وانا كمان عزمت نفسى

[soso a]

عارف لمّا تطُب علي واحد بيحبّك موت ، غني جداً ، في بيته ، ساعة غدا ، و تقوله : انا عازم نفسي انهارده عندك ..
رد فعله هيبقي ايه ؟
عمره ما هيكسفك !
د هيتفاجئ ، هيضحك ، و هيقولك بس كده ؟!
و يطلعلك من غنّاه افضل ما عنده لإعطامَك ،
هيقدِّملك اكتر بكتير من اللي تقدر تاكله في اعده واحده ..
هيفرد قدامك علي قد حبّه مش علي قد بطنك ..
و هيشبّع بطنك باكله و قلبك بجوده و بوسع قلبه معاك ..

اهو انا بقي قررت اطُب ..
قررت ان السنه الجايه اللي هي علي الابواب دي
هتكون " عام المراحم " ..
و عزمت نفسي علي كل الخير اللي هشوفه فيها
و كل الحب اللي هلمسه فيها ..
و كل الغني اللي هيشبّعني فيها ..

انا يارب عزمت نفسي السنه الجايه في رِحابَكْ
و في وِسع قلبك و وِسع ملكوتك و مراحمك و غناك ..

و علي يقين انّك بتحبّني موت و قيامه !
فهتفرد قدامي بطول السنه مراحم اكتر من اللي اقدر استوعبها في سنه واحده ..
هتقدّملي من خيرك علي قد كمالك و حبّك و رحمتك
مش علي قد كف ايديا ولا حسب ما استحق انّي اخد ..

انا عزمت نفسي عندك السنادي يارب ..
و عارف ان اللي يدخلك جعان مش هيطلع اصلاً من كتر ما اكلك بيتّقل و بيخلّي الناس مش قادره تقوم من تحت رجلين غناك !!

كده متفّقين ؟ انا عزمت نفسي عندك السنادي يارب ❤

#2018
#هتكون_مليانه_خير_ورجاء_وحب_ومراحم
#copy

 

[أَمَة]

ربنا الأغنى في مراحمه و في محبته و عطاياه يملأ حياتك يا سوسو الغالية بكل عطية صالحة في عامك القادم و كل أيام عمرك الجاي... أنتِ ابنته و تستاهلي كل خير.

 

[soso a]

شكرا كتير لحضرتك
نورت الموضوع بمرورك وردك اللى فرحنى كتير
سنه سعيده عليكى ومليانه فرح ليكى ولعائلتك

 

[كلدانية]

موضوع جميل ومعبر جدااا
شكرااااا سوسو​

 

[soso a]

نورتى الموضوع
مشكور حبيبتى