اكمل الموضوع بمواقف الحياه--
موقف طازه طازه حصل امبارح-- ايه حصل؟؟ اقول لكم ايه حصل:
ابنى الكبير كان فى عيد ميلاد المفروض اروح اخده الساعه 10:30 من التجمع--
كنت فى طريق السويس و الدنيا كحل-- فجئه الاقى العربيه بتقطع منى --
ينهار اسود--- لا لا ارجوكى متعمليهاش فيا --- لكن للاسف مسمعتش كلامى-- و هوب لقيتها وقفت !
بقيت فى موقف هباب-- فى الطريق الساعه 10:30 بليل و الدنيا كحل و لوحدى مش عارفا اتصرف--
اطلع الموبايل لقيته خلاص هيفصل -- لحقت كلمت ابنى بسرعه قولت له على الموقف و طلبت ميتحركش من مكانه لحد مجيله مهما اتئخر الوقت !
و جيت اقفل العربيه الشباك الشمال مرديش يقفل !! مش فاهما فيه ايه--
روحت سبت الفلاشر و قفلت العربيه و قررت امشى للرحاب هههههههههههه
اعمل ايه طيب هههههههههه--
المهم و انا يدوب بمشى قدام عربيتى لقيت نص نقل وقفت و فتحت الباب !!
مممممممممم مشيت نحيتها و انا كلى خوف و بصيت جواها لقيت شاب لوحده-- قولت له عربيتى فصلت بنزين اديك فلوس تروح بنزينه الرحاب تجيب لى ازازه-- قال لى مش هيردوا يدونى تعالى معايا يمكن يدوكى انتى --
بقيت مش عارفا اعمل ايه !
اركب معاه و لا اعمل ايه -- المهم قررت اركب -- كان قلبى فى رجليا
و كنت لازقه فى الباب -- العربيه كانت غريبه -- قدام مش فيه كرسى سواق لا دى كنبه يعنى انا قاعده على امتداد الكنبه الى الولد قاعد عليها--
روحنا البنزينه هو نزل حاول مفيش فايده--
انا نزلت احاول مفيش فايده-- اقول لهم دا موقف انسانى يا ناس معقول يعنى تسيبوا ست لوحدها على الطريق و يمنفعش تساعدوها ازاى يعنى --
بكل برود مينفعش دى اوامر--
بقيت بضرب كف على كف!!!!!!!
قال لى ميهمكيش نروح التجمع الاول فيه بنزينه هناك---
يادى الوكسه -- طب مينفعش نقطرها--
اشك فيكى الحقيقه يا استاذا لتخبطى فيا !!
طب نروح طيب نجيب بنزين من حتى تانيه--
دخل من شوارع جانبيه و عمارات و حبه لقيته بيولع سجاره !!
قولت بس اهو بدئنا بالسجاره شويه و هتطلع الازازه و هتبقى ليله سوده و مطينه بطين اسود على دماغى ---
شكل كدا تعبيرات وشى كانت فضحانى--- لقيت الولد بيقول لى متقلقيش منى--- متخافيش--
انت طبعا مش عارفا الاماكن دى لكن انا حافظها--
و هو بيقول كدا كنا هنلبس فى مطب انا الى اخذت بالى منه قولت له حااااسب المطب-- باين انك حافظهااوى يعنى هههههههههههههههههههههه
المهم فعلا روحنا بنزينه تانيه و ملولنا ازازه---
و انا كنت فعلا قلقانه العربيه تكون اتسرقت--
قعد يقول لى متقلقيش -- العربيه لوحدها مش مشكله لو انتى كنتى مع العربيه كانت هتبقى هى دى المشكله لان الشارع دا (قال كلمه كدا مفهمتش معناها بس حسيت معناها كدا ان فيه ناس وحشين )
المهم وصلنا العربيه و حطينا البنزين-- و انا كلى فرحه ---
اجى ادور هههههههههههههههههههههه هوووووسسسسسسسسسس
مفيش نفس --!! خييييير -- هو انى حاولتى مع العربيه كتير لما فصلت منك--
ايون حصل يا بيه--
كدا البطاريه -- طب اعمل ايه( متقلقيش مش هسيبك غير و العربيه ماشيه مش هسيبك لوحدك--) الساعه باقت 11:30 داخله على 12:00
معاكى واصله معرفش العربيه فيها ايه -- المهم من هنا و من هنا بدائت احاول اوقف اى عربيه تانيه تساعدنا !
شويه تاكسى وقف - و حاول كتير و فك خرطوم و شفط و تف - و فك بطريته و دور بيها العربيه و رجع البطاريه مكانها تانى--
و نشكر ربنا دارت العربيه و روحت جبت ابنى و رجعت البيت تقريبا كانت 1:30 بليل و انا اعصابى خلاااااااااص---
و طبعا طبعا طول الوقت دا و انا عماله اصلى من جوايا و اطلب حمايه ربنا ووقفته معايا و اوصى ماما العدرا و انادى على القديسين ههههههه
نشكر ربنا ان الرب فعلا حمانى-- ووقف ليا شاب محطرم و تكسى كويس
اشكره على حمايته و رعايته ---
-- لما حصل معايا كدا اول حاجه روحت اعتب ربنا و اقول له معقول يا رب تعمل فيا كدا-- ازاى-- بعدين بعد ما خلص اليوم و قعدت ركزت فى الى حصل -- لقيت ان المشكله حصلت ايوا بس ربنا كان معايا فيها-- مسبنيش لحد ما وصلت بيتى بسلام--
افتكرت الفتيه التلاته لما اترموا فى اتون النار--
ممنعش انهم يترموا-- النار موقفتش بس هو فضل معاهم جوا اتون النار و طلعهم سلام---
نشكر ربنا على كل حال
موقف طازه طازه حصل امبارح-- ايه حصل؟؟ اقول لكم ايه حصل:
ابنى الكبير كان فى عيد ميلاد المفروض اروح اخده الساعه 10:30 من التجمع--
كنت فى طريق السويس و الدنيا كحل-- فجئه الاقى العربيه بتقطع منى --
ينهار اسود--- لا لا ارجوكى متعمليهاش فيا --- لكن للاسف مسمعتش كلامى-- و هوب لقيتها وقفت !
بقيت فى موقف هباب-- فى الطريق الساعه 10:30 بليل و الدنيا كحل و لوحدى مش عارفا اتصرف--
اطلع الموبايل لقيته خلاص هيفصل -- لحقت كلمت ابنى بسرعه قولت له على الموقف و طلبت ميتحركش من مكانه لحد مجيله مهما اتئخر الوقت !
و جيت اقفل العربيه الشباك الشمال مرديش يقفل !! مش فاهما فيه ايه--
روحت سبت الفلاشر و قفلت العربيه و قررت امشى للرحاب هههههههههههه
اعمل ايه طيب هههههههههه--
المهم و انا يدوب بمشى قدام عربيتى لقيت نص نقل وقفت و فتحت الباب !!
مممممممممم مشيت نحيتها و انا كلى خوف و بصيت جواها لقيت شاب لوحده-- قولت له عربيتى فصلت بنزين اديك فلوس تروح بنزينه الرحاب تجيب لى ازازه-- قال لى مش هيردوا يدونى تعالى معايا يمكن يدوكى انتى --
بقيت مش عارفا اعمل ايه !
اركب معاه و لا اعمل ايه -- المهم قررت اركب -- كان قلبى فى رجليا
و كنت لازقه فى الباب -- العربيه كانت غريبه -- قدام مش فيه كرسى سواق لا دى كنبه يعنى انا قاعده على امتداد الكنبه الى الولد قاعد عليها--
روحنا البنزينه هو نزل حاول مفيش فايده--
انا نزلت احاول مفيش فايده-- اقول لهم دا موقف انسانى يا ناس معقول يعنى تسيبوا ست لوحدها على الطريق و يمنفعش تساعدوها ازاى يعنى --
بكل برود مينفعش دى اوامر--
بقيت بضرب كف على كف!!!!!!!
قال لى ميهمكيش نروح التجمع الاول فيه بنزينه هناك---
يادى الوكسه -- طب مينفعش نقطرها--
اشك فيكى الحقيقه يا استاذا لتخبطى فيا !!
طب نروح طيب نجيب بنزين من حتى تانيه--
دخل من شوارع جانبيه و عمارات و حبه لقيته بيولع سجاره !!
قولت بس اهو بدئنا بالسجاره شويه و هتطلع الازازه و هتبقى ليله سوده و مطينه بطين اسود على دماغى ---
شكل كدا تعبيرات وشى كانت فضحانى--- لقيت الولد بيقول لى متقلقيش منى--- متخافيش--
انت طبعا مش عارفا الاماكن دى لكن انا حافظها--
و هو بيقول كدا كنا هنلبس فى مطب انا الى اخذت بالى منه قولت له حااااسب المطب-- باين انك حافظهااوى يعنى هههههههههههههههههههههه
المهم فعلا روحنا بنزينه تانيه و ملولنا ازازه---
و انا كنت فعلا قلقانه العربيه تكون اتسرقت--
قعد يقول لى متقلقيش -- العربيه لوحدها مش مشكله لو انتى كنتى مع العربيه كانت هتبقى هى دى المشكله لان الشارع دا (قال كلمه كدا مفهمتش معناها بس حسيت معناها كدا ان فيه ناس وحشين )
المهم وصلنا العربيه و حطينا البنزين-- و انا كلى فرحه ---
اجى ادور هههههههههههههههههههههه هوووووسسسسسسسسسس
مفيش نفس --!! خييييير -- هو انى حاولتى مع العربيه كتير لما فصلت منك--
ايون حصل يا بيه--
كدا البطاريه -- طب اعمل ايه( متقلقيش مش هسيبك غير و العربيه ماشيه مش هسيبك لوحدك--) الساعه باقت 11:30 داخله على 12:00
معاكى واصله معرفش العربيه فيها ايه -- المهم من هنا و من هنا بدائت احاول اوقف اى عربيه تانيه تساعدنا !
شويه تاكسى وقف - و حاول كتير و فك خرطوم و شفط و تف - و فك بطريته و دور بيها العربيه و رجع البطاريه مكانها تانى--
و نشكر ربنا دارت العربيه و روحت جبت ابنى و رجعت البيت تقريبا كانت 1:30 بليل و انا اعصابى خلاااااااااص---
و طبعا طبعا طول الوقت دا و انا عماله اصلى من جوايا و اطلب حمايه ربنا ووقفته معايا و اوصى ماما العدرا و انادى على القديسين ههههههه
نشكر ربنا ان الرب فعلا حمانى-- ووقف ليا شاب محطرم و تكسى كويس
اشكره على حمايته و رعايته ---
-- لما حصل معايا كدا اول حاجه روحت اعتب ربنا و اقول له معقول يا رب تعمل فيا كدا-- ازاى-- بعدين بعد ما خلص اليوم و قعدت ركزت فى الى حصل -- لقيت ان المشكله حصلت ايوا بس ربنا كان معايا فيها-- مسبنيش لحد ما وصلت بيتى بسلام--
افتكرت الفتيه التلاته لما اترموا فى اتون النار--
ممنعش انهم يترموا-- النار موقفتش بس هو فضل معاهم جوا اتون النار و طلعهم سلام---
نشكر ربنا على كل حال
التعديل الأخير:
