موضوع فعلا رائع جدا جدا
وهقول موقف صعب ربنا ستر
كنت رايح انا وامي واخويا واختي
دير الانبا برسوم بالعربيه واول ما وصلنا قعدنا شويه مع بعض
وبعدين امي قالت لي انا عاوزاك تعلمني السواقه في الحته الواسعه دي قولتلها حاضر
واخويا الصغير قال لي عاوز العب بالعجله قولت له روح
فا روحت انا وامي وجلست في الكرسي الامامي اعلمها وشرحتلها ازاي تبدأ وتتطلع بالعربيه واول لما شرحت
فجأه لقيت العربيه علي اخر سرعه فا بقول براحه براحه شيلي رجلك وهيا برضه اعصبها بايظه ومش عارفه تعمل ايه
وبرضه من صعوبه الموقف مش عارفه تشيل رجلها من البنزين فا ببص قدامي بالقي اخويا في النص
وسور في اخر الدير
لا هنخبط في السور لا ها نموت اخويا
فا كسرت الدركسيون علي الاخر فالعربيه بقيت زي النحله عماله تلف تلف حولين اخويا
اول ما اخويا يجي يطلع يلقي العربيه في وشه مش مدياه فرصه يطلع وهو طبعا كان سنه صغير
هو في النص مش عارف يعمل ايه
فا بهدي امي وقولت حاجه تريحها وتفك اعصابها قولتلها احنا هنلعب شيلي رجلك علشان العربيه توقف
فا شالت رجلها طبعا العربيه بطأت بس ما وقفتش قولتلها دوسي بقي علي الفرامل اللي في النص قالت لي مش عارفاها قولتلها بصي عليا وانا كده كده ماسك الدركسيون فابصت عليها وراحت داست
بعد ماوقفت روحت شربت لتر مايه وبعد ماشربت قولتلها مش شرحتلك الفرامل فين والبنزين بنرفزه
فقالت لي انا كنت ملخومه اول لما العربيه جريت مره واحده خوفت فا ما عرفتش اعمل ايه ولا ايه
والحمد لله الموضوع عدي علي خير
وعاوز اقولك لو كنتي مكاني كنتي هتعملي ايه
وشكرا مره تانيه علي موضوعك الرائع
لما كنت صغيرة خالص
مسكت الكبريت
و ولعتة
بعدين
رمتة فى الزبالة
فولعت فى البيت كلة
و كنت مبسوطة و انا شايفة النار و كنت هنط فيها كانها بحر
و لما اتلسعت رحت مشيت و سبتها لغاية ما المطبخ كلة ولع
انا مش فاكرة الموقف كلة لانى كنت صغيرة
ههههههههههههههههههههههههه
بتفكرينى باخويا كان بيعمل عيد ميلاده فى دولاب الهدوم
ههههههههههه
يالهوى كل لما افتكر الموقف دا اموووووووووت من الضحك
وايه كان يوم عيد ميلاده بالظبط
كان بيلعب بالكبريت
ودخل الدولاب وولع فى الهدوم
بس مش عارف ازاى خرج منه
ههههههههههه
الحمد لله
هو كبير دلوقتى كان نفسى اكون حاضر الموقف دا
ههههههههههههههههههه
كويس يا دونا انيك فكرتى ربنا يحيمكى
ويحافظ على بناته
ان بقى فى يوم كانت رايح عن خالة ومكنش فى موصلة تانى غير الاتوبيس
المهم ركبت والاتوبيس كان زحمة مووووووووووت
المهم ركبت وكان معاى فلوس كانت رايح اوديها لخالى
ةانا بدفع حق التذكرة للكمسرى شافت الفلوس ست غريبة فى لبسها
فراحت جات جانبى وقال تقسم فى الفلوس دى ولا تجيبها كلها
كانت لسا صغيرة
وافتكرتها بتهرزا قولتلها يا ستى مش هتفرق
بس انا مش هديكى حاجة ورحن ضاحكت فى وشها
المهم اتغاصت كتير اوى
وراحت مصوته بعلو صوته مع ان شكلها منكش بيقول انها كدا
المهم لاقيت الاتوبيس كله ورايه
وفضلت تقول فلوسى فلوسى
هات فلوسى
قولتلها يا ستى دى بتاعتى قالت لا
المهم قالت تعالا نروح القسم
روحت معها القسم
وشوفت ظابط من اللى هما
حاجة ايه طول بعرض بجد
المهم كانت تعرفه
فراح قايلى ليه كدا يابنى
ورح ادنى حتى قلم على وشى
خالنى اتحولت هههههههههههه
المهم قولته بس على فكرة ربنا مش هيسبنى
قالى غور ياض
وانا خارج لاقيت رتبه اعلى منه وكانت خارج ببكى ايه وشى احمر وحالتى زفت
المهم راح قايلى مالك يابنى راحت حكيتله الحكايه كلها
راح قايلى طيب وريهمنى
وريتهمله
راح قايلها انتى تانى
وراح ولطشها قلم
وقالى مبسوط قولته لا
قالى طيب عاوز ايه قولته ادى للظابط نفس القلم
كانت مرعوب وانا بطلب الطلب دا
بس قالى حقك
وراح جايب كرسى لانى كانت قصير عنه
ووقفت قدامه
ولسه بديلة القلم
ايدى خبطت فى السرير
يخسااااارة الحلم خلص ومخدش حقى
هههههههههههههههههه
الحلم دا جامد اوى على فكرةةةةةةة
فى يوم الضهر كلمتنى عمتى من شغلها وقالتلى عندها ظروف ومش نافع تروح وطلبت منى اروح لبيتها استنى ولادها وهما راجعين من المدرسه
المهم نزلت من بيتنا ووقفت استنى تا كسى والوقت ده بيبقى صعب شويه المهم لاقيت تاكسى وما صدقت انه وافق على المشوار وركبت وبعد خطوتين واحد شاورله معاه كرتونه كبيره فطلب منى السواق اجى جنبه ويركب التانى مع كرتونته ورا ووافقت لانه سنه كبير نوعا ما فمقلقتش
المهم الشخص التانى نزل بعد شويه وانا اتكسفت ارجع ورا تانى مع انى مش بحب خالص اقعد جنب السواق
المهم بعد شويه لاقيته بيفتح كلام معايا انتى مخطوبه قلتله اه
بتجهزى اينعم
قالى انا كنت متجوز بس ادينى طلقتها
لا حول الله يا رب لييييه بس كده زعلتنى هههههه
وفجأه لاقيته بيتحووووول وشه حمر وعروق ايديه ظهرت وابتدا يتكلم بعصبيه غريبه وهو بيقولى اصلها موتتلى البت اللى حيلتى
معلشى البقيه فى حياتك وربنا يعوض عليك
الصراحه قلبى طب فى رجلى لانى حسيت انه شخص مش طبيعى واللى موتنى خوف اكتر انه فى الطريق كانوا بيشاورولوا ناس طرقهم من طريقنا وهو يعمل نفسه مش سامع وانا كنت بحاول ابصلهم بنظرات استغاثه لفتت نظر بعضه بس هيعملوا ايه
وابتدا يدخل من شوارع جانبيه ويقولى بختصر الطريق اصل الدنيا زحمه
المهم فكرت بسرعه رغم خوفى واستنجدت بكل القديسيين علشان يقفوا معايا
وفكرت انى اكدب عليه كدبايه الحمد لله صدقها ونجيييييييييت من شره ههههههه
لاقيته عمال يتكلم عن حياته واللى بيعمله فى دنيته
المهم قلتله معلشى مش تزعل نفسك كل واحد عنده همه
انا كمان مش مبسوطه
قالى ليه مالك
قلتله اهلى خطبونى لظابط غصب عنى وهو انسان غيووور اووووى وعصبى مووووت
قالى ليه بيعمل ايه يعنى
قلتله يعى انت معقوله مأخدتش بالك وبصيتله باستغراب اوووى ههههههه
قلتله كويس لحسن خفت تضايق فى كتير سواقيين بيضايقوا من الحركه دى
قالى ليه هو عمل ايه
قلتله اصله دايما لما اجى اخد تاكسى يقف ورا وينقل رقمه حاجه تزهق وتخنق بجد
قالى بس انا مشوفتش حد معاكى
قلتله اه اصله صديق الصيدلى اللى كنت واقفه قدام صيدليته وكان واقف ورا معاه هو دايما يعمل كده
سرررررررررح خاااااالص
وفجأه لاقيته عدل طريقه ومشى فى الطريق اللى انا عارفاه وهو ساااااااااكت ههههههه
وبعد ما وصلت ونزلت وبحاسبه وبيقولى ما تخلى رميت الفلوس فى وشه وطلعت اجرررررررررى ههههههههه
انا بجد ليا نوادر مع سواقيين التاكسيات هبقى افتكرلكوا تانى واجى احكى![]()