متتجوزهاش

[philanthropist]

1 -لو فاكرها بتقعد ال 24 ساعة بالكعب والكورسيه والروج #‏ماتتجوزهاش.
2 -لو هتقعد تقارنها بصوفينار فى الرايحة و الجاية و تتحسر انك جيت تتجوز غادة لقيتها عبدالرازق #ماتتجوزهاش.
3 -لو شايف انها لما بتلف شعرها رولوه بتبقى شبه ميكي ماوس #ماتتجوزهاش.
4 -لو مش مالية عينك و شايف فيها ستات الدنيا ..#ماتتجوزهاش.
5 -لو مش متخيل انها بتصحى من النوم منكوشة و شبه عبفتاح الجريني فى اشوف فيك يوم #ماتتجوزهاش.
6 -لو بتضايق من الهالات السودة #ماتتجوزهاش.
7 -لو مش متخيل انها بتدخل الحمام عادي زيك و انه ممكن يجيلها لخبطة فى الهضم زيك - عادي يعني برضه #ماتتجوزهاش.
8 -لو مش مستعد تستحمل جنونها و هبلها و حساسيتها المفرطة احيانا #ماتتجوزهاش.
9 -لو مش قادر تستحمل تغييرات مزاجها و انها ممكن تعيط عادي من غير سبب و تتقبل ان فيه اختراع اسمه لخبطة هرمونات #ماتتجوزهاش.
10 -لو بتطالبها على طول تعقل و تهدى كإنك بتكلم كونفوشيوس #ماتتجوزهاش.
11 -لو فاكر انها هتفضل على طول كيوتة و عسولة و هتتخض لما تشوفها بتتحول ل hulk اثناء المذاكرة #ماتتجوزهاش.
12 -لو فاكر انك داخل الجوازة دى مستمع و متفرج و ان دورك يقتصر على انك تشتغل، تاكل و تنام #ماتتجوزهاش.
13 -لو كل اللى بتتعامل معاه فى بيتك السرير و الحمام و التلاجة #ماتتجوزهاش.
14 -لو فاكر انك لما تساعدها فى تربية اولادكم انك بتيجي على نفسك #ماتتجوزهاش.
15 -لو مش ناوي تذاكر للولاد ماث وانجليش و توديهم الدرس و المدرسة لو فاتهم الباص .. #ماتتجوزهاش.
16 -لو مش هتحط بيتك ومراتك و اولادك اول اهتماماتك #ماتتجوزهاش.
17 -لو فاكر انك لو قليتلك بضتين او غسلت طبقين ف الحوض فيه انتقاص لرجولتك #ماتتجوزهاش.
18 -لو مابتعرفش تجيب ورد و شوكولاتة #ماتتجوزهاش.
19 -لو مش بتهتم تاخد رأيها و شايفها مابتفهمش و دون المستوى #ماتتجوزهاش.
20 -لو شايف ان قاعدة الراجل بميت ست لإن اللى ف بيتك دى اصلا مش ست #ماتتجوزهاش.
21 -لو مش بتضحك على النكتة اللي بتقولها و بتستمتع بأحداث يومها حتى لو مكررة #ماتتجوزهاش.
22 -لو بتغير من نجاحها و حب الناس ليها #ماتتجوزهاش.
23 -لو ماعندكش استعداد تدعمها و تقف جانبها و تساعدها فى تحقيق حلمها و التخطيط ليه #ماتتجوزهاش.
24 -لو مش هتشاركها احلامك و التخطيط لمتستقبلكم #ماتتجوزهاش.
25 -لو مش بتحترم حبها لأهلها و ولائها ليهم #ماتتجوزهاش.
26 -لو مش هتفكر معاها ازاي تطلع من المشكلة اللى وقعت فيها #ماتتجوزهاش.
27 -لو مش هتخليها تطمن معاك و تحكيلك على كل حاجة حتى لو عارفة انها غلطت #ماتتجوزهاش.
28 -لو هتخليها تغير عليك و تحط عنيها وسط راسها و تلف حوالين نفسها #‏ماتتجوزهااش.
29 -لو مش بتعرف تقول حاجات بسيطة زى تسلم ايديكى و ربنا يخليكي ليا و تعبتك معايا و ماتحرمش منك و وحشتني #ماتتجوزهاش.
30 -لو شايف ان الكلام الحلو هيافة و تضيع وقت #ماتتجوزهاش.
31 -لو شايف ان دة واجبها تمسح و تكنس و تطبخ و تربي ..مبدأ بفلوسي يا كلاب #ماتتجوزهاش.
32 -لو هتكبتها و تطالبها انها تعيش دور مش دورها او حياة مش حياتها علشان ترضيك و تعجبك #ماتتجوزهاش.
33 -لو مش بتحبها زي ما هي و عايز تغير فيها حاجة ..اصبغي .لوني.خسي.اتخني.احفظي شعر.اتفرجي ع الماتش #ماتتجوزهاش.
34 -لو مش شايف فيها حنية و طيبة مامتك و شقاوة و رقة اختك #ماتتجوزهاش.
35 -لو بتهون عليك دموعها و مش فارق معاك تزعل تتفلق ..هو انا اصلا جيت جانبها او خليها تتربى شوية #ماتتجوزهاش.
36 -لو مش بتعشق ضحكتها #ماتتجوزهاش.
37 -لو مش هتشيلها ف نني عينك وتحافظ عليها وعلى كرامتها #ماتتجوزهاش.
38 -لو مش هتعزها و تصونها و تكرمها #ماتتجوزهاش.
39 -لو مش هتحتويها و تبقى الضهر و الأمان و السند #ماتتجوزهاش.
40 -لو مش هتعرف تملا عينها و تغنيها عن كل الناس #ماتتجوزهاش.
41 -لو مش هتبقى ابوها و اخوها و صاحبها #ماتتجوزهاش.
42 -لو مش هتعرف تتجنن و تضحك و تلعب معاها #ماتتجوزهاش.
43 -لو خوفتها منك # ماتتجوزهاش.
44 -لو مالاقيتش كل يوم سبب يخليك تحبها اكتر #ماتتجوزهاش.
45 -لو مش فاهم يعني ايه (قوامة) #ابوس_ايديك_ماتتجوزهاش.
46 -لو مش هتعاملها انها ...سكن #ماتتجوزهاش.
47 -لو مش عارف ان اهم من الحب..المودة و الرحمة #ما_تتجوزهاش.
48 -لو مش هتحبها و تحترمها #ماتتجوزهاش.
49 -لو مش فاهم التفسير الحقيقي لناقصات عقل و دين #ماتتجوزهاش.
50 -لو مش ناوي تشاركها نفسك #ماتتجوزهاش.
51 -لو مش حاسس انها حتة منك #ماتتجوزهاش.
52 -لو مش هتبقى آدمها #ماتتجوزهاش #ماتتجوزهاش ... و سيبها فى بيت اهلها #معززة#مكرمة و لما تعرف و تفهم ...ابقى #اتجوزها.

 

[أَمَة]

مشكلة الشباب انه يريد ان يتزوج من تمثال يصنعه لا من شخص يحبه
ومشكلة الشابات انها تريد الزواج بدون جوان او بنك متنقل
لا ينفع هذا او هذه
الزواج انسانة لانسان وانسان لانسانة
بشر
لهم مالهم وعليهم ماعليهم
نتكامل نتعاون نتشارك
لو علم كل منا هذه الحقيقة لاراح وارتاح
يارب افتح اعيننا لنرى قصدك فى الزواج ومنه
واهدى طالبيك لخيرهما
...
شكرا لك ع النصائح للمقبلين ع الزواج

 

[ElectericCurrent]

إيه ده كلو يا أختى العزيزة دا إنتى متعــــّــبـــــية ع الآخر ..

طيب الشئ بالشئ يذكر:

1] وإنتى لو مصممة ع طول انه يفضل روشدى أباظة أو كاظم الساهر يبقي متتجوزيهوشي أحسن .
2] ولو مصممة تستمرى فى مكالمات الست الوالدة لمدة 6 ساعات يومياًبكل وسائل التكنولوجيا المتاحة ...ثم تصممى ان تمضي يوم او اتنين و يا حبذا لو عطلة الاسبوع عند ماما يبقي متتجوزوهوشي احسن.
3] ولو مصممة ان تقارنيه بجميع ازواج اخواتك البنات وبنات خالاتك وبنات عماتك وبنات جيرانك من حيث اللبس والدخل والطول والعرض يبقي متتجوزوهوشي أحسن.
4] لو مصممة على حضور جميع ما جادت به القنوات الفضائية من مسلسلات عربية وتركية يومياً بدون ان تفقدى منها مشهداً واحدا وتراجعيهم بعد كده مع صاحباتك فى الفايبر يبقي ماتتجوزوهوشي احسن.
5] لو بتصممى أن تمضى أغلب وقتك امام الشيف حسن - يا جمالو يا تك كاته- وتفرضي حالة الطوارئ وحظر التجول وكمان قانون التظاهر وكمان اعلان دستورى لغاية الشيف حستن ما يخلص برنامجه يبقي ماتتجوزوهوشي احسن .
6] لو مصممة أن تبقي حياتك كلها فسح وحفلات ومقابلات فى النادى مع الشلة ومجاملات اجتماعية دقيقة ومعقدة ومتزمته بالكاف والنون - مع من جاملك فى مناسبات سارة او غير سارة - بتدقيق شديد يبقي متتجوزوهوشي احسن .

7] لو هانقضي حياتنا الزوجية ناكل فطائر جاهزة من المحلات وكشري من المطاعم لان سيادتك مامتك كانت بتخاف عليكى تعلمك الطبيخ يبقي متتجوزوهوشي أرحم.

8] لو كل زرار قميص يتخلع او بنطلون بيجاما محتاج أستك ها تخللى جوزك يروح للترزى لان سيادتك لا تعرفي كيف تنجزى هذه الاسعافات البسيطة يبقي ماتتجوزوهوشي ارحم .

9] لو فيه تفتيش على الدقن والشنب (طول شعر-حلاقة) يومياً زى الجيش .
وكمان لو بتتضايقي من صوت الغطيط مهما كان الزوج متعب وأمضي يوم عمل شاق يبقي ارحميه واعتقيه لوجه الله وإعفيه م الجوازة دى.


وفى الجعبة الكثير.

​

 

[عبود عبده عبود]

لو بتصممى أن تمضى أغلب وقتك امام الشيف حسن - يا جمالو يا تك كاته-
​

[FONT=&quot] ​

​

[FONT=&quot]ألا الشيف تكتكات وحركات دة ...[/FONT]​

[FONT=&quot]يامحترم ولا مقادير بيحطها صح ...دة انا مرة سمعت كلامه [/FONT]​

[FONT=&quot]وحبيت اعمل كحك ورا منه ...بالميزان والجرام أوكسيم بالله العظيم[/FONT]​

[FONT=&quot]افتح الفرن بعد تلت ساعة زى ما هو تنيل قال ...الاقى لك الكحك بقى[/FONT]​

[FONT=&quot]عبارة عن صينية عجينه مستطيلة متماسكة ومترابطة كوقفة رجلُ واحد [/FONT]​

[FONT=&quot]لا تمت لآى كحك بصلة[/FONT]​

[FONT=&quot]فى الآخر نزلت جبته جاهز ... قال الشيف حسن قال
[/FONT]​

[FONT=&quot]
[/FONT]​

[/FONT]

 

[grges monir]

[FONT=&quot]ألا الشيف تكتكات وحركات دة ...​

​

[FONT=&quot]يامحترم ولا مقادير بيحطها صح ...دة انا مرة سمعت كلامه ​

​

[FONT=&quot]وحبيت اعمل كحك ورا منه ...بالميزان والجرام أوكسيم بالله العظيم[/FONT]​

[FONT=&quot]افتح الفرن بعد تلت ساعة زى ما هو تنيل قال ...الاقى لك الكحك بقى[/FONT]​

[FONT=&quot]عبارة عن صينية عجينه مستطيلة متماسكة ومترابطة كوقفة رجلُ واحد [/FONT]​

[FONT=&quot]لا تمت لآى كحك بصلة[/FONT]​

[FONT=&quot]فى الآخر نزلت جبته جاهز ... قال الشيف حسن قال
[/FONT]
[FONT=&quot]
[/FONT]​

[/FONT]

:new6::new6::new6:
اتقى اللة يارجل
انت تعك وتبوظ سمعة الشيف:smil15::smil15:[/FONT]

 

[حبيب يسوع]

ايه يا ستى ده
قفلتى جميع ابواب الامل
شجعى الاولاد على الزواج واطلبى منهمةالتعاون والتفاهم
الربىيسعد الجميع