وداعا 2014 .. إستفتاء عام 2014 .. كل عام وأنتم بخير وسلام

[ElectericCurrent]

ثانياً:
* أجمل حدث على المستوى العام : هو إستقرار الاغلبية من الشعب المصري على دعم المشير عبد الفتاح السيسي كرئيس حقيقي لمصر المصريين كل المصريين ..
*شخصية العام : الرئيس عبد الفتاح السيسي بلا منازع.

 

[ElectericCurrent]

أسؤأء أحداث العام : الارهاب الاسود يضرب الانسانية و يزلزل ضمائر الانسانية فى نيجيريا وسوريا ومصر
ونحر البشر من مدنين او اسري كالشياه وبيع الايزيديات كرقيق ابيض- عمل تتعفف عنه القردة والخنازير

 

[حبيب يسوع]

بداية كل سنة وحضراتكم طيبين
سوف اجيب عن بعض الاسئلة
اجمل موقف ان اح الشخصيا الجميلة اعطانى امل فى حل مشكلتى
اسوا موقف لى هو مسلسل الظلم والاضطهاد الذى اتعرض له
اشكر الرب على كل حال ولم اجد اى امنية تحققت لى
افضل شخصية تعرفت عليها هو الاستاذ / خريستوفورس
ليلة راس السنة بالنسبة لى هى ليلة عادية
اسوا حدث هو اضطهاد المسيحين فى كثير من الدل
اجمل حدث هو انتخاب الرئيس السيسى
اروع شخصية هو البابا تواضروس
اسوا شخصية هم الجماعات الارهابية
اروع شخصية سياسية الكاتبة / فاطمة ناعوت
جميع اعضاء المنتدى هم احبابى واصدقائى

 

[ElectericCurrent]

طقوس النهاية والبداية​

غالبا هو روتين متكرر قل جدا جدا ان يحدث ما يكسر هذا الروتين
1- يبدأ اليوم الاخير من السنة بالقداس الالهى الذى غالبا يبدأ لينتهى مبكرا قبيل موعد الاشغال الحكومية والمدارس التى لا اجازة فيها ...
2- اثناء فترات الراحة فى العمل حوارياً وشفاهياً ثم بعد العمل انترنتياً حوارات مع الزملاء الاحباء غير المسيحين تتمحور حول
أ- اسباب اختلاف توقيت عيد الميلاد الغربي والشرقي.
ب- الخمرة وشرب الخمرة فى رأس السنة وحلال ام حرام
ج- البابا وملابس البابا الذهبية وسجود الناس للبابا
د- وهل الله عاجز ان يغفر لادم بدون ان يتجسد؟
ه- الصمد الذى لم يلد ولم يولد وازاى المسيح هو الله وهو فى نفس الوقت ابن الله.
و- هل صحيح "انتو بتطفو النور فى الكنيسة والرجالة بيقعدو يبوسوا فى الستات؟؟!"!!!

3- نروح البيت بسرعة ونتغدى سمك مطهى فى الفرن وارز صيادية وشوربة عدس وثمرات البرتقال الطازج او اكواب عصير البرتقال الطبيعى المنعش و قصب السكر ممصوصا او مشروبا .واكواب الدارسين (القرفة الدافئة)
4- التوجه للكنيسة صلاة رفع بخور عشية تبدأ متأخرة قليلا عن موعدها الطبيعى واجتماع وعظ وترانيم وتسبحة كيهكية - قبيل نصف الليل بدقائق صلاة ارتجالية ترانيم على الواقف - النور يتألق رمز لاشراق عام جديد - قداس الهى مبكر
5- العودة من العمل - هلكان من التعب - اكلة سمك جديد وارز صيادية جديد وشوربة عدس اصفر او كشرى مصرى معتبر واحيانا قلقاس صيامى - برتقال جديد- عصير قصب سكر - ----سيبونا ننام بقي خخخخخخخخخ

 

[+ماريا+]

اولا: على المستوى الشخصى

1- اجمل موقف حدث لك على المستوى الشخصى ؟

ان ربنا بارك اسرتى طول السنه

2- اسوء موقف حدث لك على المستوى الشخصى؟

ابنى اتعرض لعمليه كانت صعبه لكن ايد ربنا نجته

3- أمنية تحققت خلال هذا العام ؟!

لسه بس منتظره انها تتحقق

4- افضل شخصية تعرفت عليها هذا العام ؟

اتعرفت على ناس كتير كلهم بركه مباركين

5- من الذى حريص على وجوده معك فى ليلة رأس السنة؟

اسرتى وربنا طبعا

6- يوم نهاية عام وبداية عام يوم مميز جدا فماهى طقوسك فى هذا اليوم؟!


السمك والخضره (خص جرجير انشالله بصل اخضر ) ده لازم اجيبهم علشان السنه الجديده
وطبعا بنقضيها فى الكنيسه لساعه 12 اذا كان يوم عادى
ولو سهرة السبت بنقضيها للصبح فى الكنيسه



ثانيا: على المستوى العام .. سياسيا .. ثقافيا.. رياضيا



1- اسوء حدث على المستوى العام؟

ظهور داعش الارهابيه

2- اجمل حدث على المستوى العام؟

يمكن يكون مشروع قناة السويس اتمنى

3- أروع شخصية لهذا العام ؟!( شخصية لمع نجمها وتحترمها كثيرا )

محلب بالرغم فشل بعض او اغلب وزرائه لكن هو شخصيه جميله

4- أسوء شخصيات هذا العام ( شخصية سيئة وانفضحت افعالها )

فى ناس كتير انفضحت واشهرهم البرادعى

5- متفاءل على المستوى العام سوف يكون فى تغيير ؟

لازم اكون متفائله علشان اقدر اعيش من غير امل مفيش حياه

6- اروع شخصية رياضية لهذا العام .. شخصية ادبية .. شخصية سياسية؟

لا ماليش فى الرياضه فمش هقدر اعرف
ابنى وعمه وجدوه هما الوحيدين فى البيت اللى بيحبوا الرياضه والبيت كله مش بيحبها


ثالثا: على المستوى المنتداوى:new6:


1- اروع موضوع لعام 2014

لا صعب اوى خصوصا السنه كانت مليانه مواضيع جميله


2- أروع شخصيات المنتدى تألقت ولمع نجمها فى هذا العام
( أعضاء.. مشرفين .. ادارة .. محاورين)؟

كل الاعضاء نجوم على طول

3- امنياتك للمنتدى ؟

يكون نشيط اكتر من كده ويكون فى تفاعل اكتر

4- اشخاص متواجدين بالمنتدى ويزعجك وجودهم ( ليس ضرورى ذكر اسماء نكتفى بذكر صفات معينة ) ؟

انتشاءالله مفيش حد مزعج هههههههه

5- اصعب موقف حدث لك بالمنتدى ..
( مع الادارة .. مشرفين او اعضاء )وتمنيت لو لم يحدث؟

لا مفيش موقف صعب
بالعكس انا بفرح اوى لما بكون فى المنتدى

6- رسائل قصيرة لبعضنا بعض ربما تكون تهنئة ربما عتاب ربما افتقاد ربما اى شىء فلكم مطلق الحرية لإرسال رسائل مختصرة لكل من يخطر ببالكم .

رساله للاستاذ ادمنتيوس وشيريهان بجد مفتقدينكم


اخيرا خلصت بس اسئله جميله نيفو
وفين اجاباتك بقى مش المفروض اول واحده تجاوب هو انت
حتى تشجعى موضوعك
مميزه دايما حبيبتى

 

[soul & life]

بيقولوا طباخ السم بيدوقوا مش كده هههه عاوزة ادوق

اولا: على المستوى الشخصى

1- اجمل موقف حدث لك على المستوى الشخصى ؟

كانت عندى مشكلة صحية ونشكر ربنا اتحسنت ورغم ظروفى الصحية ولادى نجحوا وبتفوق زى كل سنة بمعونة رب المجد ليا وصلوات امى العدرا

2- اسوء موقف حدث لك على المستوى الشخصى؟
كنا رجعين من مطروح واتعطلت العربية فى مكان مقطووع وكان موقف صعب جدااااا

3- أمنية تحققت خلال هذا العام ؟!

نجاح ولادى وعدت السنة بخير وسلام نشكر ربنا

4- افضل شخصية تعرفت عليها هذا العام ؟
اتعرفت اكتر على اخوة واخوات بالمنتدى فى خلال العام ده.. تيمو وخريستو

5- من الذى حريص على وجوده معك فى ليلة رأس السنة؟
ولادى جوزى بابا وماما واخواتى حسب ظروفهم بس لازم نكلم بعض

6- يوم نهاية عام وبداية عام يوم مميز جدا فماهى طقوسك فى هذا اليوم؟!

متعودين نحتفل مع بعض انا وجوزى وولادى واخواتى وبابا وماما كل سنة بنعمل الاحتفال عند حد مننا بالترتيب






ثانيا: على المستوى العام .. سياسيا .. ثقافيا.. رياضيا



1- اسوء حدث على المستوى العام؟
هى احداث كتير الحقيقة لكن الاسوء ظهور تنظيم داعش الارهابي

سرقة وتهريب الكثير من آثارنااثناء وبعد الثورة

خروج المنتخب من بطولة كأس افريقيا

2- اجمل حدث على المستوى العام؟

اتخلصنا من مرسى وجماعته ومصر رجعت تانى

عودة الحفلات بدار الاوبرا من جديد بعد توقفها فترة التورة والانفلات الامنى وحكم الاخوان

الاهلى يحرز الكونفيدرالية بهدف عماد متعب فى الدقيقة 97

3- أروع شخصية لهذا العام ؟!( شخصية لمع نجمها وتحترمها كثيرا )


السيسى ... فاطمة ناعوت .. رياضيا مفيش

4- أسوء شخصيات هذا العام ( شخصية سيئة وانفضحت افعالها )

وائل غنيم .. علاء الاسوانى .. مرتضى منصور

5- متفاءل على المستوى العام سوف يكون فى تغيير ؟

اها اكيد لازم نتفاءل لانه ربنا موجوود





ثالثا: على المستوى المنتداوى


1- اروع موضوع لعام 2014

كتير المنتدى عامر بالمواضيع الجميلة


2- أروع شخصيات المنتدى تألقت ولمع نجمها فى هذا العام
( أعضاء.. مشرفين .. ادارة .. محاورين)؟
كلهم بصراحة الحاضر بذهنى مارياأ/ الفصول الاربعة استاذ ايموندد دائما متميز تيمو ماما أمة خريستو

3- امنياتك للمنتدى ؟

اتمنى يزدهر اكتر والغايبين يرجعوا ينورونا من تانى ويكون دائما هدفنا هو خدمة الرب فقط وتكون خدمتنا دايما مباركة بعيدة عن اى ضلال ومتكونش سبب فى نزاعات بين ولاد المسيح

4- اشخاص متواجدين بالمنتدى ويزعجك وجودهم ( ليس ضرورى ذكر اسماء نكتفى بذكر صفات معينة ) ؟

مش بنزعج من اشخاص بنزعج من تصرفات

5- اصعب موقف حدث لك بالمنتدى ..
( مع الادارة .. مشرفين او اعضاء )وتمنيت لو لم يحدث؟

نشكر ربنا مش بتاعت مشاكل

6- رسائل قصيرة لبعضنا بعض ربما تكون تهنئة ربما عتاب ربما افتقاد ربما اى شىء فلكم مطلق الحرية لإرسال رسائل مختصرة لكل من يخطر ببالكم .

بتول وحشينى جدا ويارب يا حبيبتى تكون سنة جديدة سعيدة وتحققى كل احلامك فيها .

رورو: اتمنى من ربنا ينولك كل ما تتمنيه ويفرح قلبك يا حبيبتى وتكون سنة جديدة سعيدة

ماما أمة: الرب يزيدك نعمة ويعطيكى الصحة ودايما يارب
تباركينا بوجودك وخدمتك المباركة سنة سعيدة على حضرتك وكل اسرتك

باباصوت صارخ : وحشتنا جدا يا بابا وكنت اتمنى تكون موجود ومشارك معانا دلوأت زى كل سنة من وقت تسجيلى بالمنتدى وانا شايفة وجودك كأب غالى علينا كلنا اتمنى تكون بخير وكل سنة وحضرتك طيب .. وحشتنا

حبوا اعدائكم: كل سنة وانتى طيبة حبيبتى ويارب دايما تكون بروحك الجميلة ومحبتك للكل تزيد لانها نابعة من قلب ابيض زى الفل كل سنة وانتى واسرتك بخير وسعادة

استاذ ايموندد الخادم الامين والمرشد الروحى للجميع
بنشكرك على محبتك للكل وخدمتك الرائعة ووجودك بالمنتدى هو صمام الامان هنا لانه بإرشادك وتواضعك دايما خدمتنا مستمرة وناجحة كل سنة وحضرتك طيب


الزعيم:الرب يبارك حياتك ويعوض تعب خدمتك أنا متأكدة انه المنتدى خدمة صعبة ومش سهلة ومحتاجة تفرغ وطولة بال وحكمة والمنتدى ناجح لانه حضرتك بتتصف بكل دول الرب يزيدك .. وكل عام وانت بألف خير

تيمو : سعيدة انى اتعرفت على شخصية مثقفة وطيبة مثلك الرب يفرحك اتمنالك السنة الجديدة تكون سعيدة وتحقق كل احلامك ومتنسنيش فى المليون

خريستو: فرحنا كلنا برجوعك وكنا قلقانين عليك جدا بتمنالك كل الخير والسعادة والرب يزيدك نعمة ويقويك ويثبت ايمانك وسعيدة جدا انى عرفتك عن قرب الرب يبارك حياتك وسنة جديدة سعيدة عليك بإذن يسوع

وائل كوساكى: بتمنالك كل الخير والسعادة الرب يسندك ويعيينك ووحشتنا جدا يارب تكون امورك كلها ماشية تمام والسنة الجاية تكون سندة سعيدة عليك بإذن المسيح

بيس : الرب يباركك اخى ويزيدك نعمة ويبارك كل اعمالك وكل سنة وانت بخير وسعادة

أ/ عبود : كل سنة وحضرتك طيب والرب يباركك :smile01

أ/ عبد يسوع المسيح : كل سنة وحضرتك واسرتك طيبين وبخير وسعادة يارب

سامحونى لو نسيت حد كلكم معزتكم غالية اوى عندى و اتمنى للجميع تكون سنة جديدة سعيدة والرب يحقق كل احلامكم وامنياتكم سعيدة جدا بوجودى معاكم .

 

[روزا فكري]

اولا كل سنه وانتي طيبه يانيفو ويارب تبقي سنه سعيده عليكي
وكلها خير وسلام وفرح
ثانيا بما ان الاسئله كتير فانا هاجاوب عليهم جزء جزء

اولا: على المستوى الشخصى

1- اجمل موقف حدث لك على المستوى الشخصى ؟
مافيش حاجه معينه
2- اسوء موقف حدث لك على المستوى الشخصى؟
الحمدلله مافيش مواقف وحشه
3- أمنية تحققت خلال هذا العام ؟!
كل يوم بيعدي والناس اللي بحبهم بخير دي اهم امنيه عندي
4- افضل شخصية تعرفت عليها هذا العام ؟
اتعرفت علي شخصيه جميله اوي وكانت سبب في حضوري اجتماعات الكنيسه
5- من الذى حريص على وجوده معك فى ليلة رأس السنة؟
جوزي
6- يوم نهاية عام وبداية عام يوم مميز جدا فماهى طقوسك فى هذا اليوم؟!
مع حماتي نص اليوم والنص التاني بحضر العشاواستني جوزي
وللاسف مبعرفش اروح الكنيسه بس ببقي حريصه ان تبدا اول دقيقه في السنه وانا بصلي وابقي مع ربنا
​