ميــــن فـــاكر اليـــوم ده ؟؟؟ :()

[واثقه فيك يارب]

سلام ونعمة

ايون زي العلوان اللي هو العنوان مابيقول

انت فاكر اليوم ده ؟

وياتري كنت بتعمل ايه وقت ماحصل ؟؟

وياتري كان ايه رد فعلك اول ماحصل كدا ؟؟

وياتري جريت ولا وقفت في مكانك ؟؟

وياتري جالك فوبيا من بعد اليوم ده ؟؟

شايفاكم ياللي بتزعقوا هناك وبتقولوا يوم ايه المنيل ده ماتنطقي وتخلصي:act31:

طيب حاضر هنطق اهو بس متزقوش الله:smile02

الحكايه وكل مافيها اني لسه قافله الفون مع اختي
وهي ماتتخيرش عني يعني لاسعه زي حالاتي:ura1:
قعدنا نفتكر ايام زمان وذكرياتنا المهببة:smile01

اوووم اااااااااايه من ضمن الذكريات
افتكرنا نجوي فؤاد
قصدي فيفي عبده
لا ياربي افتكرنا حاجه بتتهز كده:smile01



ايون اسمالله عليكم هو ده
.. زلزال 92 ..
وده كان اكبر زلزال تقريبا يجي في مصر
وياارب مايعوده تاني:94:
انا مش عارفه ايه اللي فكرنا بيه
المهم افتكرناه وخلاص بقا

المهم انا فاكرة اليوم ده كويس اووي
مع ان وقتها كان عندي حوالي 6 سنين
شايفاكم ياللي بتعدوا علي صوابعكم وتحسبوا انا عندي كام سنه دلوقتي
عندي 27 يعني اقفلوا صوابعكم وارتاحوا بقا:smile02

المهم مطولش عليكم
قولولي طولي:smile01

اليوم ده كنا قاعدين في امان الله ولقينا الشقه بتروح وبتيجي بينا
طبعا انا مكنتش اعرف يعني ايه زلزال
فكنت فرحانه اووي فرحه الاهبل
و كمان فاكره ماما كانت عماله تصوت بس انا مش مدركة اوي ايه اللي بيحصل
المهم اختي اكبر مني بسنتين وقتها كان عندها 8 سنين
قالتي انا يومها جريت استخبيت تحت التربيزا
قولتلها ده علي اساس ان لو كانت العماره وقعت بينا كانت التربيزا هتحميكي يعني
ماهي كانت العماره بالتربيزا هتطربق علي دماغك يافالحه:smile01

بس الحمد لله مفيش حاجه اطربقت علينا الحمد لله
واديني لسه عايشة وبفكركم بذكريات جميله اهو:smile02

حد عسول يجي يقولي دلوقتي يعني ايه المطلوب مننا في ذكرياتك السوده دي:smile01
هقوله المطلوب كتاتي:smile02

انك تجاوب علي الكام سؤال اللي في اول التوبيك
وخلاص علي كدا بسيطه خالص زي شكة الدبوس اهي:smile01

ملحوظة:
مواليد من اول سنة 93 وانت طالع مالهمش دعوة بينا ياريت ويخلوهم في حالهم بقا وكفايه اللي جرالنا:smile02

يارب الموضوع يعجبكم
انا عارفه اني بقلب عليكم المواجع
بس معلش سامحوني بقا

فوتكم بعافيه:smil6:
​

 

[انت شبعي]

ههههههههههههه
انا مكنتش لسة اتولدت
او كنت لسة ف بطن امي
يعني انا مش معاكوا ف الموضوع دا
لكن متااااااااابعة

 

[واثقه فيك يارب]

ههههههههههههه
انا مكنتش لسة اتولدت
او كنت لسة ف بطن امي
يعني انا مش معاكوا ف الموضوع دا
لكن متااااااااابعة

ياخساره ياميرا فاتك نص عمرك:smile02:smile02

منوره الموضوع حبيبتي

 

[SECRET ANGEL]

سلام ونعمة

سلام و نعمة يا حبي

ايون زي العلوان اللي هو العنوان مابيقول

بيقول ايه بقى هههههههههه

انت فاكر اليوم ده ؟

مش فاكراه اوووووووي يا توتة كنت صغننة
بردو مش هقولكم على سني ها بس :budo:

وياتري كنت بتعمل ايه وقت ماحصل ؟؟

كان عندنا بيت من البيوت القديمة خالص اللي بجنينة
و كنت بلعب ف الجنينة
كنت شقية اووووووووووووووي بجد

وياتري كان ايه رد فعلك اول ماحصل كدا ؟؟
انا ماكنش ليا اي رد فعل
لان اللي اتحكالي ان عمي كان عندنا ف البيت
و لما شافني بلعب برة ف الجنينة
عمل فيها هيرو و جري عليا و شالني
ووقف تحت عمووووووووووود هههههههههههههههه


وياتري جريت ولا وقفت في مكانك ؟؟

و النحمة يا اختي مافاكرة
كل اللي فكراه كلام ماما انها قعدت تصوت و تلطم و كانت خايفة على بابا اوووووي علشان كان برة البيت

و بالنسبة ليا انا و عمي واخدني تحت العمود ماكنش فيه اي خووووووف
ده السؤال اللي بقوله لماما
و كل شوية اعد اقول لبابا
شوف نسيت بنتها و فاكراك انت يا مقطع السمكة و ديلها هههههههههههه
وياتري جالك فوبيا من بعد اليوم ده ؟؟

و لا جالي اي فوبيا
بس بجد كان نفسي ابقى كبييرة شوية و اشوف شكل ماما
كنت هعد اضحك عليها ضحك
و لا عمي اللي وقف تحت عمود ده ههههههههههههههههه
اكيد كان منظره يهلك من الضحك و هو واقف خايف كدة


​

​

[/COLOR][/COLOR]​

[/COLOR]

موضوع ذي العسل بجد يا توتة
و مستنية ذكرى كمان
بس ياريت اكون فكراها
حرام الاجيال اللي احنا ظلمناها معانا دي[/COLOR]

 

[R.O.R.O]

الله يحرقك يابت ايه الذكريات المنيلة بنيلة دى
كل اللى فاكراه انى كنت فى المدرسة
وجرينا كلنا على السلالم ووقعنا فوق بعض من الزحمة
ونزلنا تحت مرضيوش يخرجونا قالوا انه خلص
زعلت اوى ياعتها قولت يا خسارة كنا هنروح بدرى
لا يابت فعلا روحونا بدرى
طلعت برة المدرسة لقيت ماما مستنيانى
اللى اصعب بقى التوابع بتاعته كنا خايفين موت منها
انا فكرة كويس ان الناس كانت بتبات فى الشارع سهرانه وخايفة تطلع تنام
وفى يوم فعلا حصل تانى
اللى فاكراه انى كنت انا كانت اختى نايمة ولما الزلزال اشتغل
ماما جريت على تحت وسابتنا
وهى نازلة عمالة تقول قوموا يا عيال فى زلزال
شكلها كان مسخرة
المهم صحيت اختى عمالة اقولها زلزال وهى ولا راضية تصحى يابت زلزال قومى
تقلو لا انا هنام يخرب بيتك هنموت قومى ولا هى هنا
روحت ساباها وجارية ههههههههههه
كانت ايام ربنا ما يعودها بس فى نفس ذات الوقت حلوة هههههههه
طولت عليكى يابت معلشى بقى
بس وايه يعنى ما انتى رغيتى اد كدا اشمعنا انتى يعنى


​

 

[بوب كمبيوتر]

لو افتكرت حاجه هأقولها

متابع لذخريات القوم ​

 

[واثقه فيك يارب]

موضوع ذي العسل بجد يا توتة
و مستنية ذكرى كمان
بس ياريت اكون فكراها
حرام الاجيال اللي احنا ظلمناها معانا دي

برضو مش عايزة تقولي سنك
طب ايه رأيك بقي ان انا عامله الموضوع ده طُعم للناس اللي مرديتش تقول سنها في موضوع نيفيان:smile02:smile02

حبيبتي نورتيني بجد جداا
وهجيبلك ذكري تانيه قريبه علشان تكوني فكراها
ايه رأيك في زلزال تسونامي:smile02:smile02:smile02

الله يحرقك يابت ايه الذكريات المنيلة بنيلة دى
كل اللى فاكراه انى كنت فى المدرسة
وجرينا كلنا على السلالم ووقعنا فوق بعض من الزحمة
ونزلنا تحت مرضيوش يخرجونا قالوا انه خلص
زعلت اوى ياعتها قولت يا خسارة كنا هنروح بدرى
لا يابت فعلا روحونا بدرى
طلعت برة المدرسة لقيت ماما مستنيانى
اللى اصعب بقى التوابع بتاعته كنا خايفين موت منها
انا فكرة كويس ان الناس كانت بتبات فى الشارع سهرانه وخايفة تطلع تنام
وفى يوم فعلا حصل تانى
اللى فاكراه انى كنت انا كانت اختى نايمة ولما الزلزال اشتغل
ماما جريت على تحت وسابتنا
وهى نازلة عمالة تقول قوموا يا عيال فى زلزال
شكلها كان مسخرة
المهم صحيت اختى عمالة اقولها زلزال وهى ولا راضية تصحى يابت زلزال قومى
تقلو لا انا هنام يخرب بيتك هنموت قومى ولا هى هنا
روحت ساباها وجارية ههههههههههه
كانت ايام ربنا ما يعودها بس فى نفس ذات الوقت حلوة هههههههه
طولت عليكى يابت معلشى بقى
بس وايه يعنى ما انتى رغيتى اد كدا اشمعنا انتى يعنى


​

ههههه بجد موتيني من الضحك
اولا لاني تخيلت شكلك وانتوا واقعين فوق بعض من الزحمة:smile02
ثانيا اما جيتي صحيتي اختك ومرديتش تقوم روحتي سيبتيها وجريتي
طول عمرك نادله :smile02:smile02
بس بسم الصليب عليكي فاكره بالتفصيل مع انك كنتي صغيورة
انا مش بحسسد انا بحقد بس:smile01
وطولي براحتك يابيبي الزلزال زلزالك
قصدي الموضوع موضوعك هههههه

 

[واثقه فيك يارب]

لو افتكرت حاجه هأقولها

متابع لذخريات القوم ​

والله شكلك من مواليد 93 وانت طالع بس مكسوف تقول:smile02

بس يعني ايه الجمله اللي مكتوبة بالاسود دي ؟
اوعي تكون شتيمة:smile02

ماشي يابوب ومستنينك لو افتكرت حاجه
ونورت^,^

 

[SECRET ANGEL]

والله شكلك من مواليد 93 وانت طالع بس مكسوف تقول:smile02

بس يعني ايه الجمله اللي مكتوبة بالاسود دي ؟
اوعي تكون شتيمة:smile02

ماشي يابوب ومستنينك لو افتكرت حاجه
ونورت^,^

ههههههههههههههههههههه
تصدقي طلع فخ صح يا توتة
ههههههههه طيب هو انا كدة وقعت فيه ولا لأ هههههههههه
؟؟؟؟

 

[بوب كمبيوتر]

ههههههههههههههههههههه
تصدقي طلع فخ صح يا توتة
ههههههههه طيب هو انا كدة وقعت فيه ولا لأ هههههههههه
؟؟؟؟

دا على أساس انه كلامها دا صح ​

 

[واثقه فيك يارب]

ههههههههههههههههههههه
تصدقي طلع فخ صح يا توتة
ههههههههه طيب هو انا كدة وقعت فيه ولا لأ هههههههههه
؟؟؟؟

لا طلعتي اروبا ياموكا
وموقعتيش في الفخ للاسف
بس مسيرك هتقعي:smile02

دا على أساس انه كلامها دا صح ​

ايون يابني صح اومال احنا هنا بنلعب ولا ايه:smile01

 

[يوليوس44]

انا متابع وهسجل كل حاجة بالتفصيل . افتكر كل حاجة باب الذكرات ايوة قسم الزلازل والبراكين والحوادث وتسونامى
فرع زلزل سنة 92 ايوة وصلنا لية
هسجل كل لحظة وكل رد فعل بالظبط
سؤال مهم الى الاعضاء . كم كلمة مهم ذكرت فى الموضوع ؟؟ ​

 

[واثقه فيك يارب]

انا متابع وهسجل كل حاجة بالتفصيل . افتكر كل حاجة باب الذكرات ايوة قسم الزلازل والبراكين والحوادث وتسونامى
فرع زلزل سنة 92 ايوة وصلنا لية
هسجل كل لحظة وكل رد فعل بالظبط
سؤال مهم الى الاعضاء . كم كلمة مهم ذكرت فى الموضوع ؟؟ ​

هههههههههههه
ماشي يايوليوس مستنينك تحكيلنا علي كل حاجه بالتفصيل
هزة هزة وبركان بركان:smile02:smile02
واوعي تنسي التوابع انا بحذرك اهو :smile01
نورت^,^

بس المهمممممم انت عرفت فيه كام كلمة مهم في الموضوع ولا لأ:smile02

 

[R.O.R.O]

سؤال مهم الى الاعضاء . كم كلمة مهم ذكرت فى الموضوع ؟؟

ههههههههه انا عرفت
بسم الله الرحمن الرحيم
الاجابة تونس
​

 

[يوليوس44]

هههههههههههه
ماشي يايوليوس مستنينك تحكيلنا علي كل حاجه بالتفصيل
هزة هزة وبركان بركان:smile02:smile02
واوعي تنسي التوابع انا بحذرك اهو :smile01
نورت^,^

بس المهمممممم انت عرفت فيه كام كلمة مهم في الموضوع ولا لأ:smile02

تقريبا 4
بس على فكرة بدون مجاملة انا عدوك مش هجامل اسلوب فى سرد الموضوع بسيط وجميل ينفع جدا كتابة قصص بالسلوب العامة لية مش تكتبى قصص درامة مسيحية فى المنتدى
وقصص الاطفال كمان هتكونى اروع فيها ​

 

[يوليوس44]

سؤال مهم الى الاعضاء . كم كلمة مهم ذكرت فى الموضوع ؟؟

ههههههههه انا عرفت
بسم الله الرحمن الرحيم
الاجابة تونس
​

ايوة دة الاجابات النموذجية ​

​

 

[R.O.R.O]

ايوة دة الاجابات النموذجية ​

​

ههههههههههههه اى خدمة شوفتوا بقى من غيرى مكنتوش هتعرفوا الاجابة
لا بس بجد يا يوليوس محدش خد باله من موضوع كام كلمة المهم ده غيرك
احيك على ذكائك

 

[+KiMO+]

كنت لسة نونو في الوقت ده فمش فاكر حاجة

بس بابا حكالي ان اليوم ده كان هو عند ممته ( جدتي ) و الحتة الي هناك عشوائية

البيوت الي هناك كانت منغير عواميد

شوية طوب علي اسمنت و البيت كان من دورين

فبيحكيلي و بيقولي ان في بيت من البيوت دي اتهد و وقع

و الناس الي فيه كانو يعرفوهم

كلهم عاشو و الحمدلله اله يعيني بنت صغير عندها بتاع سنة كدة اسمها مارينا

والدتهاه حصلتلها كسور و حاجات لكن البنوتةالعسل ديه تاوفت

و اليوم ده ( حسب كلام بابا ) كان يوم اخضر

و توتا توتا خلصت الحدوتة 

 

[واثقه فيك يارب]

سؤال مهم الى الاعضاء . كم كلمة مهم ذكرت فى الموضوع ؟؟

ههههههههه انا عرفت
بسم الله الرحمن الرحيم
الاجابة تونس
​

انا ابتديت اشم ريحة تريقه علي موضوعي الجبار
وكده مش مستحب علي فكرة:smile02
وعلي فكره اجابتك غلط مش تونس
الاجابه السودان لان الزلزال حصل في مصر:smile01

تقريبا 4
بس على فكرة بدون مجاملة انا عدوك مش هجامل اسلوب فى سرد الموضوع بسيط وجميل ينفع جدا كتابة قصص بالسلوب العامة لية مش تكتبى قصص درامة مسيحية فى المنتدى
وقصص الاطفال كمان هتكونى اروع فيها ​

ربنا يخليك لكن برضو انا هتعبرها مجامله جميله منك
بس اكتب قصص ايه يابني ده انا بكب اسمي بالعافيه:smile02

عموما مشاركتك هي الاروع:smil6:

 

[واثقه فيك يارب]

كنت لسة نونو في الوقت ده فمش فاكر حاجة

بس بابا حكالي ان اليوم ده كان هو عند ممته ( جدتي ) و الحتة الي هناك عشوائية

البيوت الي هناك كانت منغير عواميد

شوية طوب علي اسمنت و البيت كان من دورين

فبيحكيلي و بيقولي ان في بيت من البيوت دي اتهد و وقع

و الناس الي فيه كانو يعرفوهم

كلهم عاشو و الحمدلله اله يعيني بنت صغير عندها بتاع سنة كدة اسمها مارينا

والدتهاه حصلتلها كسور و حاجات لكن البنوتةالعسل ديه تاوفت

و اليوم ده ( حسب كلام بابا ) كان يوم اخضر

و توتا توتا خلصت الحدوتة

هو من ناحية انه كان يوم اخضر فهو اخضر الصراحه:smile01
بس نشكر ربنا ان كل اللي في البيت عاشوا
وربنا يرحم البنوته الصغيره

نورتني بجد يانونو ^,^