محصلش اى تغيير فى مصر !

[Critic]

قالوا ثورة
قالوا تغيير
قالوا مصر اتولدت من جديد
الموضوع اقتصر على الكلام و السطحيات
لكن فى الحقيقة
مازال الشعب جاهل و مغيب و سلبى و سطحى
فساد و رشوة و انعدام نظام و قلة ادب
و كأن الحرية بالنسبة للشعب المصرى (الاغلبية) هى "اعمل اللى انا عايزه بقا" .... (اكسر اشارة-اكسر طريق-اركن غلط-اسرق-اعاكس و اتحرش ...الخ)​

مازالت الوهابية متفشية فى العقول
مازال الاتجار بالدين و الاستخفاف بعقول الناس قائما
مازال الشعب بمتعلميه قبل جاهليه "شوخشيخة" فى ايد تجار الدين و تحت رحمة الفزاعات الكتيرة "فزاعة الدين" "فزاعة النظام السابق" "فزاعة الفتنة" "فزاعة المؤامرات الداخلية و الخارجية" "فزاعة الاقباط اللى عايزيين يلغوا المادة التانية"....
مازال الرجل المصرى بيستنى اوامر و توصيات الجامع او الكنيسة علشان يقول نعم و لا لا فى الاستفتاء حتى من غير ما يفهم !​

مازال المصرى يعجز عن الشعور بالمعاناه التى يسببها لغيره بأفعاله باعطائه الحق لنفسه انه يتعدى على حريات الاخرين ....او بمعنى اصح ميعرفش اصلا ايه حدود حريته (افراح و شوادر و مياتم و مكبرات صوت و كلكسات و صداع الراديو بأعلى صوت فى المواصلات و شتيمة بصوت عالى و اخر قلة ادب.....)​

مازالت الاعراف المتخلفة و الافكار القبلية الشرقية البدوية موجودة
مازالت المجتمع ذكورى و مازال حجاب العقل فعال​

مازال الشعب لا يعرف لثقافة الحوار و الاختلاف اى طريق​

اومال ايه و مين اللى اتغير ؟؟؟؟؟؟؟؟​

مافيش اى حاجة فى الباطن اتغيرت
ما بداخل النفوس هو هو
شعب غير ناضج و غير مؤهل ليحظى بأى حرية
اثبت انه مينفعش معاه غير الدكتاتورية و الكرباج​

يا ريت محصلش تغيرر و بس
لا ده ظهرلنا من حيث لا ندرى جماعة من الهمج و الغوغاء الرجعيين و لا رادع لهم !
نتعامل مع عقليات تقدس التخلف و لديها اختلال فى الموازين لحد المرض ....​

و على فين يا مصر ؟!​

 

[white.angel]

لا يا اخى كيف تقول هذا
الثوره غيرت
الاشخاص...الاجساد
ولكنها نسيت ان تغير العقول
وان اتخذ تغيير الاجسام 18 يوم
سيتخذ تغيير العقول 18 قرن
مصر تتجه الى المجهول.... تحتاج منقذ
ولا يوجد سواه....متى نرفع اعيننا اليه
ونقول....يا عيون الرب السهرانه طلى على مصر
​

 

[Desert Rose]

الحرية ياكريتك لاتأتى مرة واحدة
الحرية الحقيقية هى حالة ذهنية ,الحرية تحتاج من يفهمها ليمارسها بطريقة صحيحة
الشعوب المتحررة لم تتحرر فى يوم وليلة ,بل اخذت سنين وقرون وحروب ودماء لتنال الحرية الحقيقة وهى حرية العقول
الحرية لها تمن يجب ان يدفع حتى يشعر بقيمتها من نالوها

لا يمكن ان تجد معنى الحرية الحقيقية فى شعوب لازالت تعيش فى زمن الكهف

شعوب لاتعرف اساسا معنى الانسانية وقيمة الانسان
شعوب تتعامل مع البشر بالجملة والاعداد ولاتعترف بقيمة الفرد كفرد
شعوب ثقافتها محت الشخصية الفردية للفرد

شعوب انانية اساسا تحكمها الانانية والشراسة فى التعامل مع البشر
شعوب دموية ,تحب الدم والقتل والحرب والخناق
الحرية مش فى نظام الحكم بس ,الحرية فى العقول
مصر وكل دول المنطقة مش هتعرف حرية حقيقية غير لما يتربى جيل جديد على مفاهيم الحرية والانسانية والعمل الاجتماعى والانتماء الحقيقى للمجتمع والاحساس بالمسئولية ناحية المجتمع اللى بعيش فيه

 

[Twin]

و على فين يا مصر ؟!​

اه ... ده بقي مربط الفرس :t26:

كل حاجة تسأل انتي رايحة فين وجية منين
وكأنها غير موثوق فيها :t9:
أنت كدة لما كل شوية تسأل .... أنتي ريحة فين أنتي جية منين وليه وأزاي ؟
هتطفش يا أبني منك وهاتسيبك .... ويومين كده وهتخلعك :gy0000:​

​

​

 

[كرستينا كركر]

انا معاك ياكريتك فى رايك محصلش اى تغيير كويس ولكن حصل للمسيحيين اضطهادات ومصايب وعدم الامان فى بيوتهم الله يسامحهم بتوع ثورة يناير دول انا بكرهم جدا

 

[جيلان]

متزعلش على كل ده لان بلاد كتير قامت بثورات لكن مخدتش حريتها فى يوم واحد والثورة مش هتغير عقول لكن عملت اول حاجة هى انها شالت الرؤوس الى كانت مانعة الناس تفكر فى كلمة حرية اصلا
بس مش معنى كدى ان لما الناس دى تتشال الشعب تانى يوم هيبقى زى الفل لكن هياخد وقت على ما يستوعب الجو الجديد على ما يفهم
اما بقى الناس الى بتاجر بعقول البسطاء الى مش فاهمين حاجة فمش هنتخلص منهم غير لما ميبقاش فى بسطاء اصلا يعنى ناس مش فاهمين اى حاجة يتقلهم روحو روحو تعالو تعالو قولو لا مااشى قولو نعم ومااله وكل دده هيحصل بالتوعية والتعليم وكل ده محتاج سنيين كتيير على ما يتحقق
عارف لما تكون محروم من حاجة وبعدين تتسابلك بتعملها بدون تفكير يعنى الشعب دلؤتى بيقول هىىى حرية اعمل الى انا عايزه بقى ومش هنقدر نلومه لانهم مغيبيين بقالهم سنين لكن لما الحاجة دى تلاقيها قدامك على طول ومش هتتاخد منك تانى هتبتدى تفكر بالعقل تستعملها ازاى
فاحنا لسة فى المرحلة دى لكن هتخلص امتى بقى الله اعلم لكن اكيد مش قريب ومش بسرعة

 

[مارتينا فوفو]

بص بصراحه المشكله في الاميه السياسيه عندنا
يعني في الانتخابات
بسهوله عرفوا يخدعوا المسلمين والجاهليين منهم خصوصا
مش هينفع تتبدل البلد بين يوم وليله
الموضوع اكيد محتاج وقت
...................................
مكناش نحلم عمرنا ان علاء وجمال يتحاكموا
ولا ابوهم ولا العدلي ولا غيره
بس محتاجيين صلاه وصبر
ونقول راينا بصراحه ومن غير نفاق
...................................................
اللي يعجبنا نقول اه واللي لا لا
يا ريت كلنا نشارك في احذاب ونفهم افكار كل حذب وخططه
...................................................
متزعلش لان التغيير محصلش
لكن ربنا اكيد عمل ده علشان اقباط مصر اللي اتظلموا في ظل حكم ديكتاتور اسمه مبارك
ومهما كان اللي جاي عمره ما هيكون بالاستبداد اللي فات

 

[MIKEL MIK]

قلت الكلام ده ايام الثوره العظيمه والمجيده
واللي كتير قوي بيعشقوها وبيدافعوا عنها
قلت كتير قوي ايام الثوره وايام تنحي مبارك
وكتير قوي اتهمني اني خائف واني جبان
وواحد هنا اتهمني اني خائف من الاخوان
مكنوش فهمين ولا عرفيين ان البلد هتخرب اكتر من الاول
مكنوش عرفيين ان مصر رايحه ع مجهول كبير جدااا
مكنوش عرفيين ان في مصر عقول مقفوله لا بتفهم ولا بتفكر
قدمنا قرون طويله عشان نقدر نطلع للنور ونحقق اللي احنا عايزينه فعلا
​

 

[جيلان]

قلت الكلام ده ايام الثوره العظيمه والمجيده
واللي كتير قوي بيعشقوها وبيدافعوا عنها
قلت كتير قوي ايام الثوره وايام تنحي مبارك
وكتير قوي اتهمني اني خائف واني جبان
وواحد هنا اتهمني اني خائف من الاخوان
مكنوش فهمين ولا عرفيين ان البلد هتخرب اكتر من الاول
مكنوش عرفيين ان مصر رايحه ع مجهول كبير جدااا
مكنوش عرفيين ان في مصر عقول مقفوله لا بتفهم ولا بتفكر
قدمنا قرون طويله عشان نقدر نطلع للنور ونحقق اللي احنا عايزينه فعلا
​

انا مقصدش اعلق على كلامك صدقنى بس ليا ملحوظة صغيرة ان احنا دلؤتى اه فى نفق مظلم بس النفق ده له اخر واخره خير بس علينا ندخل فيه ونمشى لحد ما يخلص بالرغم من اننا هنتعب شوية بس احسن ما نفضل واقفين برة خايفيين نعديه فنفضل زى محنا على الاقل يبقى رفضت الغلط واحساس ن مبارك ااحسن من غيره الى كنا عايشينه طول الوقت
ده ربنا صبر عليهم يسرقوا وينهبو لكن لما قربو من ولاده بعد اقل من شهر كانوا معاقبين ودى نتيجة مهمة اوى مين كان يتخيل الناس الى كنا شايفنهم فوووق اوى دول يتحاكمو

 

[MIKEL MIK]

انا مقصدش اعلق على كلامك صدقنى بس ليا ملحوظة صغيرة ان احنا دلؤتى اه فى نفق مظلم بس النفق ده له اخر واخره خير بس علينا ندخل فيه ونمشى لحد ما يخلص بالرغم من اننا هنتعب شوية بس احسن ما نفضل واقفين برة خايفيين نعديه فنفضل زى محنا على الاقل يبقى رفضت الغلط واحساس ن مبارك ااحسن من غيره الى كنا عايشينه طول الوقت
ده ربنا صبر عليهم يسرقوا وينهبو لكن لما قربو من ولاده بعد اقل من شهر كانوا معاقبين ودى نتيجة مهمة اوى مين كان يتخيل الناس الى كنا شايفنهم فوووق اوى دول يتحاكمو

صدقيني رديت من غير ما اشوف رد اي حد
يعني ردي مش تعليق ع كلامك يا جيجي
انا قلت اللي حصل سعتها ايام الثوره والتنحي
وكله موجود طبعا للي عايز يتاكد

انا متفق معاكي ان النفق له اخر وانشاء الله خير
بس عشان نمشي فيه لازم كلنا مع بعض نمشي فيه
خطوه بخطوه مع بعض في ايد واحده
مش كل جماعه مع نفسها في وادي والباقي في وادي اخر
ومن اللي بشوفه دلوقتي اعتقد صعب جدا يحصل كده​

 

[tasoni queena]

يا جماعة هيا كلمة ورد غطاها

البلد عمرها ما هتفلح ولا تتقدم ولا يكون فى حرية فى اى شيئ

ولا فى الرأى والاختلاف

طول ما فى اسلام ( او على الاقل يكون موجود بس مش مسيطر على العقول )

ازاى هيكون موجود وفى اذهانهم ويخالفه تعاليمه ومبادئه

شكرا كريتك للمقال الجميل

 

[حبيب يسوع]

الثورة حققت اهداف كثيرة بس للاسف الشعب جاهل لا يعرف الفرق بين الحرية والفوضى

 

[$CinDrellA $]

و على فين يا مصر ؟!

!؟!؟!؟!
​