7- التحرش الجنسي !
من 4 ايام ، وقبل عيد الاخوة المسلمين ، اتراهنت مع شخص على اننا هنشوف تحرش جنسي في العيد الكريم ، وقالي لا ، ومصر اتغيرت ، والثورة والشباب والرجالة ، ومرسي ، والمسلمين ميعملوش كدة ف بعض و و و و
ورغم كل كلامه ، كنت واثق ومتأكد من اللي شوفتو انهاردة على فيس بوك ، واللي قريتو في جرايد زي اليوم السابع وغيرهم .
تحرش !
اية دة ؟ يعني اية تحرش لفظي ؟ والمتحرش بيستفاد اية ؟
يعني المتحرش اللفظي اللي بيوصف اماكن في جسم البنت او بيشتمها او او او ، دة بيستفاد اية ؟
تحرش باليد !، لمسات غير مرغوب فيها للبنت!
طيب دة برضو بيستفيد اية ؟!؟ ، كسب اية يعني من اللمسات دي ؟
في ناس ، وللأسف شيوخ من اللي بيحترمهم اخواتي المسلمين ، وبيتخذوهم قدوة ليهم ، بيقولوا ان البنات هي السبب في لبسها لانها بثير الغرائز !
عارفين الموضوع دة اشبه بأية ؟
هديكو مثل
واحد صايم وشاف قدامو طبق في اكل ، راح ماسك الطبق وكلوا
وقال وانا مالي ؟ الطبق قدامي ! ، ماهو نفس المنطق !
طيب دة صح ؟
انا عارف اني لو كلت هفطر ، يبأة مينفعش اكل ولازم ابعد عن الطبق !
هل الغلط هنا غلط الطبق ؟ ولا غلط الشخص الضعيف
!
انا اول واحد بيكره اللبس العاري ، ولكن دة ميدنيش حق المس او اتحرش او اشتم ! ، انا مالي ؟ البنت حرة !
هي شايفة ان جسمها خٌلق للعرض ، انا مالي ؟ او هي غلبانة وبتتعرى من غير ماتقصد ، برضو انا مالي ؟!
نفسي شيخ واحد من الشيوخ اللي بيقولوا الكلام دة ، يروحوا برة ويقول كدة ! ، ويمشي يتحرش بواحدة في اوروبا !
هيفضل طول عمروا مسجون ، ومديون عشان يدفع الغرامة
ومش بعيد المساجين يتحرشوا بيها لفظيا وجنسيا وكل حاجة جوة السجن :59: .
للأسف كنت هحط صور من اللي منشورة على فيس بوك وفي الجرايد بس مينفعش احطها هنا نظرا لما فيها من ايحاءات واشارات جنسية ، ومشاهد جارحة !
امتى هنسمع عن قانون ضد التحرش ، مش ضد البنت !!!!!
امتى هيطلع واحد عنده دين وبيعرف ربنا فعلا ويحط قانون ضد المتحرش ، ويكون العقاب رادع يمنعوا !
مش يقول ان البنت غلطانة والولد غلبان بيتحرش غصب عنوا
ـ
رسالة للمتحرشين
طالما اتحسبت علينا بني ادم ، فخلي بالك احنا مش كلاب لينا موسم تزواج ، ونمشي نتزاوج في الشارع
رسالة للشيوخ
مصطفى محمود قال : لا تسطيع ان تعبد الله الا اذا كنت متعلم ، الله لا يعرف بالجهل !
ــ