هى البنت بتتحرش بالولد .. طيب ازاى .. تعالوا وانا اقولكم..!!

[Critic]

مش حاسس ان طريقة التفكير دى هتودى على نهاية سليمة
شوية شوية هنقول ان لو بنت تم اغتصابها هيكون بسبب لبسها لأنها استفزت المجرم !
يا جماعة التحرش جريمة , جرييييييييمة ! مفيش مبرر فى الدنيا يدى حق للشاب انه يتحرش ببنت ,
لما نؤيد فكرة "ان اللبس بيستفذ مشاعر الشاب" يبقى بنشجع الشاب _من حيث لا ندرى_انه يخلى لبسها شماعة يرمى عليها مرضه ويتملص من مسئوليته ,عمر ده ما هيكون حل , احنا كدة بنفكر بالطريقة الإسلامية !

 

[Critic]

عارفة تفكيرنا ده شبه مين ؟!
شبه السلفيين
مش هما لما بيهدوا كنيسة بيقولوا "اصل منظر الصليب استفزنا"
معنى كدة ان بنفس المنطق "الصليب بيتحرش بيهم " طب ازاى "اصله بيستفز عيونهم"
صدقينى نفس طريقة التفكير
هما بيعتبروا هد الكنايس عقاب طبيعى علشان منظر الصليب لا يروقهم , واحنا كدة بنعتبر ان التحرش بالبنت نتيجة طبيعية لأن لبسها مستفز !
مش مفترض ابدا اننا نعاقب الآخر على إن هيئته لا تروقنا , كدة احنا فقدنا الأحساس بحدودنا ومسئوليتنا !

 

[sparrow]

انا شايفه ان اللبس مش هيحل لو نسبه بسيطه من المشكله
المشكله يا وايت بقت اخطر من اللبس بكتييييييير
لان نسبه كبيرة من المتحرشين بيبقوا مرضي وحتي تحرشهم بيبقي بطريقه مرضيه زيهم
انا مش هنكر ان في لبس مستفز ومستفز جدااا كمان ومش معني كلامي ان الواحد يلبس الي عوزة لان المفروض هنلبس الي يليق
بس تخيلي لو كل البنات لبست شوالات , مش هيبقي في تحرش .. طبعا لا ولا نسبته هتقل حتي
لان غير اللبس في نت والي معندوش نت عندة تلفزيون ودش شغال 24 ساعه وفي حشيش وبانجو وطبعا في وسط ظروف البلد مفيش امن وفي تسيب

ربنا يرحمنا

 

[سندريلا 2011]

لازم الواحده مننا تاخد بالها من لبسها علشان متلفتش النظر وتغرى الشباب احنا نعمل اللى علينا