مبارك ليه سابهم ؟؟؟

[white.angel]

عندى سؤال مُلح ....
مبارك كان ساجن الاخوان والسلفيين كلهم فى المعتقلات ... ليه مقتلهمش وريحنا منهم زى ما العادلى كان مخلص على شباب البلد ؟؟؟

ليه كان سايبهم بالعشرين والتلاتين سنه ... واهم طلعوا ومطلعين عنينيا معاهم ... هو حد كان هيطلبهم لو كان قتلهم ؟؟​

 

[عبود عبده عبود]

مش مبارك بس
من قبل منه السادات
ومن قبل السادات عبد الناصر
والسلفيين مش هما اللى كانوا فى المعتقلات ...
دول جماعات الجهاد وتنظيمات دينية مختلفة
والعادلى ما كانش مخلص على شباب البلد ولا حاجة ...دى كانت أوامر أعتقال لبعض الناس
زى ما تقولى كدة بتبقى قرصة ودن
ثَبُت الآن أن قانون الطوارئ كان الأمثل لحياة البلطجة التى نعيشها الآن
لى عودة

 

[white.angel]

مش مبارك بس
من قبل منه السادات
ومن قبل السادات عبد الناصر

طيب وليه مبارك متعلمش من السادات وعبد الناصر
وخصوصا ان عارف تطلعات الاخوان وياما عبد الناصر حذر منهم ؟؟
​

والسلفيين مش هما اللى كانوا فى المعتقلات ...
دول جماعات الجهاد وتنظيمات دينية مختلفة

طيب والسلفيين كانوا فين ... انا مسمعتش المصطلح دة الا بعد الثوره ... وفين جماعات الجهاد ... ليه ملهمش نشاط واضح ... اللى حصل على سينا كان جماعات جهاديه تابعه لحماس يعنى مش ملهمش دعوه باللى فى مصر !!

والعادلى ما كانش مخلص على شباب البلد ولا حاجة ...دى كانت أوامر أعتقال لبعض الناس
زى ما تقولى كدة بتبقى قرصة ودن
ثَبُت الآن أن قانون الطوارئ كان الأمثل لحياة البلطجة التى نعيشها الآن
لى عودة

لا العادلى مكنش ملاك يا عبود .... شباب كتير كانت بتختفى ومحدش بيسمع عنها حاجة .... والشباب اللى كان بيتقبض عليهم تحرى وبيفضلوا يتعذبوا لحد الموت ...

قانون الطوارئ لا غبار عليه مع شعب همجى ....

بالانتظار
​

 

[حبيب يسوع]

لا تخف ربنا موجود

 

[soul & life]

السلفيين موجودين من قبل الثوره يا انجل لكن كانوا زى الفران اللى تخاف تطلع من جحورها متعرفش ترجعلها تانى !! فاهمانى يعنى هما كانوا عايشيين وسطنا لكن منهم اللى كان بعيد تماما عن الاضواء ومستخبى ومنهم اللى متواجد وعايش لكن معندهوش الجراْة اللى يطرح بيها معتقداته ويفرضها كمان على الناس ... اما بقا بالنسبه للعادلى وقانون الطوارىء صدقينى انا دلوات بقول ان فى فئه من الناس ومش كل الشعب فئه وللاسف تكاد تكون الاغلبيه همج ومبينفعش معاهم غير قانون الطوارىء وقبضة العادلى وامثاله زى ما نكون شعب ادمنا الذل والظلم شعب بقا بيجرى فى عروقه بدل الدم جهل وهمجيه وعنف وتشدد وتطرف فى كل شىء .. والدليل على كلامى شوفى كم حوادث الاغتصاب والتعدى والتحرش والسرقه بالاكراه والقتل بعد خلع حسنى مبارك وفك قبضة العادلى ... بعتقد كلنا بنعانى من الراجعيه والتخلف ولسه طول ما البلد مستعمره من اصحاب الدقون وتحت رعاية الحاج مرسى واهله وعشيرته مسيطرين على البلد هتلاقينا بنتراجع فى كل شىء الرئيس نفسه السيد الحاج مرسى هو اللى اطلق سراحهم من السجون بمجرد ما مسك الحكم هما مش اهل وعشيرته !!! هو نفسه كان معتقل قبل كده فطبيعى جدا البلد تتحول لبؤره من التطرف والتشدد وطبيعى جدا تستعمر ويحتلوها جماعة الاخوان والسلفيين .

 

[عبود عبده عبود]

لا العادلى مكنش ملاك يا عبود .... شباب كتير كانت بتختفى ومحدش بيسمع عنها حاجة .... والشباب اللى كان بيتقبض عليهم تحرى وبيفضلوا يتعذبوا لحد الموت ... ​

قانون الطوارئ لا غبار عليه مع شعب همجى ....​

بالانتظار ​

أنا قلت العادلى ملاك ؟؟؟؟!!!!!!!!!!
حكاية التعذيب فى السجون دى أختفت من زمان قوى
حوالى 20 سنة ...السبب بسيط يا وايت
إن الظابط بقى بيخاف على نفسه وعلى بيته بعد ما جماعات الجهاد أستهدفتهم فى بدايات التسعينات
وطبعا ياروح ما بعدك روح ...أشحال لما يوصل الأمر للتهديد فى بيوت الظباط ؟؟؟
ولما الحبل أترخرخ ...حصل هجوم الأقصر عام 1997
أينعم بيحصل ضرب واهانة ..بس مش لدرجة التعذيب يعنى
واللى بينضرب دول 99% منهم عيال ما تجيش غير بكدة
بيبقوا هجامين وبلطجية ...وحلال فيهم الضرب 100%

برضه مش معناه أن العادلى كان ملاك
لكن هى دى طبيعة وزير الداخلية ...اى وزير داخلية
عليه عبء حماية البلد ...وألا عاجبك البلطجة اللى بقينا فيها ؟
دلوقتى حاليا وانا باكلمك مجموعة من الألتراس محاوطين النادى الأهلى فى مدينة نصر !!!!!!!!!
قولى انتى بقى أأمن على بنتى أزاى تروح التمرين بتاعها فى النادى ؟؟؟

 

[النهيسى]

كل شيئ مكتوب ومحسوب جدا
ولو
أنتهى الشر لصعدنا الى السماء​