ياراجل ياخيخة

[عبود عبده عبود]

قالوا فى الأمثال ( الراجل بن الراجل اللى عمره مايشاور مَرَة )​

وأنا أقرأ قرار العدول عن شيل المعدول
تذكرت الفنانة " شيريهان " فى المسرحية أياها فى دور " روزيتا "
" راقصة الكبارية الأولى " ​

وهى تغنى :
ماحصلش لسة ...لأ لأ شوية ..ولا هتحصلى ...
ماحصلش لسة ...صبرك شوية ..يا رزة يافُللى ..!!!​

ثم تذكرت الراحلة المُبدعة " سناء جميل" فى رائعة السينما المصرية " الزوجة الثانية "
وهى تتف على الراحل الأكثر أبداعاً " صلاح منصور "
وهى ترزع بكفيها على شباك غرفة النوم :​

أتحشم يا أهبل يا أبو ريالة ...سفوخس ....​

وهذا يقودنا حتماً ولزماً الى قرارعُمدة القرية أياها
الشهير بعُمدة " المائة يوم " ..!!!​

إذ إتخذ هذا الرجل قرارا بأقالة نائب المايين العام
ثم أتضح لنا من سياق الفيلم أن مجموعة من المستشارين هم من كانوا وراء القرار ..وليس العُمدة ..!!!
ويتضح لنا ( فيما بعد أتخاذ القرار ) أنه أستنكر وقتها بشدة قائلاً : ​

جرى أية يا " حفييظة " الأيام جاية كتيييررررر
الليلة ...الليلة كوووم ....وتشيل النايب العام كوووم
هى حَبَكت ؟؟
الليِلِة ....​

ويرضخ العُمدة لقرار " حفيظة " ...​

ثم يتضح لنا فى نهاية الفيلم أن اللى فى بطن " فاطنة " مش من العمدة​

دة من مُرشد أخوان المايين ..إذ تسلل المُرشد ليلاً وعمل عملته
وترك فى بطن " فاطنة " ثمرة الأنتخابات الأولى ...​

" عيل " من صُلب المُرشد ...!!!!​

 

[V mary]

أوبا يا عبووووود
من الصبح وانت مبدع
أيوة الله
عظمة علي عظمة
لحسن اللي بيحصل دل وقت فاق كل التوقعات
​

 

[إيمليــآ]

,.

بس شكرى سرحآن كآن حتى جوزهآ
أمآ مصر فللأسف وقعت بين .. إتنين " صلآح منصور "



.،​

 

[sha2awet 2alam]

اعووووووووووووووووووبد .. يعنى عايز تنام على البورش اتفضل المكان واسع و يسيع من الحبايب ألف لكن تقفلنا المنتدى يبقى حرام عليك يا مفترى

مبدع كالعادة يا استاذى شابوه

 

[jajageorge]

بصراحة انا فطسان من الضحك قلبى هيقف الله يسامحك وشكل المرشد هيشيلنا العار كلنا ياعوبد

 

[grges monir]

لا مش كدة عبود
بجد صعبان عليا
مرسى ليس فى يدة شىء سوى تنفيذ اوامر من اتوا بة الى منصب الرئيس

 

[عبود عبده عبود]

أوبا يا عبووووود​

من الصبح وانت مبدع ​

عبود صبح وضهر وبالليل أبداع ...:new6:​

بس شكرى سرحآن كآن حتى جوزهآ

أمآ مصر فللأسف وقعت بين .. إتنين " صلآح منصور " ​

.،​

​

ابعتى أملى الكى بورد حبر ....وهحاسبك عليه :new6:

مبدع كالعادة يا استاذى شابوه

يؤكل هادا الشابوه دة ؟؟؟؟

بصراحة انا فطسان من الضحك قلبى هيقف الله يسامحك وشكل المرشد هيشيلنا العار كلنا ياعوبد

بعد الشر على قلبك من الوقفة
ممكن تقوم حد من هنا وتقعده مكانه :new6:

لا مش كدة عبود
بجد صعبان عليا
مرسى ليس فى يدة شىء سوى تنفيذ اوامر من اتوا بة الى منصب الرئيس

مين جاب سيرة مورسى هنا ؟؟؟
أنا ؟؟؟؟؟؟؟؟؟؟؟؟
ما حصلش لسة ...صبرك شوية ...:new6:

 

[إيمليــآ]

ابعتى أملى الكى بورد حبر ....وهحاسبك عليه :new6:

حتى أنت يآ بروتس :new6:
أنآ كيبوردى قرب ينتحر بسببكم هههههـ



( متهيألى أكتر من كدهـ مش هينفع )

.،​

​

 

[R.O.R.O]

بجد رائع ومبدع يا عبود
بس كل اللى اقدر اقوله
لكى الله يا مصر
​

 

[sha2awet 2alam]

يؤكل هادا الشابوه دة ؟؟؟؟

و بعدين بقا مش انا ترجمتهالك فى اول السنة اما دخلت ؟؟ زى القطط تاكل و تنسى :smil15:

 

[واثقه فيك يارب]

ههههههههههههههههههههههه
والله موتني من الضحك
ده ايه ده
ايه الفخفخيه دي
بس بجد عامل ميكس يجنن
من الافلام والمسرحيات والسياسه
بس والله عندك حق يعني
قرار مرسي بخصوص النائب
جنن ناس كتيرررر وانا من ضمنهم حتي شوف ( حنفي خلااااااااااااااااااص هتنزل المرادي ) هههههههههههههه
الله يكون في العون بقي هههههه
والله عجبني موضوعك وخفه دمك
ممتااااز
استني هطلع اخبطك تقييم وانزل تاني ههههههه

 

[عبود عبده عبود]

و بعدين بقا مش انا ترجمتهالك فى اول السنة اما دخلت ؟؟ زى القطط تاكل و تنسى :smil15:

يااااااااه
ذاكرة حديدية للدرجة دى ؟؟؟:new6:

 

[عبود عبده عبود]

بس والله عندك حق يعني
قرار مرسي بخصوص النائب
جنن ناس كتيرررر

ياجدعان هتودونا فى داهية !!!
حد جاب سيرة مرسى ؟؟
مرسى مين ؟؟!!...
أنا باتكلم عن العمدة الآلى بتاع حفييظة :new6:

 

[واثقه فيك يارب]

ياجدعان هتودونا فى داهية !!!
حد جاب سيرة مرسى ؟؟
مرسى مين ؟؟!!...
أنا باتكلم عن العمدة الآلى بتاع حفييظة :new6:

مين جاب سيرة حفييظه صحيح:big61:

هههههههههههههههههههه:t33::t33:

 

[عبود عبده عبود]

مين جاب سيرة حفييظه صحيح:big61:

هههههههههههههههههههه:t33::t33:

أنا عارف ؟؟؟
شكرا على التقييم

 

[grges monir]

أنا باتكلم عن العمدة الآلى بتاع حفييظة

:thnk0001::thnk0001::thnk0001:
مصدقك انا ههههههه