مخاوفك وانت صغير

[Desert Rose]

كلنا واحنا صغيرين كان عندنا حاجات بنخاف منها
يعنى فيه اطفال كتير بيخافوا من الضلمة , من انهم يكونوا فى مكان لوحدهم

احكولنا بقا , كل واحد يقول كان بيخاف من ايه وهو صغير وليه ( لو فيه اسباب يعنى ) وياترى المخاوف ديه لسه موجودة معاك لغاية دلوقتى ؟

خلينا ندخل فى جو رعب , ان ان , ان ان وموسيقى بقا فيلم The Jaws بتاع سمك القرش ده :new6: اهيه

[YOUTUBE]ZvCI-gNK_y4[/YOUTUBE]
​

 

[Desert Rose]

انا بقا عندى لسته :new6:

مكنتش بخاف من الضلمة اوى يعنى
انما كان دايما عندى احساس غريب ان وانا ماشية فى الضلمة حتى جوه البيت حد هيجى يضربنى على راسى من ورا :fun_lol: معرفش ليه
والخوف ده لسه موجود عندى لغاية دلوقتى , مش بخاف من الضلمة نفسها انما وانا ماشية فيها بيبقا عندى الاحساس ده , فيه حد هيجى يضربنى على راسى :new6:

كنت بخاف من السلالم :new6: دايما كان عندى الاحساس انى هقع من على السلم ولحد وقت قريب جدا كنت بخاف جدااا من السلالم ولو طالعه على سلم وخصوصا لو بكعب عالى شوية لو معايا حد امسك فيه :new6:

كنت ولازلت بخاف من الاماكن العالية والبلكونات :new6: حتى لو دور مش عالى مش بحب البلكونات لانى بحس انى هدوخ وهقع منها او السور هيقع وبردو هقع :new6::new6:

تحت السرير ده بقا قصص وحكايات :new6: دايما كنت بحس ان فيه عفريت او حرامى او اى حد تحت السرير لازم لما ادخل الاوضة لوحدى افتش تحت السرير ( قال يعنى لو لقيت حد هعرف اعمل اى حاجة غير انى اموت من الخضة :new6:)

وكنت وانا نايمة اخاف ايدى ولا رجلى تطلع بره السرير لانى بحس ان العفريت الموجود تحت السرير هيشدنى منها :new6::new6:

 

[إيمليــآ]

..

لذيذهـ فكرة آلموضوع يآ روزآ
وفيهآ فضآيح ربنآ يستر ^_^

أنآ بخآف بردو من آلمرتفعآت خصوصاً لو آلجلسه مش طويلة كفآية
ودى عملآلى مشآكل لدلوقتى

كمآن بخآف من ركوب آلعجل بس بحب جداً أركب ورآ حد تآنى :fun_lol:

وبخآف لدلوقتى من آلأصوآت آلعآلية خصوصاً لو مفآجأهـ
لو فيه خنآقة بصوت عآلى فى أى مكآن ببقى عآيزة أجرى :new6:

فى حآجة كنت بترعب منهآ وأنآ صغيره وهى صوت آلأذآن " مآلهآش علآقة بيه كأذآن "
بس أنآ أصلاً بخآف من آلصوت آلعآلى وفيه جآمع قريب مننآ صوته صعب خآلص
فإكتمل فيلم آلرعب :t17:




..​

 

[V mary]

انا بقي اكتر حاجة بخاف منها
المياة
علي شكل فيلم ٢٠١٢
التساونامي يعني
دة كوابيسي كلها علي الشكل دة
​

 

[+ ميلاد العجايبى +]

انا اخاف من الاماكن العالية حتى وبعد ما كبرت ايضا اذا كنت فى مكان عالى اشعر بخوف وكأنى ممكن ان اسقط
لدرجة انى اشفق على عمال البناء الذين يشيدون عمارة 20 دور مثلا ويقفون فى اماكن خطرة لو انا مكانهم كنت من الخوف دوخت وسقطت فعلا .

 

[Strident]

مفيش حاجة معينة بتخوفني.....ما افتكرش انه كان فيه حاجة زمان يعني بتخوفني....وﻻ الضلمة حتى....

بس ممكن اقول ان لو حتة عالية....وانا واقف وباصص من فوق السور وباصص تحت...هاحس اني ممكن ادوخ او كده....بس ماهواش خوف اوي برضو....


زماااااان اوي كنت بافكر، تحت تأثير افﻻم الكارتون وحتى تايتانك وكده ان السفينة طريقة سفر خطيرة، وممكن ساعات الطيارة كمان بس السفينة بالذات عملوا لي عقدة بافﻻمهم....بس ما اقدرش اقول ان زرعوا فيا خوف لاني بسهولة باركب اي مركب ومش بادوخ....والسفن عادي ممكن اركبها ببساطة لاني واثق كمان في التكنولوجيا والقمر الصناعي وكده وان سواقة العربية يمكن اخطر منهم



اه افتكرت حاجة كانت بتخوفني زمان...دي بقى بجد جت فترة كانت بتخوفني فعلاً.....

الApocalypse او فترة نهاية الازمنة....وضد المسيح والاضطهادات بقى وكده....جت عليا فترة كنت اشوف تفسيرات سفر الرؤيا وبتاع وكده
واخاف من الاضطهادات وكده


دلوقتي ولأسباب مختلفة مش حاططها في بالي

 

[الباحثه عن الحق]

زمان كنت بخاف اموت ويدفنوني وانزل القبر واتعذب بقى ( منظور اسلامي للموت )
دلوقتي تقريبا بيروح بالتدريج
وبخاف اموت مخنوقه يعني معرفش اخد نفسي او يكون فيه تسريب لاي دخان او غاز واتخنق واموت
دي اكتر حاجات بخاف منها

 

[Desert Rose]

..

لذيذهـ فكرة آلموضوع يآ روزآ
وفيهآ فضآيح ربنآ يستر ^_^

أنآ بخآف بردو من آلمرتفعآت خصوصاً لو آلجلسه مش طويلة كفآية
ودى عملآلى مشآكل لدلوقتى

كمآن بخآف من ركوب آلعجل بس بحب جداً أركب ورآ حد تآنى :fun_lol:

وبخآف لدلوقتى من آلأصوآت آلعآلية خصوصاً لو مفآجأهـ
لو فيه خنآقة بصوت عآلى فى أى مكآن ببقى عآيزة أجرى :new6:

فى حآجة كنت بترعب منهآ وأنآ صغيره وهى صوت آلأذآن " مآلهآش علآقة بيه كأذآن "
بس أنآ أصلاً بخآف من آلصوت آلعآلى وفيه جآمع قريب مننآ صوته صعب خآلص
فإكتمل فيلم آلرعب :t17:




..​

ميرسى ياسيكرت
ايه ده ؟ يعنى طلعنا توأم فى الاماكن العالية بردو ؟ :new6:
بس انا مش بخاف من الاصوات العالية انا ممكن اتصدع منها لو حد بيتكلم بصوت عالى او بيتخانق او كده
او حتى لو التلفزيون صوته عالى اقدر اقول ان الصوت العالى بيعصبنى لكن مش بيخوفنى

 

[واثقه فيك يارب]

واوو ايه جو الرعب ده

بصي انا وصغيره مفيش حاجه معينة كنت بخاف منها اووي لدرجه الرعب
بس اكيد زي اي طفل او طفله مكنتش بحب ماما تنزل وتسيبني
حتي لو سيباني مع بابا "الله يرحمة" واخواتي
بس كنت بخااف طول ماهي مش موجوده في البيت مش عارفه ليه !

بس لو هنتكلم علي الخوف والرعب والفوبيــــــــــــــــا اللي بجد بقي
يبقي انا وفي عمري هذا
يعني انا وكبيره شحطة كده
ومش هتتخيلي بخاف وبتــــــــــــــــــــرعب من ايه

انا بخاف من صـــوت عربية الاسعاف بجد لما بسمع صوتها بموووت من الرعب .. ويبقي يوم اسود لو ماشيه في الشارع وعدت جنبي بالصدفه
بجد ممكن يغمي عليا لو ملحقتش بسرعه حطيت ايدي علي وداني وبقيت ماشيه زي المحنونه في الشارع !!

بس طبعا ده اكيد بيرجع لاسبااب نفسية
واولها وفاة بابا واخويا الله يرحمهم .


توبيك ررائع وفكره جميله روزا
تسلم الايادي ☺

 

[حبو اعدائكم]

ممممم هو الحقيقه انا مش فاكرا كنت بخاف من إيه-- بس اعتقد إنى كنت احب اتفرج على افلام رعب-- و موضوع وجود شىء تحت السرير دى كانت بتاكل دماغى-- و بردوا كنت اخاف اطلع رجلى او إيدى بره المرتبه لحسن اتشد منهم ههههههه و لو طفيت النور كنت اقف على بعد من السرير و اقوم جاريه و نطه ههههههههههههههههههه علشان الى تحت السرير ميلحقش يجبنى من رجلى ههههههه-

فاكرا اخويا الله يعطيه العافيه مره جابلى صرع-- استخبه تحت السرير و لبس جوانتى طبى و بعد كام دقيقه و النور مطفى لقيت يد بتتمد و هى بتترعش من تحت السرير و طلعت تمسك رجلى هههههههههههههه كان يومه اسود طبعا ههههههه
موضوع لزيز

 

[+sano+]

موضوع لذيذ
انا كنت بخاف بليل من الاصوات بتبقى غريبه تحس ان فيه حاجه هتطلعك من تحت السرير او فيه عفاريت بس كانت مرعبه جدااا
وكنت بسال نفسى سؤال وانا صغير وانا واقف قدام البحر تخيل لو البحر ده كله طلع على الارض بترعب من الفكره ده لحد ما شفت التسونامى واتحققت الفكره ​

 

[Desert Rose]

انا بقي اكتر حاجة بخاف منها
المياة
علي شكل فيلم ٢٠١٢
التساونامي يعني
دة كوابيسي كلها علي الشكل دة
​

هو فيه ناس كتير فعلا بتخاف من المياة
بس متفرجيش على الافلام ديه خالص لانها تجيب اكتئاب
وربنا يبعد عنك الكوابيس :Love_Letter_Send:

 

[Anas2]

هههههههه
انا بقى كنت بخاف من الاماكن العامة اللي فيها حشد من البشر.. بحس بحالي فيها هتخنققققققققققق ناو بطل الخوف لكن مازال عندي كره لهذه الاماكن لاني افضل العزلة..
وطبعا مثل كل طفل كنت بخاف من الاشباح ودايما لازمي اغطي راسي باللحاف

 

[Samir poet]

بختصار بخاف من كل حاجة بدون مبالغة

 

[Desert Rose]

انا اخاف من الاماكن العالية حتى وبعد ما كبرت ايضا اذا كنت فى مكان عالى اشعر بخوف وكأنى ممكن ان اسقط
لدرجة انى اشفق على عمال البناء الذين يشيدون عمارة 20 دور مثلا ويقفون فى اماكن خطرة لو انا مكانهم كنت من الخوف دوخت وسقطت فعلا .

ايه ده ؟ بردو ؟ ده احنا طلعنا كتير اللى بنخاف من الاماكن العالية
بس الناس اللى بتشتغل فى البناء دول معتقدش عندهم خوف من الارتفاعات
لو كانوا كده مكانوش هيقدروا يشتغلوا فيها

 

[Desert Rose]

مفيش حاجة معينة بتخوفني.....ما افتكرش انه كان فيه حاجة زمان يعني بتخوفني....وﻻ الضلمة حتى....

بس ممكن اقول ان لو حتة عالية....وانا واقف وباصص من فوق السور وباصص تحت...هاحس اني ممكن ادوخ او كده....بس ماهواش خوف اوي برضو....


زماااااان اوي كنت بافكر، تحت تأثير افﻻم الكارتون وحتى تايتانك وكده ان السفينة طريقة سفر خطيرة، وممكن ساعات الطيارة كمان بس السفينة بالذات عملوا لي عقدة بافﻻمهم....بس ما اقدرش اقول ان زرعوا فيا خوف لاني بسهولة باركب اي مركب ومش بادوخ....والسفن عادي ممكن اركبها ببساطة لاني واثق كمان في التكنولوجيا والقمر الصناعي وكده وان سواقة العربية يمكن اخطر منهم



اه افتكرت حاجة كانت بتخوفني زمان...دي بقى بجد جت فترة كانت بتخوفني فعلاً.....

الApocalypse او فترة نهاية الازمنة....وضد المسيح والاضطهادات بقى وكده....جت عليا فترة كنت اشوف تفسيرات سفر الرؤيا وبتاع وكده
واخاف من الاضطهادات وكده


دلوقتي ولأسباب مختلفة مش حاططها في بالي

يعنى بردو ممكن نقول الاماكن العالية
انا عايزة اقولك انى كنت بخاف من السفن والطيارات والعربيات وكله بس دلوقتى طبعا اتحسنت
بس لسه بخاف من السفن لانى بحس البحر مخيف اصلا مش بحبه اوى

وانا بردو كنت بخاف من سفر الرؤيا والوحش وكده بس دلوقتى لا طبعا

 

[Strident]

يعنى بردو ممكن نقول الاماكن العالية
انا عايزة اقولك انى كنت بخاف من السفن والطيارات والعربيات وكله بس دلوقتى طبعا اتحسنت
بس لسه بخاف من السفن لانى بحس البحر مخيف اصلا مش بحبه اوى

وانا بردو كنت بخاف من سفر الرؤيا والوحش وكده بس دلوقتى لا طبعا

- امممم لا مش هاقدر اقول انه خوف خوف يعني....مجرد بس هامسك بايدي في السور اكتر شوية او هاخاف ادوخ مثلاً....لكن مش هتبقى فوبيا او مش هتمنعني حتى ابص شوية يعني...


- بتخافي م العربيات!؟ اشمعنى؟

بالنسبة لي الطيارات خالص بالعكس انا بقيت باستنى امتى هاسافر تاني وحتى لو الواحد ممكن تجيله فكرة خوف لكن بيعرف يطردها على طول...البحر ما جربتش السفن لكن طبعاً القوارب وكده في الصيف باركبها عادي...وباعوم جوه عادي كمان...لكن ماعتقدش هاركب سفن خصوصاً ان الطيارات اسرع وارخص

- بالنسبة لسفر الرؤيا: انا مش كنت خايف من الوحش كوحش بس انا كنت خايف من الاضطهادات والكوارث وكل ده...
وبالذات الاضطهادات...

وكنت اقعد بقى اشوف الرموز وايه اتحقق وما اتحققش...


بس انتي طيب ليه ما بقيتيش تخافي؟ اشك انها نفس اسبابي