{{ واحد من الناس }}

[god love 2011]

{{ واحد من الناس }}
قض ( 16 :7 )

ده مش اسم فيلم

دى ايه فى الكتاب المقدس وموضوع حبيت اشارككم بيه

وقفوا حولى وكانت هذه كلماتهم :

* اذا عبرنا عن رأينا يقولوا علينا اننا عيال دماغها لاسعه
واذا لم نتكلم يقولون اننا عيال مخها فاضى

* اذا لبست مثل البنات ملابس ضيقه شويه يعملوا لنا موقع على الفيس بوك ويطلقوا حمله بأسم
الحمله الشعبيه لتوسيع بنطلونات البنات
ويعملوا شعار للحمله :

يابنت بلدى عيب
لما اللجام هيسيب
فى بنطلون مزنوق
وبلوزه شبر لفوق
ولا واحده فى الجمباز
ولا عدش عندك ذوق

اما اذا لم البس مثل البنات ، اصبح بنت مسترجله او اولد فاشون

* اذا لبست بنطلون ساقط يقولوا انها اساسا بنطلونات المساجين فى السجون الامريكيه
واذا لبست بنطلونات عاديه ابقى عيل شلل خنقه

* لو ضربت جيل وعملت شعرى سبايكى ولبست تى شيرت عليه ترتر وسلسله جنزير
وساعة يد كبيره وحظاظه يقولوا على واد روش طحن ولو معملتش كده ابقى فقع

اذا لبست حذاء بليرينا ابقى بنت روشه واذا لم البس ابقى بنت عقد وكلاكيع

نسمع لمين بالظبط ؟؟؟

بصراحه احنا جيل بنحاول نعبر عن انفسنا احنا زى مابيقولوا علينا اننا جيل عيش النهارده
دا شعار الشباب فى كل الدنيا بنحتفل لأى فرصه تيجى فى سكتنا
احنا جيل اللى بيعبر بطريقته عبر عن احساسك عبر عن نفسك عبر مين قدك

احنا جيل البلوتوس شباب الداون لود وبصراحه اكثر احنا مش بنحب نصايح
ولا بنحب الكلام المجعلص
وبصراحه اكثر لما بنسمع واحد بيتكلم معانا بالطريقه دى بننفض له
وطبعا انت عارف حركه التنفيض بمعنى اصح بنكبر الجمجمه

احنا بنقضيها مش علشان دماغنا لاسعه وفاضيه احنا بنعبر عن نفسنا بس بطريقتنا
ومش لاقيين حد يفهمنا ويحس بينا
احنا مش محتاجين حد يشكلنا زى ماهو عاوز
سيبك من شعارات : الشباب جيل المستقبل
وهما امل بكره كلها شعارات
احنا ملناش دور مجرد ديكورات جثث فوق دكك الكنيسه
حاضرين علشان يتعمل قدامنا علامه صح

لكن دورنا ايه ؟؟؟

هل تفتكر نعمل فقره افتتاحيه فى الاجتماع ؟؟
هل تفتكر ان دا بيدخل دماغنا اساسا .. لا طبعا"
كل ده بيفتكروا انهم بيدونا فرصه
واحنا بنعمل نفسنا مش فاهمين او عيال ساذجه .. لا احنا بس بنحب نريح الزبون

تفتكر يعنى التغيير علشان تجذبونا للكنيسه كل ده اونطه

كلام فى كلام
بصراحه الكلام بتاعكم زى اى جيم بعد مابتخلص بيتكتب جيم اوفر

الخادم عمال يدش واحنا شغالين بلوتوز ورنات وهانروح فين بعد الاجتماع

طب بزمتكم مش هو ده اللى بيحصل

انا عايز البس واتكلم واعيش

زى اى حد {{ مهو انا واحد من الناس }}

مش هعيش مختلف عنهم الناس كلها بتعمل كده مش انا اللى هبقى شاذ عنهم

ماتقوليش غلط وحرام وميصحش ومينفعش وكلام نفخ
بلاش كلام الغيبوبه اللى انتم عايشين فيه ده
وعايزنا نعيش فيه معاكم

انا مش ناقص طرقعة دماغ .. فكك منى

وبصراحه كده الخدام دول 90% منهم عايشين الوهم والباقى بيفكر

احنا دماغنا مش فاضيه ولا لاسعه
عندنا تفكير
عندنا مشاعر لطيفه
عندنا طاقات جوانا
عندنا حاجات حلوه جوانا
بس مفيش حد بيفهم او بيقدر

احنا كم مهمل بلا قيمه بنحاول نعمل اى حاجه حتى لو كانت غريبه علشان نقول :
احنا هنا
بصوا علينا
احنا مش كمالة عد ..احنا موجودين

* تسريحات الشعر الجديده بنحاول نعبر من جوانا انى انسان عندى دماغ وبتفكر

* الملابس والموضات الجديده بنعبر عن وجود كيان اسمه : انا بحاول اقول انا هنا

* الرنات والتشات بنحاول نقول ان احنا لنا احتياج جوانا اننا نعمل حوار .. علاقه
حتى الحوارات الجنسيه ممكن تكون تعبير مغلوط عن معانى الحب
احنا عارفين بس مش فاهمين ايه هو الحب الصافى الحقيقى
نفسنا فى علاقه حاسس انى لوحدى حتى لو انا وسط شله

* حتى الاحذيه ام بوز طويل بنحاول نعبر عن سؤال داخلنا : اين الطريق اريد هدف
اريد طريق امشى فيه اريد هدف اسعى اليه
احاول ان تكون المسافه اقصر لهذا الهدف بطول حذائى

* والساعات الكبيره بنقول لكم احنا عارفين اهمية الوقت
لكن نقضيه فين وازاى

* الحظاظه اللى بنلبسها ماهى الا تعبير عن اشتياقنا لوجود فرصه ولو حتى بالحظ لاثبات وجودنا

* البنطلونات المقطعه تعبير عن احساسنا بالتمزق الداخلى والصراع جوانا بين الصح والغلط
نفسنا نعيش صح بس مش عارفين ومش قادرين


ادونا هدف واضح نعيش ليه ومتدوناش ضباب وسراب نمشى وراه
وساعتها لن نعيش او نلبس او نتكلم مثل اى {{ واحد من الناس }}
عاوزين نعيش حياه لها طعم مختلف ليس مجرد بنى ادمين ياكلوا ويشربوا ويناموا ويموتوا

عايزين نعيش الاختلاف

ولا ايه رايكم؟؟؟؟؟؟؟؟ ​

​

​

​

​

​

​

​

​

​

​

 

[KOKOMAN]

موضوع جميل يا سيمون

ميرررسى ليكى على الموضوع

ربنا يبارك حياتك​

 

[SALVATION]

شكرا كتييير سيمون لموضوعك
تسلم ايدك
يسوع يبارك حياتك​

 

[المجدلية]

موضوع جميل +++ ربنا يبارك حياتك

 

[white rose]

الموضوع ما بيكفى انو نقول انو حلو

هو فعلا موضوع جميل كتير

بس مهم كتييييييييييييييييييييييييييييييييييييييييييييييييير

الموضوع لازملو مناقشة لأنو فعلا في كتير او حتى كتير كتير شباب و صبايا
عم يفكروا بهالطريقة

يعني لازمن من يفضالن و يفهمن و يناقشن و يحكيلن و يحكولو

دا انت اثرت موضوع كتير مهم يا سيمون

 

[happy angel]

 

[candy shop]

موضوع جميل اووى يا سيمون

شكرااااااااااااااااااااا ليكى يا قمر

ربنا يباركك​

 

[kalimooo]

الله يا سيمون

موضوع رائع تشكري عليه

الرب يبارك اتعابك

 

[وليم تل]

شكرا سيمون
على الموضوع الاكثر من رائع
ويا ريت نهتم بجوهر الانسان اكثر من اهتمامنا بمظهرة
ونتعلم كيف تكون الحرية ملكا للشخص نفسة وليس لغيرة
طالما انها لا تجور علية او تأذية ولندع الخلق للخالق
وتستحقى احلى تقييم
ودمتى بود​

 

[اني بل]

ميرسي سيمون على الموضوع الذي يستحق التقييم وربنا يباركك وتتحفينا بهيك مواضيع جميلة