هل سوف تحضر..؟؟ زفاف حبيبك او حبيبتك ..؟؟

[Coptic MarMar]

رد على: هل سوف تحضر..؟؟ زفاف حبيبك او حبيبتك ..؟؟

يبقي برضه لسه يهمك امره..​

ياربى يسوع طالعنى من المناقشة دى بسلام
من غير ما اقتل حد فى الاخر :t32:
ممكن اعرف يا عصام انت طريقة تفكيرك ازاى..!!!
يابنى افكر فى ازاااااااااى وهو اتنيل على عينه وارتبط
سامحنى يارب ههههههههههههههههه
هو مش الفراق حصل بينا خلاص اعتقد انا لو كنت بفكر فيه
هحاول ارجعله تانى باى طريقة
مش هفكر فيه وهو بيتجوز :t32::t32:​

 

[محامي مسيحي]

رد على: هل سوف تحضر..؟؟ زفاف حبيبك او حبيبتك ..؟؟

مين اللى قالك انى هروح علشان اشوف مشاعرى من ناحيته
هو انا مجنونة علشان احب واحد ارتبط خلاص
يابنى أتكلم بالعقل شوية
بص يا عصام...
مفيش انسان بيحب الهزيمة او الانكسار
مانا لو مرحتش هيفكرنى لسه بفكر فيه طيب وانا ليه اديله الفرصة يفكر كده
واكيد انا لو مرحتش هشوف نفسى انسانة ضعيفة لآنى متحمتلش الفراق ده ​

لا يا مرمر..

كلامك كله غلط..

بدل ما انا اروح الفرح واشوف نظرات الهانم عليا ..

وانها عايزه تشوف رد فعلي ايه..

لا دا انا ما اروحش خالص واعتبره (..... وراح)

انا ليه اديها اهميه بالشكل ده؟

وكمان انا ليه اديها الفرصه انها تقول بينها وبين نفسها(ده زمانه شايط من جوه)

هي مين ديه اصلا عشان اعمل لها حساب واعتبار ؟؟؟؟؟

ما تتجوز ولا تتطلق ولا تروح في اي حته..وانا مالي؟؟؟

 

[sondos_m2006]

رد على: هل سوف تحضر..؟؟ زفاف حبيبك او حبيبتك ..؟؟

انتوا بتتكلموا على اساس اننا رايحين كبرياء افرض لو قريبى انا لازم اروح و احضر و محسسش حد انى لسة بحبه طبعا و اولهم عروسته علشان مخربش حياته الجديدة لان اللى يحب عمره ما يكره

 

[Coptic MarMar]

رد على: هل سوف تحضر..؟؟ زفاف حبيبك او حبيبتك ..؟؟

بدل ما انا اروح الفرح واشوف نظرات الهانم عليا ..​

بذمتك يا محامى فى عروسة بتبقى فاضية للكلام ده
هتسيب الناس كلها وتبص على حضرتك... ليه انشاء الله ؟
ماشى انتوا كنتوا فى يوم من الايام حبايب بس ده كان زمان
معتقدش انى انا ممكن اعمله اعتبار للدرجة دى بأنى أقف فى فرحى
وأشوف نظراته.... لا صعب جدا طبعا
وبعدين انا لو كنت حبيت الشخص ده فى يوم من الايام حب بجد
عمرى ما هفكر لحظة فى انى اشمت فيه حتى لو انفصلنا ​

هي مين ديه اصلا عشان اعمل لها حساب واعتبار​

لالا انا مش معاك فى طريقة تفكيرك خالص...
واضح من كلامك انك لما تنفصل عنها يبقى خلاص انت بطلت تحترمها
ازاى طيب.... فهمنى انت
اللى يقول كلامك ده يبقى عمره ماحب الشخص اللى بيتكلم عليه ده

ما تتجوز ولا تتطلق ولا تروح في اي حته..وانا مالي ؟​

يابنى هو حد قالك مالك....
طيب طالما شايف كده يبقى بقى ايه اللى يمنعك من انك تروح
طيب مانت لو رحت هبيبن لها انى خلاص فعلا ماليش دعوة بيها
وده بالفعل مش بالكلام بس
وليه انت تديها الفرصة تقول ده زمانه هيموت من غيرى !!!
مانا اروح وابارك لها كمان ولاحظ ان ساعتها هيكون الحب انتهى تماما بينكم
يعنى عمرها ما هتبص لك بالنظرة اللى انت قلت عنها دى​

 

[esambraveheart]

رد على: هل سوف تحضر..؟؟ زفاف حبيبك او حبيبتك ..؟؟

ده الموضوع ورم بصحيح
و شويه و حاتتدخل منظمة الامم المتحده و منظمات حقوق الانسان و يمكن المطافي و الاسعاف
خلاص يا مرمر...انتي عاوزه تروحي تحضري ..روحي و ربنا معاكي..بس مش حاتكسبي حاجه غير الجرح و بدل ما انتي رايحه عشان تحققي انتصار ذاتك علي ضعفها حاترجعي و انت انسانه مقتولة الاحساس و اشبه بالاموات و ما اعتقدش انك بعد كده حاتقدرى تحبي واحد تاني..لان اللي حاتشوفيه يوم فرح حبيبك حا يطير البرج اللي فاضل و حايسحق روحك و قلبك و يخلليكي ما تتمنيش حاجه بعد كده غير الموت...و اسال مجرب
و انا مش عاوز احضر..يبقي انا برضه حر في تفكيري و مشاعرى ..و مش باقول كده لاني ماجربتش .بالعكس..لاني في يوم من الايام عملت جدع و اتحديت نفسي في موقف زى كده تقريبا..و كانت النتيجه الم و مراره و احساس بالموت الداخلي .اخدوا مني سنين طويله عشان انسي و اعيش من تاني..بينما الانسانه عديمة الاحساس اللي تعمدت تجرحني بدعوتها عاشت حياتها سعيده من اول يوم ارتبطت فيه و ظهر انها كانت مستنيه المي و انتصارها عشان تتوج سعادتها و تثبت لنفسها انها ليها قيمه و انها كانت علي حق في اختيار غيري
عقول مريضه...و نفسيات مريضه ..و مايعملش كده الا الشخص المريض..و عشان كده..مش ممكن البي دعوة شخص مريض النفس و تافه و لا يفكر في شئ سوى الانتقام و جرح الاخرين و اثبات الذات
يا رب تكون وصلتك الفكره​

 

[Maria Teparthenos]

رد على: هل سوف تحضر..؟؟ زفاف حبيبك او حبيبتك ..؟؟

بصى يامرمر...هو الموضوع صعب اوى وصعب كمان ان اى طرف يعزم التانى فى فرحو لان العزومة دى ملهاش اى معنى غير تجريح الطرفين وهتاثر بعد كدة على حياتهم هما الاتنين وكمان انتى طرحتى الموضوع ده علشان كل المشتركين يقولو رايهم...وانت بقى ياجميل...ايه رايك؟؟؟

 

[Coptic MarMar]

رد على: هل سوف تحضر..؟؟ زفاف حبيبك او حبيبتك ..؟؟

..لان اللي حاتشوفيه يوم فرح حبيبك حا يطير البرج اللي فاضل و حايسحق روحك و قلبك و يخلليكي ما تتمنيش حاجه بعد كده غير الموت...

عصام فى حاجة مش عارفة اوصلها لك ازاى...
يعنى فرح حبيبى دى !!!
مينفعش أقول على الشخص ده حبيبى
احنا خلاص انفصلنا يابنى أنفصلنا وهو ارتبط
ازااااااااااااااى هقول عليه حبيبى بقى ؟!!!
هو انا لو لسه بحبه هأبقى معاك انه هيبقى موقف صعب جدا
بس انا استحالة افكر فى شخص يعمل فيا كده يسبنى ويروح لحد تانى :t32:

بص يا عصام انا متفقة معاك فى أفكار كتير
هو ممكن تكون فى عقول مريضة زى مانت بتقول ويبقى هدفها الجرح
بس سامحنى ده بيبقى عيب فى الحبيب اللى انا اخترته ليا

وأخيرا يا عم عصام الاختلاف فى الرأى.....
وبجد أنت كلامك جميل اوى
وأنشاء الله ربنا هيعوضك بالاحسن بس أبقى أعزمنا ياد ههههههههههه​

 

[Coptic MarMar]

رد على: هل سوف تحضر..؟؟ زفاف حبيبك او حبيبتك ..؟؟

بصى يا ماريان...
أنا فاهمة كلامك وان الموقف صعب وصعب كمان انى اعزمه فى فرحى
بس المناقشة دى هو خلاص عزمك أنتى هتعملى ايه ؟
وأنا بردوا متفقة معاكى انه ممكن يكون موقف تجريح ليا
بس ده متوقف على شخصية الانسان اللى انا فى يوم من الايام حبيبته
وصدقينى اللى بيحب بجد عمره ما هيفكر يشمت بحبيبه
انا رأيى كتبته قبل كده... وهو انى هروح
ميرسى لرأيك يا قمر ونورتى​

 

[esambraveheart]

رد على: هل سوف تحضر..؟؟ زفاف حبيبك او حبيبتك ..؟؟

امال ما بتسمعيش الكلام ليه يا مرمر؟؟؟؟؟؟؟؟؟؟؟؟؟؟؟؟؟
:t19::t19::t32::smil8::a82::11azy::act23::010105~332::186fx:
انا باقولك كده عشان خايف عليكي و علي اي حد يفكر يخوض التجربه المره دي
حقيقي تجربه صعبه و لازم الواحد يكون قديس عشان يخرج منها باستفاده روحيه حقيقيه لنفسه و ينتصر علي ضعفه
و الثقه في النفس مش بس كلام و لا تحدي لمقدرات الانسان المحدوده
لان النتيجه هاتكون اشبه بواحد قال انا جدع و راح وقف علي شريط قطر الصعيد و رفع ايده في وش القطر عشان يوقفه قام القطر عمله كفته و خللاه ما ينفعش لحاجه بعد كده
التحدي لازم يكون في مكانه و لازم يكون لهدف مضمون التحقيق و الا يبقي ماساه و خساره من كل ناحيه
و بعدين "ياد" دي مش غريبه عليا...انتو ليكم حد من سوهاج و اللا حاجه؟؟؟؟

​

 

[Coptic MarMar]

رد على: هل سوف تحضر..؟؟ زفاف حبيبك او حبيبتك ..؟؟

وبعدين بقى...
شكلنا هنرجع تانى ولا ايه :t32:
يابنى انا قلت متفقة معاك فى شوية افكار
بس انا هروح بقى :yahoo::yahoo: ده لو هو جاله قلب يعزمنى اساسا ههههههههههه
ايه ياعم هى ياد دى بتاعت سوهاج بس ولا ايه
دى وصلت لعندنا كمان هههههههههههه​

 

[محامي مسيحي]

رد على: هل سوف تحضر..؟؟ زفاف حبيبك او حبيبتك ..؟؟

بس ده متوقف على شخصية الانسان اللى انا فى يوم من الايام حبيبته

بصراحه يا مرمر ما نضحكش على نفسنا اكتر من كده

هقولهالك للمره التانيه..

مافيش اتنين سابوا بعض بدون مشاكل..

عارفه يعني ايه مشاكل؟

يعني ماحدش طايق التاني ولا عايز يشوف التاني

وكل الناس كده يا مرمر ..مش اصحاب العقول المريضه..

هل تتخيلي ان فيه اتنين كانوا بيحبوا بعض وبعدين سابوا بعض في سلام وامان؟؟؟؟

كل واحد بيقول على التاني.. ده خاين..اناني..مش بيحبني..خساره فيه قلبي.....

وبعد كل ده هي هتعزمني ؟

يبقى ابسط كلمه تتقال عليها انها مش بني ادمه اساسا.

وتستاهل كل اللي يجرالها مني

وزي ما قال عصام.. هترجعي من الفرح مقتوله الاحساس واشبه بالاموات..لحد ما عقلك هيطير..وهتسألي نفسك:-

طيب انا رحت ليه؟؟؟

عزمني ليه؟؟؟

هو دلوقتي مبسوط ولا لأ؟؟؟

طيب كان ممكن نرجع لبعض ولا لأ؟؟؟

طيب هي بتحبه ادي ولا لأ؟؟؟

اسئله كتيره هتجننك يا مرمر

الاعتراف بالحق فضيله

 

[MarMar2004]

رد على: هل سوف تحضر..؟؟ زفاف حبيبك او حبيبتك ..؟؟

اولا بشكرك علي الموضوع الجميل ده
وبجد انا لو حصل معايا كدة انا هلبيله الدعوة عارفة ليه لاني بحبه بجد واللي بيحب حد بج يتمني له السعادة حتي لو مع شخص غيري بس اهم حاجة اني اشوفه مبسوط وفرحان دي عندي بالدنيا
اما اذا كنت انا العروسة فهبعتله دعوة علشان هو اخويا وهو لو بيحبني والظروف هي اللي فقت بنا هيقبل الدعوة لكن لو مش بيحبني هيفكر اني بانتقم منه لانه سابني
مرسي ليكي يا مرمر علي الموضوع الجميل ده وربنا يعوض تعبك
صلي من اجلي كثيرا

 

[جورج كمال]

رد على: هل سوف تحضر..؟؟ زفاف حبيبك او حبيبتك ..؟؟

احسن حل بين اي اتنين كانوا بيحبوا بعض واتفرقوا لاي سبب من الاسباب يكون من الافضل ان كل واحد فيهم ينسي الاخر بكل حاجة حلوة او مرة علشان يقدر يعيش حياته .. واكيد هيقابل اللي يحبه اكتر من الاول بس يكون علي ثقه من ان ربنا كل تدابيرة لصالح الانسان ..​

 

[Coptic MarMar]

رد على: هل سوف تحضر..؟؟ زفاف حبيبك او حبيبتك ..؟؟

مافيش اتنين سابوا بعض بدون مشاكل..​

وايه اللى دخل المشاكل فى الوقت ده...!!
بص يا محامى انا متفقة معاك ان الموقف اكيد هيكون صعب
بس احنا دلوقتى بنتناقش فى انه خلاص بعتلك دعوة
وانت هتروح ولا
أنا مذكرتش اذا كان فى مشاكل او لا ​

يعني ماحدش طايق التاني ولا عايز يشوف التاني​

تصدق انك جننتنى خلاص :a82::t32:
يا عم الحج ارجوك افهمنى....
انا لو حبيت حد بجد عمرى ماهكره حتى لو ايه بس الكلام ده لو بجد
انا حاسة انك ليك مفهوم خاص عن الحب
ازاى بس اللى انا كنت بحبه ابقى مش طايقه اشوفه
وبعدين انت ليه مش مفترض ان الانفصال اللى بينكوا ده لآسباب معينة غصب عن الطرف الاخر ​

هل تتخيلي ان فيه اتنين كانوا بيحبوا بعض وبعدين سابوا بعض في سلام وامان؟؟؟؟​

أيـــــــــــوة أتخيل ونص وتلت اربع
فى كتــــير وانا شخصيا اعرف ناس كده
انت ليه مش متخيل ان كل حاجة انتهت خلاااااااااص بعد انفصلكوا وارتباطه هو كمان​

يبقى ابسط كلمه تتقال عليها انها مش بني ادمه اساسا.​

أنا قولت انك ليك مفهوم خاص للحب محدش صدقنى :t32:
لاحظ انك بتتكلم عن واحدة كنت بتحبها فى يوم من الايام وكانت هتبقى شريكة حياتك​

اسئله كتيره هتجننك يا مرمر​

أيوة ماشى انا معاك فى الاسئلة دى
بس ياترى الاسئلة دى هتيجى لو رحت بس !!
لان معنى الاسئلة دى انك لسه بتفكر فيها كحبيبة ​

 

[Coptic MarMar]

رد على: هل سوف تحضر..؟؟ زفاف حبيبك او حبيبتك ..؟؟

وبجد انا لو حصل معايا كدة انا هلبيله الدعوة عارفة ليه لاني بحبه بجد واللي بيحب حد بج يتمني له السعادة حتي لو مع شخص غيري بس اهم حاجة اني اشوفه مبسوط وفرحان دي عندي بالدنيا​

ميرسى لرأيك الجميل ده يامرمر
وأنا متفقة معاكى جدا
لان اللى بيحب حد صعب انه يكره مهما كان
نورتى الموضوع ياقمر​

 

[Coptic MarMar]

رد على: هل سوف تحضر..؟؟ زفاف حبيبك او حبيبتك ..؟؟

احسن حل بين اي اتنين كانوا بيحبوا بعض واتفرقوا لاي سبب من الاسباب يكون من الافضل ان كل واحد فيهم ينسي الاخر بكل حاجة حلوة او مرة علشان يقدر يعيش حياته​

ماشى يا جورج أنا متفقة معاك
بس أفرض انهم كانوا قرايب وحصل الموقف ده
نورت الموضوع ياجورج​

 

[جورج كمال]

رد على: هل سوف تحضر..؟؟ زفاف حبيبك او حبيبتك ..؟؟

مرسي لك يا مرمورة علي الموضوع دة
في حاله لو كانوا قرايب يبقي كل واحد يتمني للتاني الخير وبلاش يكون اناني ومفيش حد يتعزم علي فرح التاني وكل واحد يعيش حياته ..

 

[Coptic MarMar]

رد على: هل سوف تحضر..؟؟ زفاف حبيبك او حبيبتك ..؟؟

في حاله لو كانوا قرايب يبقي كل واحد يتمني للتاني الخير وبلاش يكون اناني ومفيش حد يتعزم علي فرح التاني وكل واحد يعيش حياته​

بص يا جورج...
موضوع المناقشة كله لو انت اتعزمت هتروح ولا ؟
هو أكيد كل واحد فيهم هيتمنى الخير للطرف الاخر
لآن كان فى حب فى يوم من الايام بينهم
وانت لو قريت مشاركات الاعضاء زى فادية ويوحنا
هتلاقى ان الموقف حصل معاهم وهما راحوا
ومحصلش حاجة من اللى اتكلم عنها عصام والمحامى ​

 

[esambraveheart]

رد على: هل سوف تحضر..؟؟ زفاف حبيبك او حبيبتك ..؟؟

اولا لاحظى ان عدد الاعضاء في الطرف الرافض للحضور بقي خمسه و خميسه في عين اللي مايصلي عاللي مايتسمى
و ده كان بانضمام اخونا جورج لحزب الرافضين و العياذ بالله
ثانيا انتي بتتكلمى يا مرمر و كان البشر دول اجهزه او مكن بزراير و ماعندهمش شعور او احساس
يا بنتي مش كل الناس زى بعضها و مش كل قصص الحب زى بعضها و لا نهاياتها برضه زى بعضها
عشان كده من الصعب علي ناس تلبية الدعوه حتي لو كان الحبيبين السابقين قرايب
و فيه قصص بيكون الحب فيها سطحى و ماوصلش لمستوى الحب الحقيقي عشان كده بيكون من السهل علي الطرفين مواجهة موقف زى كده بمنتهى البرود لان الموضوع فعلا ماعادش ليه تاثير عاطفي عليهم
طيب ايه رايك في واحده تعرض علي عريس كان متقدم لها انها تشوف له عروسه غيرها في موقف تهريج عادي جدا بينهم؟؟؟
عارفه ايه اللي حصل؟؟؟؟
الست هانم المحترمه اخدت قلم علي وشها يسمع سكان المريخ من العريس المسكين اللي كان قاعد قدامها
و عارفه برضه ايه كان سبب القلم؟؟؟
الست هانم الخبيثه كانت تقصد تقول لعريسها بالمحسوس ورينا عرض كتافك بعد خطوبه دامت سنه و نص العريس كان جهز فيها كل حاجه و حجز الكنيسه كمان للاكليل..لكن الهانم المحترمه كانت عايزه الموضوع يبوظ لان امها جابتلها عريس تاني اغني في اللحظات الاخيره
هل تعتقدي ان واحده زي دي لو عزمت عريسها السابق علي فرحها حايروح يحضر بالبرود ده و يبارك كمان؟؟؟
ده حتي يبقي حرام
ارجو انك ماتنظريش للموضوعمن وجهة نظر منفرده او ضيقه لان الناس مشاعر و احاسيس
و مهما كان الحب اللي راح قوى فلا اعتقد ان توصل الجراه باحد الاطراف انه يقول للطرف التاني:
تعالي احضر فرحي و خلليني امشي في جنازتك...ده يبقي منتهي الانانيه و عدم الاحساس
و طلب لا يطلبه الا واحد من اتنين...يا عبيط يا بيستعبط​

 

[ميرنا]

رد على: هل سوف تحضر..؟؟ زفاف حبيبك او حبيبتك ..؟؟

عصام من فضلك فى كلام مينفعش يتقال رجاء خد بالك ​