موسوعة خدمة الكورال و التسبيح

[oesi no]

ســـلام ونعمـــه
كنــت عــايــز اعــرف موضــوع مهــرجــان السنــه دي عــن إيــه ؟؟؟؟
عشـــان ابــدأ أكتــب ف التــرانيــم المطلــوبــه منــي​

تغيروا عن شكلكم بتجديد اذهانكم
وتقدر تعرف اكتر من خلال موقع مهرجان الكرازة

 

[anosh]

​

شكرا ابانوب على اهتمامك ربناااااااااا يبارك موهبتك
و فى انتظار كلماتك الرائعه كالعاده

ميرسى جورج على الاهتمام و المتابعه
ربنا يعوضك
​

 

[markos saeed]

مساءالخير يا شباب عاملين ايه لوسمحت كنت محتاج كلمات ترانيم لسن حضانه وابتدائى واعدادى ياريت تناسب المهرجان وربنا يعوضكم
​

 

[anosh]

مرقس
بالفعل فيه ناس بداءت تكتب و اول ماتخلص حاجه هاقولك على طول
صلواااااااااااااااااااااتك معانا ​

 

[ABOTARBO]

خدمتكم جميلة جميلة جميلة
انا فى حاجات عجبتنى كتير بس الموضوع عايز وقت اكبر علشان اتصفحه كله
كنت بدور على تدريبات للصوت عجبنى ردك لتاسونى انوش استفدت منه
واتمنى الاقى تدريبات اكتر ولو موجود mp3 هيبقى حلو خالص

+ ميرسى ليكم كلكم
ربنا يبارك تعبكم

آمين

 

[anosh]

خدمتكم جميلة جميلة جميلة
انا فى حاجات عجبتنى كتير بس الموضوع عايز وقت اكبر علشان اتصفحه كله
كنت بدور على تدريبات للصوت عجبنى ردك لتاسونى انوش استفدت منه
واتمنى الاقى تدريبات اكتر ولو موجود mp3 هيبقى حلو خالص

+ ميرسى ليكم كلكم
ربنا يبارك تعبكم

آمين

ميرسى لكلامك و تشجيعك
و اشكر ربنا انك استفادت معانا
بعد اذنك بس ممكن اعرف التدريبات كانت فى صفحه رقم كام
علشان اراجعها و ابعت لك تدريبات صولفيج تانى غيرها
و لو محتاج اى حاجه تانى الخدمه هنا تحت امرك
ربنا معاك و يبارك حياتك و خدمتك

صلى من اجلى
انجى اسحق
​

 

[markos saeed]

انا كمان محتاج تمارين صوت جديدة غير اللى كنت واخدهم منك يا انجى قبل كدة انا كنت واخد حوالى 6 تمارين لو عندك تانى ياريت وشكرا لمحبتك
​

 

[ABOTARBO]

ميرسى لكلامك و تشجيعك
و اشكر ربنا انك استفادت معانا
بعد اذنك بس ممكن اعرف التدريبات كانت فى صفحه رقم كام
علشان اراجعها و ابعت لك تدريبات صولفيج تانى غيرها
و لو محتاج اى حاجه تانى الخدمه هنا تحت امرك
ربنا معاك و يبارك حياتك و خدمتك

صلى من اجلى
انجى اسحق
مذيعة بقناة اغابى و مرنمه و ملحنه​

مش فاكر صدقينى لكن كلام شرح عن تدريب الصوت لكن مش تدريبات صوتية mp3
عالفكرة لقيت تدريبات صوتية لو تحبى حضرتك نضيفها فى منها جبهالى عضو
هستاذنه الاول وفى منها لقيته من النت

وبجد مبسوط من خدمتكم
ربنا يباركم

 

[anosh]

اوكى ياجماعه هارفعلك لكم تدريبات صوت mp3​

 

[besho55]

مطلوووووووووووب وبأسرع وقت توزيع لأوبريت ملحمة حب ( جوة القلب يابابا شنوده)
وانا ممكن اساعدكم بأى توزيع تحتاجوة بس اتمنى الرد بسرعة​

 

[anosh]

حاضر يابيشوى هابعتلك التوزيع فى رساله​

 

[anosh]

سورى يابيشوى انا دورت عليه مالاقتهوش عندى
​

 

[besho55]

سورى يابيشوى انا دورت عليه مالاقتهوش عندى
​

شكرااا انوش لاهتمامك
خلاص ماتتعبيش نفسك
التوزيع وصلنى من مصدر تانى
ربنا يبارك خدمتك

 

[sony2010]

سلام ونعمة للجميع

لو سمحت يا بيشوى ممكن تيعتلى التوزيع ده ف رسالة
​

 

[sony2010]

يا بيشوى بجد انا محتاج التوزيع بتاع ملحمة حب ضرورى بعد اذنك لو ممكن تبعتهولى اكون شاكر جدا

 

[sony2010]

يعنى كل ما اطلب حاجة محدش بيعبنى شكرا اوى بس انا لما الناس بتكلب منى انا مش بتأخر

 

[PoNA ELLY]

معلــش يــا أخ sony2010
جايز يكون بيشوي ما شافش طلبك يفضل تبعتله ف رساله خاصه
وهو بمجرد انه يدخل هيشوف وأكيد لو هيقدر يساعدك مش هيتأخر

ربنـــا معــاك​

 

[PoNA ELLY]

::

سنه ورا سنه وسنين بتفوت
صوت بيعلا وصوت بيموت
وناس احساسهم جوه قلوبهم
اعلي كتير من مليون صوت
هي الكلمه كلمة رحله
نيجي نقولها بشكل جديد
فيها النعمه ويا الرحمه
فيها نجدد المواعيد

رحله خلصت ورحله جايه
رحله عدت ف غمض عنيا
بس الرحله دي مش عاديه
عرفت انا فيها معني الحنيه
كنا بنحكي زي اصحاب
ليل ونهار عايشين مع بعض
ويمكن اكتر م الأصحاب
ما نسيبش بعض غير علي وعد

وعد اشوفه ف الإنجيل
قوة ربنا جيل ورا جيل
لما عامود ينور بالليل
لما الشعب يعدي البحر
كنت بقوله يارب حنيين
انت حاببني ويومي يبين
وقبلها صلبك المك حبك
انت عظيم يا إلهي حنيين

رحلة عمري يارب معاك
من دلوقتي لحد سماك
ولا جات مره اتخليت عني
دا قبل ما انادي عليك بلقاك

بس بجد يارب انا عشت
آيه لروحي وليك شهدت
عمر بحاله يارب الكل
ومهما بضل تقولي سامحت

وذكريات ما تتنسيش
مهما حصلي ما تتمحيش
علشان انت عمري دا كله
وبيك انا بتحرك واعيش

.......آيه عاشتها الروح
​

من أشعــار كنتاتا سحابة ذكريات

أشعــار أبـــانـــوب مكـــرم

منتظر رأيكم فيهــــا
​

 

[besho55]

يعنى كل ما اطلب حاجة محدش بيعبنى شكرا اوى بس انا لما الناس بتكلب منى انا مش بتأخر

اسف على التأخير بس بجد انا لسة شايف الرد حالا لانى من فترة مش بدخل على المنتدى خااااااااالص
انا هابعتلك التوزيع فى رسالة خاصة

 

[PoNA ELLY]

ميــــــــــن الأعمـــــــي ؟؟؟!!!!!!

عمر ما كان الضي عنين
ولا الضلمه دي قلب حزين
ماشي في طريق مش عارفه لفين
والعكاز ف ايدي انكسر
خطوه تقيله وبرضو بعافر
جوايا يصرخ انا مش قادر
ورغم دا كله لسه بكابر
وكبريائي فيا اتحفر
يبقوا عنين من غير لازمه
اصلي بصيرتي هي العمياء
وانت يا اعمي ما انتاش اعمي
نور القب ليك البصر

​

أشعــــار : أبـــانــــوب مكــــرم ​

[/url][/IMG]​

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ