منتدى الحوار الاهلاوى الزملكاوى

[max mike]

عموما مكنش فى عدل اصلا فى المتش

اولا : البلنتى اللى متحسبش
ثانيا : طرد وسام العبدى
ثالثا : هدف اجوجو الملغى

كل ده حرام مفيش ولا حاجة من دول فيها عدل لو دول بس كانوا اتحسبوا كنا خلصنا المتش وفزنا عليكم

بس اقول ايه الحظ كل مرة بييجى فى صالحكم ومش عايز ييجى ولا مرة فى صالحنا

عموما لسه فى مباراة تانى جاية يكون فيها انشاءالله الزمالك اتحسن واللعيبة اخدوا على بعض عشان يعرفوا يتفاهموا فى املعب

 

[Dona Nabil]

رد على: منتدى الحوار الاهلاوى الزملكاوى

عموما مكنش فى عدل اصلا فى المتش

اولا : البلنتى اللى متحسبش
ثانيا : طرد وسام العبدى
ثالثا : هدف اجوجو الملغى

أنت قصدك يا مايكل ان النمساوووى هو كمان اهلاووووووى :dntknw:
يعنى انت مشفتش ان وسام ده كا ن نازل ضرب فى اللعيبه ازاى ولا شفت ان أجوووجو ده كان متسلل :t9:​

 

[max mike]

وسام مكنش بيضرب حد كل اللى كان بيعملوا بيلعب على الكورة وده قانونى

واجوجو مكنش متسلل المدافع اللى معاه كن ماشى معاه خطوة بخطوة

 

[oesi no]

ادى التسلل على اجوجو

كل تسلل وانت طيب يا راجل يا طيب ​

 

[oesi no]

طبعا صورة زمالك هوم باين فيها الفبركة لكنها موضحه ان اجوجو مكنش حد مغطيه
الفبركه بالفوتوشوب جايه من انهم حاطينه على نفس الخط مع اللى بيلعب الكورة
ميعرفوش ان اللى راجع من تسلل بيبقا متسلل بردة والصورة الاولى بتوضح انه كان مسابق مكانش على نفس الخط
وكل تسلل وانت طيب ياراجل يا طيب
انتظرنى هشرحلك ضربه الجزاء ​

 

[max mike]

بس برده كان فى ظلم فى التحكيم

اسأل اى واحد عاقل حضر المتش وميكنش اهلاوى ولا زملكاوى شوف هيقولك ايه

 

[Moony34]

رد على: منتدى الحوار الاهلاوى الزملكاوى

يا زمالكاوية إهدوا شوية...
مش كل ماتش تقولوا الحظ والحكام.... مش معقول كده...
عموما الزمالك مستواه أحسن بكتير الموسم ده بس يا ريت يحافظ على نفس المستوى على مدار الموسم كله ويقدر ينافس الأهلي...
لكن بصراحة ومش علشان أنا أهلاوي برضه الأهلى أقوى على مستوى كل الخطوط

 

[النهيسى]

اللعب الصينيه موجوده بكثره بالاسواق المصريه ليه الزمالك مبيشتريش لعيبه صينيون هيكونو رخاص :smi411:

 

[menaashraf2009]

الله عليك يا أينو تسلم رجليك على الشوتة الجامدة نزلت جبت جون فى أول لمسة أنت أكيد من عالم تانى
أصدقاء الأمس أعداع اليوم
:new6::yahoo::dance::a63::big29:​

 

[تونى 2010]

رد على: منتدى الحوار الاهلاوى الزملكاوى

هو انتوا سبتلنا لاعينة نلعب بيها
دنتوا ناقص تشتروا تيشرتات الزمالك

اجوجو
هانى سعيد
ايمن عبد العزيز
ريكاردو
عمر كمال


الصراحه الزمالك مشتراش لاعيبه خالص​

 

[تونى 2010]

رد على: منتدى الحوار الاهلاوى الزملكاوى

الف مبروك للنادى الاهلى وعقبال يارب دايما كسبانين وسلملى على نادى الفن والهندسه اللى عايز يدخل كليه الهندسه ومعاهوش ابتدائيه .​

 

[تونى 2010]

رد على: رد: منتدى الحوار الاهلاوى الزملكاوى

المتش بكرة بالتوفيق للزمالك دائما

و حنحسم بطولة السوبر غدا يا اهلاوية !!

و الى يخاف ميتفرجش !!

بعمرو زكى او من غيرة الفوز للزمالك​

بدون تعليق​

 

[max mike]

مهما حدث للزمالك من ظروف او او او سأظل زملكاوى

ولن ولا اتحول الى فريق القلعة الحمراء مهما حدث

حاسس ان الزمالك الموسم ده هيعمل حاجة



وهتشوفوا يا اهلاوية

 

[*malk]

مهما حدث للزمالك من ظروف او او او سأظل زملكاوى

ولن ولا اتحول الى فريق القلعة الحمراء مهما حدث

حاسس ان الزمالك الموسم ده هيعمل حاجة



وهتشوفوا يا اهلاوية

تمااااااااااااااام تمااااااااااااااااااااام

مفيش زملكاوى هيرتد عن النادى مهما حصل

ان شاء اللة الزمالك هيعمل حاجةةة :warning:

 

[R0O0O0KY]

نفس السيناريو بتاع كل ماتش

نبقى مهاجمين و نبقى الافضل و ممتلكين الماتش و تيجى هجمة للاهلى تهدم كل الاحلام

منة لله الحكم النمساوى

طرد غير مستحق لوسام العابدى و بيقول انة شتم و هو حيفهم عربى ولا حيعرف منين انة شتم !!!!!

و من بعديها المتش اتقلب و الخطوط اتفتحت و جات الفرص للاهلـــى و هدف اينو الرااائع ياعينى بعد عزاب و عزاب عاشو فى نادى الزمالك زماان حب يخلصة فينا فى المتش دة بصاروخ من صواريخة

و منة لله عبد الرئوف تقريبا كدة اتخض لما لقى نفسة هو و الجون كان تقريبا عاوز فرصة يفكر قبليها

و دى كانت اصلا مفروض تتحسب ضربة جزاء و لكن غباء عبد الرئوف خلاة يقوم بعد لما وقع

يلا مش مشكلة لسة فية متش ثالث كمان شهر و ان شاء الله يكون فية الزمالك فى حالة من الاستقرار او ياخد شوية استقرار من الى مرطرط عند الاهلى دة و يبقى افضل من كدة !!!​

 

[R0O0O0KY]

الصحف النمساويه تطالب الاتحاد النمساوى بتقديم اعتذار للزمالك​

خرجت الصحافة النمساوية الصادرة عقب مباراة القمة لتصب جم غضبها على الحكم النمساوي الضعيف ستوشلك فريتز بل ان بعض الصحف طالبت بإعتذار رسمي من الأتحاد النمساوي لنادي الزمالك

جريدة krone خرجت بعنوان الفضيحة او حاجه تكسف "Entsetzlich"


الحكم ستوشليك و الذي حل ضيفا على مصر من أجل ادارة مباراة السوبر تلقى انتقادات و هجوم لاذع الحكم الدولي حكم يوم الأحد الماضي مباراة السوبر بين الزمالك و الاهلي و التي انتهت بفوز الاهلي 2-0 و تسبب في مشاكل كثيرة و فقا لمجلة مصر نيوم اليومية التي تحدثن عن انتقادات هولمان المدير الفني للزمالك و قال ان الحكم قتلنا و انه لا يصدق ان يكون هذا الحكم دولي و الألمان هولمان تحدث عن سوء اداء الحكم و الاداء الضعيف الحكم لم يحتسب هدفا لاجوجو بداعي التسلل و قام بطرد وسام العابدي للاعتراض على ضربة الجزاء التي لم تحتسب للزمالك حسب تصريحات هولمان .

ثم تحدثت الجريدة في تحليلها للمباراة ان الحكم ستوشليك معروف بتحكيمه الضعيف في الدوري النمساوي, و لكنه يوم الاحد كان المفروض ان يكون عادلا لانه ليس له علاقة بالفرق التي تشارك في المباراة و كان الاتحاد المصري استقدمه لعدم ثقة الفريقان في التحكيم المصري الا انه التحكيم المصري كان سيصبح افضل من ستوشليك .

ستوشليك مشهور بكثرة الكروت الملونة في اللقاء و في الشوط الثاني على حسب كلام الجريدة حدثت الفضيحة كرت احمر للمدافع وسام العبادي عندما كان الزمالك متأخر بهدف و كان الطرد بدون سبب واضح او مفهوم و بسبب القرار الغريب و الغير جديد على الحكم النمساوي كان هناك حالة غضب من المشجعين المنتمين لنادي الزمالك .

كما قام الحكم بإرتكاب الخطاء الأكبر بإلغاء الهدف الصحيحة للغاني اجوجو بداعي التسلل و لم تتوقف الاخطأء عند ذلك بل تجاهل ضربة جزاء واضحة لنادي الزمالك , الخلاصة كان اداء الحكم ضعيف جدا جدا و حرم الزمالك من فوز مستحق و كان له رأي اخر و غير نتيجة المباراة .

و أختتم الجريدة تعليقها على المباراة بالطلب من الاتحاد النمساوي بالأعتذار لنادي الزمالك عن نتيجة المباراة و ان ذلك سيكون اقل شئ يقدم للزمالك الذي كان بإمكانه انهاء سيطرة الاهلي على الكرة المصرية يوم الأحد الماضي لولا الحكم .



جريدة heute الحكم النمساوي فضحنا في مصر "Entsetzlich"


الحكم ستوشليك الضعيف و الذي دائما ما يثير الجدل كان يحكم يوم الأحد دربي مصر بين الزمالك و الاهلي و بدل من أن يصنع صورة مشرفة للنمسا ذهب ليعلن للجميع انه حكم ظالم في دعاية سيئة ؟

الحكم ستوشليك المكروه في الدوري النمساوي و الذي دائما قرارته حتى في النمسا تتسم بكثرة الأخطاء و تسبب في المشاكل اهدى السوبر للنادي الأهلي

الزمالك كان في استطاعته حسم اللقاء بعد سيطرته على اللقاء و كان الأفضل و الأقرب للفوز و لكن القرارات العكسية حسمت اللقاء للمنافس التقليدي الأهلي بعد التغاضي عن ضربة جزاء واضحة و الغاء هدف صحيح و طرد لمدافع الزمالك ( و عقب الكاتب النمساوي على الطرد بكلمة و نموت و نعرف لماذا طرد اللاعب )



جريدة oesterreich الزمالك كان يستحق الفوز .. لكنه كان يلعب ضد 12 لاعب (11 اهلاوي والحكم) و هذا شيء مستحيل


يوم الاحد حكم الحكم النمساوي ستوشليك كاس السوبر بين الزمالك والاهلي. الفريقان كانو يأملان في تحكيم عادل لكن الاهلي فقط من استفاد من الحكم.

في الحقيقه ستوشليك كان الرجل االــ12 في الملعب مع الاهلي. قرارات خاطئة جدا طوال الوقت ضد الزمالك أدت لفوز بطل الدوري بكاس السوبر ..

فوز غير مستحق لبطل الدوري. الزمالك منذ 4 سنوات يعاني من المشاكل و نقص البطولات كان الأفضل و كان في طريقه لتحقيق هدفه بالفوز بكأس السوبر و قدم مباراة ممتازة و سيطر على اللقاء في اغلب اوقاته لكن ستوشليك و الذي تسبب كثيرا في تغيير نتائج المباريات في الدوري النمساوي بسبب أخطائه تسبب ايضا في فوز الاهلي في اللقاء بالرغم من عدم أحقية الاهلي .

الزمالك خسر للمرة الثانية امام الأهلي في اسبوع و هذه المرة كانت بمساعدة الحكم​

اهم النمساوية ولا يعرفونا ولا يعرفوكو و اعترفوا بغلط الحـــــكمــــــ !!!​

 

[R0O0O0KY]

بدون مجاملة
الحكم الأهلاوي.. وريكاردو البلاوي!!



مجرد سؤال.. هل جاء حكم أجنبي طوال العشر سنوات الماضية وظلم الأهلي؟! لا لم يحدث!!.
هل تعرض الزمالك مرة للظلم من حكم أجنبي؟!! يااااه.. قول عشرين مرة.. خمسين مرة.. حتي الحكم السوري جمال الشريف قلنا إنه حكم عربي وعنده ضمير ظلم الزمالك مرورا باليوناني الذي لم يحتسب ضربة جزاء لجمال حمزة واحتسب عليه "فاول" وأنذره وأخطرهم الحكم المرووش المهزوز الجاهل بقوانين الكرة فريتز النمساوي الذي تغاضي عن ضربتي جزاء صحيحتين أحدهما مؤكدة ألف في المائة لأحمد عبدالرءوف كل الدنيا أكدت أنها ضربة جزاء ماعدا الرجل الطيب المتدين الملتحي الذي أحبه وأقدره أحمد ناجي لأول مرة يخونه ضميره ويبرر أنها ليست "بنالتي" وأستحلفه بالله هل هذا الكلام صادر من قلبك وضميرك مستريح؟!!.
ماذا يضير لو قال الحقيقة التي لن تغير من النتيجة شيئا علي الأقل ليكتسب ثقة واحترام الأهلاوية والزملكاوية معا لأن كل الأهلاوية يؤكدون أنها ضربة جزاء وستبقي النتيجة كما هي بلا تعديل ثم أن الحكم عاد إلي النمسا وكان ينبغي أن يعترض عليه الزمالك لعدة أسباب منها:
أنه ينتمي لنادي جراتز في جنوب النمسا.. وهذا النادي بينه وبين الأهلي توأمة وقعت بمعرفة محمد عبيد.. ثم إن حسن حمدي رئيس النادي الأهلي اختارته النمسا سفيرا للرياضة في بطولة كأس الأمم الأوروبية ممثلا عن قارة أفريقيا وبقي هناك لفترة طويلة.
ثالثا وهو الأهم اختارت النمسا أضعف حكامها ولم يشارك في كأس الأمم ولم نسمع اسمه من قبل ووضح تميزه والواضح أنه تلقي توجيهات أو علي سبيل المثال "خلي بالك.. لعيبة الفريق الأبيض بيضربوا وبيعترضوا وبيمثلوا" فنزل الرجل "حاطط عينه" علي أي لمسة أو هفوة من لاعبي الزمالك ونزل عليهم إنذارات.. إنذار وراء إنذار وطرد بغشومية دون وعي وإدراك بينما فلافيو يشيح ويضرب ويمثل ويشتم بالبرتغالي والحكم يغمض عينيه.
لم يعد أمام الزمالك إلا أن يطلب حكاما من السعودية أو الإمارات أو السودان أو الكويت أو الأردن ويرفض رفضا باتا حكام أوروبا بعد ذلك أو أن يوافق علي حكام مصر مستقبلا فقد يكونوا أرحم ثم إن قدري عبدالعظيم اعتزل!!.

محمود معروف!!
الجمهوريه ​

 

[oesi no]

اهم النمساوية ولا يعرفونا ولا يعرفوكو و اعترفوا بغلط الحـــــكمــــــ

اقولك على سر اخر اسم جريدة انت كاتبه جريدة متخصصه فى التزحلق على الجليد
بس متقولش لبتوع زمالك تى فى

اه صح بمناسبه الخبر المتفبرك بردة هما النمساويين بيقولو الحكم النمساوى ليه ؟؟؟؟
يعنى فى مصر ممكن نقول جمال الغندور مش هنقول الحكم المصرى
عرفت ليه سميتهم قبل كدة زيزى تى فى
حاليا بقو سبيس تون تى فى
​

 

[R0O0O0KY]

و اية المانع لما جريدة متخصصه فى التزحلق على الجليد تكتب عن الكورة هى جريدة بتاعة طبيخ ولا بتاعة رياضة

انتو بس لازم تكابروا و تقولو ان الخبر غير صحيح تبريرا لفوزكم و للطرد الغير مستحق و ضربة الجزاء المستحقة و الهدف الملغى ​

 

[Copty-]

رد على: منتدى الحوار الاهلاوى الزملكاوى

قال اهلى قال حكام واكلين وجمهور يروح الاستاد بالشباشب الزمالك نادى الملك