مش شرط !!! ....

[dodoz]

* مش شرط أشيل "Iphone"..عشان تقول عليا ذكي و بفھم!!
* مش شرط أكل كل يوم ف "Mac"و"KFC"..عشان تقول إني مش بخيل!!
* مش لازم لما أحب أقعد مع إصحابي..نقعد كل يوم ف "Star Bucks" و "Costa" عشان نقنعك إننا ولاد ناس!!
* مش شرط أجيب لبسي من "Adidas" و "Nike" عشان أبقي نضيف!!
* مش شرط أبرطم بالأجنبي...و كل جملة أزنق فيها كلمتين إنجليزي عشان تقول عليا مثقف!!
* مش شرط أمشي أسمع "Adele" أو "Rihanna" عشان تقول عليا متحضر!!
* مش شرط أكون من مصر الجديدة أو مدينة نصر عشان تحترمني!!

أنا معظم لبسي من وسط البلد..و بقعد مع إصحابي علي قهاوي بلدي..ولما بنجوع بناكل علي عربيات فول وكبدة

حضرتك لو شايفني كدا إني معفن أو من طبقة أقل منك..
أحب أقول لسعادتك إنك مريض
ولو شايف إني كدا فقير مثلا أو بخيل..ف أحب أقول لحضرتك..إنك برضو مريض

أنا ممكن أعمل كل اللي فوق دا..بس كل الفكرة إني شفت ناس..ممكن يعيشوا إسبوع كامل بتمن كوتشي هشتريه من Adidas
شفت عائلات ممكن يتغدوا كلهم بتمن قعدة من قعدات Star Bucks

ف عرفت ساعتها إن الفلوس مش كل حاجة..
وعرفت إن اللي بيقيس الناس بالمناظر...دا لازم يتعالج بسرعة
عشان المناظر عمرها ما كانت مقياس للتحضر..
"التحضر الحقيقي..تحضر الأخلاق والعقل"...!!​

​

​

ملطووش ​

 

[چاكس]

تمام يا جنتل

 

[dodoz]

ميرسى لمرورك ولتقييمك
يسوع يبارك حياتك ​

 

[واثقه فيك يارب]

"التحضر الحقيقي..تحضر الأخلاق والعقل"...!!​

​

​

هو ده الكلام المظبوووووووط
تسلم الايادي

 

[dodoz]

"التحضر الحقيقي..تحضر الأخلاق والعقل"...!!​

​

​

هو ده الكلام المظبوووووووط
تسلم الايادي

ميرسى لمرورك ولتشجيعك يا قمر
يسوع يبارك حياتك​

 

[soso a]

عشان المناظر عمرها ما كانت مقياس للتحضر..
"التحضر الحقيقي..تحضر الأخلاق والعقل"...!!



دى تمام

بس معظم اللى فوق انا كتباهم انا مش بعملهم

​

 

[dodoz]

عشان المناظر عمرها ما كانت مقياس للتحضر..

"التحضر الحقيقي..تحضر الأخلاق والعقل"...!!​

دى تمام ​

بس معظم اللى فوق انا كتباهم انا مش بعملهم
​

يس مش شرط اكون بعمل كل ده
بس بقى ناو فى ناس بتهتم بالمظاهر وبتنخدع بيها
ميرسى لمرورك يا قمر ولمشاركتك الحلوة
يسوع يبارك حياتك​

 

[MIKEL MIK]

أًصلي ,,,,​

 

[مينا اميل كامل]

طبعا كلامك مظبوط مية مية
ايه فايدة الحاجات الغالية المتحضرة دي
الا بدونها الشخص ولا حاجة
وحلوة حكاية تزنق كلمتين
يعني تلاقي واحد بيقول ايه
وانت نازل خلي بالك لما تيجي تسند الباك قصده الضهر
او يقول اه فعلا ريلي الكلام دا حقيقي طيب ما فعلا
بدل ريلي لدرجة بقيت مرة وانا شايف واحد دكتور
في التليفزيون ولا ممثل اقول لماما استني هايقول
بعد العربي دا كله كلمة انجليزي لانه حاسس ان لو عدت
خمس دقايق من غير انجليزي هايقولوا عليه مش مثقف
فشوفي مش لما اتثقف ارطن برا لكن لازم اتثقف
ليا مقولة ربنا الهمني بيها يارب تعجبك واعرف رأيك فيها
بقول فيها قيمتي في مش في الmtv
في (جوايا) mtv (مش قصدي فضائية لبنان لا ميوزيك اجنبي
مواضيعك اللي بتكتبيها تستحق كل احترام واعجاب

 

[+Sameh+]

اممممم عنـــدكـ حق .. موضوع جميـل ..
​