ملف كامل لطرق عمل الكفتة

[tasoni queena]

طرق متنوعة للكفتة
​

كفتة مشوية :
​

المقادير:


ربع كيلو لحم كندوز صغير ربع كيلو لحم ضأن صغير "قطعة من ليه الخروف" في حجم عين الجمل

2 بصلة متوسطة مفرية ناعم نصف ملعقة صغيرة كسرة خبز جافة ناعمة ملح وفلفل جوزة الطيب قرفة قرنفل.



الطريقة :


يفرم اللحم والليه ويخلط مع البصل والبهارات ويعجن المقدار جيداً ويترك داخل الثلاثة 2-3 ساعة.

يشكل اللحم علي الاسياخ وتشوي الكفتة علي الشواية مع دهنها خفيفاً بالصلصة المتخلفة

من التتبيل اثناء الشي وتقلب الاسياخ باحتراس حتي تمام النضج وتقدم علي فرشة من البقدونس.

​

 

[tasoni queena]

كفتة الأرز :
​

المقادير:


نصف كيلو لحم مفروم نصف كوب ارز مدقوق ناعم بصلة مقطعة مكعبات 4 فصوص ثوم حزمة بقدونس مفروم ملح وفلفل بهارات زيت للتحمير.


الطريقة :


يخلط اللحم المفروم مع باقي مقادير الكفتة والارز ويقلب الخليط ثم يفرم مرة واحدة ويشكل علي هيئة اصابع أو كور صغيرة.

يسخن الزيت جيداً وتحمر فيه الكفتة وترفع الكفتة من النار وتوضع علي ورق مطبخ حتي تمتص المادة الدهنية.

تجهز الصلصة بأن تحمر البصلة في السمن حتي يصفر لونها ويضاف عصير الطماطم والتوابل ويترك المقدار علي نار هادئة حتي يتم التسبيك.

تضاف الكفتة وقليل من الماء او البهريز وتغطي حتي تتشرب الكفتة من الصلصة جيداً.

تغرف الكفتة ساخنة ​

 

[tasoni queena]

​

كفتة علي الطريقة الشرقاوية:
​

​

المقادير:

نصف كيلو لحم مفروم كوب ارز ملعقة كبيرة سمن بصلة متوسطة مفرية ناعم 2 كوب بشوربة ملح وفلفل بهارات.


الطريقة :


يغسل الارز ويخلط صحيحاً مع اللحم والبصلة المفرية والسمن والتوابل ويعجن المقدار جيداً حتي يتجانس.

يشكل المقدار علي هيئة كور وترص في صينية مدهونة خفيف بالسمن وتغطي وترفع علي نار هادئة لمدة من 5-10 دقائق.

يسخن البهريز ويضاف الي الكفتة ويترك المقدار علي نار هادئة حتي تتشرب البهريز ويتم النضج.

تغرف الكفتة ساخنة ويقدم معها سلاطة خضراء وشرائح من الخبز الجاف.

​

​

 

[tasoni queena]

كفتة بالزعتر :
​

المقادير:

نصف كيلو لحم احمر مفروم رغيف كايزر بايت بيضة بصلة متوسطة مفرية ناعم 2 فص ثوم مفري

3 ملاعق بقدونس مفري ملعقة كبيرة نعناع اخضر مفري نصف ملعقة صغيرة زعتر فنجان دقيق زيت

للتحمير.


-الطريقة :


ينقع الخبز في الماء حتي يلين ويعصر جيداً ثم يخلط مع اللحم والبصل والثوم والزعتر والنعناع والريحان مع التوابل والبيض.


تشكل الكفتة علي هيئة كرات صغيرة ثم تدحرج في الدقيق وتحمر في الزيت وتوضع الكفتة علي ورق مطبخ وتقدم ساخنة مع بطاطس محمرة وسلاطة خضراء
​

 

[tasoni queena]

كفته الفراخ بالبطاطس


​

فرخه كيلو مسلوقه و مخليه من العضم و الجلد

2 بطاطس متوسطه الحجم مسلوقه

3 بيض

نص كوب بقسماط

ملح-فلفل

زيت للتحمير

الطريقة:

نضع الفراخ في المفرمة و نفرمها

بعد كده نضع البطاطس و نضرب

بعد كده نضع البيض و الملح و الفلفل و نضرب

بعد كده نضع البقسماط و نضرب

ممكن تحتاجي شوية بقسماط زيادة مش مشكله

نشكلها بالشكل الي انتي عايزاه و قلبيها في البقسماط

دخليها التلاجه ربع ساعه و بعدين حمريها في زيت غزير

و قدميها و معاها سلطه زبادي

وبالهنا والشفاء​

​

 

[tasoni queena]

كفتة الفراخ المقلية
​

المقادير


1/2 كيلو لحم دجاج مفروم ناعم .

بقدونس وممكن كزبرة خضراء مغسولين ومصفيين من الماء

شوية نعناع اخضر .

بيضة واحدة .

ملح +فلفل اسود +بهارات مشكلة ( بهارات دجاج ان وجدت ).

بصلة +فلفلة خضراء حارة منزوع بذرها +3 فص توم

بقسماط وطبعا زيت غزير للقلي .


الطريقة

تفرم اللحمة مع البقدونس والنعناع والفلفل الاخضروالتوم والبهارات

وتضاف البيضة والملح وشوية زيت ذرة وممكن تفرميها على مفرمة اللحمة او الكبة وتخلط جيدا وادا حستيها طرية ومش عارفة تشكليها ضيفي لها بقسماط واخلطي كويس.

شكليها اصابع او زي ما تحبي ثم غلفيها بالبقسماط من كل الجهات - وادخليها الفريزر حوالي 1/2 ساعة

اخرجيها من الفريزر واقليها بزيت حامي وغزير وشوية هدي النار عليها لحد ماتتحمر قلبيها وضعيها على ورق نشاف لامتصاص الزيت الزايد ورصيها في طبق التقديم وقدميها مع بطاطس ولبن زبادي بالخيار.​

​

وبالهنا والشفا


​

منقول​

 

[KOKOMAN]

شكرا على الملف الرائع يا تاسونى
ربنا يبارك حياتك​

 

[tasoni queena]

شكرا على الملف الرائع يا تاسونى
ربنا يبارك حياتك

شكرا كوكو لردك الجميل

ربنا يباركك​

​

​

​

 

[النهيسى]

شكرااا جدااا

وصفات جميله جدااا

الرب يبارككم

​

 

[tasoni queena]

شكرااا جدااا

وصفات جميله جدااا

الرب يبارككم

شكرا استاذ نهيسى

​

لردك الجميل​

 

[Dona Nabil]

طرق جميله يا تاسونى
بفكر اجرب كفتة الرز
ميرررسى يا قمررر​

 

[tasoni queena]

طرق جميله يا تاسونى
بفكر اجرب كفتة الرز
ميرررسى يا قمررر

بالهنا والشفا

​

شكرا دونا لردك الجميل​

 

[+SwEetY KoKeY+]

​

 

[tasoni queena]

شكرا كوكى للصورة الحلوة​