منتدى الحوار الاهلاوى الزملكاوى

[abokaf2020]

يا جماعة انتوا لسه بتقولوالا نادي الزمالك خلاص مفيش حاجة اسمها زمالك وعلي راي عبلة كامل خدو سته رايح خدوا اربعة جاي

 

[max mike]

حداد حتى عودة الزمالك

 

[MIKEL MIK]

مبرووووك فوز الاهلي علي الاسماعيلي

رغم الجو الارهابي اللي كان هناك

وهوه ده جمهور الاسماعيلي الحقيقي ومحدش يقول قله

بدل مايشجعوا فريقهم بيشجعوا باشتوكا وعملوا رابطه كمان لفريق باتشوكا

خلي باتشوكا ينفعكم

مبروووك للاهلويه ولا عزاء للدروايش​

 

[abokaf2020]

ولا عزاء للدراويش

 

[lovebjw]

الدروايش مين وبعد هزيمة الاهلى كل اللى بيعملوه بيمسحو بالورنيش لجذم لاعبية الاهلى

 

[grges monir]

مش المثل بيقول لكل جواد كبوة الزمالك راجع بقوة قريب

 

[lovebjw]

هم الزمالكوية بيصدقو فى الكلام دا

 

[R0O0O0KY]

السؤال الذى يطرح نفسة أعزائى المشاهدين

من هو الذى اخرج الاهلى من الكاس فى دور ال16؟؟؟؟!!!!
1حرس الحدود
2قوات اليهود
3عبود ع الحدود
4عين الحسود

سؤال أخر
مين صاحب اخر هدف فى الاهلى اختار
1-مجدى عبدالغنى
2-احمد عبدالغنى
3-منى عبدالغنى




مبروووك يا أهلوية عليكو خسارة الكأس.....ولـــســـة​

 

[MIKEL MIK]

السؤال الذى يطرح نفسة أعزائى المشاهدين

من هو الذى اخرج الزمالك من الكاس فى دور ال32؟؟؟؟!!!!
1-بني عبيد
2-نبيله عبيد
3-عاطف عبيد
4-عين الحسود

سؤال أخر
مين صاحب اخر هدف فى الزمالك اختار
1-السيد المندوه
2-السيد الموكوس
3-السيد المنحوس




مبروووك يا زملكويه عليكو خسارة الكأس.....حاجه مش جديده عليكم​

 

[twety]

ياساتر يارب منكوا ... تنسوا كل حاجه وتفتكروا ده بس يابااااااااااى منكوا

 

[Dido0o0o0o0o]

انا احب انضم ليكم لانى اهلاوى صميم

واحب اقول لرابطة مشجعين الصفاقسى و النجم الساحلى و اخرياً باتوشكا المكسيكى

" طبعا الزملكاوية و الدراويش " اللى طول عمرهم اخوات حتى فى الخروج من كاس مصر اختاروا فرق درجة تانية و تالته من بنى عبيد للدخليه و لا قلبى لا تحزن و بأذن ربنا زى ما علمنا على الاسماعيلى فى الاسماعيلية هنعلم اجوجو الجرى فى استاد القاهرة ولا عزاء لشيكابالا
هههههههههههههههههههه​

 

[MIKEL MIK]

أهلا بيك يا ديدو

العائله الأهلويه زادت عضو جميل

وأنشاء الله الأهلي يفوز علي الزمالك النهارده

منور يا جميل​

 

[twety]

ربنا استجابلك يا كوكو
ههههههههه

مبرووووووووووووووك لحبايبى الاخلاويه
وكالعادة مشرفينا


ومعلش يا مهالك قصدى يا زمالك
تعيشوا وتاخدوا غيرها

 

[MIKEL MIK]

الحمد لله تويتي الاهلي فاز علي فريق المهالك

انا كنت خايف من ساعه مسمعت التشكيل وكمان بعد اصابه شادي محمد

لكن الحمد لله فوزنا بهدف ومع الرأفه

ولولا عبد الواحد السيد كانوا شالوا كتير

والسلام امانه لشيكابالا وأجوجو

مبرووووووووووك لكل الأهلويه​

 

[twety]

مبرووووووووووووك يا اهلى

 

[grges monir]

عموما الماتش كان طينة والفريقين يستهلوا الخسارة
ثانيا:الزمالك يمر بكبوة وقدامة وقت لحد مايلم نفسة
الاهلاوية فرحانين انهم كسبوا الزمالك1/0 امال بنى عبيد تعمل اية؟

 

[twety]

طيب بالراحه يا جرجس

المهم فى النهايه حصل ايه

الاهلى كسب كالعادة
ولما تفوقوا انتوا من الكبوة دى اللى مش باينلها نهايه

يبقى نتكلم تانى
المهم دلوقت
قول وبكل روح رياااضيه

" مبرووووووووووووووووووووووك يا اهلى "

 

[salib 2010]

بكل روح رياضية اهنئ اخوتى مشجعى الاهلى مبروك لكل مجتهد نصيب وربنا يوفق نادى الزمالك علشان نعرف نتفرج على كورة جميلة زى زمان اللة يرحم زمان كان الاعبين عندهم انتماء للفانلة اما الان انتمائهم للدولارات وضاع كل شئ جميل كان بيسحر جماهير مصر لان الزمالك هو القطب الاكبر مع الاهلى وربنا يوفق الجميع تحياتى وقبلاتى لكم احبائى

 

[MIKEL MIK]

جدعه يابت يا تويتي

لما الزمالك يفوق من الغيبوبه الطويله دي نبقي نشوف هيعمل ايه

بس برضه الزملكويه مش عجبهم الاهلي كسب بهدف واحد

نكسب 6 مره مش عجبهم 4 مره مش عجبهم

طب اعملوها انتوا واتعادلوا حتي مع الاهلي

هقول فزوره بالمره لكل الزملكويه ولو شاطرين يحلوها

الطفل الأهلاوى البالغ من العمر أربع سنوات شهد حوالى 13 بطولة،

فكم يبلغ عمر الزملكاوى ليحقق فريقه نفس عدد البطولات؟

الأهلي وبس​

 

[twety]

ممكن احلها يا اونكل
هههههههههه