هل جربتم يوما شيئا كهذا ؟؟

[moga]

هل جربتم يوما شيئا كهذا ؟؟

الصمت​

يقال أن الصمت أبلغ لغات الكلام...

قيل الكثير عن الصمت......والكثير منا يعانون من الصمت...

ولكن ....!

ماذا تفعل إذا كان الصمت طبعك عند الحزن والغضب .. ؟؟
عندما يسيء اليك عزيز لديك بكلمة أو تصرف ...
فيلفك الصمت وتتجمد الحروف على شفتيك
وتتحجر الدموع في عينيك . ماذا تفعل ؟؟

إذا تجاهل هذا الشخص ألمك .. وتناسى إساءته ..
وتابع حياته معك وكأن شيئا لم يكن .. والصمت طبعك
والألم بداخلك يقتلك .. ماذا تفعل ؟؟

وتبقى مع ألمك الداخلي لاتستطيع حتى أن ترتشف قطرة الماء
تشعر أن كل شيء فيك قد تجمد .. ماذا تفعل ؟؟
فالصمت طبعك .. ماذا تفعل ؟؟؟؟


عندما ينظر إليك الناس على انك متكبرمتعالي عليهم ..
ولكن حقيقتك ونقطة ضعفك أنك تخاف الاختلاط بهم خوفا من اية
اساءة مقصودة أو غير مقصودة تقف امامها عاجزا عن الرد .. ماذا تفعل ؟؟

عندما تهرب بصمتك ممن اساء اليك لتبكي بمفردك وتبكي ....
وعليك أن تظهر أمام الناس بانك سعيد وقوي.. مرح متفائل ...
ماذا تفعل ؟؟؟​

​

هل جربتم يوما شيئا كهذا ؟؟​

هل احسستم بالم الصمت ؟؟​

​

واخيرا اتذكر من رباعيات صلاح جاهين :​

ياعندليب متخفش من غنوتك

قول شكوتك واحكي علي بلوتك​

الغنوة مش ح يموتك انما


كتم الغنا هو اللي ح يموتك​

و عجبي​

​

​

​

لماذا لا تتكلم وتحكي علي ما بدخلك صدقني ستجد من يستمع اليك ​

وان لم تجد من بني البشر من يهتم بك
ستجد الراحة عند ابوك السماوي فارتمي في حضنه والق كل احمالك عليه و هو يريحك​

​

(منقول)​

​

 

[Coptic Man]

موضوع خطيررر يا موجا

تصدقي انا فعلا اوقات ببقي كده بس مش كتير

في الغالب لما اتغاظ باكل اللي قدامي هههههههههه ( معاد في الصيام )

الرب يباركك

 

[Michael]

شكرا موجة

على الكلام الفعال دة

 

[artamisss]

كلام جميل يا موجه وفعلا للاسف انا لما بكون مضايقه واكتم فى قلبى مش لانى مش قادرة اقول لاء لكن لانى بخاف اقولها بطريقه تجرح شعور الشخص ده فا بتحمل انا االالم فى قلبى دون شريك :190vu: لعشان مخسرش اللى قدامى انا لاخر وقت بكون باقيه على احبابى واصحابى
ولما بكون مضايقه اكتر بفضل العزله والبكاء مع ربنا افضل شيئ فعلا
جربوها بجد
لما اكون تعبان ليا مين غيرك

 

[ميرنا]

ماذا تفعل إذا كان الصمت طبعك عند الحزن والغضب .. ؟؟
عندما يسيء اليك عزيز لديك بكلمة أو تصرف ...
فيلفك الصمت وتتجمد الحروف على شفتيك
وتتحجر الدموع في عينيك . ماذا تفعل ؟؟

إذا تجاهل هذا الشخص ألمك .. وتناسى إساءته ..
وتابع حياته معك وكأن شيئا لم يكن .. والصمت طبعك
والألم بداخلك يقتلك .. ماذا تفعل ؟؟

يمكن الصمت بيقدر يتكلم اكتر واحتفظ بالمى لنفسى

 

[moga]

مينا هوت ، ميشيل ، ارطميس،ميرنا
بجد مروركم زى العسل ربنا يخليكم يارب وتلاقو دايما القلب المفتوح ليكم علشان يهون عليكم ويسمعكم وقت ضيقتكم

 

[ramyghobrial]

المشكلة دي جاتلي على الجرح الحقيقة ياموجا
انا قعدت سنة كاتم في نفسي مواضيع كتيييير ومش قادر افضفض لحد وفي نف الوقت عايز ابان قوي لكن جة في وقت جالي حاله انهيار وبكيت مع ربنا وساعتها مكنتش عارف ببكي على اية بس بعدها ارتاحت وكمان ارتحت اكتير لما حكيت مع حد ولما اتكلمت معاه وعزاني بالكلام
صحيح الصمت كتييير مفيد وكتييييييير مضر

بحيكيي ياموجا على موضوعك الرااااااائع

 

[blackguitar]

موجا............. وبعدين انتى شكلك كده هتنضمى لحزب ديانا ورامى والكلام الكبير اللى بيجى على النفوخ ...........موضوع جميل اوى اوى اوى ورهيب ومؤثر لان معتقدش ان مفيش حد فينا عاش لحظاته الرهيبه المؤلمه

ميرسى يا عسل على الموضوع الجميل ديه

 

[†gomana†]

اولا شكرا على الموضوع الجميل ده يا حبيبتى

انا احيانا كتتير بلاقى ان الصمت ده مهم جدا لما اكون متضايقة او تعبانة نفسيا من مشكلة احب جدا اقعد ساكتة منطقش ابدا بكون تعبانة جدا جدا بس فعلا الصمت معايا بضطر انى اسكت كتير عشان مش اجرح اللى قدامى بكلمة فبشيل واكتم فى نفسى لحد ماانفجر بالعياط مع صديقى الجنين بابا يسوع اللى بيسمعلى دايما

ربنا يخليكى لينا يا حبيبتى موجة وتنزليلنا دايما مواضيع جميلة جدا دايما