زمان كنت بقول
مصر بلدى وبحبها .. حقى احبها قبل حقها هى عليا انى احبها
بعشق شوارعها وكل ناسها اهلى واصحابى ضاممنا حضنها
عشرة سنين .. ذكريات فرح وانين
عمرى ما خفت منها ولا عمرى فكرت ابعد عنها
عشت اصليلها واطلب من ربنا من اى شر يحفظها
كنت فخوره بشكلها بحلوها وكل مرها
كانت مصر هى امى مش شعار ده احساس وحنين
كنت برفع علمها واشجع منتخبها واتابع بشوق اخبارها
و قالوا ثوره قلت خراب ..صرخت حرام سيبوها ف حالها
هى كده مستقره وضامانا فى امانها
خوفت ع جرحها ..من يوم يوطى حسها
خوفت يجف نيلها ولا يدشدشوا اثارها
ويوم ورا يوم اتغيرت الوشوش .. ايشى سلفى بيهددنا وايشى جواسيس بتحاوطنا
اتقلت بركتها واتهانت فيها كرامتنا
احنا اقباطك ولا نسيتى وبتنكرى حقنا فيكى
مش انتى ..لا لا حرام عليكى
مش انتى ابدا مصر اللى اعرفها وساكنى حبها
مش دى شوارعها ولا دى ناسها ولا هى دى افكارها
اتغيرتى ليه عليا .. كسرتى ليه احلى ما فيا
مش انتى اللى تعملى فيا كده يا اغلى ما ليا
معقوله ده ابنك !!!
اللى سرق منى فرحتى وخطف منى ضحكتى
هو اللى ضيع منك ملامحك وحسسنى بغربتى
ولا يكون انتى اللى عاوزانى منك امشى
حاضريا امى هسيبك وأمشى ..بس هسيبلك دمعتى
يمكن فى يوم تفتكرى انه كان ليكى بنت بتتمنى رضاكى
يمكن عن ظلمى تتوبى وارجعلك من تانى والبس توبى
أوعى فى يوم تصدقى أنى كرهتك ولا عمرى هبطل أسألك يا أمى وحشتك؟؟
بس افتكرى ان دمنا سال ع ارضك واللى اتحرقت دى مش كنيستى دى كنيستك
وبناتنا اتخطفت لما قلوا هيبتك ووصموا بالعار كرامتك
بس اعمل ايه برضه بحبك حتى وانا مكتوب عليا اودعك
وهفتكرك واشتقالك وفى سرى ههمس باسمك
تعيشى يا غاليه ويحميكى ربك ويرد عنك عدوك
مصر بلدى وبحبها .. حقى احبها قبل حقها هى عليا انى احبها
بعشق شوارعها وكل ناسها اهلى واصحابى ضاممنا حضنها
عشرة سنين .. ذكريات فرح وانين
عمرى ما خفت منها ولا عمرى فكرت ابعد عنها
عشت اصليلها واطلب من ربنا من اى شر يحفظها
كنت فخوره بشكلها بحلوها وكل مرها
كانت مصر هى امى مش شعار ده احساس وحنين
كنت برفع علمها واشجع منتخبها واتابع بشوق اخبارها
و قالوا ثوره قلت خراب ..صرخت حرام سيبوها ف حالها
هى كده مستقره وضامانا فى امانها
خوفت ع جرحها ..من يوم يوطى حسها
خوفت يجف نيلها ولا يدشدشوا اثارها
ويوم ورا يوم اتغيرت الوشوش .. ايشى سلفى بيهددنا وايشى جواسيس بتحاوطنا
اتقلت بركتها واتهانت فيها كرامتنا
احنا اقباطك ولا نسيتى وبتنكرى حقنا فيكى
مش انتى ..لا لا حرام عليكى
مش انتى ابدا مصر اللى اعرفها وساكنى حبها
مش دى شوارعها ولا دى ناسها ولا هى دى افكارها
اتغيرتى ليه عليا .. كسرتى ليه احلى ما فيا
مش انتى اللى تعملى فيا كده يا اغلى ما ليا
معقوله ده ابنك !!!
اللى سرق منى فرحتى وخطف منى ضحكتى
هو اللى ضيع منك ملامحك وحسسنى بغربتى
ولا يكون انتى اللى عاوزانى منك امشى
حاضريا امى هسيبك وأمشى ..بس هسيبلك دمعتى
يمكن فى يوم تفتكرى انه كان ليكى بنت بتتمنى رضاكى
يمكن عن ظلمى تتوبى وارجعلك من تانى والبس توبى
أوعى فى يوم تصدقى أنى كرهتك ولا عمرى هبطل أسألك يا أمى وحشتك؟؟
بس افتكرى ان دمنا سال ع ارضك واللى اتحرقت دى مش كنيستى دى كنيستك
وبناتنا اتخطفت لما قلوا هيبتك ووصموا بالعار كرامتك
بس اعمل ايه برضه بحبك حتى وانا مكتوب عليا اودعك
وهفتكرك واشتقالك وفى سرى ههمس باسمك
تعيشى يا غاليه ويحميكى ربك ويرد عنك عدوك
