معحزات حصلت مع اعضاء منتدى الكنيسه العربيه

[+GOSPEL OF TRUTH+]

رد: معحزات اعضاء منتدى الكنيسه العربيه

سؤال
ربنا يقدر ولا مش يقددر ؟
لو مش بتؤمنى بالمعجزات
فى الانجيل كانت فى معجزات للمسيح كتييييير
ولو على القديسين
عندك امنا العذراء مريم فى عرس قانا الجليل بشفاعتها ربنا حول الماء الى خمر لا يسكر احد

ودة اكبر دليل كتابى على وجود المعجزات من الله وايضا بشفاعه القديسين

ثانيا حبيبتى متحكميش على شئ مجربتهوش اقرى كتير فى السير القديسين
واتشفعى بيهم لو فى مشكله وجربى مشهتخسرى دول حلوين جدااا

ربنا يقدر طبعا ياقمر

و عموما احنا جربنا كتير زمان ولا خسرنا شئ

انا بس يا جماعه مش عاوزاكوا تزعلوا لاني لسه بقالي خمس شهور بس مؤمنه مش مسيحيه المولد فطبعا بتربك في حاجات و بتكعبل لسه ههههههه

انا فعلا في منتدي سير القديسين اغلب الوقت

صلواتك اختي و شكرا علي موضوعك الفريد فعلا و الجديد فعلا

سلام المسيح

 

[Dona Nabil]

رد: معحزات اعضاء منتدى الكنيسه العربيه

اااااااااااااااااااااااااااه فهمت

اصلي بتحرج اتشفع باي حد بقعد اقول دا مات خلاص و رحل في ايده ايه يعمله بعد موته

بس بعد قرايه قصص لناس اعرفها فعلا زيكم مش قصص منقوله عالنت بفكر تاني و بسئل اهو

اوووووووووووووعا اكون زعلتكم يا جماعه انتوا عارفينني في حالي كدا خالص هههههههه

ربنا يحافظ عليكم من المشاكل

سلام المسيح

ربنا يحميكم

صلواتك اختي دونا

واضح حبك للام ايرني جدا

انشاء الله تبقي في قامه روحيه مقاربه

اسفه لو شتت موضوعكم

بس انا متااااااااااااابعه

سلام و نعمه

لا يا حبيبتى من غير اى اعتذارات اسألى براحتك وقولى كل اللى جواكى احنا هنا كلنا علشان نتعلم من بعض ونسمع لبعض
ربنا يلمس حياتك بعمله وبنعمته اكتر واكتر

 

[+GOSPEL OF TRUTH+]

رد: معحزات اعضاء منتدى الكنيسه العربيه

عزيزتي ومش هقول تروث ههههههه​

انا كمان اجت علي فتره وبعدت كتير عن الرب حتى ما بخفيكي كنت اقرب للالحاد بتفكيري ​

بس الرب بيعمل معنا اشياء صعب نتخيلها بتخلينا نغير تفكيرنا واتجاهنا ​

وانا كمان شفت مواقف ومش هقول عجايب لو كنت سمعتها كان صعب اصدقها لكن ​

الرب بيعلم انها برغم صعوبة تصديقها بس فعلا بنشوفها او بنمر فيها ​

وان شاء الله تحكيلنا انتي كمان عن قريب​

والاكيد يا قمر ان مستحيل نزعل منك ​

ربنا يخليكي اختي

فعلا كتير مننا بيجي له فترات الحاد و تشكك عشان الشيطان بيستغل اننا مخنوقين و يبدع بقي هههههههههه

بركات الله تكون معكي و ملايكته يحرسوكي حبيبتي مش عزيزتي:love45:

سلام و نعمه

 

[nerooo_jesus]

رد: معحزات اعضاء منتدى الكنيسه العربيه

جميلة اووووى يا كيريا فكرة الموضوع
بس انا للاسف مش حصلت معايا اى معجزات او مع حد من اهلـــى

 

[+GOSPEL OF TRUTH+]

رد: معحزات اعضاء منتدى الكنيسه العربيه

لا يا حبيبتى من غير اى اعتذارات اسألى براحتك وقولى كل اللى جواكى احنا هنا كلنا علشان نتعلم من بعض ونسمع لبعض
ربنا يلمس حياتك بعمله وبنعمته اكتر واكتر

ربنا يخليكي دونييييييييييييييييييييي حبيبتي

اصل فيه سبب تاني كدا لاستغرابي من الشفاعه و المعجزات هبقي اقوله علي جمب في رسائل خاصه عشان الزعل و القوانين بس يا قمر

ربنا معاكي و ملايكته يحرسوكي

سلام يا عم:love45:

 

[*koki*]

رد: معحزات اعضاء منتدى الكنيسه العربيه

انا عندى قصة بسيطة اقولها
ماما كان نفسها فى ولد بس للاسف اول مرة جابت بنت اللى هى اختى
والمرة التانية جابتنى انا
و مجبتش ولاد
و لما رحنا دير السريان زيارة قبلنا ابونا
فلتاوس
فقال لماما اسمة اية الولد الامور اللى معاكى ده
فقالتلة انا يا ابونا معيش اولاد
قلها بس انا شايفك مسكاه فى ايدك اهوه
مفهمتش
وبعد كام سنة ماما بقت حامل و لما كشفنا لاقينة وووووووووووولد
بس كده
يعنى فعلا القديسين لسة فى العالم
شكرا كيريا صدقينى انا كنت بفكر فى الموضوع ده بس معرفتش احطه فين فى المنتدى
بس كويس ان هو هنا عشان نستفاد و نفيد​

 

[طحبوش]

رد: معحزات اعضاء منتدى الكنيسه العربيه

ياه ربنا موجود دايما معايا دايما دايما

مع اني يعني بجد انسان خاطئ يعني مش تواضع مني اقول انا انسان خاطئ
لاني بجد انسان خاطئ لابعد الدرجات

سيبك من المذاكرة الي ربنا دايما هو الي ماسك ايدي فيها
انا هتكلم عن حاجات تانية


اول حاجة هتكلم عن امور بجد ايد ربنا بكل وضوح اتمدت ليا فيها

مرة في اوديسا دي مدينة في اوكرانيا غير المدينة الي عايش فيها حاليا
اتدايقت جدا جدا
و انا بطبعي منعزل عن البشر عندي كم صاحب في الغربة و بس
فاتصلت بصاحبي قلتلو انت فاضي
و صاحبي اخد شقة برا السكن الجامعي
روحت لعندو الساعة 11 بالليل فقبل ما اطلع من السكن الجامعي
واحد سكران بيسألني الساعة كام ؟؟؟
قلتلو معرفش اتكلم روسي عشان مش فاضي اقعد اكلمه و الدنيا ليل
لقيت راسي بيلف لوحدو و اتطلع لوراي الاقي واحد بيركض
من وراي و عاوز يضربني
و السكران بيضربني من قدام
و عاوزين ياخدو مني الموبايل و بيضربو
لكن بجد مش كنت بحس بالضرب
و كنت بقاوم بطريقة عجيبة حسيت اني في حدا معايا بيحميني و بياكل الضرب عني
لاني ولاحسيت بحاجة مع اني لمدة تلات دقايق انا ع الارض و هم بيرفسوني
بيضربوني برجليهم
بس اتكيت بعدها على حيط و بديت اضرب برجليا و حسيت ان حد هنا بيديني
القوة و بالفعل هربو و سابوني و ده حاجة غريبة ليه

لان هنا دايما الحرامية و الروسيين بكون معاهم سكاكين او ادوات حادة و ده ما كنش

تانيا انا قبل ما العب رياضة مالمستش حد من قبل و انا ضعيف جسديا
و المعروف عن الروسيين اجسامهم و ضخامتهم و قوتهم

تالتا كنت بتكلم كلام غريب و انا بتضرب يعني انا ما اعرفهوش حاجات غريبة
و لا افعم كلة من الي انا بقولو

رابعا الاغرب ان في الموبايل الخلفية كانت دينية و انا نادرا بحط خلفيات
يعني دايما خلفية الموبايل سودا

خامسا رغم كل الضرب الي اكلتو و لا كأنو حصلي حاجة بس تيابي متوسخة من التراب الي ع الارض

سادسا يعني ولا شلت هم و لا عصبت و لا سبيتهم و لا شتمتهم و لا حاجة
يعني حسيت بروح محبة حوليا مع اني يعني من الناس الي لسانهم بذيء جدا
بس المرة دي و لا عملت حاجة

و في النهاية نمت مرتاح يعني و لا كأني اتضربت و لا كأني كنت هتسرق و لا حاجة


و لحد اللحظة ما عنديش شفيع و عاوز يكون عندي و هنزل على سوريا السنة دي اختار شفيع ليا و هخلي ابونا يصليلي مسألة الشفاعة مهمة في حياتي جدا
​

 

[toty sefo]

رد: معحزات اعضاء منتدى الكنيسه العربيه

انا هحكى لكم معجزتين من الكتير اللى بيحصل معايا يمكن ناس تقول انهم حاجه عاديه لكن فعلا انا بالنسبه لى دول معجزات رهيبه والاتنين مع ابنى
الاولى
انا ابنى عنده مشكله فى التخاطب ولما جيت ادخله المدرسه كان فى اخصائى اجتماعى فى المدرسه شافنا واحنا داخلين نعمل الانترفيو راح دخل للمدير وقال ان الولد ده مش هينفع فى المدرسه وعمل لنا مشكله كبيره جدا لدرجه ان المدرسه رفضت تقبل حتى الورق من غير ما نعمل انترفيو المهم انا وقتها كنت واقفه فى المدرسه وبعيط وبتشفع بمارمينا والبابا كيرلس وكلمت راهب قريبى فى مار مينا قال لى ما تخافيش الولد هيدخل المدرسه المهم واحنا راجعين من المدرسه فى الطريق لقينا مدرس من المدرسه بيتصل بينا على الموبايل وبيقول لنا هاتوا الورق وتعالوا تانى قمنا لفينا ورجعنا وقدمنا الورق واتحدد لنا ميعاد تانى للانتر فيو وعايزه اقولكم ان الولد يوم الانتر فيو كان جبار جاوب على كل الاسئله والامتحان التحريرى اللى اتعمل له كان ادائه فوق الممتاز
بس احنا كنا خايفين ان الاخصائى الاجتماعى ده يغلس على الولد فى المدرسه لكن تدبير ربنا كان اقوى ماعداش اكتر من شهر والشخص ده اتنقل من المدرسه رغم كل المحاولات اللى عملها عشان يستمر فيها لانها افضل مدرسه خاصه على مستوى الصعيد كله
المعجزه التانيه
طبعا لان ابنى عنده مشكله التخاطب دى فهو حركته زياده طبعا فعشان يركز فى الفصل لازم يكون قاعد قدام وهو اطول من ولاد كتير فبالتالى احنا بعد محاولات مع اداره المدرسه حطينا الديسك بتاعه بالجنب يعنى يبقى زاويه قائمه مع باقى الفصل وطبعا كل سنه نعمل نفس المحاولات والاتصالات بالمدرسه فانا السنه دى كنت شايله هم الموضوع ده بشكل غير عادى وكنت عماله اتشفع بالانبا كاراس واقوله دى هتبقى معجزه بجد عشان خاطرى اتصرف وسهل الموضوع وفى اول يوم دراسه الولد راح المدرسه لقى الديسك بتاعه محطوط بالطريقه اللى احنا عايزينها رغم ان السنه اللى فاتت انا كلمت المدرسه 4 مرات وكلمت مدرسين اعرفهم هناك اكتر من مره وقابلت ناظر المدرسه والمدير وبعد تقريبا شهر من بدايه الدراسه لولا ما اتنقل الديسك واتحلت المشكله
يمكن دى حاجات عاديه لكن بجد معندكوش فكره الحاجات دى بتفرق معايا قد ايه

 

[G.a.L.a.x.y]

رد: معحزات اعضاء منتدى الكنيسه العربيه

انا بقى هحكيلكم معجزة النهارضه

معجزة معاى النهارضه للانبا ونس

هى صغنونه بس فرحتنى انا كنت دافعه فلوس كشف لدكتور للاسبوع الجاى ومعاى الكشف وهو غالى قوى
جيت وانا خارجه النهارضه بدور على الورقه بتاع الكشف الا هكشف بيها ملاقتهاش
اتضايقت بطريقه وحشه وقلت ياانبا ونس اتصرف انت بتاع الحاجات الضايعه وروحت الكليه ومشلاقتها وانا رجعت ورايحه البس لبس البيت لاقيت الورقه وسط الهدوم بطريقه غريبه ولوحدها من غير مااجى عندها لاقتها وقعت على الارض
فبفتحهعا الاقيها هى كنت طاااااااااايرة من الفرح
المجد لرب المجد بجد​

 

[*koki*]

رد: معحزات اعضاء منتدى الكنيسه العربيه

دي قصة جميلة أوي
أنا كمان كان بيضيع من حاجات كتير و لما بقول للقديس ونس بيجبهالي

 

[alaakamel30]

رد: معحزات اعضاء منتدى الكنيسه العربيه

سلام ونعمة ربنا يسوع المسيح
موضوع جميل ورائع ومعزى جدا جدا قررت المشاركة فيه بعد تنبيه إحدى الأخوات فى صندوق الرسائل الخاصة،والحقيقة أن حياتى مليئة بالمعجزات وتدخلات يمين الله القديرة فى حياتى بنفسه او من خلال قديسيه،وأعظم معجزة حدثت فى حياتى هو عبورى مرة أخرى من الجحيم إلى أرض الأحياء وهو اختبار مدون فى قسم الشهادات،ولكن ههنا ومنعا للتكرار دعونى احدثكم عن اول معجزة حدثت لى وكنت وقتها فى الرابعة من العمر تقريبا وكنت قد اصبت بالحمى الشوكية وهو فيروس يصيب المخ ويؤدى إلى الوفاة أو إلى الشلل وفقدان السمع والبصر على أقل تقدير،وكما حدثونى أهلى ان الأطباء قرروا نقلى إلى المنزل وطلبوا من أبى وأمى أن يلبوا لى كل طلباتى إشارةٍ منهم أن الحالة متأخرة جدا وأنى ميت لا محالة،نعم حدث هذا ولكنى مازلت رغم السنون البعيدة أتذكر ذلك الحلم العجيب حينما كنت طريح الفراش،حيث حلمت انى ألهو فى إحدى الغرف بمنزلنا وأثناء لهوى تعثرت فى شىء ولما نظرت تحتى وجدت قطعة حلوى (بونبوناية) وكانت غريبة الشكل تأخذ اللون البنى ومطبوع عليها صورة لأحد الرجال نحيف جدا وشبه عارى وله ذقن طويلة جدا جدا فما كان منى إلا اننى جريت تجاه أمى وأشرت لها بالبونبوناية فتأملتها وقالت بالحرف الواحد (الله ده الانبا بولا يا حبيبى...كلها وأنت تخف) وكانت هى المرة الاولى فى حياتى التى اسمع فيها هذا الأسم او أرى صورة له، فما كان منى إلا إنى أكلتها بالحلم ومن ثم استيقظت ، وكم هى رحيمة أعمالك يارب وكم هى عجيبة اعمالك فى قديسيك،فللوقت زال الألم وتركت فراش الموت وفى أول إستشارة طبية أقر الطبيب بشفائى تماما.

أذكر أيضا فى أوائل الثمانينات كنت طفلا فى العاشرة تقريبا،ولسبب ما كنت معتاد على الذهاب إلى منطقة صحراوية وهى آهلة الآن بالسكان تدعى (الحى العاشر) فى اطراف مدينة نصر،وكنت أضطر للسير ما يربو على الكيلومترين داخل الصحراء سيرا على قدمى بدون رفيق،وكم هو مخيف هذا الموقف لطفل فى العاشرة،وكثيرا ما كانت تهاجمنى مجموعات من الكلاب الضالة سوداء اللون بشعة المنظر اقرب للذئاب منها للكلاب فى شكلها وشراستها،وكنت أكاد أبول على نفسى من تكرر تلك الموقف بشكل يومى،ويوما ما قررت إصطحاب كتاب سيرة القديس سيدهم بشاى كنا قد اشتريناه فى زيارة من ديره الكائن بدمياط وعلى الغلاف تقبع صورة جسده غير المتحلل رغم إستشهاده منذ اكثر من مائة وخمسون عاما،قررت ان يرافقنى الكتاب فى رحلتى المرعبة خلال الصحراء أملا فى حمايتى من شر الطريق والكلاب الضالة،ولأنى كنت طفل صغير وإيمانى بسيط جدا فكان الكتاب هو أملى فى النجاة من أفواه الكلاب،وأذكر أن فى منتصف الطريق بدأت الكلاب تظهر من بعيد وحينما بدأت فى الإقتراب منى حدث شىء غريب جدا وهو ان الكلاب بدأت فى النباح ولكنها ألتفت حولى فى شبه دائرة ولكنها احتفظت بمسافة بينى وبينها كخط أحمر لا تستطيع تجاوزه او الإقتراب أكثر،والأغرب من ذلك اننى منذ ظهور الكلاب فى ذلك اليوم بدأت أرنم ما حفظته فى مدارس الأحد وطوال ترنيمى ومسيرتى حتى الطريق العام كانت تفوح رائحة بخور كنسى حولى بشكل واضح جدا، وكأن الله يؤكد لى أنه يحفظنى ومنذ ذلك اليوم لم تعد الكلاب الضالة تهاجمنى مرة أخرى.

اذكر ايضا عندما كنت فى الفرقة الثانية بالكلية وهى أصعب سنة دراسية بالكلية التى تخرجت منها نظرا لصعوبة منهجها،كنت دائما احمل معى صورة لمار جرجس كشفيع لى فى إمتحاناتى،وللأسف جاءت جميع الإمتحانات شديدة الصعوبة ولم أجيب كما يرام بل وفى بعض المواد تركت ورقة الإجابة خالية إلا من إسمى ورقم جلوسى،وكان لى صديق غير مسيحى وعلى غير العادة كان يخرج من الإمتحان مبتسما ويخبرنى أنه أجاب بيسر وانه ينتظر تقدير جيد على الأقل فى هذة السنة،وفى إحدى الإمتحانات فقدت صورة شفيعى مار جرجس وكنت حزينا جدا واعتبرتها إشارة منه على عدم رضاه عنى وأنى راسب راسب لا محالة،وعندما خرجت من لجنة الإمتحان حدثتنى إحدى زميلاتى غير المسيحيات وقالت أن صديقى العزيز الذى ينتظر تقديرا وجد الصورة وقام بتقطيعها قطعا صغيرة جدا مبتسما وساخرا،بل وفوجئت بهذة الفتاة وقد جمعت لى فتات هذة الصورة وبرغم عصبيتى الشديدة والمعروفة عنى إلا انى قلت مار جرجس يتصرف،ومرت شهور وذهبت لمعرفة النتيجة وعند دخولى الكلية وجدت صديقى هذا يجلس على الأرض باكيا وعندما سألته قال لى انه رسب فى ستة مواد من اصل تسعة،بالطبع لم افكر فى تلك اللحظة انه عقاب إلهى ولكن كل ما دار فى بالى انه اذا كان صديقى الذى ينتظر تقديرا قد رسب فى ستة مواد فماذا عنى وقد تركت الورقات خالية،ويا لها من محبة تفيض بلا ثمن فعندما راجعت الكشوفات وجدت اننى ناجحا بلا رسوب فى اى مواد.

وبعد تخرجى من الكلية قررت ان اتقدم للدراسات العليا والحصول على الماجيستير،واذكر اننا كنا ندرس ما يفوق الثلاثة ألاف صفحة فى كل مادة وفى أخر العام كانت صفحة الأسئلة تحتوى على سؤال واحد فقط بدون إختيارات او تعدد، ولكم أن تتخيلوا مدى صعوبة المنهج وفى النهاية هو سؤال واحد فقط إذا عرفت إجابته كان بها وإذا لم اعرف إجابته فأرسب فى المواد كلها حيث ان فى الدراسات العليا الرسوب فى مادة يعنى الرسوب فى كل المواد على خلاف سنوات الكلية،واذكر ان هناك مادة كانت تسمى ( القانون الدستورى مع التوسع) وكان كتابها للدكتور فتحى سرور رئيس مجلس الشعب، وكم حاولت جاهدا ان افهمها ولكنى فشلت نظرا لصعوبة اسلوب الدكتور المذكور،و فى ليلة الإمتحان سهرت حتى الخامسة فجرا ولكن دون جدوى ودون النجاح فى تحصيل اى معلومة وحيدة رغم محاولاتى الدؤوبة،وهنا قررت اننى لن اذهب الى الامتحان وبالتالى سارسب فى هذة المادة وبالتالى ايضا رسوب فى جميع المواد بالتبعية،وكنت حزين جدا لضياع عام من الجهد فى الدراسة والعمل فى آن واحد فما كان منى إلا أننى أتصلت تليفونيا فى هذا الوقت المتاخر بصديقة غير مسيحية وكنت قد كلمتها قديما عن معجزات ابونا عبد المسيح واعطيتها صورة له،فحاولت جاهدة ان تثنينى عن عدم الذهاب للإمتحان ولكنى رفضت متعللا بأن الإمتحان بعد ثلاثة ساعات وانا لم افهم كلمة من المقرر فما كان منها إلا أن قالت لى لماذا لا تقول يا ابونا عبد المسيح ساعدنى،فتعجبت جدا من إيمان هذة الفتاة غير المسيحية وخجلت من نفسى،وبالفعل أتيت بصورة ورقية له وكلمته وقلت (انا مش فاهم حاجة من الكتاب لكن انا هافتح صفحة على اسمك وهاحفظها حفظ وهاروح الامتحان وهاعتمد عليك بلاش تكسفنى).
وبالفعل هذا ما حدث بالظبط فقد فتحت احدى الصفحات على مبحث محدد بالصدفة ووضعت بداخله صورة القديس وبدأت فى حفظ المكتوب بدون فهم،ولأن الله يسمع الصلاة ولأنه قريب جدا من طالبيه،فقد أنبهرت فى الإمتحان عندما وجدت أن السؤال الوحيد والمختار من بين ثلاثة ألاف صفحة هو نفس المبحث الذى اختاره لى القديس،وفى النهاية كنت من ضمن خمسة وثلاثون طالب هم فقط الناجحون بالماجيستير من أصل خمسمائة.

نفس الفتاة الغير مسيحية فى المعجزة السابقة كانت تمر بمشكلة عسيرة جدا جدا وأثناء إستنجادها بى بالموبايل وجدت شيئا غريبا على أرض الكاتدرائية المرقسية، وجدت صورة فوتوغرافية لمار جرجس 4*6 ابيض واسود،والحق انها اغرب ما رأيت من صور،فالصورة غير ملتقطة من ايقونة بل كأن مارجرجس يقف بحصانه حيا وأحدهم ألتقط هذة الصورة له،وعندما وجدت الصورة قلت للفتاة أصمتى قليلا انا قادم لكِ والمشكلة اتحلت،فسألتنى كيف فأجابتها اننى وجدت شيئا غريبا واعتقد انه يخصك،وذهبت لها واعطيتها الصورة وقلت لها بركة هذا الشهيد سوف تخرجك من الضيقة،عذرا لن أستطيع البوح عن نوع المشكلة ولكن بالفعل هذا ما حدث وتم حل المشكلة،وعندما طلبت منى أن أستعيد الصورة فقلت لها لا انها ملك لكِ طول حياتك ولكن حافظى عليها من ايدى العابثين،وحدث ان خالتها اصيبت بمرض السرطان وكانت لا تستطيع النوم ليلا من شدة الألم والصراخ،فما كان من صديقتى إلا ان اقترحت على خالتها ان تأخذ الصورة وتضعها تحت مخدتها عند وقت النوم،فسألتها خالتها لمن هذة الصورة فأجابتها صديقتى ببساطة (ده ولى من اولياء الله الصالحين)،وبالفعل أخذت خالتها بالنصيحة ووضعت الصورة تحت المخدة وكانت المفاجأة فى الصباح التالى عندما رن رنين الهاتف فأجابتها صديقتى مستفسرة فقالت لها خالتها( تعالى يا بنت خدى صورة الراجل بتاعك ده من هنا، انا طول الليل مش عارفة انام وشايفة واحد راكب حصان ابيض وبيلف فى سقف الأوضة).
لم تشفى خالتها من السرطان وتوفت ربما لعدم إيمانها بالراجل اللى فى الصورة ولكن يبقى ظهوره لها شاهدا على عجائب الله فى قديسيه.

هناك الكثير لم احدثكم عنه من معجزات حدثت معى ومع المقربين لى ولكن يكفى ما ذكرته لعله يكون سبب تعزية لقلوبكم.
سلام المسيح اترك لكم

 

[+GOSPEL OF TRUTH+]

رد: معحزات اعضاء منتدى الكنيسه العربيه

طميله معجزاتك يا علاء و بجد مدهوشه جدا من قصصكم و الي اقدر اقوله سبحوا الله في جميع قديسيه

سلام و نعمه

 

[alaakamel30]

رد: معحزات اعضاء منتدى الكنيسه العربيه

طميله معجزاتك يا علاء و بجد مدهوشه جدا من قصصكم و الي اقدر اقوله سبحوا الله في جميع قديسيه

سلام و نعمه

طميلة هههههههههههه
انتى بقى اللى محتاجة معجزة عشان تنسى الإنجلش وتتكلمى عربى كويس.
انا بشكرك تروث لانك انتى اللى نبهتينى للموضوع الرائع ده
ربنا يعوضك
سلام

 

[G.a.L.a.x.y]

رد: معحزات اعضاء منتدى الكنيسه العربيه

موضوع جميل ورائع ومعزى جدا جدا قررت المشاركة فيه بعد تنبيه إحدى الأخوات فى صندوق الرسائل الخاصة،والحقيقة أن حياتى مليئة بالمعجزات وتدخلات يمين الله القديرة فى حياتى بنفسه او من خلال قديسيه،وأعظم معجزة حدثت فى حياتى هو عبورى مرة أخرى من الجحيم إلى أرض الأحياء وهو اختبار مدون فى قسم الشهادات،ولكن ههنا ومنعا للتكرار دعونى احدثكم عن اول معجزة حدثت لى وكنت وقتها فى الرابعة من العمر تقريبا وكنت قد اصبت بالحمى الشوكية وهو فيروس يصيب المخ ويؤدى إلى الوفاة أو إلى الشلل وفقدان السمع والبصر على أقل تقدير،وكما حدثونى أهلى ان الأطباء قرروا نقلى إلى المنزل وطلبوا من أبى وأمى أن يلبوا لى كل طلباتى إشارةٍ منهم أن الحالة متأخرة جدا وأنى ميت لا محالة،نعم حدث هذا ولكنى مازلت رغم السنون البعيدة أتذكر ذلك الحلم العجيب حينما كنت طريح الفراش،حيث حلمت انى ألهو فى إحدى الغرف بمنزلنا وأثناء لهوى تعثرت فى شىء ولما نظرت تحتى وجدت قطعة حلوى (بونبوناية) وكانت غريبة الشكل تأخذ اللون البنى ومطبوع عليها صورة لأحد الرجال نحيف جدا وشبه عارى وله ذقن طويلة جدا جدا فما كان منى إلا اننى جريت تجاه أمى وأشرت لها بالبونبوناية فتأملتها وقالت بالحرف الواحد (الله ده الانبا بولا يا حبيبى...كلها وأنت تخف) وكانت هى المرة الاولى فى حياتى التى اسمع فيها هذا الأسم او أرى صورة له، فما كان منى إلا إنى أكلتها بالحلم ومن ثم استيقظت ، وكم هى رحيمة أعمالك يارب وكم هى عجيبة اعمالك فى قديسيك،فللوقت زال الألم وتركت فراش الموت وفى أول إستشارة طبية أقر الطبيب بشفائى تماما.

مبروك اولا العبور من الجحيم للاحياء ياغاتلى انا اول مرة اعرف
انا بحب قوى الانبا بولا انت لو تعرف قصه حياته هتنبهر وبجد انا عارفه قصه الحمى الشوكيه
لانى تذكرت بقصتك قصه اخرى
زمان كان فى طفل مسيحى بيعانى من الحمى الشوكيه لكن القديس ابونا عبد المسيح المقارى شفاه منها ولكن هذا القديس كان بيهرب من المجد الباطل ومكنش عاوز حد يمدحه ابداا

أذكر أيضا فى أوائل الثمانينات كنت طفلا فى العاشرة تقريبا،ولسبب ما كنت معتاد على الذهاب إلى منطقة صحراوية وهى آهلة الآن بالسكان تدعى (الحى العاشر) فى اطراف مدينة نصر،وكنت أضطر للسير ما يربو على الكيلومترين داخل الصحراء سيرا على قدمى بدون رفيق،وكم هو مخيف هذا الموقف لطفل فى العاشرة،وكثيرا ما كانت تهاجمنى مجموعات من الكلاب الضالة سوداء اللون بشعة المنظر اقرب للذئاب منها للكلاب فى شكلها وشراستها،وكنت أكاد أبول على نفسى من تكرر تلك الموقف بشكل يومى،ويوما ما قررت إصطحاب كتاب سيرة القديس سيدهم بشاى كنا قد اشتريناه فى زيارة من ديره الكائن بدمياط وعلى الغلاف تقبع صورة جسده غير المتحلل رغم إستشهاده منذ اكثر من مائة وخمسون عاما،قررت ان يرافقنى الكتاب فى رحلتى المرعبة خلال الصحراء أملا فى حمايتى من شر الطريق والكلاب الضالة،ولأنى كنت طفل صغير وإيمانى بسيط جدا فكان الكتاب هو أملى فى النجاة من أفواه الكلاب،وأذكر أن فى منتصف الطريق بدأت الكلاب تظهر من بعيد وحينما بدأت فى الإقتراب منى حدث شىء غريب جدا وهو ان الكلاب بدأت فى النباح ولكنها ألتفت حولى فى شبه دائرة ولكنها احتفظت بمسافة بينى وبينها كخط أحمر لا تستطيع تجاوزه او الإقتراب أكثر،والأغرب من ذلك اننى منذ ظهور الكلاب فى ذلك اليوم بدأت أرنم ما حفظته فى مدارس الأحد وطوال ترنيمى ومسيرتى حتى الطريق العام كانت تفوح رائحة بخور كنسى حولى بشكل واضح جدا، وكأن الله يؤكد لى أنه يحفظنى ومنذ ذلك اليوم لم تعد الكلاب الضالة تهاجمنى مرة أخرى.

خلتنى ابكى انا عمرى ما جربت القديس سيدهم بشاى وبسبب كلامك انا هقرا
قصه حياته واتعرف عليه
بجد معجزة حلوة بجد خلتن ابكى يااخى بجد

اذكر ايضا عندما كنت فى الفرقة الثانية بالكلية وهى أصعب سنة دراسية بالكلية التى تخرجت منها نظرا لصعوبة منهجها،كنت دائما احمل معى صورة لمار جرجس كشفيع لى فى إمتحاناتى،وللأسف جاءت جميع الإمتحانات شديدة الصعوبة ولم أجيب كما يرام بل وفى بعض المواد تركت ورقة الإجابة خالية إلا من إسمى ورقم جلوسى،وكان لى صديق غير مسيحى وعلى غير العادة كان يخرج من الإمتحان مبتسما ويخبرنى أنه أجاب بيسر وانه ينتظر تقدير جيد على الأقل فى هذة السنة،وفى إحدى الإمتحانات فقدت صورة شفيعى مار جرجس وكنت حزينا جدا واعتبرتها إشارة منه على عدم رضاه عنى وأنى راسب راسب لا محالة،وعندما خرجت من لجنة الإمتحان حدثتنى إحدى زميلاتى غير المسيحيات وقالت أن صديقى العزيز الذى ينتظر تقديرا وجد الصورة وقام بتقطيعها قطعا صغيرة جدا مبتسما وساخرا،بل وفوجئت بهذة الفتاة وقد جمعت لى فتات هذة الصورة وبرغم عصبيتى الشديدة والمعروفة عنى إلا انى قلت مار جرجس يتصرف،ومرت شهور وذهبت لمعرفة النتيجة وعند دخولى الكلية وجدت صديقى هذا يجلس على الأرض باكيا وعندما سألته قال لى انه رسب فى ستة مواد من اصل تسعة،بالطبع لم افكر فى تلك اللحظة انه عقاب إلهى ولكن كل ما دار فى بالى انه اذا كان صديقى الذى ينتظر تقديرا قد رسب فى ستة مواد فماذا عنى وقد تركت الورقات خالية،ويا لها من محبة تفيض بلا ثمن فعندما راجعت الكشوفات وجدت اننى ناجحا بلا رسوب فى اى مواد.

اقولكا ايه بس انا ببكى تلوقتى انا بحب مارجرجس قوووووووى وبحط صورتى
فكرتنى انى كل امتحان بخرج ببكى من صعوبه الامتحانات ولكن ربنا كان بيرفعنى قوى
وكنت بشوف علامات من العذرا حبيبتى ومن المارجلاجس الا مكنش بيسيبنى فى امتحاناتى
ربنا يباركك بجد ياعلاء يابختك بجد

وبالفعل هذا ما حدث بالظبط فقد فتحت احدى الصفحات على مبحث محدد بالصدفة ووضعت بداخله صورة القديس وبدأت فى حفظ المكتوب بدون فهم،ولأن الله يسمع الصلاة ولأنه قريب جدا من طالبيه،فقد أنبهرت فى الإمتحان عندما وجدت أن السؤال الوحيد والمختار من بين ثلاثة ألاف صفحة هو نفس المبحث الذى اختاره لى القديس،وفى النهاية كنت من ضمن خمسة وثلاثون طالب هم فقط الناجحون بالماجيستير من أصل خمسمائة.

حبيبى المناهرى عملها معايا كتيييييييييييييييييير كنت مش بعرف اذاكر واختار بصورة صفحات من الكتاب ومكنش يخرج من براها الامتحان
انت رهيب يابنى معجزاتك تشيب قوى

فقالت لها خالتها( تعالى يا بنت خدى صورة الراجل بتاعك ده من هنا، انا طول الليل مش عارفة انام وشايفة واحد راكب حصان ابيض وبيلف فى سقف الأوضة).

ههههههههههههههههههههههههههههههههه
حبيبى يامارجرجس
هو فعلا لعدم ايمانها ياخثارة بجد

ربنا يباااااااااااااااااااااااااااااااااركك ياعلاء معجزات رائعه بس ياغالى كان الافضل تحط كل معجزتين برد عشان الناس تقرا ورجاء تصغر الخط حبه صغننه عشان كله يعرف يقرأ​

 

[max mike]

رد: معحزات اعضاء منتدى الكنيسه العربيه

موضوع جميل بجد


ربنا معاكم


لو فى حاجة حصلت معايا اكيد هقول عنها على طول عشان يتمجد اسم ربنا​

 

[+GOSPEL OF TRUTH+]

رد: معحزات اعضاء منتدى الكنيسه العربيه

انا بعرف عربي بالقدر الي يمشيني بس يا علاء ههههههههه

تقولوا ايه بقي الحول الطبيعي و عدم وجود الايديت

معجزات رائعه

 

[alaakamel30]

رد: معحزات اعضاء منتدى الكنيسه العربيه

أختى الصغيرة كيريا
سلام ونعمة ربنا يسوع المسيح
سامحينى على وضع المعجزات كلها فى مشاركة واحدة،ربما أردت التيسير على القارىء وعدم التشتيت.
أشكرك على تعقيبك على مشاركتى ولكن لى طلب صغير جدا
أرجوكِ بلاش كلمة (يابنى) انا مش صغير واكبر منك بكتير
تقدرى تقوليلى يا علاء هأكون سعيد جدا
ربنا يبارك تعب محبتك كيريا ويحافظ عليكِ

سلام المسيح اترك لكِ

 

[loly80]

رد: معحزات اعضاء منتدى الكنيسه العربيه

اخي في الرب علاؤ

احنا كلنا اخوات ودي كلمة كلة بيقولها غي المنتدي كلمة يا بني

متزعلش من اختنا كيريا صغنونة وبندلع علينا

ربنا يبارك مالمعجزات الكتير اللي حصلت معاك

ولو في كمان ياريت ما تبخلش علينا

واحنا اتاثرنا بكل حاجة انتي كتبتها

ربنا يباركك ويااريت ما تضايقش من اي حد مننا

سلام الرب معك

 

[G.a.L.a.x.y]

رد: معحزات اعضاء منتدى الكنيسه العربيه

أختى الصغيرة كيريا
سلام ونعمة ربنا يسوع المسيح
سامحينى على وضع المعجزات كلها فى مشاركة واحدة،ربما أردت التيسير على القارىء وعدم التشتيت.
أشكرك على تعقيبك على مشاركتى ولكن لى طلب صغير جدا
أرجوكِ بلاش كلمة (يابنى) انا مش صغير واكبر منك بكتير
تقدرى تقوليلى يا علاء هأكون سعيد جدا
ربنا يبارك تعب محبتك كيريا ويحافظ عليكِ

سلام المسيح اترك لكِ

لا دى كلمه فى لسانى علطول
ومن عنيا حاتر هقولك ياعلاء علطول

اخي في الرب علاؤ

احنا كلنا اخوات ودي كلمة كلة بيقولها غي المنتدي كلمة يا بني

متزعلش من اختنا كيريا صغنونة وبندلع علينا

ربنا يبارك مالمعجزات الكتير اللي حصلت معاك

ولو في كمان ياريت ما تبخلش علينا

واحنا اتاثرنا بكل حاجة انتي كتبتها

ربنا يباركك ويااريت ما تضايقش من اي حد مننا

سلام الرب معك

حتى لولا بتقولك اهو
​

 

[alaakamel30]

رد: معحزات اعضاء منتدى الكنيسه العربيه

يا جماعة انا مش زعلان من كيريا بالعكس
انا لو زعلان مكنتش عاتبتها باسلوب مهذب
بس كلمة يابنى دى مش حلوة للناس اللى فى سنى
وانا بلاحظ على سبيل المثال انكم بتقولوا للأخت الكريمة دونا نبيل ماما دونا،يبقى عيب فى حقى لما اكون فى مثل عمرها تقريبا والناس تقولى يابنى..ولا ايه
عموما حصل خير
وربنا يحافظ عليكم