ليه مش بنحب لما بنتحب ؟

[marcelino]

ليه دايما لما حد يحبنا مش بنحبه على طول او مش بنحبه خالص؟


ليه صاحب المبارده الاولى دايما بيتظلم ؟

ليه لما يجيلك حد يقولك بحبك .. تبصله كده وتفكر وتتردد مع انه ممكن يكون حد كويس

مش فيه اى عيب .. بس بردو بيترفض

يمكن علشان ممكن تحس انه اتفرض عليك ؟

يمكن انت عايز حد احسن ؟

طبعا بغض النظر عن صاحب المبادره الاولى سواء بنت او ولد

ليه انت ممكن متقبلش كلمه بحبك من حد انت مكنتش حاطه فى حسبانك

طب ايه افضل رد ممكن فى حاله زى كده

طيب ليه اصلا متحبش اللى جه لحد عندك وقالك بحبك

طب حبه لوحده كافى لأستمرار الحياة؟

طيب انا كمان عايز احب عايز اجرب الشعور الجميل ده

ليه اتحب بس ؟؟ ايه ذنبى يعنى انه حبنى طيب ما انا من حقى احب

كتير بيفتكروا ان الحب من طرف واحد ان اللى الطرف اللى بيحب هو الوحيد اللى بيتعذب !

لكن لا اللى بيتحب ومش قادر يقدم حاجه للى بيحبه بيتعب اكتر منه

لانه بيقف عاجز !

ولا قادر يبعد عنه ولا يخسره كصديق

ولا قادر يحبه حب ارتباط ويبقى ليه كحبيب

طيب ايه الحل

احنا كده بنخسر ناس كتير كنا محتاجينهم كأصدقاء

اشخاص نحبهم محتاجين وجودهم كأصدقاء وليس كأحباء

ملحوظه مهمه للى مش يعرفها يعنى :

ماينفعش حد يكون بيحبك وتيجى تقوله احنا اخوات او اصحاب

انسى خالص انه يتعامل على الاساس ده

اللى بيحبك عايز يعاملك كحبيب

ومش هايرضى بمستوى اقل من كده

لازم تبعد ..
​

 

[ارووجة]

الحق عليه لازم قبل مايقول بحبك لاي شخص لازم يلمحلو من افعاله وتصرفاته ويقربه منه مش خبط لزئ تقول بحبك
بظن ازا لملحلو وحاول يعرف ايه هو بالنسبة ليها كمان من حركات الشخص المقابل وتصرفاته يعرف ازا هالشخص ممكن يبادله نفس الشعور...

بعدين الحب من طرف واحد هو مش حب....بيكون اعجاب مش اكتر

شكرا عالموضوع الحلو

 

[sparrow]

ليه دايما لما حد يحبنا مش بنحبه على طول او مش بنحبه خالص؟
علشان الحب دا مشاعر واحاسيس مش فروض اي حد يحبني احبه

ليه صاحب المبارده الاولى دايما بيتظلم ؟
المفروض سوا ولد او بنت ميبادرش بالحب غير لما يعمل تصرفات معينة تبين موقف الطرف التاني

ليه لما يجيلك حد يقولك بحبك .. تبصله كده وتفكر وتتردد مع انه ممكن يكون حد كويس
في ناس كتير كويسه مش معني كدة اني هتجوزهم كلهم لازم المشاعر تتحرك والعقل بردة يفكر

مش فيه اى عيب .. بس بردو بيترفض

يمكن علشان ممكن تحس انه اتفرض عليك ؟
لا متهيلي دا كلام مش مظبوط

يمكن انت عايز حد احسن ؟
كل واحد ليه مواصفات معينه واكيد مش سهل نلاقي دا

طبعا بغض النظر عن صاحب المبادره الاولى سواء بنت او ولد

ليه انت ممكن متقبلش كلمه بحبك من حد انت مكنتش حاطه فى حسبانك
انت جوبت لانك مش حطة في حسابك طالما كان قدامك وانت محطتوش في حسابك يبقي مفهوش مواصفاتك او محستهوش
طب ايه افضل رد ممكن فى حاله زى كده
لازم يكون رد ظريف مش محرج ولازم الانسحاب من حياه هذا الشخص فورا
طيب ليه اصلا متحبش اللى جه لحد عندك وقالك بحبك
نفس الاجابه لان الحب مشاعر واحاسيس مش فروض
طب حبه لوحده كافى لأستمرار الحياة؟
لاء طبعا لازم مع الحب يكون العقل شغال لان لو في انسان حبيته طلع في مواصفات سئيه اكيد مع مرور الوقت الحب دا هيقف وممكن يتقلب لكراهيه
طيب انا كمان عايز احب عايز اجرب الشعور الجميل ده
ربنا يبعتلك لكل شئ تحت السماء وقت

ليه اتحب بس ؟؟ ايه ذنبى يعنى انه حبنى طيب ما انا من حقى احب
من حقك طبعا بس كل حاجة في وقتها

كتير بيفتكروا ان الحب من طرف واحد ان اللى الطرف اللى بيحب هو الوحيد اللى بيتعذب !

لكن لا اللى بيتحب ومش قادر يقدم حاجه للى بيحبه بيتعب اكتر منه
بص اصلا هو الحب من طرف واحد دا مصطلح غلط ومينفعش نقول ان دا حب لانها علاقه من طرف واحد مش من طرفين وبالتالي علاقة غير مكتمله والشخص الي بيقع في حاجة زي كده غالبا بيبقي شخص محتاج للحب عنده فراغ او خارج من علاقه فاشله يعني حجات زي كدة

لانه بيقف عاجز !

ولا قادر يبعد عنه ولا يخسره كصديق

ولا قادر يحبه حب ارتباط ويبقى ليه كحبيب

طيب ايه الحل

احنا كده بنخسر ناس كتير كنا محتاجينهم كأصدقاء
مش كتير اوووي يعني متلا مش كل اسبوع واحد هيحبني انا مش هبدله نفس الشعور
اشخاص نحبهم محتاجين وجودهم كأصدقاء وليس كأحباء
طالما طرف اتقلب معاه الموضوع لحب معلش بقي ربنا يعوض علي الصداقة دي

ملحوظه مهمه للى مش يعرفها يعنى :

ماينفعش حد يكون بيحبك وتيجى تقوله احنا اخوات او اصحاب

انسى خالص انه يتعامل على الاساس ده

اللى بيحبك عايز يعاملك كحبيب

ومش هايرضى بمستوى اقل من كده

لازم تبعد ..
​

لما يحصل موقف زي دا لازم الانسحاب فورا من حياه هذا الشخص وموضوع اننا نبقي اصدقاء دا مخدر بنسكن بيه الم الحب

 

[zama]

كتير بيفتكروا ان الحب من طرف واحد ان اللى الطرف اللى بيحب هو الوحيد اللى بيتعذب !

لكن لا اللى بيتحب ومش قادر يقدم حاجه للى بيحبه بيتعب اكتر منه

يتعذب دا لو من فئة البشر الحساسين ..

==

أسمحلى أقولك ع حاجة يا مارسلينو

مجتمعنا الشرقى هنا له تقاليده و أعرافه اللى بحترمها لكن فى عيب إن الأحبة لو فقدوا حبهم

بتبئا علاقتهم فوق صفيح ساخن (( كراهية )) ..

منطقياً كدا أنا ماقدرت أحصل على 100 % من العلاقة (( فى صورة حب ))

المنطق بأحكامه بيقول أنى أفوز بنسبة و لو 20% (( فى صورة صداقة )) ..

لييييييييييه الصداقة ما بتنفع ؟؟

مش لأن الصداق ليست الحل الأمثل فى تلك الموقف لالالالالالالالالالالالالالالالالا ،

لأن مجتمعنا بيرفض الصداقة بين الولد و البنت و بالتالى أحنا مش بنتقبل الوضع ..

==

تأمل الموضوع كدا هتلاقيه ينفع لو أحنا بمجتمع تااااااااااااانى ..

(( لكل مجتمع مزاياه و سلبياته )) ..

==

أشكرك جداً جداً جداً يا مارسلينو لأن موضوعك بسيط الطرح و قوى الرسالة و من ثنايا قلبك فعلاً ..

دا أحساس حد مجروح فعلاً ..

 

[بنت فبساوية]

طيب لية تحجر على احساسك وتقيدة وتقول ان اللى قاللك بحبك مينفعش يكون حبيب وانت اية اللى أكدلك كدة مش يمكن لو فكرت فى الموضوع شوية تلاقى انك ممكن تحبة فعلا وخصوصا انك حاسس انة بيحبك علشان كدة حبة ليك ممكن يكون سبب يخليك تحبة والأسهل بالنسبة ليك هو انك تحب حد بيحبك مش انك تحب حد وتحاول تحببة فيك.
اجابتى: اوعى تتسرع فى الرد على شخص بيصارحك بحبة علشان مترجعش تندم بعد كدة انك ضيعت حد كان بيحبك بجد وجريت ورا سراب....

 

[Alexander.t]

هتابع الموضوع ده يمعلم بس من غير ما هكتب تعليق على الموضوع نفسه للأسف
​

 

[marcelino]

بعدين الحب من طرف واحد هو مش حب....بيكون اعجاب مش اكتر

ممكن

دى وجهه نظر بردو

بس مش كله للاسف بيقف عند الاعجاب وبس

ثانكس مشاركتك
​

 

[marcelino]

لما يحصل موقف زي دا لازم الانسحاب فورا من حياه هذا الشخص وموضوع اننا نبقي اصدقاء دا مخدر بنسكن بيه الم الحب

ثانكس على رايك المطول

عجبنى جدا
​

 

[Critic]

موضوع حلو اوى
مش محتاج رد
هو جواه ابعاد كتير و اجابات جوا الاسئلة و اسئلة جوا الاجابات
متابع و لو ليا رد هكتبه ....

 

[lovely dove]

بص يامارس في تعبير سمعته من كذا حد قبل كده
ان الانسان دايما يحب اللي بيوجعه لكن اللي يحبك بجد مبيبقاش عندك استعداد تحبه او تفكر حتي انك تحبه ليه معرفش
بس اعتقد انك المفروض تدي نفسك فرصه انك تحبه
لو معرفتش يبقي البعد احسن
لكن تقول اصدقاء وكده مينفعش يبقي بتضحك علي نفسك قبل اي حد
لان اللي فكر فيك كحبيب صعب يفكر فيك كصديق
ويشوفك مع حد تاني بعد كده مثلا ده رأي
​

 

[Coptic MarMar]

مممم ..
أنا رأيى مينفعش وصعبة أوى كمان ان شخص يعترف بحبه للطرف الأخر
من قبل مايعرف مشاعره تجاه دى غلطة
المفروض يحسسه بأعجابه وأهتمامه ثم حبه ويتأكد كمان ان مفيش
حب من طرف تالت فى الموضوع هههههه يعنى مرتبط ولا
بدال ما يحرج نفسه ويحرج الطرف التانى معاه لان كتير الطرف التانى بيصعب عليه
ااااااااايه دنيا وكلنا لها بقى هههههه
شكرا يا مارسووو ​

 

[Coptic MarMar]

موضوع حلو اوى
مش محتاج رد
هو جواه ابعاد كتير و اجابات جوا الاسئلة و اسئلة جوا الاجابات
متابع و لو ليا رد هكتبه ....

عرووووستى :t9:
هههههههه​

 

[MIKEL MIK]

ان الانسان دايما يحب اللي بيوجعه لكن اللي يحبك بجد مبيبقاش عندك استعداد تحبه او تفكر حتي انك تحبه ليه معرفش
​

عجبني جدا رايك دووف
خصوصا الجمله دي
بس نفسي اعرف ليه​

 

[marcelino]

يتعذب دا لو من فئة البشر الحساسين ..

اهو الكلمتين دول من الاخر فعلا الحساسيه بتلعب دور جاااااااااااامد فى المواضيع دى


دا أحساس حد مجروح فعلاً ..

مش مجروح صدقنى ولا حاجه

بس عانيت من الموضوع جامد
​

 

[marcelino]

طيب لية تحجر على احساسك وتقيدة وتقول ان اللى قاللك بحبك مينفعش يكون حبيب وانت اية اللى أكدلك كدة مش يمكن لو فكرت فى الموضوع شوية تلاقى انك ممكن تحبة فعلا وخصوصا انك حاسس انة بيحبك علشان كدة حبة ليك ممكن يكون سبب يخليك تحبة والأسهل بالنسبة ليك هو انك تحب حد بيحبك مش انك تحب حد وتحاول تحببة فيك.
اجابتى: اوعى تتسرع فى الرد على شخص بيصارحك بحبة علشان مترجعش تندم بعد كدة انك ضيعت حد كان بيحبك بجد وجريت ورا سراب....

لا مافيش (من وجهه نظرى) الكلام ده

اعتقد ان علاقه من النوع ده بتنجح بنسبه 1%

ومتسأليش ليه لانى مش عارف

طيب ان االموضوع حصل معايا كتير

مندمتش ولا مره لحد دلوقتى !!
​

 

[marcelino]

​

هتابع الموضوع ده يمعلم بس من غير ما هكتب تعليق على الموضوع نفسه للأسف

​

ولا يهمك يا مان

الموضوع موضوعك
​

 

[marcelino]

موضوع حلو اوى
مش محتاج رد
هو جواه ابعاد كتير و اجابات جوا الاسئلة و اسئلة جوا الاجابات
متابع و لو ليا رد هكتبه ....

ماشى يا معلم

لو عندك اى حاجه اكتبها بردو
​

 

[$CinDrellA $]

ليه مش بنحب لما بنتحب ؟

لانك لو كنت عايز تحب الشخص دة
مكنتش هتستنى انه يحبك الاول ويجى يصارحك

ثانكس مارو
ومتابعة باقى الاراء​

 

[marcelino]

بص يامارس في تعبير سمعته من كذا حد قبل كده
ان الانسان دايما يحب اللي بيوجعه لكن اللي يحبك بجد مبيبقاش عندك استعداد تحبه او تفكر حتي انك تحبه ليه معرفش
بس اعتقد انك المفروض تدي نفسك فرصه انك تحبه
لو معرفتش يبقي البعد احسن
لكن تقول اصدقاء وكده مينفعش يبقي بتضحك علي نفسك قبل اي حد
لان اللي فكر فيك كحبيب صعب يفكر فيك كصديق
ويشوفك مع حد تاني بعد كده مثلا ده رأي
​

ده انتى بتكبرى اللغز :t9:
​

 

[marcelino]

مممم ..
أنا رأيى مينفعش وصعبة أوى كمان ان شخص يعترف بحبه للطرف الأخر
من قبل مايعرف مشاعره تجاه دى غلطة
المفروض يحسسه بأعجابه وأهتمامه ثم حبه ويتأكد كمان ان مفيش
حب من طرف تالت فى الموضوع هههههه يعنى مرتبط ولا
بدال ما يحرج نفسه ويحرج الطرف التانى معاه لان كتير الطرف التانى بيصعب عليه
ااااااااايه دنيا وكلنا لها بقى هههههه
شكرا يا مارسووو ​

وجهه نظر بردو

بس فى ناس متسرعه كتير ممكن مش تستنى وتصرح بحبها

خصوصا لو اللى قدامهم عامل عبده العبيط هههههه
​