ترنيمة (فى عتمة الليل الحزين)
للمرنمة ( هالة راجى) فى عتمة الليل الحزين لما تحاوطنى الذكريات
قلبي بيصرخ م الانين ندمان على كل اللى فات
† و لو بصيت ورايا بلاقى كوم خطايا
و المح عيون بتبكى عليا من سكات
هى دى عيونك يا عدرا ولا ده مجرد خيال
فهمينى ايه بيجرى ياللى دمع عينيكى سال
ياللى صورتك ياللى سيرتك ياللى نورك معجزات
† من زمان وانا كنت بحلم تظهرى مرة قصادى
بس عمرى ما كنت اصدق انى اشوفك الليلادى
اصلى غرقان فى الذنوب عمرى ما اتصورت اتوب
بس لما بكت عينيكى الدموع صحن آهاااااااااات
† ولما قلت لاصحابى قالوا انت اكيد كنت فى حلم
ايوة حلم وراح لحاله ليه تعيش عمرك فى وهم
قلت لا انا شوفتها عمرى ما اتوه عنها
ايوه ظهرت ثانية واحدة بس عندى بالساعات
شايل همى على ايديا
جاى وبصرخلك يا فاديا
جاى من عمق الخطية
و ذنبي مخبيلى عينيا
جايلك يا يسوع .... جايلك يا يسوع
جاى من بلاد بعيدة
نفسي فيها شريدة
دورت فى عيون جديدة
ما لقيت غير الخطية جايلك يا يسوع .... جايلك يا يسوع
جاى من بين الهوايل
والدمع على خدودى سايل
جاى وبصرخلك ترحمنى
خد بإيديا واعنى جايلك يا يسوع .... جايلك يا يسوع
جاى من بين امواج عالية
جاى من الدنيا الفانية
شايل صليبى على كتفى
جاى برمى عليك حملى جايلك يا يسوع .... جايلك يا يسوع
† افرح كثير وابقى بصير لما مشورتك تبقى نوري في المسير
وانسى الآلام وانسى الملام لما الاقي في الي اخترته كل خير
وإن نداني البعد تاني احرسني من ضعفي ومن ميل الطريق..من ميل الطريق
† مش بالكلام القلب يطلع للسما
ولا بالسان نقدر نقرب من يسوع
اوقات كتير كان يبقي ساكت انما
لحظة سكاته بتبقي اقوي من الدموع
لو تعرفوا معني السكوت والصمت ايه
†هوه الصيام عن الكلام هوه الصلاة
وقت التجارب والضيقات نلجأ اليه
نلقي عزانا وفرحنا طول الحياه
مش بالكلام القلب يطلع للسما
†ولا باللسان نقدر نقرب من يسوع
اوقات كتير كان يبقي ساكت انما
لحظة سكاته بتبقي اقوي من الدموع
مهما الشيطان يملي حياتنا بالالام
† مهما التجارب تبقي صعبة الاحتمال
لازم ايمانا يبقي نور وسط الظلام
ما احنا الهنا الحي ما بيعرف محال
مش بالكلام القلب يطلع للسما
† ولا بالسان نقدر نقرب من يسوع
اوقات كتير كان يبقي ساكت انما
لحظة سكاته بتبقي اقوي من الدموع
ومش بالكلام القلب يطلع للسما
ترنيمة ( عينك عليا )
للمرنمة (ماريان اسكندر ) عينك عليا طول الطريق ... بتنجي نفسي و قلبي الغريق
وفي وقت ضعفي وفي وسط ضيقي
بتكون عزايا بتكون رفيقي
و تكون تملي أوفي صديق ... و تكون معايا طول الطريق
† و إما بضعفي بغرق في ضعفي
بتجرح و تشفي تصفح و تعفي
تمسك بأيدك كفي الرقيق ... و تكون معايا طول الطريق
† و إما بحنانك تلمس جبيني
بنسي في جمالك همي في سنيني
تحت صليبك بترجي فيك ... إبنك حبيبك تاه في الطريق
ترنيمة (اه نسيتك)
للمرنمة ( سارة معروف) مافتكرش امتى اخر مرة وقفت قدامك اصلى مافتكرش احساسى ليك باحتياجى وباشتياقى امتى حصلى اه نسيتك ونسيت حياتى معاك وجوه منى كتمت صوتك يايسوع اه نسيت ومهمنيش فى يوم رضاه واخترت اروح فى طريق مالهوش رجوع +مافتكرش امتى اخر مرة حسيت بالامان بعد ماسبت نفسى غرقانه فى الطوفان انسان من غير ملامح وموج الشر جامح مسجون وسجنى من غير حيطان اه نسيتك ونسيت حياتى معاك وجوه منى كتمت صوتك يايسوع اه نسيت ومهمنيش فى يوم رضاه واخترت اروح فى طريق مالهوش رجوع
+خطيتى فى دموعى بتعيشنى كل ذنبى وضعف قلبى عنك حايشنى اد ايه فات عليا وانت بعيد عن عينيا انت عارف اد ايه حضنك واحشنى
اسمحيلى يا امى اقولك ان ابنك اتاخد ايوة منك
ليه سمحتى انى اتسرق من جوة حضنك
سبتينى ليه للذئاب للعذاب للسراب
وانتى عارفة انى ضعيف زى الضباب ومن تراب
ابنك انا وحشانى يا اما ومن غيرك ضايع انا
سبتينى ليه للتانيين ولنفسى انا
فى يوم مابعدت عنى قلبى عليك انفطر
يابنى ياحتة منى عينى بتنزف مطر
مين قال يابنى انى سيبتك مين قال انى تركتك
ده انت اللى اخترت بعدك وسيبتنى بإرادتك
غروك بإيه يابنى وخدعوك خلوك تسيبنى
وياترى مرتاح دلوقتى وانت بعيد عن حضنى
الوقت مش وقت عتاب وفى قلبى وفى قلبك الم وعذاب
المهم عندى هو انت يابنى
ومش مهم ..مش مهم
مين فينا اللى ساب
† الناس اتخلوا عنى وفى ضيقى وعذابى
ولا حدش سأل عنى ولا قرع بابى لكن حبيبى جانى وبلطفه عزانى
وملا كيانى وقالى ده انت ابنى † الناس ظلمونى تركونى فى مصايبى
وفى حزنى ماعرفونى ولا حتى حبايبى لكن حبيبى امين مسح لى دمع العين
فرحنى وعزانى وقالى ده انت ابنى
† الناس قالوا عليا كلام مر وقاسى
جرحونى فى تجاربى حتى اهلى وناسى لكن حبيبى حنين حمله خفيف وهين
ريح لى فؤادى وقالى ده انت ابنى
ترنيمة ( اه لو تعرف )
كورال ( ملاك الذبيحة ) اه لو تعرف ايه احساسى لما عشانك كنت بقاسى
على الصليب المر ساقونى كنت ولسة بسببك اقاسى † بص لتاج الشوك على راسى شايف يابنى ازاى كان قاسى
شوف بصعوبة ازاى انفاسى من مسمار مغروس وبقاسى.
† حط صباعك جوة فى جنبى تلقى الحربة جرحت قلبى
من الكرباج متقطع ضهرى وعشانك يابنى كان صلبى.
† كل ده يابنى عليا يهون خزى وعار ودمع عيون
الا قساوتك والجحود اصعب من جنبى المطعون
اصله ابويا وهو عارفنى هو ناقشنى على كفيه
امشى معاه وانا متطمن كل حياتى ملك ايديه
† قامت ريح وعصفت بيا بدأت قربى تغرق بيا
صوته ندهلى قال متخافشى انا وياك ع الميه هاتمشى
† وسط الغربة ووسط همومى زاد الدمع جوه عيونى
مد بسرعة هو ايديه قالى سلامى انا اعطيك
† لما العالم يقسى علينا نرفع ليك يارب ايدينا
احنا عبيدك نقوم ونبنى وسلامنا يارب عليك