مشكله عاطفيه خطيره جدا

[Twin]

سلام ونعمة بيتر
بص يا حبيبي أنا عشت نفس قصتك بالظبط بس علي أسوء أنا كنت مفتحها في الموضوع وهي بتحبني موت ماشي
وعلي فكرة هي الإنسانة الوحيدة ال حركت مشاعري الحديد وصارت الحب الأول في حياتي
ومرة واحدة لقيت صديق عمري بيحبها مع أني انا ال معرفهم ببعض بيحبهاااااااااااااا
ودة عشرة أكتر من 19 سنة وبمعني أدق أنتيمي وكل حاجة بينا مكشوفة حتي الموضوع دة مع أني عرفتة منها مش منة وللعلم هي عيزاني أنا مش هو وهو لما عرف أختيرها أنسحب
بس لسة للموضوع رواسب وأكيد كانت ممكن تظهر مع الوقت فهمني أنا قصتي أصعب منك علشان كانت في النور والمشكلة الأكبر أنني أنسان واقعي تقليدي ودة الأصعب أنامش بتاع مشي وهزار وخروج في الضلمة والحمد لله الموضوع عدي
أزاااااااااااااااااااي
أنا سبت الأمور تمشي لوحدها وسيبتها لربنا سلمتهاله زي ما هي ودة رأي فادي
وفي نفس الوقت حطيت في أعتباري الحلول الواقعية المرة ال قلتها مرنا
وسبت الأمور تمشي عارف ليه عملت كدة
أولا الأختيار صعب هي"الحب الأول"والا هو"صديق عمري"
ثانيا الواقعية في ظل الظروف المحيطة
ثالثا ودة الأهم الرواسب المتبقية ال هتظهر مع مرور الوقت وبالذات لو حصلك نصيب معاها صحبك هيقدر يجيلك بيتك هيقدر يخشلك ولو جالك ودخلك هتنظرله أزاي
مش هتخاف يخونك حتي ولو بالنظرات_ سوري الشيطان أقوي مني ومنك_ وهي لو عرفت قصة حبة ليها هي هتنظرله أزاي بحب والا ببغض والا أزاي الموضوع صعب أوي
ال حل المثالي ال أنا أستعملتة
حاول تتناسا الموضوع كله أنا مقدرش أقولك أنسي علشان الحب عمره ما يتنسي
بقولك تناسي بمعني دخل نفسك في موضيع كتير علشان ميبقاش عندك وقت للتفكير أو للعتاب أو للحديث بمعني الهي نفسك فهمني
ولو هي نصيبك هتجيلك وتأكد سعتها ان ربنا خلص الموضوع من نحيتك ومن ناحية صحبك ومن نحيتها فهمني حاول تتنساها مش تنساها علشان تنتبه لدرستك وعلشان علقتك بصحبك وعلقتك بيها كأخت أو زميلة
وتذكر أن كل الأشياء تعمل معا للخير للذين يحبون الله وأنت أكيد بتحبة
حط ربنا بينك وبين المشكلة متحطش المشكلة بينك وبين ربنا
وأديلة فرصة يشتغل ويحلها وتأكد هو هيحلها
علي فكرة أنا موضوعي أتحل لما أديت لربنا فرصة علشان يحلها مع أنه كان صعب أوي بس بعد مرور سنة كاملة صدقت وأمنت بهذا الحل
فعلاقتي بصحبي بقيت أقوي من الأول وعلقتي بيها أتحولت من حب الي أخوة بجد أة تعبت ويأست وأنهرت بس في الأخر فقت ورجعت أقوي من الأول
الله يجرح من أجل الأصلاح ويعصب من أجل البنوة والحب بس أنتي أديلة فرصة
فرصة واحدة بس وثق أنة هيستغلها وهيتصرف
وأي حاجة عيزها مني كلمني علي الياهو
وأنا هكون معاك ولو عايز تقبلني أنا تحت أمرك تلفوني
أنا أسمي أمير ولو عايز تعرفني أكتر أقرأ رسالة أسمها أنا نسيت أعرفكم بنفسي
في منتدي التعارف صلي من أجلي

 

[ميرنا]

امير انا حذفت ميلك ورقم الموبيل لو عاوز تدهولوه رجاء فى رساله خاصه مش على العام

 

[Twin]

شكراً مرنا
وأنا أسف مكنتش أعرف أعذري جهلي وشكرأ
وصلي من أجلي

 

[ميرنا]

مفيش داعى للاسف بس دا خوف عليك

 

[Twin]

المرة ديه شكر
أنا بشكرك بجد
وعلي فكرة أنا عملت زي ما أنتي قلتي وأرسلتله الميل والتلفون رسالة خاصة
هو دة كمان في مشكلة الرجاء الرد علي شكراً

 

[peter2006]

انا بشكر كل الي تعب نفسه عشان نفسي الحقيره كل الي قال كلام ممكن انه يجرحني اويعزيني وانا بشكر الاخ امير جدا علي كلامه الي عزي نفسي بيه بس المشكله ان صحبي بيكلمني كل شويه عليها وكمان بيسالني يعمل معاها ايه انا في حيرا مشقادر حتي انساها