هتعمل ايه لو كنت في الموقف ده ؟؟

[*koki*]

هعمل ايه
اروح اقعد جنب اهلى
ههههههههههههه

ايتك المفضله؟

 

[+KiMO+]

هو ده موقف بس هجاوب عليه و بعديها نخليها مواقف

كل ما تطلبونه في الصلاة مؤمنين تنالونه


تعمل ايه لو اتسرق منك اعز حاجة عليك

 

[*koki*]

هو ده موقف بس هجاوب عليه و بعديها نخليها مواقف

كل ما تطلبونه في الصلاة مؤمنين تنالونه


تعمل ايه لو اتسرق منك اعز حاجة عليك

ولا حاجه

معلش معلش اصلى عجزت و مش باخد بالى :t30::t30::t30:
هههههههههههههههههههههههههههههههه

لو بتفتح عنيك لقت نفسك مخطوفـــــــــــــ ؟؟؟؟؟؟؟؟؟؟؟؟؟

 

[+KiMO+]

هغمض عيني تاني

هههههههههه

هتعمل ايه لو صحيت من النوم لقيت نفسك في بلد تانية

 

[*koki*]

هههههههههههههههههههه

هقول يا رب اكون في مصر

و انت؟

 

[+KiMO+]

لو جد مش هزار هروح علي السفارة المصرية و اقولهم الي حصل


تعمل ايه لو عنك 100 ابن

 

[+ ميلاد العجايبى +]

لو جد مش هزار هروح علي السفارة المصرية و اقولهم الي حصل


تعمل ايه لو عندك 100 ابن

يعنى هاعمل ايه فى اكلهم ؟؟
بسيطة هاعمل زى ما الرجل البخيل عمل مع عياله
عمل ايه الرجل البخيل
قال لاولاده اللى مش هايتعشى هايخد جنيه .
طبعا كلهم اختاروا يأخذو الجنيه ويناموا من غير عشاء
وبعد ماناموا راح ابوهم البخيل اخذ من كل ولد الجنيه اللى معاه
وفى الصباح قال لهم اللى ضيع الجنيه بتاعه مش يفطر النهاردة
واستمر على هذا المنوال
---------------
تعمل ايه لو فى مشوار بعيد عن منزلك ثم اكتشفت ان لايوجد معاك ولا مليم علشان تركب الاتوبيس وتروح
اصل الموقف ده حصل معايا فعلا سنة 1993 يعنى ماكانش فى حاجة اسمها موبايلات

 

[*koki*]

هطر امشى ههههههههههه
و يا اروح يا مروحش

حلو السؤال فهو هو

 

[+KiMO+]

هشوف اي حد يعرفني حتي لو كان بتاع سوبر ماركت و استلف منه و ارجعهمله في اقرب فرصة


هتعمل ايه لو قدامك تسافر اي بلد غير مصر

 

[+ ميلاد العجايبى +]

هطر امشى ههههههههههه
و يا اروح يا مروحش

حلو السؤال فهو هو

هاتمشى اكثر من 12 كيلومتر ؟؟
انا بقى ساعتها عملت ايه ؟؟
كان لابد من ركوب اتوبيس الهيئة من المكان الذى كنت فيه الى مدينتى وبعدها اركب الميكروباس من داخل المدينة بمسافة حوالى 3 كيلو
المهم ركبت الاتوبيس وجاء الكمسرى لقطع التذاكر وكلما قرب منى اكثر كان قلبى يدق ومش عارف اقول للكمسرى ايه ؟
الكمسرى / تذاكر
انا / معلش مش معايا فلوس
الكمسرى / ولا يهمك
طلع راجل ابن حلال
وكنت نازل اخر الخط وانا واقف فى الاتوبيس مازلت خايف كان ممكن يطلع مفتش ويعاقب الكمسرى
الى ان وصل الاتوبيس لبر الامان لاخر الخط والحمد لله
فاضل بقى الميكروباس ( طبعا بالنسبة للميكروباس لو قلت له مش معايا فلوس كان رمانى من الشباك )
ولكن مش مشكلة مسافة الميكروباس حوالى 3 او 4 كيلو على الاكثر فقمت بالمشى الى ان وصلت لمنزلى بسلام والحمد لله

الموقف ده من 20 سنة وما ذلت متذكره بالتفصيل

 

[+ ميلاد العجايبى +]

هشوف اي حد يعرفني حتي لو كان بتاع سوبر ماركت و استلف منه و ارجعهمله في اقرب فرصة


هتعمل ايه لو قدامك تسافر اي بلد غير مصر

مكان بعيد تماما عن منزلك فطبيعى لايوجد احد تعرفه اطلاقا
--------------------------
مش بحب السفر

 

[+KiMO+]

اوك قولي موقف

 

[*koki*]

تعمل ايه لو عرفت انك قدامك ٤٨ ساعه و بعدين رايح عند اللي خلقك

 

[YOYO JESUS]

هاروح اعترف
وااروح اتاسف لكل واحد زعلته

 

[ابن يسوعنا]

هافرح جدا علشان انا رايح وطنى اللى فية يسوع والاحباب

 

[+KiMO+]

هتعمل ايه لو قتلت حد منغير قصدك ( خبطه بالعربية مثلاً )

تنتحر ولا تعترف ولا تخليه جوا قلبك ولا ايه

 

[*koki*]

لا هروح اتحاكم غصب عنى

و يكرر الموقف

 

[+KiMO+]

الصراحة ... هروح لأب اعترافي و هشور عليه الموضوع كله و الي هيقوله هصلي ليسوع بالدموع ان القرار ده صحيح و هعمله

تعمل ايه لو قتلت اي كائن حي ( علي سبيل المثال قطة ) هتعمل ايه !!

مش هتفرق معاك ولا هتعترف ولا ايه

 

[+ ميلاد العجايبى +]

الصراحة ... هروح لأب اعترافي و هشور عليه الموضوع كله و الي هيقوله هصلي ليسوع بالدموع ان القرار ده صحيح و هعمله

تعمل ايه لو قتلت اي كائن حي ( علي سبيل المثال قطة ) هتعمل ايه !!

مش هتفرق معاك ولا هتعترف ولا ايه

ده حصل فعلا دوست على قطة
مشيت فى طريقى عادى كنت فاكر انها هاتجرى ولكن دهستها وحسيت بيها تحت العجل
هى صعبت على بس هاعمل ايه يعنى هانزل ادفنها ؟؟ يلا اللى حصل
-----------
نفس الموقف

 

[+KiMO+]

حصل معاية بردو

كان في قطة بيتي ( شكلها تايهة من حد ) كل يوم تيجي تنونو بصوت عالياوي قدام باب شقتنا

زهقنا منها

في يوم لقيتهاه علي شباك المنور ال قدمنا

قلت اعض اخبط جنبها علشان تخاف و متجيش تاني

لكن لما خبط هي خافت و بدل ما تنزل من علي الشباك

نطت منه ( مع العلم اني ساكن في الدور السادس )

نزلت طبعاً و اتكسر عضمهاه

و تاني يوم لما نزلت لقيتها ميتة

بصراحة معرفتش اعمل حاجة

بس

الموقف : لو صحيت من النو و نزلت لاقيت زجاج عربيتك كله متكسر و ولد صغير شكله أمور بيعيط و يقول انه كسره من غير قصده هتعمل ايه