موسوعة خدمة الكورال و التسبيح

[minabobos]

محتاجين تةزيعات تناسب حفلة القيامة لكورال شباب للى حبب يساعد باية توزيع
وربنا يجعل العمل سبب بركة للناس

 

[augestinous]

اخواتي الجمال جدا انا مبسوط قوي بالفكر دة وربنا يبارك فيه
انا عندي موهبه الترنيم ولو في اي حد محتاج ضعفي في خدمه انا تحت امر المسيح في اي وقت.

 

[anosh]

محتاجين تةزيعات تناسب حفلة القيامة لكورال شباب للى حبب يساعد باية توزيع
وربنا يجعل العمل سبب بركة للناس

مينااااااااااااااااااااااااااااااا
كل سنه و انت طيب

ده توزيع عند شق الفجر باكر

و هاحاول ارفعلك توزيعات تانى للقيامه
بس انت خليك متابع معايا


توزيع عند شق الفجر باكر​

[]

 

[evramman]

سلام ونعمة يا جماعة

كل سنة وانتم طيبين

انا اسف جدا علي انقطاعي الفتره الكبيرة الي فاتت

كنت مشغول جدا جدا

ومحبتش ارجع بايدي فاضية

حبيت اصالحكم بترنيمه جديده من تاليفي

وطبعا عايز اعرف رايكم ونقدكم

الترنيمة في المشاركة الي جايه

​

 

[evramman]

+

سلام ونعمة

ترنيمة لسه كاتبها طاظه Exclusive للمنتدي

يارب تعجبكم


+ الف ذكري للصليب +

( ق )

كل صليب وفي كل مناسبه بشكله ولونه . . له عندي الف ذكري في مضمونه

ذكري جميله بفرح وكمان سعات حزن و الم . . ذكري بفخر ولما بشوفه كاني سامع صوت نغم


1 - صليب سعف بيفكرني بيوم جميل . . يوم دخول يسوع الهيكل بالتهليل

فاكر الصورة في المقصورة وشعب كتير . . كان مستني يسوع بيعدي وصوتهم عالي بالمزامير


2 - صليب خشب بيفكرني بيوم حزين . . يوم ماصلبو يسوع الاثمة مع لصين

فاكر الصورة في المقصورة وشعب كتير . . كانو شايفين يسوع متعذب دموعهم عاجزه عن التعبير


3 - صليب حديد بيفكرني بحمل الالام . . شافه يسوع في صمت عجيب علي الانسان

فاكر الصورة في المقصورة لونها غريب . . ضلمه عجيبه واكليل شوك حربه وسامير ادوات تعذيب


4 - صليب حبر بيفكرني بفخر كبير . . علامه في جسمي بحاملها بعزة وتقدير

فاكر المنظر وانا صغير عند الدير رسمه الفنان . . حسيت وقتها بعذاب يسوع لما بكيت حسيت الالام

افرام فانوس​

+ + + + + +

مستني التعليقات والنقد

:11_9_10[1]: :11_9_10[1]: :11_9_10[1]:

ربنا يبارك حياتكم وخدمتكم

صلولي كتير




​

 

[kadi zaina]

سلام ارجو على اليقين ان اسبح و ارنم لرب يسوع له كل المجد بروح القدس الدي غرسه لي

 

[kadi zaina]

شكرا على هدا التسبيح الشيق

 

[evramman]

شكرا على هدا التسبيح الشيق

مرسي kadi zaina ربنا يبارك حياتك وخدمتك

صليلي كتير


​

 

[anosh]

اخواتي الجمال جدا انا مبسوط قوي بالفكر دة وربنا يبارك فيه
انا عندي موهبه الترنيم ولو في اي حد محتاج ضعفي في خدمه انا تحت امر المسيح في اي وقت.

اهلا بيك وسط اخواتك
و اكيد لو اى حد محتاج خدمه منك هانقولك على طول
ربنااااااااااااااااااا يبارك حياتك و موهبتك
و يجعلك سبب بركه ​

 

[anosh]

افرااااااااااااااااااااااااااااااااااام
حمد الله على السلامه
و يارب تكون بخير

عايزه اقولك برااااااااااااااااااااااااااااااافو على الترنيمة
انا هاخدها و لما اخلص لحنها هابعتهالك
و لو كده بقى هاخدها بعد اذنك للكورال عندى ​

 

[evramman]

افرااااااااااااااااااااااااااااااااااام
حمد الله على السلامه
و يارب تكون بخير

عايزه اقولك برااااااااااااااااااااااااااااااافو على الترنيمة
انا هاخدها و لما اخلص لحنها هابعتهالك
و لو كده بقى هاخدها بعد اذنك للكورال عندى ​

+

سلام ونعمه



اخبارك ايه واخبار كنيستك الصغيره ايه

. . . . .

مرسي علي مجاملتك الرقيقة وكلامك الجميل

دا انا اخد بركة كبيرة اني اشارك معاكم في خدمة الكورال الجميله دي

مستني اسمع الحانك الجميله بقي

ربنا يقويك ويساعدك ويعوضك

ربنا يبارك حياتك وخدمتك

صليلي كتير




​

 

[kadi zaina]

حلمت الصليبفي ليلة الجمعة لما أغلقت عيني و لما قرات كتاب المقدس لاول مرة رأيت نورا يشع من الكتاب رغم اني لا أستطيع الدهاب الى الكنيسة التلفاز هيلا كنيستي و انجيل يوحناهو رفيقي الى اين ادهب يرافقني حتى اثناء النوم

 

[evramman]

+

سلام ونعمة

دي اول تجربه لي في كتابه الرباعيات

كتبتها متاثرا باسلوب صلاح جاهين

كنت عايز اخد رايكم فيها



عصفور شبهي



عصفور فرد ريشه فاكر السما مِلكه

مفكرش يوم عمره ان الدنيا هتهده

فاكر جناحه عامين مع انه يدوب شبرين

ولو لف وراح فين مفيش امان عنده


ومن عِنده بيسافر ويلف في عرضها

ولو فكر يهاجر هيرجع لارضها

مع انها حجارة وارض من غير باب

ده لوحسبها خصاره يرجعلها بعتاب


انا سامعه بيقولي ملوش لزمه الكلام

سامعك ومستني وعارف ده مش اوهام

اصل انتا يا عصفور غلبان وملكش صوت

اما انا الانسان مش هصوصو واموت


دا حتي في سكوتي في نبره صوت سكوت

اما انتا هتهاتي وكل زعقه بموت

وطول مابتنادي هتقرب السدود

محدش هيفهم حكمتك ولا هيعرف صوت لغوتك


تصدق فيك شبه مني لاني برقص وبغني

ومحدش سمع صوتي ولا عمره في يوم فهمني

احكيلي اهاتك ما اوجاعي شبه اوجاعك

ولو مت في تاربك يبقي متعدلين


منا اَصْلي من ترابك وترابي عيشين

وطول ما بنصلي هنفضل مستورين

والعمر هيعدي وكده ولا كده تنتهي السنين

مقلتلك من الاول خلينا بقي ساكتين


افرد جناحك طير اوعي تستني

الدنيا مش واقفه عليك ولا بيها نتهني

يبقي متحلمش بعيد ولا حلم الدنيا يعطلك

طير واسرح بعيد وان يوم عرفت اطير هبقي احصلك .

افرام فانوس
​

+ + + + + + + +

مستني رايكم

ربنا يبارك حياتكم وخدمتكم

صلولي كتير




​

 

[evramman]

+

سلام ونعمه

جايبلكم النهارده تاني تجربه ليا في كتابه الرباعيات

بس هي كلماتها تقيله شويه وياريت محدش يزعل مني


+ + + + + +


فستان بورده



فستنان جميل وفيه ورده

ده شكله موضه لبكره

شفته علي بنت يسوع

في العيد من كام سنه


وبعد الكام سنه دول

فوجئت الي بيقول

ده فستان يشيل لمه

مش موضه ومش معقول


انا عندي طقم العيد

تعالي مترحيش بعيد

ده ثمنه مش غالي

بس شكله شديد


ولقتها نفس البنت

الي كانت بميت ست

لبسه منعنده بادي

واسترتش مرسوم بالخط


مقدرش اتكلم

والمنظر في عقلي علم

ليه العيد بقي عثره

للاسف مفيش حد يفهم


سالتها ده ينفع في شغلك

ولا حتي في مدرستك

ولا انتي شطره بس

تلبسي كده في كنيستك


قالتي يا ابني ده عيد

والكل يبقي سعيد

اسكت ومدقش

اشفهمك اجري بعيد


ليه الكنيسه بقت معرض

وان ابونا جه واعترض

نقوله عليه ده وحش

وعننا تملي بيبعد


نفسي تسامحوني

وحتي لوهتحكموني

لو قلت كلام يزعل

اشلحوني او عقبوني

افرام فانوس ​

+ + + + + + + + + +

مستني رايكم

ربنا يبارك حياتكم وخدمتكم

صلولي كتير




​

 

[kadi zaina]

سلام ونعمة رباعيات جميلة و رائعة أنا واثق انك تتكلم بروح القدس ربي يسوع يباركك

 

[anosh]

افراااااااااااااااااااام
جميله عصفور شبهى
بس ليه الحزن و اليأس ده كله
بس انت فضحتنا يا راجل
حد يكتب خساره بالـ ص ( ده لوحسبها خصاره )
هههههههههههههههههههههههههههههههههههه​

 

[anosh]

افراااااااااااااااااااااااام
جامده فستان بورده
و بصرااااااااااااااااااااااااااحه
دلوقتى البنات بتعمل مسابقات مع بعض مين اللى يلبس اخف و اقصر
و تلفت النظر اكتر مش مهم بقى مين اللى غلط و مين اللى صح
ميرسى افرام على كلماتك
و ربنا يبارك حياتك و موهبتك
و ياريت بقى تكتب لى اى حاجه عن موضوع مهرجان الكرازة السنه دى اللى شعاره ( امناء كل حين )
حمل الشعار و اسمعه و لو كتبت اى حاجه حلوه عنه ابعتهالى فى رساله
علشان الناس اللى طالبه ترانيم
ربنااااااااااااااااااا معاااااااااااااااااااك
و صلوااااااااااااااااااااتك​

 

[evramman]

سلام ونعمة رباعيات جميلة و رائعة أنا واثق انك تتكلم بروح القدس ربي يسوع يباركك

مرسي جدا يا kadi zaina علي مجاملتك الرقيقه وربنا يباركك

وصليلي ربنا يدني نعمه

ربنا يبارك حياتك وخدمتك

صليلي كتير
​

افراااااااااااااااااااام
جميله عصفور شبهى
بس ليه الحزن و اليأس ده كله
بس انت فضحتنا يا راجل
حد يكتب خساره بالـ ص ( ده لوحسبها خصاره )
هههههههههههههههههههههههههههههههههههه​

ازيك يا انجي

اخبارك ايه . . . .

اولا :

بالنسبه للحزن واليأس دي كانت حاله عايشها وقت ما كتبت

وزي ما قلتلك قبل كده انا بنقل احساسي في وقت معين


ثانيا بقي وده الاهم :

انا لما بكتب بكتب بسرعه جدا علشان ميطرش الكلام

لان لو الحاله راحت مني بيطير مني الكلام فا ده سبب

( خسارة و خصاره )

ثم يا ستي متعرفيش تداري علي اخوكي

لازم تفضحيني ثم يا ستي دي غلطه مطبعية هه بس

هههههههههههههههههههه

ثالثا وده مهم برضو :

فين اللحن بتاع الترنيمه الي وعدتيني انك هتسمعهولي

ولا انتي شاطره بس تطلعي عيوب الناس

الي بيته من Glass ميحدفش الناس بــ Brick ماشي

هههههههههههههههههههههههههه​

افراااااااااااااااااااااااام
جامده فستان بورده
و بصرااااااااااااااااااااااااااحه
دلوقتى البنات بتعمل مسابقات مع بعض مين اللى يلبس اخف و اقصر
و تلفت النظر اكتر مش مهم بقى مين اللى غلط و مين اللى صح
ميرسى افرام على كلماتك
و ربنا يبارك حياتك و موهبتك
و ياريت بقى تكتب لى اى حاجه عن موضوع مهرجان الكرازة السنه دى اللى شعاره ( امناء كل حين )
حمل الشعار و اسمعه و لو كتبت اى حاجه حلوه عنه ابعتهالى فى رساله
علشان الناس اللى طالبه ترانيم
ربنااااااااااااااااااا معاااااااااااااااااااك
و صلوااااااااااااااااااااتك​

مرسي جدا علي كلامك الجميل

وعلي فكره الموقف الي انا كتبته في الرباعيات ده حصل حقيقي وده الي شجعني اكتب الكلام ده

. . . . .

مرسي علي انك هتخليني اخد بركه الخدمة معاكم في المهرجان

انا هحمل الشعار وهسمعه

وربنا يدبر ويديني نعمه ويحل علي الوحي واكتب

هههههههههه

حلوه يحل علي الوحي دي

تحبي اكتبلك حاجه زي بتاعت كونوا كاملين كده . . . فكراها

هههههههههههههههه

+ + + + + + +

ربنا يبارك حياتك وخدمتك

صليلي كتير




​

 

[kadi zaina]

عيوب الناس ارهقتناوباشواكهم امرضتنا لكن بدم ربي يسوع يحمينا .....................................................
عيون الاشرار تراقبناوبحقدهم يئسنالكن بروح القدس ربي الملوك حوطنا................................................
ابليس الملهب للاثم ييحوم حول افكرنا لكن بجلداته البارة شوفينا..........................................................

 

[anosh]

ربناااااااااااااااااااااااا يباركك يا افرام
و تكتب لنا ترانيم للمهرجان

و معلش انا بس بحضر لعرض عندنا و باذن المسيح هالحن لك الترنيمة
ربنااااااااااااااااااا يدبر
صلواااااااااااااااااتك​