يا تري كدة حرام ولا لاء ؟ تفتكر كدة نبقي بنقتلة ؟

[TULiP TO JESUS]

سلام ونعمة يا اصحابي
انهاردة عاوزة اتكلم معاكم في موضوع مهم ومحتاج رايكم

طبعا كلنا عارفين ان فية حالات مرضية خطيرة بتوصل الحالة بالانسان لموت جذع المخ
ولكن القلب بيفضل شغال
يعني موت اكنليكي

وبيكون الانسان عايش موصل بالاجهزة ولو حصل انهم فصلوا عنة الاجهزة الكهربائية يموت

وساعات بتطول المدة بالمريض الحالة دي ممكن توصل ل 15 سنة


السؤال هنا اللي عاوزين نتناقش فية سوا

مين اللي يقرر انهاء حياة المريض

الاهل ؟؟؟؟؟

او الطبيب ؟؟؟

او رايك نخلية علي الاجهزة لغاية ما ياذن ربنا بانتقال روحة

وهل من حق شخص تقرير مصير شخصا آخرا؟

وفية مثلا راي يقولك طلما المخ ما متش بالكامل يبقي خلاص لازم يفضل عايش ومنفصلش الاجهزة
يعني لو واحد معاق ذهنياولا يستطيع تناول الطعام وحده، هل نطعمه أم نقتله؟

اهي الموضوع دة ذية

عاوزة اسمع راي كل واحد فيكم

هل حرام فصل الاجهزة ؟

هل تفضل ان نظل متمسكين بحياة هذا الانسان مهما طال الزمن ؟

ربنا يعطيكم الصحة والعافية ويحافظ عليكم من الامراض

اختكم / رجعا ليسوع​

 

[ponponayah]

موضوع حلو اوووووووووووى
هو فعلا حاجة صعبة لانك بتكونى مش عارفة تتعملى معاة
بس حكاية انهاء حياة المرض صعب القرار فيها
ميرسى يا رجعا على الموضوع الجميل
يسوع يباركك​

 

[TULiP TO JESUS]

اهلا يا بنبونة يا جميلة
بس يعني مقولتيش
اية رايك

مرسي علي المشاركة يا قمر​

 

[sony_33]

انا بقول نقطع عنة المية والنور
هههههههههههههههههه
لا طبعا الحياة والموت بامر الله
مش معقول انسان يتحكم فى موت وحياة انسان اخر
شكرا راجعا على الموضوع وربنا يحميكى​

 

[TULiP TO JESUS]

مرسي علي المشاركة يا سوني
يعني انت رايك ان حرام فصل الاجهزة حتي ولو طالت المدة لسنين

الرب يبارك حياتك​

 

[KOKOMAN]

هل تفضل ان نظل متمسكين بحياة هذا الانسان مهما طال الزمن ؟​

بالطبع ​

ادام قادرين اننا نساعد الانسان ده وفى ايدينا اننا نصرف عليه ​

لغايه لما ربنا ينعم عليه يا اما باشفا يا اما يرحمه من العالم الفانى والمرض ​

لكن حرام انى انهى حياه انسان بمجرد كلمه منى ​

دى تعتبر جريمه ​

بالفعل لا يعاقب عليها القانون ​

ولكن هيه حياه انسان

سورى على الاطاله ​

رأيي النهائى فى الموضوع ده ​

اننا نفضل مراعيين الشخص ده لغايه لما ربنا يريد بالصالح ​

موضوعك هام جدا يا رجعا ليسوع ​

ربنا يبارك حياتك وخدمتك ​

 

[TULiP TO JESUS]

مرسي يا كوكو علي المشاركة الجميلة

اول واحد يدخل الموضوع ويتكلم بجد مش هزار

لان الموضوع يحتاج راي جد لانة بنتكلم في قضية مهمة وتحديد مصير انسان

رايك جميل ويحترم بس فية سؤال تاني

طيب اية رايك في الراي اللي بيقول ما الشخص دة كدة كدة ميت يبقي لية العزاب

وان فصل الاجهزة عنة راحة لية ولاحبائة

مرسي لمشاركتك وطول براحتك يا باشا​

 

[KOKOMAN]

رايك جميل ويحترم بس فية سؤال تاني

ميرسى

ربنا يخليكى ​

​

​

​

طيب اية رايك في الراي اللي بيقول ما الشخص دة كدة كدة ميت يبقي لية العزاب

وان فصل الاجهزة عنة راحة لية ولاحبائة​

​

​

لاء ازاى ​

ما يمكن اللحظه اللى يعيش فيها دى ​

يتغير حاجات كتيييييييييييير ويبقى احسن من الاول ​

ويبقى انا كده عملت حاجه كويسه ​

ومش مشكله خالص الماده (الفلوس) فى الموضوع ده ​

لانى اكيد ربنا هيعوضنى كتيير لانى ساعدت انسان ​

ومش فى انتظار التعويض ​

بس عمل الخير مطلوب ​

​

 

[SECRET ANGEL]

مرسي يا راجعة على الموضوع الحلو ده
بصي يا جميل انا بخدم في خدمة المرضى في الكنيسة و مسؤلة عنها
كان فيه حالة من الحالات دي حصلها موت اكلينيكي و كان الاهل بيقولوا ان احنا مش عايزينه يتعذب
نفصل الاجهزة احسن و طبعا كلن الكلام ده صعب عليهم
بس قدرنا نقنعهم ان ادام ربنا سمح انه يكون عايش و ماخدش روحه يبقى ليه حكمة في كدة
يا اما ممكن يرجع احسن من الاول و يكون مر بتجربة صعبة شوية تحسب ليه
يا اما يجيله و قت و ينتقل و بكدة يبقى ربنا ليه نظرة ان الانسان ده يتعذب الفترة دي و هو على الارض يمكن علشان ليه حكمة انه يدخل الملكوت يمكن علشان يشيل من ذنوبه ماحدش عارف حكمة ربنا
لو ربنا كان عايزه كان هايخده من غير مايسيبه على الارض الفترة دي عايش
احنا مالناش حق مهما طال الزمن ان احنا نعمل كدة
لان دي روح مهما كانت و مهما طال الزمن و مهما تعبت احنا مانعرفش حكمة ربنا فين انه عايزه يفضل عايش كل الفترة دي بالطريقة دي

مرسي يا جميلة على الموضوع الحلو ده و اتمنى اشوف اراء بقية الاعضاء
ربنا يارك حياتك و خدمتك و يعوض تعب محبتك يا قمرايا
اذكريني في صلواتك كتيييييير جدا
اختك الغلبانة موري​

 

[engy_love_jesus]

لا طبعا منفصلش الاجهزة ممكن ربنا يتحنن عليه ويمد ايده ويشيفة

لازم نتمسك بلامل للاخر وعنينا تبقى على ربنا طول الطريق وطول الوقت


ونبقى واثقين ان كل الاشياء بتعمل للخير

ونحط نفسنا مكان الشخص دة لو كنا مكانة كنا هنحب انهم يتمسكوا باخر امل ولا من اول الطريق

يضعفوا ويقولوا لا مهو كدة ميت ميت

ربنا يرحمنا ويحافظ علينا ويشفى كل مريض

مرسية يا راجعا لموضوعك ربنا يباركك يجميل ​

 

[المجدلية]

موضوع جميل جداااااااا يا راجعه +++ انا رايى ان مش من حق اى مخلوق انه يحدد مصير الانسان المريض دة سوا الدكتور او اى حد من اهله +++ المفروض تترك لعنايه ربنا وهو يختار سوا المريض يرجع لصحته او يموت فى الميعاد اللى ربنا اختارة ليه زى ما كتير من الاعضاء قالوا +++ شكرااااااااااااااااا على الموضوع الجميل

 

[veronika]

انا رايي ان مينفعش اننا نفصل الاجهزه و نموت انسان بمذاجنا
نسيبه لما يموت لوحده و طالما ان في امل يعيش يبقى نسيبه
و ميرسي على الموضوع الجميل
ربنا يباركك​

 

[TULiP TO JESUS]

لو ربنا كان عايزه كان هايخده من غير مايسيبه على الارض الفترة دي عايش

يا سلام عليكي يا موري

جملة حكمة خالص اللي انتي كتبتيها دي

يعني انتي بتقولي ربنا لية حكمة في كدة

مرسي يا قمر علي المشاركة الرائعة

كمان خدمتك في مجال المرضي دي خلت رايك يبقي مبني من واقع حاجة شفتيها

الرب يبارك خدمتك يا جميلة​

 

[just member]

شوفى
فى جملة ديما بسمعها من الدكاترة بالمستشفى بيقولو
احنا عملنا اللى علينا والباقى على ربنا
بمعنى انة عملوا اللى شافوة صح من وجة نظر الطب
لا اكثر
ان كان جراحة او يضعوة على ها الاجهزة المكملة للعناية بالجسم
او ابقائة حيآ لفترة .. ليس اكثر
انا طبعا من رأيى لااااااا
لا طبعا لا تفصل الاجهزة عنة
ورأيى هاد مو نابع من انة بيعيش فترة اطول
او انهم بيرحموة من عذابة
لان بشكل او بأخر متفقين ان العمر بأيد ربنا وحدة
بس كل ثانية بعشها او حى فيها دى رسالة من عند ربنا بيدعونى فيها للتوبة
طيب انا ابقى مين لما انهى ها الثانية لشخص ربنا معطيهالة على ايد العلم والطب الحديث والاجهزة
واللى بثق فية اكتر ان ربنا عمرة ما بيسيب حد
شكرا للموضوع يا رجعا
تعيشى وتجيبلنا مواضيع هامة مثل هيك ونتناقش فيها كلنا
ربنا يبارك خدمتك واتمنالك كل خير
​

 

[TULiP TO JESUS]

engy_love_jesus
مرسي يا جيجي علي رايك الجميل

فعلا كل شيء بارادة اللة وحسب مشيئتة

الرب يبارك حياتك​

 

[white rose]

موضوع رائع يا راجعة


انت قلتي انو بيكون عايش عالأجهزة

يعني لو مو هالأجهزة كان رح يكون ميت

يعني لو هالأنسان كان موجود بالوقت اللي لسا ما اخترعوا فيه هالأجهزة شو كان رح يكون حالو ؟؟؟؟ كان رح يكون ميت



هو بصراحة ادلاء راي بهيك موضوع مو سهل ابدا

الله يستر عالجميع

 

[just member]

أكد البابا شنودة الثالث - بابا الإسكندرية وبطريرك الكرازة المرقسية - أن الإنسان قد يتدخل بتعجيل موته إذا لم يهتم بصحته وهذا هو الانتحار البطئ، وهناك انتحار سريع عن طريق تناول أي مواد سامة.
وقال خلال عظة الأربعاء الماضي بكاتدرائية الأقباط الأرثوذكس بالعباسية: إنه يجوز رفع أجهزة الأكسجين عن الميت إكلينيكيًا لإراحته من عذاب المرض رداً علي سؤال لشاب يقول فيه: «أمي كانت مريضة والأطباء نصحوني برفع أجهزة الأكسجين عنها لأنها كانت تتعذب (لتموت وترتاح)،
فهل أنا قتلتها، فرد البابا: لا طبعاً، هي كده ارتاحت بدلاً من أن تتعذب وأنت تقف بجوارها لا تستطيع فعل شيء - لأنها كده كده ماتت إكلينيكياً. وسأله آخر عن الآية التي تقول: لقد أُعطي لكم أن تعرفوا أسرار الله، هل هذا لتلاميذ المسيح أم لنا، فرد البابا الروح القدس يفحص كل شئ حتي أعماق الله، ولو أنت شخص روحاني فتعمل الروح القدس فيك وممن أن يكشف الله له الكثير. وطلب منه آخر أن ينصحه كيف ينمي موهبة كتابة الشعر والترانيم فقال له حاول أن تدرس الشعر واستمع لمحاضراتي في الشعر في المكتبة الصوتية. ووجه آخر سؤالاً: «لماذا لا يحبني الناس رغم معاملتي الحسنة لهم»، فرد عليه: لازم فيك شئ ما يتحبش، ابحث عنه، وربما أنك تتصور أنهم لا يحبونك وهو يحبونك، أو أنك تريد درجة من الحب. وبعث أحد الحضور للبابا سؤالاً قال فيه: كنت قد وعدت بالتحقيق في قضية الموقوفين عن الخدمة بكنيسة السيدة العذراء بالنزهة، ولم تحقق منذ 3 أشهر، علماً بأن المسرحية التي نتهم بأننا ورائها مسرحية أمريكية لفريق (life house).. فرد البابا في ضيق: وهل تضمن أن يكون التحقيق في صالحك، في الحقيقة لقد شاهدت المسرحية بنفسي ورأيت فيها خدامًا وخادمات من الكنيسة - فهل تأمركوا مرة واحدة - وممكن أقولهم لك بالاسم، وبعدين لازم تعرف حاجة مهمة أنا لما حرمت جورج حبيب بباوي كان بسبب أخطاء لاهوتية ولو كان وقع فيها (بطرس جيد) - ابن أخيه - لحرمته هو الآخر.. وسبب طول المدة هو أنني أدرس الموضوع بعناية.. وعلمت «الدستور» أن سبب الأزمة يرجع إلي 4 أشهر مضت عندما قام بعض خدام وخادمات الكنيسة بتأليف مسرحية (بها تعاليم تخالف الكنيسة الأرثوذكسية) وتم عرضها علي مسرح الكنيسة وعلم بها البابا، وكان من المفترض أن يحقق فيها كهنة الكنيسة إلا أنه صعد الأمر ليحقق فيه الأنبا بيشوي - رئيس هيئة المحاكمات الكنيسة وسكرتير المجمع المقدس - بنفسه الذي قرر إيقاف الخدام والخادمات لحين انتهاء التحقيقات - وطلب منه اتخاذ موقف حازم في مواجهة الغزو البروتستانتي للكنائس الأرثوذكسية الذي وصل لأن يعطي بعضهم عظات في الكنائس الأرثوذكسية - وهي سابقة لم تحدث قبل ذلك!.
​

تاريخ نشر الخبر : 19/06/2009
المصدر
البابا يجيز رفع أجهزة الأكسجين عن الميت إكلينيكيًا لـ «إراحته من عذاب المرض»

وضعتة تعزيزا للموضوع ليس أكثر
سلام ونعمة
​

 

[TULiP TO JESUS]

موضوع جميل جداااااااا يا راجعه +++ انا رايى ان مش من حق اى مخلوق انه يحدد مصير الانسان المريض دة سوا الدكتور او اى حد من اهله +++ المفروض تترك لعنايه ربنا وهو يختار سوا المريض يرجع لصحته او يموت فى الميعاد اللى ربنا اختارة ليه زى ما كتير من الاعضاء قالوا +++ شكرااااااااااااااااا على الموضوع الجميل

المجدلية
رايك جميل جدا

مريسي علي المشاركة يا جميلة​

 

[TULiP TO JESUS]

انا رايي ان مينفعش اننا نفصل الاجهزه و نموت انسان بمذاجنا
نسيبه لما يموت لوحده و طالما ان في امل يعيش يبقى نسيبه
و ميرسي على الموضوع الجميل
ربنا يباركك​

مرسي علي المشاركة الجميلة يا فيرونكا
نورتيني يا جميلة
الرب يبارك حياتك​

 

[TULiP TO JESUS]

مرسي يا جوجو
جزيل الشكر ليك علي اضافة راي سيدنا البابا في الموضوع

الرب يبارك جهودك​