- إنضم
- 21 نوفمبر 2009
- المشاركات
- 30,377
- مستوى التفاعل
- 2,102
- النقاط
- 0
- الإقامة
- Je rêve que je suis un papillon
نصائح لبداية عام جديد -
ابونا_بولس_جورج
1- ارجع وفكر
ارجع لنفسك وفكر فى حياتك واولوياتك
ايه اكتر حاجة شاغلاك وبتفكر فيه ؟
الجواز ؟ الشغل ؟ السفر ؟
فكر فى علاقتك بربنا وعمله ومواقفه معاك
اعمل محطة فى حياتك وشوف اللى كسبته واللى خسرته فى حياتك
2- ارجع وكفاية ( خنزرة)
لو عشت زى الابن الضال وسط الخنازير فترة طويلة
هتاخد ملامح الخنازير فى اكلهم وشكلهم وحياتهم ومش هتاخد بالك من سوء حالتك
مش هتلاقى فيها الشبع ارجع لبيت ابوك .. ده انت ابن الملك
3- ارجع لانه مستنيك
بتعبير شبابى " قلبه متشحتف عليك"
زى الام اللى ابنها يتأخر .. بتقف فى البلكونة وسط البرد نفسها يرجع علشان قلبها يرتاح
عمره ما هيعاقبك لو رجعت
سامح بطرس وسامح المرأة الخاطئة وسامح المرأة اللى امسكت فى ذات الفعل وسامح اللص اليمين
4- ارجع ومعاك هدية فى ايدك
ومفيش اغلى من التوبة والدموع والانسحاق تاخدهم هدية لربنا
5- ارجع لان مهما كانت حالتك ربنا شايلك هدية ومكافأة