هل اعتذار الرجل للمراة ينقص من قدره ؟

[++menooo++]

أختلفت الإجابات



وتباينت .. الأراء ..



هل إعتذار الرجل للمرأة ... ينقص من قدره ؟؟



هل يمنعه غروره من الإعتذار ؟؟



وهل يختلف الرجل الشرقي عن غيره في درجة الحساسيه لهذه الكلمه !!



وأعني هنا إعتذار الحبيب لمحبوبته ..



نحن نعلم أن المرأة بطبعها رقيقة المشاعر .. سهلة الانكسار



وأي كلمه قد تؤثر عليها .. بل قد تقتلها



تجرحها .. وتؤلمها



وقد لا تسامح من أساء إليها



ولكن عندما يقول لها الرجل ... أنا أسف .. أعذريني ياملاكي



فانها قد تنسى كل شئ .. وقد تغفر أي شئ



ولكن يبقى السؤال



مالذي يحس به الرجل عندما يعتذر !!



وهل يعتبر أن اعتذاره هو بمثابة الإهانه له !!!!



وهل يجب أن يعتذر بالكلام .. أم أن هناك أشياء اخرى تحل محل الكلمات ؟؟​

منقول للنقاش والإستفادة
دمتم بخير​

 

[girl_in_jesus]

بص يا مينا مدام هو غلط مفهاش حاجه انه يعتذرلى .

وانا هخدها حب مش نقصان من قدره ولا حاجه .

وعلى فكره انه يعتذز لى على حاجه زعلتنى او جرحتنى ده بيحسسنى انه بيحبنى جدا لكن لو مسألش يبقي مش بيحب .....

وده رأيى الشخصى وانا مقتنعه بيه وممكن يكون مش صح وادينا بتناقش

 

[++menooo++]

جميل رأيك نشوف رأى البقيه
و على فكره مكتوب فى الموضوع يعنى المقصود بيه هو ان الاعتزار بالنسبه له شىء كبير فبنناقش انه لا ينقص من قدره و المفروض تفهم ذلك
شكرا لمرورك

 

[mary]

هو يا مينا بصراحة الإعتذار فى حد ذاته مش عيب ولا ينقص للرجل من كرامته لكن الرجل الشرقى خصوصاً مع واحدة ست بيستكبر إنه يعتذر ممكن تكون النسبة إللى بتفكر بالشكل ده بتتناقص مع التعليم والتغير التدريجى فى عادات وتقاليد المجتمع الشرقى إللى إنفتح على الغرب وفيه كثير من العادات إتغيرت لكن مازال الرجل الشرقى بيعتبر إن الإعتذار لزوجته أو أى واحدة ست ينقص من كرامته قدامها.

 

[oesi no]

الامر بالنسبة ليا مختلف فانا معنديش فرق بين ولد وبنت وخصوصا فى موضوع الاعتذار دة وكمان يعنى انا مش بعتذر للولاد هاعتذر للبنات كمان دة اية المرار دة
يا جماعة مفيش فرق بين ولد وبنت وطول عمرى بعتذر للولاد والبنات
فلو فكرنا انه مفيش فرق هيبقى الموضوع سهل جداااااااااااااااااااااااااااااااااااااااا

 

[++menooo++]

هو يا مينا بصراحة الإعتذار فى حد ذاته مش عيب ولا ينقص للرجل من كرامته لكن الرجل الشرقى خصوصاً مع واحدة ست بيستكبر إنه يعتذر ممكن تكون النسبة إللى بتفكر بالشكل ده بتتناقص مع التعليم والتغير التدريجى فى عادات وتقاليد المجتمع الشرقى إللى إنفتح على الغرب وفيه كثير من العادات إتغيرت لكن مازال الرجل الشرقى بيعتبر إن الإعتذار لزوجته أو أى واحدة ست ينقص من كرامته قدامها.

انا ده اللى كنت عايز اوصله لجيرل شكرا لمرورك يا مارى

 

[++menooo++]

الامر بالنسبة ليا مختلف فانا معنديش فرق بين ولد وبنت وخصوصا فى موضوع الاعتذار دة وكمان يعنى انا مش بعتذر للولاد هاعتذر للبنات كمان دة اية المرار دة

يا جماعة مفيش فرق بين ولد وبنت وطول عمرى بعتذر للولاد والبنات
فلو فكرنا انه مفيش فرق هيبقى الموضوع سهل جداااااااااااااااااااااااااااااااااااااااا

اعتقد انه فعلا مفيش فرق بس من جواك ممكن تحس انك قليل لما تعتزر ولا ايه رأيك

 

[girl_in_jesus]

العفو يا مينا

بس انا وصلى اللى تقصده

وانا كنت عاوزه اوصلك انه فعلا مفيش فرق بس اللى بيغلط لازم يعتذر

ده بيدى احساس بالحب جميل اوى

 

[ramyghobrial]

معتقدش ابدا اني لو كنت غلطان معاها في حاجة مش هاقولها انا اسف
بالعكس هاعتذرلها اعتذار كبير جدا على غلطي
معتقدش ان الاعتذار عيب اللي فاكر كدة يبقى انسان متخلف اساسا
شكرا يامينو موضوع جميل وكويس انك فتحت باب للمناقشة في الموضوع دة

 

[o0oandro0o]

الامر بالنسبة ليا مختلف فانا معنديش فرق بين ولد وبنت وخصوصا فى موضوع الاعتذار دة وكمان يعنى انا مش بعتذر للولاد هاعتذر للبنات كمان دة اية المرار دة
يا جماعة مفيش فرق بين ولد وبنت وطول عمرى بعتذر للولاد والبنات
فلو فكرنا انه مفيش فرق هيبقى الموضوع سهل جداااااااااااااااااااااااااااااااااااااااا

انا معاك جدا ..... فعلا يا جماعه مافيش فرق بين البنت والولد .... بالعكس انا شايف إن البنت بحكم إنها كائن رقيق عن الولد ... فهى بتزعل بسرعه وبتحتاج كلمه تصالحها كمان بسرعه

وابسط كلمه إعتزار ... انا اسف ما تزعليش

متهيألى إنها كلمه ما تقللش من قدر اللى بيقولها .... لكن ممكن تبين قد ايه هو بيحبها وبيحترمها .... وقد ايه هو إنسان متحضر

 

[++menooo++]

ارائكم كلها جميله و فى محلها و انا مقتنع بيها جدا و بطبقها
و ياريت كلنا نطبقها
شكرا لمرورك يا رامى و يا اندرو و يا oesi_no