مش لاقية عنوان بس ادخلوا بسرعة

[M a r i a m]

بصوا انا دخلتكم بسرعة واكيد تعبتم من السكة
بس فى كلام شايلاهلكم
من قلبي بقولهلكم


إنتم تعبتم كفاية .. إن كنتم طلبة أو طالبات !!
رجال أو سيدات ,, .
. كبار ولا صغيرين ,
عواجيز( زيكم ) والأ زيى( شباب.).:smil16:

تعبنا كلنا . ,,

كان لازم لنا راحة وإستجمام..
لكن كتار من تلامذتنا
خدوا جنب فى مشاركتنا
وخصوصا من ولادنا ورجالتنا !!!

طب وإحنا إيه يا غاليين...
مذنوبيتنا !!


تقاطعونا .ليه .
ومش بتودونا ..
وبطلتم ياشباب تزورونا !!


وحاكون منصف وحأقول ..
من قعدتنا الحلوة ..

جايز
قلقوا بعد الإمتحانات اللى خاضوها !!
واللا بنتائج مشاريع وبدوها !!

عارفين ليه يا حبايب ..؟؟ كتير
شالوا الهم ..
و معاهم همونا ..

كانوا جايز ..
حافظين كويس .. ومذاكرين تمام .
وبحلو العلام ..


و بانت كانت .
المشكلة ََ
خطوطهم تمللى (منعكشة )..!!
والمعانى اتبقى مفركشة .

مع إن السؤال..
كان سهل ولذيذ ,,.
إجابته مش طلسم وعزيز !!


حبر باهت جايز كتبوا بيه إجاباتهم .
وزى ما قالوا فى التشخيص

الكلام مش ماشى كان عالسطر .
زى سكة قطر ...
دة
كان نازل يشرب .. مرعوش متكهرب
والمعنى لازم يهرب..

عشان كدة كتير من تلامذتنا
وف منتدياتنا
كانوا مش مرتاحين ..
ولا مطمنين

حبايبى ..
اللى إتعمل إتعمل خلاص ..
وإتسجل ..
شفوى وقالوه أو ف الكراس
حطوه..
إرتاحوا بقى وناموا وإنسوه .. ..

كونوا واعيين وحافظين لقوة إلهنا !!
وقدرته ..

مفضلش لينا غيره
وبنطلب من خيره
ستر وغطا ..

إوعوا تتوهوا !!

يا غالى.. ويأمير
إوعى. نفكر كتير وجايز تمرض ..م. التفكير ..
ياترى ويا ترى ..وياترى .
كانت صح إجابتى
ونسيجى كان مشدود . جامد .
دمور متبقع واللا شد حرير ...

حبايبى !!
الإجابة خلاص إتحطت ..
والورقة من تحت إيدينا
إتشدت ..!!
فاضل إيه ؟؟
متنفعش تانى الحيرة .
وأمانة ما تجيبوا السيرة ..

دى نصيحتى
هنا وهناك..

ومخصوصة لمنتداك
و لكل أمير وأميرة ... بأقول ..
سلامتكم م. الحيرة

تعالوا نتعلم وف. نهاية الإمتحانات ..
وبدل التنهيدة وكل الإهانات !!
تعالوا

نقنن ونشخص
ونخصص ..
ننصح حبايبنا م. الناسيين
ذاكرتم وحفظتم .

دى دروس ونظريات
وياما قوانين .وعمليات
وتجارب وإختبارات ..


لكن فضل
كلمتين باقيين
للغاليين

حسنوا الخط وهندسوه
كتير منكم زهقتوا المصحح و اللى بيقروه..
الألف ( النسخ) بقيت فى ورقتكم ( رقعة)
ورغدة بقيت وبحط النقطة
زقة وزغدة !!

لازمنا
نحط سطور جديدة و صح لمعانى كتابتنا
وكلام غالى بنقوله فى دعوتنا

ينفع ينقرا .
بصحيح

ويجوز له التصحيح ..
لكن مسطبتنا مش ناسية تركز وكمان
وبشوية ثقة وإيمان
فى صلواتنا

نسيب شوية .
م.
الأنانية !!
فى طلبات ندعيها
ونصليها
سرية كانت أوعلنية !!
وبتكون لأهلى ودارى
..
ليه ؟؟ يا غاليين
مفيش حاجة لجارى ..
دة اللى .بمحبة ومودة
كان دايما شارى .

عشان كدة ..
جايز
قلقانتين
ومش مرتاحين .

حتى فى
دعواتنا .
بتوصل للسما كسلانة
و تعبانة و هفتانة!!

حبايبى ..
أديتوا الإمتحانات وكتبتم إجابات ..
دعييتم وصليتم صلوات ..
يارب تكون الخطوط فيها دغرى ومقروءة .
ومن قلب صافى..
ومرفوعة ..

وزى م. كتبتم ليكم .. ودعيتم.
تكونوا يارب
مش ناسيين .
تكتبوا وتمضوا لمحبيكم
ولو سطرين
بأحر الدعوات


لصاحبك.. وحبيبك ..
كان معاك مش بيسيبك
قعدته جات جنبك
وف. لجنتك !!.

فاكر له الجميل ..
خليك راجل أصيل ..
وإدعى لخليل ..

كان دائما يا غالى
متحمل وصابر
على سهوتك ..
ومعزش فى يوم
يهب لنجدتك ..

حاتفرح كتير.
ويوم النتيجة ..حاتزغرد وعالى
لسامية وغالى ..
وبشرى وسمير !!.

إيه رأيكم ..؟؟
مش آن الأوان ترتاحوا !!!
يا أمامير ..!!
وتشاركونا الكلمتين دول ..؟؟
يارب تكونوا خلصتوا إمتحانات .. وبانت النتيجة والخيرات 30:

ولا برضه لسة مشغولين ؟؟

​

 

[وليم تل]

حقا مريم
موضوع رائع يتداخلة زجل طريف
يشمل كل تفاعلات الشباب واحاسيسهم
ودمتى بود​

 

[M a r i a m]

ميرسي وليم لردك ومرورك الجميل​

 

[kalimooo]

جميل يا M a r i a m

شكرااااا على الموضوع الرائع

ربنا يبارك مجهودك

 

[M a r i a m]

ميرسي كليمو لزوقك ومرورك الجميل​

 

[+SwEetY KoKeY+]

ميرسى يا مريم كلام جميل

 

[GogoRagheb]

شكرا ليكى مريم
ده انتى طلعتى بقى شاعرة واحنا مش عارفين

ايه رأيك نسميكى
ام
ام
ام
ام
ام
ام
شاعرة الشباب ( مكان احمد رامى )​

 

[MIKEL MIK]

جميل جدا يا مريم

تسلم ايديكي

وربنا يباركك​

 

[M a r i a m]

ميرسى يا مريم كلام جميل

ميرسي ياقمر لردك ومرورك الجميل​

 

[M a r i a m]

شكرا ليكى مريم​

ده انتى طلعتى بقى شاعرة واحنا مش عارفين​

ايه رأيك نسميكى
ام
ام
ام
ام
ام
ام

شاعرة الشباب ( مكان احمد رامى )​

ههههههههههههههههههههههههه
ميرسي ياجوجو بجد انت نكتة
نورت الموضوع ياباشا​

 

[M a r i a m]

جميل جدا يا مريم​

تسلم ايديكي​

وربنا يباركك​

ميرسي ياكوكو لردك ومرورك الجميل​