مافيش حاجة اسمها قسمة و نصيب.....

[Critic]

يالا كلوا قسمة و نصيب....
اهو مكتوب لى كدة....

دايما بنسمع الكلام ده بعد انتهاء اى علاقة...
الانسان بيبرر الفشل فى اى علاقة او اى حاجة ان ربنا عايز كدة...

بيحاول يدارى على اخطاء التسرع و انه محسبهاش صح بأن ده مكتوب و دى ارادة ربنا...

مع احترامى الشديد لمن يعتقد ذلك... ده مش صح خااااااااااااالص

ربنا خلقنا مخيرين مش مسيريين.... ومش هيجبرك على حاجة ابدا

ربنا مش هيخترلى شريكة حياتى بس عارف انا هختار مين وعارف مين الانسب و لو صليتلوا هيكشفلى مين الانسب ليا بس بردوا مش هيجبرنى انى اختارها...

مش كاتبلى انى اخد شخص معين...

يعنى بكل بساطة ممكن ربنا يكشفلى ان الشخصية دى متنفعليش بشكل او بأخر و اصر انى اختارها ...ليه...لان انت مخير

مافيش حاجة اسمها قسمة و نصيب خااااالص

فى حاجة اسمها ربنا عارف فى النهاية انت (و ركز على كلمة انت) اللى هتختار مين

يبقى لما اختار غلط ماجيش احمل ربنا الذنب و اقولوا :
ليه يا رب سيبتنى اختار غلط ...
ليه و ليه و ليه ... و نحمل ربنا الذنب
ليه يا رب دخلتنى فى العلاقة الفاشلة ...

و كأن ربنا مادكش عقل تفكر بيه و تحسبها صح و تقرر بنفسك و بفكرك الحر ايه الانسب ليك...

انا بعتبر القسمة و النصيب ده شماعة بنعلق عليها اخطاءنا و نبررها لنفسنا !!!


بس الحلو انك مهما غلط و حتى لو دخلت حاجة فاشلة لو صليت ربنا هيبارك فيها و هيخليها ناجحة و سبب خلاص ليك...
يسوع يخلق من الفشل نجااااح حتى لو الموضوع فاشل بكل المقاييس....
حتى لو اخترت طريق غلط...بالصلاة و الايمان و محبة ربنا ليك هيخليه ده الطريق المناسب لانه بيحبك


هو ده رأيى الشخصى

و على المعترض ان يعرض رأيه و الاختلاف فى الرأى لا يفسد للود قضية......



هل تؤمن بالقسمة و النصيب و المكتوب ؟
نعم_لا......ولماذا ؟

شكرا تعتبتكم معايا

 

[ABOTARBO]

(بس الحلو انك مهما غلط و حتى لو دخلت حاجة فاشلة لو صليت ربنا هيبارك فيها و هيخليها ناجحة و سبب خلاص ليك...
يسوع يخلق من الفشل نجااااح حتى لو الموضوع فاشل بكل المقاييس....
حتى لو اخترت طريق غلط...بالصلاة و الايمان و محبة ربنا ليك هيخليه ده الطريق المناسب لانه بيحبك)

معقوووووووووولة دى؟؟؟
إزاااااااااااااااى؟؟؟؟؟؟!!!!!
​

 

[Critic]

معقوووووووووولة دى؟؟؟
إزاااااااااااااااى؟؟؟؟؟؟!!!!!

​

اولا ميرسى لمرورك
ثانيا
اه معقولة
ليه مستغربها اوى كدة

اديلك مثل
عمرك ما شفت حد اتسرع فى الجواز و الرجل مثلا طلع وحش جدا و كان قارف الست و بيعذبها
طبعا انت فى حالة ذى دى هتقول بس بقيت الحياة دمار

لا على العكس لو طلبت ربنا هيحولها نجاح
الصلاة و يسوع يعملوا المعجزات

اقرب مثل
فى قصة حياة ام الغلابة
جوزها كان بيعذبها و بيبصق عليها و ميخليهاش تصوم و كان وحش جدا
الصلاة عملت ايه
قالت لربنا مش هدخل السما من غيره و كانت سبب لخلاصه و الرجل تاب فعلا على اديها بسبب ايمانها و نال الخلاص

​

هى دى الفكرة​

​

​

 

[tota bent elmaseh]

لا انا لا اؤمن بشىء اسمه قسمه ونصيب
اننى معاك يا اخى فى نفس رايك ومن زمان وانا بقول كدا
وكنت سمعت من مده طويله عظه لقداسة البابا وبيقول فيها نفس الكلام وقال ماينفعش نقول على كل زواجه _الزوجه الصالحه ميراث من الرب )اه ماشى بس لو طلعت مش صالحه برضوا نقول من الرب لا ماينفعش ربنا عمره مايدينا حاجه تتعبنا والزواج دا من اختيار البشر لان البشر مخير
وانا من رأيى ان ربنا ارادته طبعا فوق كل شىء وممكن انه يمهدلنا الطريق نحو شخص معينه ونحن نكمل لان ربنا ممكن يكون شايف لحد فينا شريك مناسب جدا واحنا عيوننا تنعمى عنه ونختار غيره وممكن نضيع من ايدينا من سيريحنا فى المستقبل وصدقونى قوة الصلاه هى اللى هاتساعدنا فى الاختيار السليم الذى يرضى الله ويكلل حياتنا بالفرح والسلام الداخلى مع المسيح

 

[ABOTARBO]

صح....بس هقول لحضرتك حاجة
فى ناس تقول حتى لو حصل دة ربنا كان بعلمه السابق عارف ان الانسان هيختار دة...يبقى ربنا كان عارف يبقى اذن ربنا قاسم له الطريق دة!!!!!!!!!!!!!
​

 

[ميرنا]

هل تؤمن بالقسمة و النصيب و المكتوب ؟
نعم_لا......ولماذا ؟

لا مش بؤمن بيها القسمة والنصيب لانى فعلا ربنا خلقنا مخيرين مش مصيرين حتى لو كنت صليت كتير ودخلت فى تجربة وفشلت انا الكسبانة فى كل الحالات لانى اولا ربنا كان عاوز يعلمنى حاجة ثانيا بيبقى فى تعزية رهيبة انا لما فكيت اصحاب ليا قلولى انا لو مكانك كان زمانى مدمرة ومطلعش ولا اشوف حد ولا انزل ولا اسمع كلام من حد انا تانى يوم الفك كنت فى الخدمة هما قالو كدا لانى الفترة مش صغيرة يعنى لانها 5 شهور وفى اخر فكيت انا اتعلمت منكرش واتعلمت اكتر ازاى اسمع صوت ربنا بندور على صوت ربنا فى اماكن كتير فى دير فى كلمة من ابونا فى الانجيل معانى صوت ربنا بيبقى جوانا يسمحنى ربنا مهما سئلت ناس عمالقة فى الاخر الصوت بيبقى جواك انا اتعلمت كتير ب احيانا ربنا بيحطنا ف مواقف عشان يعلمنا يشد ودانا انا شد ودانى بصراحة بس بحبه جداا حاسة انى بتعامل مع اب وصاحب وصديق جميل اوى لما تدخل فى علاقة حب معاه وتفهمه

 

[tota bent elmaseh]

اخى ربنا موجود
تسمحلى اقولك ان علم العالم ليس سببا فى فعل الفاعل بل فعل الفاعل كان سببا فى علم العالم
بمعنى ان ربنا عالم بكل حاجه من البدء لكن تارك لنا الحريه وعارف احنا هانعمل ايه ولو تتذكر قصه ادم والفداء ستتحقق من ذلك ادم اخطأ ومن قبل ان يخطى كان الله يعلم ذلك ومع ذلك ترك ربنا لأدم الحريه فى ان يكون بلا خطيه او ان يخطى

 

[Critic]

عارف ان الانسان هيختار دة...يبقى ربنا كان عارف يبقى اذن ربنا قاسم له الطريق دة!!!!!!!!!!!!!

لا فى فرق كبير بين عارف و قاسم
عارف : لانه عارف كل حاجة
قاسم : يعنى اختارهالك و ده مش صح

عارف ليه
لو ربنا اختارلك مثلا بيت معينة انت اللى تتجوزها و فشلت العلاقة يبقى ليك حق تعاتب ربنا و تقولوا انت اللى اخترتهالى مش انا و لو وصل الامر الشر برا و بعيد انها تكون سبب لعدم خلاصك ربنا مش هيقدر يحاسبك لان هو اللى اخترهالك يبقى انت مش مخير !!!!
و ده مينفعش
عارف انت هتختار ايه بس مش هو اللى اختارلك..

 

[Critic]

انا لا اؤمن بشىء اسمه قسمه ونصيب
اننى معاك يا اخى فى نفس رايك ومن زمان وانا بقول كدا
وكنت سمعت من مده طويله عظه لقداسة البابا وبيقول فيها نفس الكلام وقال ماينفعش نقول على كل زواجه _الزوجه الصالحه ميراث من الرب )اه ماشى بس لو طلعت مش صالحه برضوا نقول من الرب لا ماينفعش ربنا عمره مايدينا حاجه تتعبنا والزواج دا من اختيار البشر لان البشر مخير

ميرسى على المرور الجميل
انا حتى قبل ما اسمع عظة قداسة البابا كنت مؤمن بالفكرة دى و جه كلام البابا اكدلى الفكرة

وانا من رأيى ان ربنا ارادته طبعا فوق كل شىء وممكن انه يمهدلنا الطريق نحو شخص معينه ونحن نكمل لان ربنا ممكن يكون شايف لحد فينا شريك مناسب جدا واحنا عيوننا تنعمى عنه ونختار غيره وممكن نضيع من ايدينا من سيريحنا فى المستقبل وصدقونى قوة الصلاه هى اللى هاتساعدنا فى الاختيار السليم الذى يرضى الله ويكلل حياتنا بالفرح والسلام الداخلى مع المسيح

احييكى على الكلام ده صح جدا جدا

 

[Critic]

لا مش بؤمن بيها القسمة والنصيب لانى فعلا ربنا خلقنا مخيرين مش مصيرين حتى لو كنت صليت كتير ودخلت فى تجربة وفشلت انا الكسبانة فى كل الحالات لانى اولا ربنا كان عاوز يعلمنى حاجة ثانيا بيبقى فى تعزية رهيبة

شكرا على دخولك الجميل
كلامك اكثر من رائع

فى تعزية رهيبة انا لما فكيت اصحاب ليا قلولى انا لو مكانك كان زمانى مدمرة ومطلعش ولا اشوف حد ولا انزل ولا اسمع كلام من حد انا تانى يوم الفك كنت فى الخدمة هما قالو كدا لانى الفترة مش صغيرة يعنى لانها 5 شهور وفى اخر فكيت انا اتعلمت منكرش واتعلمت اكتر ازاى اسمع صوت ربنا بندور على صوت ربنا فى اماكن كتير فى دير فى كلمة من ابونا فى الانجيل معانى صوت ربنا بيبقى جوانا يسمحنى ربنا مهما سئلت ناس عمالقة فى الاخر الصوت بيبقى جواك انا اتعلمت كتير ب احيانا ربنا بيحطنا ف مواقف عشان يعلمنا يشد ودانا انا شد ودانى بصراحة بس بحبه جداا حاسة انى بتعامل مع اب وصاحب وصديق جميل اوى لما تدخل فى علاقة حب معاه وتفهمه

فعلا معاكى حق الكلام ده حلو قوى
هو ده الصح ياريت كلنا زيك صليلنا بقى

 

[ABOTARBO]

هتخلينى أسال وأنا أعرف منين دة إذا كان دة أختيار ربنا ولا لا

 

[Critic]

هتخلينى أسال وأنا أعرف منين دة إذا كان دة أختيار ربنا ولا لا

الصلاة
لو ربنا اداك راحة نفسية تجاه موضوع معين بعد الصلاة طول الوقت يبقى ده اختيار ربنا
و لو صليت و ربنا وقفلك عقبات فى طريقك من اى جهة اعرف ان ربنا بيقولك انه مش شليفلك خير فى الموضوع ده

 

[ABOTARBO]

الصلاة
لو ربنا اداك راحة نفسية تجاه موضوع معين بعد الصلاة طول الوقت يبقى ده اختيار ربنا
و لو صليت و ربنا وقفلك عقبات فى طريقك من اى جهة اعرف ان ربنا بيقولك انه مش شليفلك خير فى الموضوع ده

معلش بس دى مش قاعدة......فى ناس الدنيا بتكون مقفلة وبعد فترة بيرجعوا وتكون مشيئة ربنا...
وكمان حتة الأرتياح دى مش ممكن عدو الخير يستغلها ويخلى الأنسان يحس برتياح علشان الأنسان نفسه بيحب الحاجة دى وعايزها
أشكرك أستاذى

 

[Critic]

معلش بس دى مش قاعدة......فى ناس الدنيا بتكون مقفلة وبعد فترة بيرجعوا وتكون مشيئة ربنا...

عادى و ايه المشكلة انت مخير بردو....فكر و شوف ايه المناسب و صلى و اعمل اللى شايفه الانسب ليك

وكمان حتة الأرتياح دى مش ممكن عدو الخير يستغلها ويخلى الأنسان يحس برتياح علشان الأنسان نفسه بيحب الحاجة دى وعايزها

عندك حق بس لو انت بعيد عن ربنا هيستغلك الشيطان
لكن لو انت صليت بجد ربنا هيبينلك فعلا الموضوع ده مريح ولا لا و ده مش فى يوم و ليلة ده انت ممكن مثلا تفضل اسبوع مش مستريح نفسيا لموضوع معين يبقى طالما مش قادر تستريح اعرف ان الموضوع مش من عند ربنا ...........و مع ذلك انت مخير تقدر تستمر فيه...............و شوف اب اعرافك كمان و الخبرات الاكبر منك ساعات ربنا كتير بيبعت كلامه على لسان اى حد....و انت بردو و اختيارك يا تقبل الكلام يا متقبلوش.............فى النهاية الحياة كلها اختيارك و انت بتطلب من ربنا يكشفلك ايه المناسب علشان انت اللى تختار بردو

أشكرك أستاذى

ارجوك احنا اخوات خليها اخويا احسن

المسيح يباركك

 

[ABOTARBO]

طيب أفرض كلام أب الأعتراف متناقض مع كلام خبرات الاكبر منى؟؟؟؟؟؟؟؟

 

[ABOTARBO]

لا أقصد أن أجادل أستاذى ولكن حضرتك لو تحدثت فى هذا الموضوع فى اجتماع الشباب والشابات سوف تتلقى الكثير والكثير من اللآراء والأفكار
شكرآآآآآآ أستاذى
موضوع رااااااااااااائع
الرب يبارك خدمتكم
آمين فى أسم المسيح

 

[Critic]

طيب أفرض كلام أب الأعتراف متناقض مع كلام خبرات الاكبر منى؟؟؟؟؟؟؟؟

ساعتها انت توزن و تسأل اكتر و تشوف انهى مقنع اكتر
الرب مسيح يبارك حياتك

 

[بنت موسى الاسود]

ربنا خلقنا مخيرين مش مسيريين.... ومش هيجبرك على حاجة ابدا


الموضوع حلو اخر حاجه ربنا يباركك

 

[Critic]

ربنا خلقنا مخيرين مش مسيريين.... ومش هيجبرك على حاجة ابدا


الموضوع حلو اخر حاجه ربنا يباركك

الاحلى هو مرورك الجميل
شكرا ليكى

 

[ضحكة طفل]

يارب سلام
انا لا اؤمن بالقسمه والنصيب
بس بامن بارادة ربنا وبالذات في موضوع الجواز لان من جمعه الله لايفرقه انسان
ان الجواز فشل ده مش معناه ان اختياري غلط او ان ربنا وافق وجمع غلط
لا
لازم اعرف وادور علي سبب الفشل واعلجه مش استسلم واقعد ابكي
اكيد ربنا عايز يوصل للطرفين حاجه وابقي واثق في ارادة ربنا
سلام المسيح مع الجميع