هاى أنا موكا

[moka177]

هاى يا جماعه أنا موكا وحاسه أن بأذن ربنا هكون مبسوطه معاكوا وأتمنى تقبلونى​

 

[christ my lord]

اهلا بيكى ونورتى المنتدى واكيد هتكونى مبسوطة فى المنتدى الرائع دة ومنتظرين مشركاتك وسلام ونعمة المسيح معاكى اخوكى يوساب

 

[moka177]

ميرسي يا يوساب على ترحيبك

 

[christ my lord]

العفو على اية دة اقل واجب واتمنى اننا نستفاد من مشركاتك وتكونى اخت عزيزة علينا كلنا

 

[+++حنين+++]

اهلا بيكى موكا نورتينا بجد
+++ حنين +++​

 

[moka177]

ميرسي حنين على ترحيبك

 

[Badr]

هاى يا جماعه أنا موكا وحاسه أن بأذن ربنا هكون مبسوطه معاكوا وأتمنى تقبلونى​

اهلا بيكي يا موكا ,,, ان شاء الله تنبسطي معانا ,,,, و نصيحتي ليكي بلاش التعصب وياريت دايما يكون لسانك طاهر و مينقطش الا سكر مهما كان كان اسلوب اللي بيكلمك ,,, و ربنا يوفقك معانا هنا ....

 

[†gomana†]

مرحب بيكى معانا يا موكا
منورة المنتدى حبيبتى
مستنيين مشاركاتك وموضوعاتك الجميلة
اللى بنشوفها فى باقى المنتديات
ربنا يباركك ويحفظك​

 

[ميرنا]

اهلا بيكى يا موكا بس سؤال رزل شويه يعنى ايه موكا :dntknw:

 

[قبطى حقيقى]

يا هلا باعزيزة موكا

الا صحيح يعنى ايه موكا

 

[moka177]

ههههههههههههه ميرسي يا جماعه على ترحيبكم الكبير ليا بجد مش عارفه أقولكوا أيه وموكا هى حاجه كده بتتشرب زى النسكافيه وفيه منها أيس كريم حلو أوى يلا أحنا فى صيام المهم أن خطيبى على طول ينادينى موكا ههههههههه بس أرتاحتوا ربنا يخليك كلكم

 

[moka177]

و حاضر يا بدر هخلى لسانى كويس متقلقش انا مش مشاغبه وأسأل عليا جومانه صح يا جوجو ههههههههه

 

[ميرنا]

وافرحتاه المنتدى اتفك نحسه يجدعان والمخطوبين كترو:yahoo: :yahoo: :yahoo: (عقبال الباقى يارب واخلص منهم )

ميرسى يمعلمه موكا على التوضيح سعدتك تعبانكى :beee:

 

[قبطى حقيقى]

الموكا ........ بتتشرب زى النسكافيه وفيه منها أيس كريم حلو أوى

طب ممكن اعرف بيشتروه منين الموكا ده

بجد مش هزار

 

[Coptic Man]

اهلا بيكي يا موكا معنا

وانا اقول المنتدي ليه نوره زاد النهارده

في انتظار مشاركتك الجميلة معنا با استمرار زي ما بنشوفها في وان واي

نشوفها هنا كمان

ربنا معاكي​

 

[moka177]

حاضر يا كوبتك مراقبنى من الوان واى ولا أيه ههههههههههه أهه صدقنى بحاول


والموكا بص ياسيدى الوصفه أنت أدخل على أي كافيتريا وقولهم أنا عايزه موكا سخنه أو ساقعه وهيجبوهالك عدل ههههههههههههه​

 

[ميرنا]

شكلها هتظبطك تقلهم كده يروحو رزعينك علقه متقمش تانى

 

[Coptic Man]

حاضر يا كوبتك مراقبنى من الوان واى ولا أيه ههههههههههه أهه صدقنى بحاول ​

Nooo

انا mena_hot في وان واي

انتي رديتي علي بعض مواضيعي هناك

:smil12:​

 

[moka177]

واااااااااااااااو مينا هوت يامرحبا يامرحبا نورك غطا على الكهربا أنزل بقى كل التصميمات هنا شكلك فاضى وهترد عليهم هنا ههههههههههه وبتغير ليه أسمك يا مينا مش تثبت كده على حاجه ههههه​

 

[قبطى حقيقى]

شكلها هتظبطك تقلهم كده يروحو رزعينك علقه متقمش تانى

حتى لا تحقق نبؤات ميرنا ارجو ذكر مكان محدد لهذه الموكا