه
صحيح شر الباليه ما يضحك
شكرا ليكي اختنا حور محب علي الموضوع ربنا يباركك

 

[Coptic Lady]

صح

شر البليه ما يضحك

فد حبنا لمصر وعشقنا ليها قد السلبيات اللى فيها ونتمنى نصلح المشاكل دى

 

[KERO KINGOOO]

حلوة خالص اخى حور محب

 

[blackguitar]

لو بصيت على البطاقه ولقيت مكتوب فيها الديانه
يقى انت اكيد................. اكيد فمصر
لو بصيت فاسمك فشهاده الميلاد لقيته غير اسمك فالبطاقه غير اسمك فكارنيه الكليه
يبقى انت اكيد................ اكيد فمصر
لما تلاقى فالشاعر عبارة الحل هو الاسلام
يبقى انت اكيد..................... اكيد فمصر
لما تلاقى الناس بتقول فيه وحده وطنيه ويكون لسه فيه كنيسه اتضربت
يبقى انت اكيد...........اكيد فمصر​

موضوع جميل اوى
بلدنا ونفسنا نصلحها
بس اللى يدينا الفرصه

 

[ezzzak]

موضوع رائع يا حور وكل مسمع حوارك ابقي عايز اهديلك النكته دي بس انتي عارفه اني اعتزلت كوبيتس

ودي النكته اهداء ليكي




اما النكته الي افتكرتها من انت اكيد في مصر
بتقول
ان الرئيس مبارك والرئيس شيراك والرئيس بوش(طبعا النكته قديمه من قبل بوش وشيراك بس انا عملتلها اب ديت)
كانو في مؤتمر في احد الدول وهما راجعين ركبو طياره وحده
والطيار ماشيه بوش قال دا تمثال الحريه (يبقي انتا اكيد في امريكا )فنزل من الطياره
وكمان عم شيراك شاف برج ايفل فقال (يبقي اكيد انت في فرنسا)فنزل من الطياره
اما الباشا بتعنا لقي الرحله طولت فبيبص يشوف الساعه كام لقي الساعه اتسرقت
راح مزعق للطيار قلو استنا (يبقا انتا اكيد في مصر)
حمد لله علي السلامه

 

[Coptic Lady]

ههههههههههههههههههههههههههههههههههههههههه


حلوة يا ايزاك


بس ايه اعتزلت كوبتس دى

اتاكد ان محدش يستغنى عنك هناك

والا هااااااااااااا مافيش كليوباترا انت حر بئى

 

[Messias]

انا اكيد اكيد فى مصر


موضوع جمي جدا يا حور

 

[Coptic Man]

هههههههههههههههههههههههههههههههههههههههههههههه معاكي حق اخت حور محب
كنت موجوده في مصر من أيام وما اروعها بلد بصراحه لا وكل كوم والمرور كوم تاني علشان تروحي من مدينة نصر لمصر الجديدة الساعة 2 الظهر فلازم تنزلي قبلها بساعتان وممكن ماتوصليش في الميعاد كمان
لا وأيه عندهم اختراع اسمه اديني رنه علي الموبايل ههههههههههههههههههههههههههه
ولا كارت السنيد ابو 10 جنيه
صحيح شر الباليه ما يضحك
شكرا ليكي اختنا حور محب علي الموضوع ربنا يباركك

بتتريقي يا مارتينا علي نظام اديني رنة الجميل وكمان مش كفاكي وبتتريقي علي كارت السانيد كمان :t26:

يا بنتي احنا لاقيين ناكل ld:

ياعيني عليكي يا مصري الحبيبة اتسرقتي من زمان وولادك مقهورين امتي يجي اليوم اللي نقدر فيه نرفعك فوق رؤسنا ندفن اللي سرقك تحت الصخرة امين يارب استجيب لينا

 

[Coptic Lady]

لما تلافى طفل مات من الرعب وراجل انضرب من ضهرة بفاس عشان بيصلى جوه كنيسه


يبقى انت اكيد اكيد فى مصر

 

[Coptic Lady]

لما تلاقى بلد اهلها الاقباط يحبوها لاقصى درجه رغم قمه الطلم اللى شايفينه فيها


يبقى انت اكيد اكيد فى مصر

 

[Michael]

لما تلاقى كلب وضيع بشمتم يلعن يقتل يكذب يبقى انت اكيد فى مصر الى ساكتة على الكلب دة وبتأكلة

 

[Coptic Lady]

لما تلاقى بلد فيها جمال اسعد وميلاد حنا وعادل نجيب ونبيل لوقا بباوى


يبقى انت اكيد اكيد فى مصررررررررررررر

 

[Coptic Lady]

لما تغرق عباره ويموت 1100 انسان يطلع الاعلام يقول ان العباره احسن من تيتانيك يطلعوا صاحبها التقى ابو زبيبه انه ملاك بيرفرف

يبقى انت اكيد اكيد فى مصر

 

[Coptic Lady]

لما الناس تموت بدون تمن والبلد بتهلل للكورة


يبقى انت اكيد اكيد فى مصر

 

[emad_hanna]

أبكيتنا ولم تضحكنا أيتها العزيزة حور محب ....

***

إذا نظرنا الى كوب وطلبت أن تصفه ستجد 80% سيصفون الكوب بأنه فارغ الى منتصف ... و10% سيشكوا من قذارة الكوب .... و10% ربما رأوا أن هناك جزء من الكوب ممتليء ويمكن أن نستخدم ذلك الماء فيما يفيد

بهذه الكلمات أيتها العزيزة حور محب ها قد رأينا ثلاث أرباع الكوب... وللأسف كان فارغ

ولكن بالتأكيد يوجد جزء مليان ... هل يمكن أن ترينا إياه

 

[Coptic Lady]

للاسف اللى بيحصل مخلينا مش شايفين اى حاجه مليانه

ممكن النقد يكون قاسى

بس الاكيد انه بيوعينا للى لازم يتغير فى مصر

لو فضلنا نقول كله تمام ورائع ومافيش فى الامكان احسن مما كان مش حيتغير شيئ

خلينا نشوف الفاضى وننقده يمكن وقت لما يحصل شيئ عدل نحس بقيمته

ويبقى لما تلاقى ناس بتحب بلدها فوق الوصف ونفس الوقت كارهه اللى بيحصل فى بلدها لاقصى حد

يبقى انت اكيد اكيد فى مصر

 

[emad_hanna]

ويبقى لما تلاقى ناس بتحب بلدها فوق الوصف ونفس الوقت كارهه اللى بيحصل فى بلدها لاقصى حد

يبقى انت اكيد اكيد فى مصر

ممكن نقول أن دي أول رؤيا للجزء المليان من الكأس

نضيف كمان

ويبقى لما تلاقى ناس عندها رغبة تغير في بلدها , ونفس الوقت بتدور على كل أيجابي عشان تكبره وتصقله ... وتلمعه

يبقى انت اكيد اكيد هتحسن من مصر

على فكرة أنا مش باقول أن انتي غلط ... لكن أنا لما قريت الكلام كله مرة واحدة حزنت ... وقلت لنفسي طيب خلينا نشوف وردة وسط هذا الكم من الشوك ... وبسرعة كتبت انطباعي

 

[Coptic Lady]

على فكرة يا عماد

انا بكتب هنا كل متحصل حاجه يعنى مش كل يوم بديها كورس نكد يعنى

مصر ميحسش بجمالها الا المتغرب عنها

بنتمنى نشوفها بزحمتها ومواصلاتها وترابها ونيلها وناسها كل شيئ بيوحشنا فيها ولما نقول ده للى فى مصر مش بيصدقونا ويقولولنا انتم فقر

بس وانت بعيد بتشوف كمان الصورة اوضح كتير بتشوف التعتيم اللى ضيعنا بتشوف الفساد بتشوف الحقوق المهضومه بتشوف الذل بتشوف الارهاب اللى الناس اتعودت عليه خلاص للاسف


من وقت للتانى لازم نبرز كل ده عشان نلاقيله حل

وعارف يا عماد المثل ان شر البليه ما تضحك

والمصريين احسن ناس تطلع همها فى النكته والتريقه

وكل متحصل مصيبه تعالى بص هنا حتلاقينى كتبالى سطرين مطلعه فيهم همى

وسامحنى لو كلامى زعلك بس قضى اخف من قضى