'مهزلة مهازل التاريخ -مهزلة ياذوى الضمائر :

[Strident]

وداعك الجماعات الإسلامية؟


ده انت خش كلية هندسة ايام مبارك...برطعة....يدخل حيوان من دول يقعد يخطب في المحاضرة وعايز يقوم الولاد من جنب البنات ويخلص المحاضرة يطلع يعمل مظاهرة ضد إسرائيل ويطالب بطرد السفير والامن واقف يتفرج عليه...

يطلع بقى حد ليبرالي يجيب سيرة جمال مبارك مانشوفهوش تاني في الكلية!

والنقابة قلبوها جامع بمباركة مبارك برضو


فين داعكهم دي؟! هو عشان قعد يقفش فيهم شوية بعد ما حاولوا يغتالوه ف اثيوبيا...زبقى خلاص قاهر الجماعات الإلسلامية؟!

 

[عبود عبده عبود]

بكل بساطة....ايه يدعوني اصدق ان انت كمان كلامك موثوق؟ كل ما لدينا هي الجرائد..
عجبي على ناس تنكر اللي شايفاه بعينيها عشان بس تطلعني غلطان

ازاى بقى ..؟؟؟
أنا كتبت لك بالحرف الواحد أهوه ( واللى أنت أقتبسته )​

ما هو لو انت شاهد عيان على عينى وراسى مش هكدبك​

بالحرف ( لو أنت شاهد عيان ) على عينى وراسى
مش هكدبك
طيب أشرحها ازاى أكتر من كدة ؟؟​

 

[Strident]

لا مارحتش ميت غمر بصراحة....مش هينفع ابقى شاهد عيان على كل حاجة ولا ايه؟

بس هل لان انا مش شاهد عيان على حرب الخليج الأولى تبقى ماحصلتش؟

 

[Molka Molkan]

مولكا عشان يطلعني غلطان....وصل انه بينكر الممارسات اللي كانت بتتعمل ضدنا....يا سبحان الله فعلاً!

مولكا عشان يطلعك غلطان؟
هو أنا جيت جنبك ولا جبت سيرتك بحلو ولا بوحش؟
وكمان حطيتني في خانة "المُنكِر"؟

قال يا قاعدين، يكفيكوا شر الليبراليين

بالمناسبة انا جايب لك الجرايد وتاريخها والعدد اللي صدرت فيه...

اما الوثائق فاكيد مش عندي...لاني مش ف امن الدولة...

وبكل بساطة....ايه يدعوني اصدق ان انت كمان كلامك موثوق؟ كل ما لدينا هي الجرائد..

والله بقى لو اضطهاد المسيحيين في مصر مجرد اخبار مش عارفين جاية منين...

يبقى تبطلوا المناحة اللي انتو عاملينها بقى وكيريليسون وبتاع...واتأكدوا م الاخبار الاول!

كل دا عشان بقول لعبود "معلش يا عبود"؟

انت عايز تدخلني الموضوع ذاته؟

ربنا يشفيك.

 

[Molka Molkan]

لا مارحتش ميت غمر بصراحة....مش هينفع ابقى شاهد عيان على كل حاجة ولا ايه؟

ومين قال لك كن شاهد عيان على كل حاجة؟ ضع لنا أسمه..

بس هل لان انا مش شاهد عيان على حرب الخليج الأولى تبقى ماحصلتش؟

تفكير منطقي فاسد، لانك بتتكلم عن حوادث خفية جاءت لك عن طريق تحقيقات جرائد، وهناك جاءت عن طريق فيديوهات من أكثر من طرف،،

انا شايف انك بتتهرب من الموضوع الرئيسي لمواضيع جانبية، وانا مش بحب التشتيت، لو هاتقدر تجيب اللي طلبه منك عبود هاته، غير كدا يبقى انت بتقول أي كلام في أي كلام وخلاص..

 

[عبود عبده عبود]

وداعك الجماعات الإسلامية؟

أيوة كان داعكهم ...ولو ماكانش داعكهم
كان زمان حضرتك وعيلتك كلها مسلمين غصب عنكوا
أو بتدفعوا جزية وأنتم صاغرون أو مطرودين م البلد
أو بتروح الكلية راكب حمار بالمقلوب
ياراجل اذا كنت أنا أتكفرت جوه الجامع وانا واقف أصلى بينهم
علشان مش ملتحى ...بس ...مجرد انى مش ملتحى
متخيل ؟؟​

 

[Molka Molkan]

عبود، جوني، منطقه في التفكير، أن طالما هو مقتنع بفكره إذن هى صحيحة، والباقي أغبياء لكونهم غير مقتنعين بذات الفكرة أو ينقدونها أو لم يصلون إليها أصلاً..

 

[عبود عبده عبود]

لا مارحتش ميت غمر بصراحة....مش هينفع ابقى شاهد عيان على كل حاجة ولا ايه؟

مين طلب منك تكون شاهد على كل حاجة ؟
يا جونى فيه قضايا بتنتهى صلحاً - عادى - القانون كدة
هما بيزودوا فيها لما بتتصبغ ( أوفر ) دة مسيحى ودة مسلم
لكن دة مايمنعش أن فيه فعلاً ممارسات عقائدية خاطئة
وفيه تكفير
ملحوظة / حوارى مع مولكا على حاجة تاااانية خالص لا تمت بالموضوع بأى صلة ​

 

[Molka Molkan]

ملحوظة / حوارى مع مولكا على حاجة تاااانية خالص لا تمت بالموضوع بأى صلة

هوّ بقى مقتنع أني كنت بتكلم عليه هوّ!!
وداخل يرمي كلام يميين وشمال من غير لما يتأكد..

 

[Strident]

ماهي المشكلة كلها يا عبود انها بتنتهي بجلسة صلح عرفية (فاكر اللي قطعوا ودنه؟)

والكنيسة بقى تروح تعوض اللي محلاتهم وبيوتهم اتحرقت...مش الجناة اللي يعوضوهم!!

ماهي دي الفكرة كلها...


اقبض على الجناة والضحايا....اضغط على الكنيسة عشان ما يلفقوش تهم للمظلومين ويقبلوا جلسة صلح عرفية...تبويس اللحى....انتو بقى عوضوهم بينكم وبين بعض....والجاني فلت من العقاب كالعادة...

ده اسمه اضطهاد ممنهج وبرعاية الداخلية والدولة

 

[Strident]

ماهي المشكلة كلها يا عبود انها بتنتهي بجلسة صلح عرفية (فاكر اللي قطعوا ودنه؟)

والكنيسة بقى تروح تعوض اللي محلاتهم وبيوتهم اتحرقت...مش الجناة اللي يعوضوهم!!

ماهي دي الفكرة كلها...


اقبض على الجناة والضحايا....اضغط على الكنيسة عشان ما يلفقوش تهم للمظلومين ويقبلوا جلسة صلح عرفية...تبويس اللحى....انتو بقى عوضوهم بينكم وبين بعض....والجاني فلت من العقاب كالعادة...

ده اسمه اضطهاد ممنهج وبرعاية الداخلية والدولة

 

[عبود عبده عبود]

عبود، جوني، منطقه في التفكير، أن طالما هو مقتنع بفكره إذن هى صحيحة، والباقي أغبياء لكونهم غيرم قتنعين بذات الفكرة أو ينقدونها أو لم يصلون إليها أصلاً..

وأنا فقط باقول لو فيه أى أتهام ياريت يكون موثق
أو يكون هو شاهد عيان على ( واقعة حدثت ) مش هكذبه - هو عندى مُصدق
أنا شاهد عيان على الجماعات دى وصليت وراهم فى جوامعهم وعارف مدى خطورتهم
وأمن الدولة عنده ألف حق فى طريقة التعامل مع الأشكال دى​

 

[Strident]

وأنا فقط باقول لو فيه أى أتهام ياريت يكون موثق
أو يكون هو شاهد عيان على ( واقعة حدثت ) مش هكذبه - هو عندى مُصدق
أنا شاهد عيان على الجماعات دى وصليت وراهم فى جوامعهم وعارف مدى خطورتهم
وأمن الدولة عنده ألف حق فى طريقة التعامل مع الأشكال دى​

مانا قلت لك....

اقصى توثيق انا كمواطن اقدر اوصل له هو الجرايد ورقم القضية....وقلت اني مش شاهد عيان...


على فكرة احنا مش بنتجادل الجماعات دي تستاهل ضرب النار ولا لأ...

بس المشكلة...اني لو وافقت على قانون زي الطواريء......اللي بيستخدمه مش هيستخدمه ضد دول بس....هيستخدمه ضدي انا كمان...

 

[عبود عبده عبود]

ماهي المشكلة كلها يا عبود انها بتنتهي بجلسة صلح عرفية (فاكر اللي قطعوا ودنه؟)

والكنيسة بقى تروح تعوض اللي محلاتهم وبيوتهم اتحرقت...مش الجناة اللي يعوضوهم!!
ماهي دي الفكرة كلها...
اقبض على الجناة والضحايا....اضغط على الكنيسة عشان ما يلفقوش تهم للمظلومين ويقبلوا جلسة صلح عرفية...تبويس اللحى....انتو بقى عوضوهم بينكم وبين بعض....والجاني فلت من العقاب كالعادة...
ده اسمه اضطهاد ممنهج وبرعاية الداخلية والدولة

بص يا جونى منظورك فيه تعصب حبتين
يعنى الجلسات دى ما بتمش بعيد عن القانون - لو فيه حد أتقتل عمداً دى مافيهاش صلح ...أوكية ؟
آلالآف مؤلفة من القضايا بتنتهى " صُلحاً " دى مش بدعة
من ضمنها حوادث التعدى - الخناقات - التحرش - أتلاف ممتكات الغير - حوادث التصادم - القتل الخطأ ..ألخ ألخ
وبيحصل ( ضغط ) على الأطراف معنوى وأدبى ومادى
بس كدة
​

 

[Strident]

ماهو عشان كده موضوع الصلح ده لازم ينتهي للأبد...

بسبب الضغط والحاجات دي...

وبعدين ماذا عن الحق المدني؟ ليه الجنايات مافهاش تصالح؟ مش عشان الحق المدني؟

 

[عبود عبده عبود]

بس المشكلة...اني لو وافقت على قانون زي الطواريء......اللي بيستخدمه مش هيستخدمه ضد دول بس....هيستخدمه ضدي انا كمان...

موافقتك أو موافقتى من عدمها مالهاش أى لازمة
ولو انت أو أنا نستاهل يطبق علينا الطوارئ هيطبق
ما هو لو جبنا قاتل وقلنا له توافق على قانون أعدامك هيقولك لأ
مش موافق
والا هنفصل 90 مليون قانون على مقاس كل فرد من الشعب​

 

[Strident]

موافقتك أو موافقتى من عدمها مالهاش أى لازمة
ولو انت أو أنا نستاهل يطبق علينا الطوارئ هيطبق
ما هو لو جبنا قاتل وقلنا له توافق على قانون أعدامك هيقولك لأ
مش موافق
والا هنفصل 90 مليون قانون على مقاس كل فرد من الشعب​

انا وانت مش قتلة يا عبود ولا اعضاء في تنظيمات ارهابية...

وكنت اقصد اللي هيستخدمه مش هيستخدمه ضد المجرمين بس....هيستخدمه بمزاجه ضد الكل..

السلطة مفسدة....والسلطة المطلقة مفسدة مطلقة...

واحنا مهمين لاننا الشعب....وكل واحد من ال90 مليون مهم...

ومش انتو عندكم ان افلات مجرم احسن من معاقبة بريء او مظلوم؟ ليه؟ عشان فيمة الفرد!


المشكلة كلها في لو انا او انت ما نستاهلش....ويتطبق علينا القانون زي القيود على الرأي وكده...عشان مش على مزاج الحاكم...


المسألة دي قتلت بحثاً بره وعشان كده...لازم بندفع تمن لتحديد سلطة الحاكم...لكن التمن ده اقل من خطر استفراد حاكم بسلطة مطلقة

 

[إيمليــآ]

,.

هو جونى تقريباً لخصهآ فى جزئية آلسلطة آلمطلقة
آلرغبة فى آلإنفرآد بآلسلطة محتآجة أدآهـ تدعمهآ .. فأغذى آلإرهآبيين وفكرهم ،
فيبقى عندى آلمبرر لفرض حآلة آلطوآرئ وأستغل قآنونهآ بقمع آلكل ..
سوآء آلإرهآبى آلفعلى أو أى حد يحآول يقرب من آلتورته غيرى

مش عآرفة إذآ محتآجة أثبت إن مبآركـ كآن منفرد بآلسلطة بردو ولآ إيه ...!!!!
بس من نآحية شهود آلعيآن على مهآزل قآنون آلطوآرئ .. فأقدر أعتبر نفسى منهم
قريب لصديقة ليـآ سآفر لإسرآئيل فى أيآم عهد مبآركـ ...
بدون سرد إللى أهله إتعرضوله بعدهآ ، بس يكفى إنه تم إغتصآب أخته فى أمن آلدولة تحت حمآية آلقآنون آلمصون ....

.،​

​