بالراحه بس يا موون
الحكايه مش مسألة اقتناع صدقنى مسألة واقع مر بيقول ان المصرى النهارده اتكسر جواه حاجز الرهبه من الامن
ده كويس للانسان اللى مبيعملش غلط أو اتظلم من الامن زمان والنهارده يقدر يقف ف وش الظلم ويرفضه
لكن البلطجى أو الشخص المتهور والطايش واللى فاهم الدنيا بطريقه غلط والمتعصب كرويا
واحنا هنا بنتكلم عن اعمار صغيره معندهاش وعى كافى ف حالة شحن عاطفى رهيب
خلالالالاص مبقاش جواهم اى رهبه او خوف من الامن ودى مصيبه
يعنى لما يجى ظابط يتقدم ع ولد ماسك شمروخ ونازل الملعب يهاجم ويولع
لو الظابط حاول يمنعه بالقوه هيلاقى حواليه تجمهر وهو ممنوع يتعامل بعنف
هيقتلوه ومش هيلحق حتى يدافع عن نفسه
وهى الثوره بتقول نكسر الامن ونهينه ؟؟
انا قلت امبارح بكل وضوح ان الثوره طلعت اسوأ ما فينا وهى دى المشكله
مش ادانه للثوره اد ما هى ادانه للفهم الغلط لدورها
عموما ربنا يرحمنا ..
