موضوع هام جداً , اتمني كل الاعضاء يدخلوا

[bonguy]

الرسالة دي وصلتني علي الايميل :​

كنيسة القديس العظيم الانبا كارس السائح و الاباء السواح الكائنة بديروط(اخر اسيوط كده)و الكنيسة ملحقة داخل كنيسة السيدة العذراء والملاك ميخائيل والشهيد العظيم فيلوباتير بديروط


وهي تعد الكنيسة الوحيدة للأنبا كارس في مصر


الحقيقة انا روحت زرتها


قد ايه روحانيه جدا وبسيطة جدا حسيت كأني في السماء


بس اكتر حاجة ضايقتني وأجازت في نفسي سيف لو جاز التعبير


هو


ان الكنيسة مصنوعة من الواح رقيقة جدا من الخشب اللي هو لما جات حبةمطرة صغيرين نشعت منها زي ما بيقولوا


كمان مصنوعة من اغطيةالمحلات


و حاجة تضايق بجد


فعلا الكنيسة دي محتاجة لصلاة للحصول علي ترخيص بناء و محتاجة كمان جدا لتبرعاتنا


انا ببعت الكلام ده من نفسي مش حد قاللي ده لان صعبان علي اوي منظر الكنيسة كدة ونفسي اوي تبقي عامرة


و لتكن ارادة الله


كل اللي انا بطلبه منكم هو لو حد عاوز يتبرع او حد نادر للانبا كاراس او الانبا كاراس عمل معاه معجزة ونفسه يسجلها مثلا


يكلم الكنيسة والمسؤل عنها هو جناب الاب الورع ابونا بافلوس


0127179133


088/4783282


088/4783100


و علي فكرة الكنيسة باسم العدرا والملاك ميخائيل وابو سيفين والأنبا كاراس السائح


يعني لو عاوزتعطي تبرع او ندر او معجزة لأي حد منهم كمان

صدقوني انتوا هتفهموا كلامي ده اكتر لما تزوروا الكنيسة وتشوفوها بنفسكم

صلوا من اجل الخدمة , و من اجلي واجل اسرتي , بركة ونعمة ربنا مع جميعنا . آمين
​

--------------------------------------------------------------------------------

واخيراً اتمني بجد كلنا نلبي الدعوة دي ونجدد بيعة المسيح , لأنه طوبي للي يستحق نوال بركة زي دي
​

 

[zezza]

فعلا حاجة تضايق اوى
شكرا اخويا على محبة قلبك و غيرتك على بيت ربنا .... يسوع يعوضك خير عنها
ربنا يدبر و تقدر الكنيسة تتبنى بشكل احسن

 

[bonguy]

امين يا زيزا , وانا واثق في محبة اعضاء المنتدي , بس الموضوع ده نبهني ان في كنايس كتير بالطريقة دي ياريت لو نقدر كل فترة ندور علي اي كنيسة محتاجة مساعدة ونقدمهالها , بركة كبير اننا يبقي لينا الاستحقاق اننا نشترك في بنيان بيت المسيح.​

 

[just member]

انشاللة لما برجع بحاول ازورها
بيهمنى اوى اخد بركة ها المقدسات الجميلة
شكرا الك اخى ولفت انتبهنا لهيك
الرب يبارك محبتك
​

 

[G.a.L.a.x.y]

بليز يا بيشو قولى اوصلها ازاى
انا مشهعرف اسافرلها لو حبيت اتبرع
اعمل ايه طب لو اتصلت بيهم هل ينفع ابعتلهم اى شئ بالبوسطه
بليز قولى يا بيشو بليز

وصدقنى مش دى بس لو شفت كنيسه ابسخريون القلينى
الكنيسه كلها على المحارة والطوب كله باين
شكلها كان صعب قوى

​

 

[bonguy]

فعلاً ربنا مبيسبش كنيسته ابداً بدليل ان فيه اعضاء مباركين (مش مباركين بالعضوية لا بالحقيقة) ربنا حط في قلبهم اشتياق لتعمير بيته , زي ما ذكرت انا زي زيكم مجرد واحد قرا الرسالة ونقلها لأهميتها لكن اي حد عايز يتبرع للكنيسة دي افتكر انه يتصل بالنمرة الموجودة في الموضوع ويقول لابونا ازاي يتبرع واكيد ابونا هيدله وطبعاً مش ضروري الشخص اللي هيتبرع يروح للكنيسة بنفسه افتكر ممكن يتبرع عن طريق حوالة في البوسطة وابونا اكيد هفهمكم احسن مني عن طريق الموبايل.....والمسيح يبارك كل عمل من اجل شعبه وكنيسته​

 

[النهيسى]

شكرا جدا جدا


موضوع بضايق

ربنا يرحمنا



أم النور تبارككم