كلامك مظبوط بس بتتقاس بالماديات يعني البنت لما بتتجوز بتبص على الخروج والفسح وتقول للراجل انت لازم تضحي شوية لازم نخرج ونتفسح الصح صح والغلط غلط لكل ام علمت بنتها ان الراجل مش مجرد يجيب فلوس وخلاص او لازم يخرجها ويفسحا ويجبلها اغلى هدية عشان يثبت انه بيحبها ولو معملش كده تقول امها اكيد هو بيعرف عليكي ستات للاسف احنا افتقدنا معنى ومفهوم الحب من جوه يعني مش لازم اجيب فستان عشان ابين اني بحب مراتي ممكن تكون لو وردة الوردة دي لو ام البنت علمتها ان دي اغلى وارق واجمل من هدايا كتير صدقوني هتفرق للاسف احنا بنبص على كلام فاضي يعني تلاقي واحدة صاحبتها جوزها جبلها خاتم سوليتير لو البنت شبعنا من كلام ربنا مش هتبص ولا هتغير من صاحبتها وطريقة تعامل جوز صاحبتها بالرغم من ان جوزها صحيح ممكن مش بيجيب هدايا كتيرة او غاليا لكن ممكن يكون زوج متعاون في البيت او يكون بيجيب هدايا بسيطة او ممكن مش بيزعلها ويضربها زي رجالة تانية كل ده بتكون نعمة بس عشان التربية من الاساس مبنية على الحب المبني على الضمان ضمان انه بيحبني وعاوزني يجيب هدية غالية او اكتشفت ان حصلت تغيير في زوجها وعلى طول امها تقول اكيد بيعرف بنات عليكي
لا صدقني انا ام البنت وبقولك معلمتش بنتي ولا ربتها كدة هههههههههه
بس انا معاك بردو اكيد فية امهات ربت بناتها خطأ ، وفية بردو بنات من طبعهم الانانية
بس كله بيبان في فترة الخطوبة
المهم
بردو مش عايزين ننسي ان معظم الشباب انانيين ومش مقدرين مسئولية فتح بيت واسرة واولاد ، كل اهتمامهم بعد الزواج بيكون لذاتهم و راحتهم دون التفكير في راحة الزوجة متناسيين الكلمة الحلوة اللي بتدوب المشاكل وتحلي الصعاب
وايضا مشاركة الزوجة في اعمال المنزل ، من الاشياء الي بينساها الزوج اعتقاد خطأ منه ان مسئولية المنزل من شئون الزوجة فقط ، رغم ان الزوجة عندها الاستعداد لمساعدة الزوج في توفير الماديات دون ان تفرض عليه المسئولية المادية
عشان كدة بقول تضحية الزوجة من اجل الزوج و العمل علي راحته ده هيكون افضل لو الزوج ضحي هو الآخر