معحزات حصلت مع اعضاء منتدى الكنيسه العربيه

[النهيسى]

السلام لأم النور
شكرا جدا جدا
الرب يباركك​

 

[صوت صارخ]

كعادتها دائما ......
أم حنونة ....
للأبد .....
طوباها​

 

[R.O.R.O]

كل المجد لاسمك يارب
بركة وصلاة ام النور تكون معانا دايما
السلام لكى يا ام النور
معجزة جميلة جدا
شفاعتها تكون معاك دايما يا غالى
وحمدلله على سلامتك ويارب دايما كويس وبخير
​

 

[كلدانية]

الف الحمدلله علئ سلامتك استاذي الغالي
شفاعة ام النور ام المعجزات تحميك وتحمينا من كل شر

 

[tamav maria]

الف حمدلله علي سلامتك اخونا الغالي
بركة وشفاعة ام النور تكون معك دائما

 

[bent el noor]

بركتك يا ام النور

مانا قلتلك يامدحت انت دايما تبدا يومك ببركتها واكيد وحشتها
الف حمد الله على سلامتك ودايما منور المنتدى بوجودك

 

[+ماريا+]

سلام ونعمه للجميع
من حوالى اسبوعين جاتنى صوره هديه
لأبونا فلتاؤس وكنت اول مره
اشوف صورته او اركز فيها تملى بشوفها بس بدون تركيز شكله جميل وله بسمه هاديه ومليان سلام

بعدها بفتره جوزى هو ونازل من عربيته لقى تحت رجله صوره لابونا فلتاؤس فأخدها وحطها فى المدخل تحت لانها كلها تراب ومش نضيفه فأبنى طلعها الشقه وادهانى فأخدتها ونضفتها واول حاجه جات عليه عينى وانا بنضفها شفيع المستحيلات
وكان جووزى عايز حتة ارض يعمل عليها مشروع وكان تمن الارض 140000 جنيه وهو مش معاه سيوله فلوسه فى السوق اغلبها
وشهادات الاستثمار لسه متجدده مش هينفع نسحب منها
فقولت يهزار كده لما انت شفيع المستحيلات يلا بقى خلص الموضوع ده لأنه المستحيل بعينه وصاحب الارض عايز فلوسه خلال اسبوع وفى البيت عندى 20000 الف بس

وانا مشتركه فى منتدى تانى كان فى عضوه اسمها اوفا توقيعها كان
صورة ابونا فلتاؤس وبالخط العريض شفيع المستحيلات
وكانت عينى بتوقع على توقيعها خلال الفتره دى دايما بدون قصد

وبعدها بيومين مش اكتر جوزى يتصل بيا يقولى المبلغ ادبر منه حوالى 100 الف ففرحت وحسيت فعلا ان ابونا فلتاؤس بيشتغل معانا بالرغم انا كان كلامى معاه هزار
وفى يوم تسعه مارس وانا بصلى الصبح وبتشفع بالبابا كيرلس والبابا شنوده وابونا بيشوى كامل
قولت له معلش يا ابونا فلتاؤس لو عيدك الشهر ده كنت هتشفع بيك معاهم
وبعد كده ادخل المنتدى على الضهر الاقى استاذ نهيسى باعت لى الصوره دى



كنت هطير من الفرحه ان عيده ابونا فلتاؤس الشهر ده
وحتى بعت للاستاذ نهيسى قولت له

وبعدها المبلغ كله ادبر خلال اسبوع اقول لجوزى
ازاى يقولى متشألنيش ازاى انا مش عارف ازاى
اللى ليه فلوس قديمه جابها
فلوس كان فاقد فيها الامل جات وكانت بتيجى لغاية عنده

وقبل الاسبوع الفلوس كانت متجمعه كلها وجوزى مضى عقد ابتدائى ليلة عيد نياحة ابونا فلتاؤس والبابا شنوده والغريب برضه ان الراجل بسهوله تنازل عن جزء من المبلغ ودفعنا 127000بس وانهارده الخميس 19 مارس عمل توكيل للمحامى ومضوا العقد الرسمى وهيرفع قضية صحةتوقيع وتنفيذ باين مش عارفه الاسم بالظبط

المهم ربنا عمل معانا معجزه مستحيله بشفاعة ابونا فلتاؤس السريانى وابونا اسطفانوس
بركة صلواتهم تكون معنا امين

 

[واثقه فيك يارب]

قشعرتيلي جسمي ياماريا صدقيني بالمعجزة الجميله
لشفيع المستحيلات ابونا فلتاؤس

ابونا فلتاؤس ذكري نياحته مع البابا شنوده في نفس اليوم 17مارس
انا للاسف مكنتش اعرفه اوي
ولكن من فتره سمعت عنه وعن معجزاته اللي بيعملها
وقريت عنه شوية كتير
وكمان اتفرجت علي الفيلم بتاعه
جميل جداااااا ومن كتر حلاوته شوفته اكتر من 3 مرات ورا بعض
ياريت لو مشوفتهوش تشوفيه هتاخدي بركه كبيره جدا

بركته وشفاعته تكون معاكم علي طول ماريا

والف مبروك علي المشروع
يارب يكون وشه حلو عليكم
ببركه وشفاعه ابونا فلتاؤس.
​

 

[Maran+atha]

 

[R.O.R.O]

بركة شفاعته القوية والعظيمة تكون معانا
الله ممجد فى قديسيه
ربنا يكون معاكم يا حبيبتى يوكمل معاكم المشروع
ويكون معاكم فى كل خطوة
حقيقى بركة القديسين جميلة
انا عرفته من قريب كنت بشوف صوره
بس معرفش عنه حاجة
لحد ما نزل فيلمه من حوالى شهرين
استريت ال CD
واتفرجت عليه ومن ساعتها حبيته جدا
بركة صلاته تكون مع الجميع
​

 

[مونيكا 57]

رب

ربنا يكمل لكم على خير ببركةشفاعة ابونا فلتاؤس
الف مبروك المعجزة
ربنا كبير وعينه على ولاده
اطلبوا ملكوت الله وبره وهذه كلها تزاد لكم​

 

[النهيسى]

سلام ونعمه للجميع
من حوالى اسبوعين جاتنى صوره هديه
لأبونا فلتاؤس وكنت اول مره
اشوف صورته او اركز فيها تملى بشوفها بس بدون تركيز شكله جميل وله بسمه هاديه ومليان سلام

بعدها بفتره جوزى هو ونازل من عربيته لقى تحت رجله صوره لابونا فلتاؤس فأخدها وحطها فى المدخل تحت لانها كلها تراب ومش نضيفه فأبنى طلعها الشقه وادهانى فأخدتها ونضفتها واول حاجه جات عليه عينى وانا بنضفها شفيع المستحيلات
وكان جووزى عايز حتة ارض يعمل عليها مشروع وكان تمن الارض 140000 جنيه وهو مش معاه سيوله فلوسه فى السوق اغلبها
وشهادات الاستثمار لسه متجدده مش هينفع نسحب منها
فقولت يهزار كده لما انت شفيع المستحيلات يلا بقى خلص الموضوع ده لأنه المستحيل بعينه وصاحب الارض عايز فلوسه خلال اسبوع وفى البيت عندى 20000 الف بس

وانا مشتركه فى منتدى تانى كان فى عضوه اسمها اوفا توقيعها كان
صورة ابونا فلتاؤس وبالخط العريض شفيع المستحيلات
وكانت عينى بتوقع على توقيعها خلال الفتره دى دايما بدون قصد

وبعدها بيومين مش اكتر جوزى يتصل بيا يقولى المبلغ ادبر منه حوالى 100 الف ففرحت وحسيت فعلا ان ابونا فلتاؤس بيشتغل معانا بالرغم انا كان كلامى معاه هزار
وفى يوم تسعه مارس وانا بصلى الصبح وبتشفع بالبابا كيرلس والبابا شنوده وابونا بيشوى كامل
قولت له معلش يا ابونا فلتاؤس لو عيدك الشهر ده كنت هتشفع بيك معاهم
وبعد كده ادخل المنتدى على الضهر الاقى استاذ نهيسى باعت لى الصوره دى



كنت هطير من الفرحه ان عيده ابونا فلتاؤس الشهر ده
وحتى بعت للاستاذ نهيسى قولت له

وبعدها المبلغ كله ادبر خلال اسبوع اقول لجوزى
ازاى يقولى متشألنيش ازاى انا مش عارف ازاى
اللى ليه فلوس قديمه جابها
فلوس كان فاقد فيها الامل جات وكانت بتيجى لغاية عنده

وقبل الاسبوع الفلوس كانت متجمعه كلها وجوزى مضى عقد ابتدائى ليلة عيد نياحة ابونا فلتاؤس والبابا شنوده والغريب برضه ان الراجل بسهوله تنازل عن جزء من المبلغ ودفعنا 127000بس وانهارده الخميس 19 مارس عمل توكيل للمحامى ومضوا العقد الرسمى وهيرفع قضية صحةتوقيع وتنفيذ باين مش عارفه الاسم بالظبط

المهم ربنا عمل معانا معجزه مستحيله بشفاعة ابونا فلتاؤس السريانى وابونا اسطفانوس
بركة صلواتهم تكون معنا امين

ربنا يبارك حياتك وزوجك وكل أسرتك
وشفاعه القديسين دايما معاكم وتسندكم
ولا تنسى يوما أن تتشفى بالقديس أبانوب النهيسى الشهيد اللى استشهد وعمره 12 سنه ووقف أمام الطغاه وتعذب ولم يهاب الموت ولم يعرف الخوف
الرب يبارككم

 

[ABOTARBO]

ربنا انقذنى من حريق كان هيدمر أوضتى وأنا مع الاوضة هتحرق برد هههه
كنت بولع شمع للقديسين شمعتين وكانوا خلاص قبل ما انام هيطفوا وكانوا فى مكان الشمع اللى هو ضد الحرق
وسبتهم بعد التمجيد ونمت
اصححى الصبح عادى خالص معرفش ايه اللى حصل
اتفأجأ وانا بمسك المشط اسرح شعرى ومش فى بالى حاجة الاقى الاسنان بتاعت المشط مش موجودة والمفرش يادوب اتلسع من النار بس ومحصلش حاجة
هموت واعرف هو انا مشمتش ريحة دخان وانا فى النوم ؟ وازاى النار ماكلتش الكتب والورق والمفرش؟!!

فى حين قبلها بشهر كنت بولع شمع بردو للقديسين ودخلت المطبخ اعمل كوباية شاى شميت ريحة شياط كانت شمعة واحدة ولعت فى نص المفرش وقولت صوت الرب يطفئ لهيب النار وانا بحاول اطفيها بقماشة وانطفت
فى حين الشمعة اللى وانا كنت فى النوم محرقتش حاجة
مش هقول غي
عظم الرب الصنيع معنا فصرنا فرحين

شكرا يارب لمحبتك ورعايتك

 

[+ماريا+]

ان لم يحرس الرب بيت فباطل سهر الحراس
ربنا يحافظ عليك ابوتربو
ربنا دايما بيحافظ علينا حتى ولو لم نطلبه
وابقى خلى بالك بعد كده

 

[ABOTARBO]

ان لم يحرس الرب بيت فباطل سهر الحراس
ربنا يحافظ عليك ابوتربو
ربنا دايما بيحافظ علينا حتى ولو لم نطلبه
وابقى خلى بالك بعد كده

ههههه حاضر

صليلى تاسونى

 

[كلدانية]

ربنا ستر خلي بالك من الشمع المشعول وخاصة في الليل
بركة وحماية الرب تكون معكم ابوتربو​

 

[ABOTARBO]

ربنا ستر خلي بالك من الشمع المشعول وخاصة في الليل
بركة وحماية الرب تكون معكم ابوتربو​

نشكر ربنا يا تاسونى
صلواتك من اجلى

 

[ABOTARBO]

ربنا بردو أنقذ حياتى ببركة أم النور العدرا مريم

+ كنت قبل ما اشترى حاجة اليوم دة دخلت كنيسة الست العدرا
وصليت وقولت لام النور احفظى طريقى

وبعدين وقفت عند رجل اشترى حاجات من عند العطار فكانت فى عربية كبيرة نقل مليانة اشولة رز من التقيلة
فالراجل بينزل كل شوال بيرميه من جهه واحدة والجهة التانية الناس واقفة بتشترى وانا كنت بشترى

المهم الراجل نسى ورمى شوال الرز الكبير بدل ما يرمية للعامل علشان يشيله
رماه من ناحية الناس اللى بتشترى

+ المهم ام النور انقذتنى والشوال جه جنب رجلى مفيش يادوب لو كنت اتحركت حبة صغيرة كان جه فوق دماغى
المهم الراجل قعد يعتذر

وانا كنت فى قمة فرحى
ان ربنا وبركة ام النور حافظوا عليا
رغم مستهلش

+ شكرا خالص يارب

 

[حياة بالمسيح]

انا اتالم واعاني من الام مبرحة نتيجة العلاج الهرموني المضاعف مع الكابة وقصور الغدة الدرقية التي تسبب ارتفاع الكوليسترول وغازات في المعدة نتيجة كثرة العلاجات الاي اتناولها والحقن التي اتلقاها كل اربعة اسابيع ومع ذلك اتا مرحة ويملاني محبة الله وسلامه وفرهحه وارنم له ترنيمتي المفضلة ( وحدك يا يسوع وليس سواك) وانا اشكره في كل حين واتكلم معه بداخلي واتوسل ان يستجيب طلبتي كلما واجهنا مشكلة ما صغيرة حتى وعندما يستجيب ارفع راسي للسماء واقول له شكرا ربي الحبيب يسوع وعندما اطلب في داخلي شفاء الامي اسمع صوتا بداخلي يقول لي نعمتي تكفيك فاقول سمعا وطاعة يا ربي الحبيب والبارحة انقذنا الرب يسوع من حريق بسبب البوتوغاز كانت امي قد اوقدت شمعة منه والثانية كانت مفتوحة والغاز يتسرب وامي لا تعرف ماذا يحصل فوصلت في الوقت المناسب واقفلت الشمعة المفتوحة بدون نار وقلت ربي الحبيب شكرا لك انقذتنا من الحريق الذي كاد يقضي علينا حرقا شكرا ربي الحبيب يسوع هللويا والمجد والاكرام لرب المجد يسوع المسيح امين

 

[karas karas]

القديس العظيم الشهيد مارجرجس الروماني امير الشهداء عمل معايا ومع اهل بيتى معجزة انا كنت بتخنق و مش قادر اتنفس من كورونا طلبت شفاعته و صدرى فتح فى وقتها و الحمد لله عديت منها انا و اهل بيتى بشفاعة القديس العظيم الشهيد الامير مارجرجس الروماني امير الشهداء الكلام ده في ابريل 2021 و للامانة انا طلبت شفاعة القديسة العظيمة العذراء مريم و القديس العظيم الانبا كاراس السائح و القديس العظيم يسري سعيد شهيد المرض لشفائنا من كورونا لكن وقت ما اتخنقت و جالى ضيق فى التنفس طلبت شفاعة القديس العظيم الشهيد الامير مارجرجس الروماني امير الشهداء.