يمكن حسبووو كان اتكلم ف موضوع علاقتنا مع جيراننا وزمايلنا المسلمين وقت حادث القديسين ونشكر ربنا اننا وقتها مقولناش رأينا ههههههههه
بعيد عن الحادث اللى منقدرش من باب العدل أننا نتهم فيه كل المسلمين هيفضل ف مسلم معتدل رافض فكرة أن المسيحى كافر مش هيرضى أنه يعامل جاره المسيحى بشكل مهين ولا يرفض يسلم عليه ولا يمد له ايد المساعده وقت الحاجه
لسه ف زميل دراسه أو عمل فاكر زكرى حلوه لزميله المسيحى
من ناحيه تانيه وبمناسبة الاحداث اللى بنعيشها الايام دى اتفاجئت بمسلمين كتير رافضين الدعوه الاسلاميه المتشدده الللى بتنادى بتطبيق الشريعه الاسلاميه وان المسيحى يرجع يدفع جزيته
اعتقد انه من العدل أننا نقول انه لسه ف معتدلين مش بيفرقوا ف معاملتهم ما بين مسلم ومسيحى
انا بقى شايفه أننا نطبق تعاليم مسيحيتنا نحب المسلم ونسامحه ونتعامل معاه كويس ونستخدم الحكمه وف نفس الوقت نكون حريصين ف معاملتنا من مبدأ حرص ولا تخووون
ولا اييييييييييييييييييه ؟؟؟؟؟